اممممم الارجنتين متعادله مره ثانيه <<< نايم ولا درى عن المباراة
مع اني ما شفت المباراة
بس شفت الملخص اللي نزله اخوي ميلانستا يعطيه العافيه
يعني وش اقدر اقول الا الله يصبر الارجنتين على مدربينها
خلصو من ماردونا وقالو ما سوا شي في كأس العالم
جاهم الحين اللي اردى منه
واذا جينا للصدق ماردونا افضل بـ 100 مرة من باتيستا
على الاقل ماردونا تعدى دور المجموعات في كأس العالم بالعلامة الكاملة وانتصر في دور الـ16
وطلع من المانيا لان المانيا كانت تعتبر افضل من المنتخب الارجنتيني تكتيكيا
اما باتيستا الحين
الناس طارو به في المباريات الودية
ويوم جينا للمباريات الرسمية واللي فيها الكلام خذل كل الجماهير
بتشكيلته الغبيه اللي دخل فيها المباراة الاولى وفشلت ورجع يكررها في المباراة الثانيه
يعني مدرب عنده :
دي ماريا : احد اللاعبين اللي كان مورينيو يعتمد عليهم في المقام الاول بعد رونالدو
باستوري : افضل لاعب وسط في الدوري الايطالي واللي يتنافس لضمه جميع الاندية الكبيرة في اوروبا
اقويرو : واحد من افضل مهاجمين الدوري الاسباني ويلعب اساسي في فريقه
وما يلعبهم
الله يصبر الارجنتين
واملهم الحين ان بوليفيا تتعادل مع كوستاريكا