السلام عليكم
اذا كان بخصوص يااااسر ما يبيله وقفه من الجماهير ولا شي الي يبيله يجرب يقعد بالاحتياط
هو صحيح انخفض مستواه بس الجمهور معاه مو مع الهلال اذا تبوون مصلحة الهلال
خلوه يجرب مرارة الاحتياط

ياحبيبي لاتربط ياسر بالتايب ,, ياسر قبل لايجي طارق كان هداف ولاعب متمكن ..

ولكن الحاصل ان ياسر تأثر نفسيا خصوصا بعد قضية الاستراحه .. وكذلك دخل في ثقة مفرطه انه اساسي مهما كان

لو تلاحظ اهداف ياسر هالموسم 18 في جميع البطولات ..

وعيسى 10 مع انه احتياط ولكن في مشاركاته يسجل هدف , هذا يدل انه في اوجه عطاءه ,, ليش مايكون أساسي .. بالله عليك هذا مو ظلم ؟؟


نتمنى ان يرجع ياسر ولكن صدقني ماراح يرجع الا بعد الجلوس على الدكه

إقتباس الرسالة الأصلية كتبت بواسطة مخاوي السامر الله عليك والله كلام منطقي كل خط الوسط يبي يصير هداف الشلهوب من سنتين ماشفنا كوره. انت وضميرك ولي فقط عرضيات قويه وسريعه الفريدي محتاس مابين المحور وصناعه الاهداف فعلا عقب ماغاب طارق ونيفز وجانا المدرب المفلس كالدريون حتي عيسي الهداف في الوحده مايسجل الا بالحسره الجيزاني الهداف في الحزم مايسجل ال بخطأ من الدفاع. رجعو صنع الاهداف زي طارق التايب اللي صار العنبر هداف معه وساعتها يرجع ياسر الكاسر ويرجع عيسي وحتي العنبر يصير هداف

اي والله يالبيه ياطارق خل العنبر هداف في اربع مباريات

إقتباس الرسالة الأصلية كتبت بواسطة ابو عدي الحربي اجيبها لكم من الاخير بدون مااذكر مميزات ياسر ياااااااااااااااااسر خط احمرررررررررررررررر

الهلال ليس لديه لاعب خط احمر


الهلال يبي اللاعب الي يفيده وحاليا ياسر مو قادر يقدم للهلال شي الافضل الاعتماد على المحياني ومهاجم اجنبي بجانبه وياسر احتياط لهم

إقتباس ياحبيبي لاتربط ياسر بالتايب ,, ياسر قبل لايجي طارق كان هداف ولاعب متمكن .. ولكن الحاصل ان ياسر تأثر نفسيا خصوصا بعد قضية الاستراحه .. وكذلك دخل في ثقة مفرطه انه اساسي مهما كان لو تلاحظ اهداف ياسر هالموسم 18 في جميع البطولات .. وعيسى 10 مع انه احتياط ولكن في مشاركاته يسجل هدف , هذا يدل انه في اوجه عطاءه ,, ليش مايكون أساسي .. بالله عليك هذا مو ظلم ؟؟ نتمنى ان يرجع ياسر ولكن صدقني ماراح يرجع الا بعد الجلوس على الدكه

قبل لايجي التايب كان فيه كماتشو والتميآط ،

وبخصوص كلامك عن عيسى ،

تقييم المهاجمين يكون عن طريق معدلهم التهديفي ، وهالشي يعتمد على الدقايق اللي لعبها المهاجم يعني حتى لو كان احتياط طول الموسم ماراح يُبخس حقه :

عيسى هدف في كل 157 دقيقه
ياسر هدف في كل 104 دقيقه

والجلوس على الدكه شي وآرد وهو من الحلول لإستعادة مستوى اللاعب ..

بس مع قدوم المهاجم الأجنبي اتوقع راح يلعب بجانب ياسر وهذي من الاسباب اللي تبعد الضغط عن اللاعب ،

ومن الطبيعي جداً أن لاعب 5 سنوات شايل الهجوم ومايلقى منافسه أو مسانده قويه بنفس خانته يصيبه الإرهاق وهبوط المستوى !

إقتباس الرسالة الأصلية كتبت بواسطة عاااااشق ياسر بالعكس هذا النوع اللي يحب ياسر ويرفع من معنوياته وسبب في رفع مستواه واللي يهتفون ضده هم السبب في انخفاض مستوى ياسر

ياعزيزي كم صار لنا وحنا نشجع ونرفع من معنويات ياسر واخرتها في كل موسم يخيب امالنا يعني باالله الى متى


اتذكر الشلهوب يوم انخفض مستواه وجلس في الاحتياط ومع مطالبات الجمهور في رحيله من النادي


قدر يرجع مستواه ويصير هداف الدوري وهو وسط ياسر من جانا ماعمره صار هداف الدوري واهدافه في اخر موسمين على انديه متواضعه يعني الى متى وحنا نجامل وفيه الي افضل من مستواه حاليا

اسمح لي اخوي اقول عنوانك غلط ولو كتبت قله او بعض اعضاء منتدى الزعيم تكون اقرب للصحيح اما جمهور الهلال فنحن في المدرج ونعرف من يطالب بابعاد ياسر والمتعاطفين او المندسين معهم .تقبل اختلافي

إقتباس الرسالة الأصلية كتبت بواسطة زعيمه حايليه من متى والأرقام تعتبر تطبيل وترفيع ؟ اذا فعلاً الكلام اللي أقوله يعتبر ترفيع ، فيستاهل ياسر هالترفيع ، لأن كل اللي اتكلم عنه أرقام حققها ياسر بنفسه

مع احترامي لك ياسر حاليا لايصلح لقيادة الهجوم الهلالي


عيسى المحياني يستحق انه يكون اساسي اكثر من ياسر عيسى كل ماينزل الملعب يصنع الفرق لنا يسجل او يصنع اما ياسر في اخر موسمين ليس كما عهدناه والسبب يعود لانه ضامن نفسه اساسي

إقتباس مع احترامي لك ياسر حاليا لايصلح لقيادة الهجوم الهلالي عيسى المحياني يستحق انه يكون اساسي اكثر من ياسر عيسى كل ماينزل الملعب يصنع الفرق لنا يسجل او يصنع اما ياسر في اخر موسمين ليس كما عهدناه والسبب يعود لانه ضامن نفسه اساسي

ضامن انه اساسي .. لأن الإداره ماأعطت هالخانه حجمها وتعاقدت مع مهاجمين اجانب مميزين مثل باقي الأنديه !

وبخصوص كلامك عن ياسر وعيسى ، تقدر بكلامك تخلي عيسى افضل من ياسر

بس للأسف مافيه أرقام تثبت هالشي !

بصــراحه ما أتمنى أشوفه أساسي الموسم الجاي ..

والله فيه لعيبه يستاهلون مكانه أكثـر منه ..

خلآآىص ياسر أخذ فرصته أتمنى أعارته لنادي ثاني أو ابقاءه في الدكه لحين رجوعه لمستواه ..


في النهايه مصلحة الفريق أهمم ..

الله يكتب اللي فيه الخير لهلآآلنا ..

إقتباس الرسالة الأصلية كتبت بواسطة مغترب 99 على جمهور الزعيييم الحذر من هذه الحملة التي تهدف لإضعاف الزعييم والهجوم على الرئيس والجابر وياسر وهوساوي الغرض منه إنهاء الهلال لأنهم يعرفون ما يمثله هؤلاء للهلال والكل يعلم ما لدى ياسر وهم يعملون له ألف حساب ولكن علينا الوقوف مع الكيان أولا ثم مع كل ما هو أزرق وألا ننجرف للإسقاطات التي يرددها الحاقدون ضد أي لاعب وياسر يحتاج صانع لعب فنان ومحترف عليه القيمة حتى يصير هناك تنافس على المركز وسلامتكم

اتفق معاك ميتين بالميه بس فيه جمهور متخلف مايفهم

يآآآآآآآآآآآآآآآآآسر يحتاج وقفه معاه مو هجوووم عليه

خلوكم مع حملة كلنا يآآآآسر

::

أبد
إنا الغلطانين على ياسر
وهو يعرف يلعب وإنا مانفهم كورة

ياخوي وش المطلوب بس
ياسر لاعب مثل أي لاعب لا أخطأ ننتقده كحق لنا وكجماهير نشوفه يتسدح في الملعب

عاجبه وإلا يروح للفريق اللي يضفه ويلقى وراه أحد يصنع له على قولتك

.

إقتباس الرسالة الأصلية كتبت بواسطة العسيماوي :: أبد إنا الغلطانين على ياسر وهو يعرف يلعب وإنا مانفهم كورة ياخوي وش المطلوب بس ياسر لاعب مثل أي لاعب لا أخطأ ننتقده كحق لنا وكجماهير نشوفه يتسدح في الملعب عاجبه وإلا يروح للفريق اللي يضفه ويلقى وراه أحد يصنع له على قولتك .

بصراحة معليش اخوي صاحب الموضوع هذا الرد الصحيح

انا معآك اخوي الكلآم اللي تقوله يمر عليه كل لآعب

بس هذا سبب من الأسبآب يعني الله العآلم عن السبب الحقيقي لإنخاض المستوى

هذا شئ والشئ الثآني انه يطل علينآ يآسر ويوضح الأسبآب اكثر من مره حتى تقف الأقآويل

عن يآسر ولاتؤثر بستوآه اكثر مما هو الآن

ولن يقف الهلآل على أحد من اللاعبين ابدا