¶.. إستديو الجولة الثانيه | الأرجنتين ضد كولمبيا ، القمه تجمع البرازيل والبارغواي ، قمه اخرى بين تشيلي والاورغواي + بقية المباريات | تقديم ومتابعة ¶ - صفحة رقم 5 - نادي الهلال السعودي - شبكة الزعيم

B!G BoSs · #61 07/07/2011, 12:29 PM

اممممم الارجنتين متعادله مره ثانيه <<< نايم ولا درى عن المباراة

مع اني ما شفت المباراة

بس شفت الملخص اللي نزله اخوي ميلانستا يعطيه العافيه

يعني وش اقدر اقول الا الله يصبر الارجنتين على مدربينها

خلصو من ماردونا وقالو ما سوا شي في كأس العالم

جاهم الحين اللي اردى منه

واذا جينا للصدق ماردونا افضل بـ 100 مرة من باتيستا

على الاقل ماردونا تعدى دور المجموعات في كأس العالم بالعلامة الكاملة وانتصر في دور الـ16

وطلع من المانيا لان المانيا كانت تعتبر افضل من المنتخب الارجنتيني تكتيكيا

اما باتيستا الحين

الناس طارو به في المباريات الودية

ويوم جينا للمباريات الرسمية واللي فيها الكلام خذل كل الجماهير

بتشكيلته الغبيه اللي دخل فيها المباراة الاولى وفشلت ورجع يكررها في المباراة الثانيه

يعني مدرب عنده :

دي ماريا : احد اللاعبين اللي كان مورينيو يعتمد عليهم في المقام الاول بعد رونالدو

باستوري : افضل لاعب وسط في الدوري الايطالي واللي يتنافس لضمه جميع الاندية الكبيرة في اوروبا

اقويرو : واحد من افضل مهاجمين الدوري الاسباني ويلعب اساسي في فريقه

وما يلعبهم

الله يصبر الارجنتين

واملهم الحين ان بوليفيا تتعادل مع كوستاريكا

c.r.7mode · #62 07/07/2011, 01:23 PM

البرازيل تتدرب سراً استعداداً لمواجهة باراغواي

قرر المنتخب البرازيلي لكرة القدم إقامة تدريباته اليوم الأربعاء دون حضور الجماهير ووسائل الإعلام لزيادة تركيز اللاعبين استعداداً لمباراة الفريق المقبلة أمام منتخب باراغواي يوم السبت المقبل في الجولة الثانية من مباريات المجموعة الثانية بالدور الأول لبطولة كأس أمم أميركا الجنوبية (كوبا أمريكا) المقامة حالياً في الأرجنتين.

وجاء قرار مانو مينزيس المدير الفني للمنتخب البرازيلي بإقامة التدريبات سراً ليؤكد على أجواء القلق التي تسيطر على الفريق الفائز بلقب كوبا أميركا في آخر بطولتين.

وسقط المنتخب البرازيلي في فخ التعادل السلبي مع نظيره البرازيلي في أولى مبارياته بالبطولة الحالية كما انتهت المباراة الثانية بالمجموعة بالتعادل السلبي أيضاً بين منتخبي باراغواي والإكوادور.

واعتاد المنتخب البرازيلي التدريب في وجود الجماهير ووسائل الإعلام وكان الاستثناء الوحيد من ذلك هو مران الفريق قبل 48 ساعة من مباراته أمام فنزويلا.

وربما سعى مينزيس إلى سرية التدريبات اليوم لتجربة بعض الأمور الخططية التي سيعتمد عليها في مباراة باراغواي والتي ينتظر أن تحسم المنافسة في هذه المجموعة بشكل كبير.

ولم يعلن مينزيس بعد عن التشكيل والخطة المقترحين لمباراة باراغواي الصعبة علماً بأنه ركز في تدريبات الفريق أمس الثلاثاء على نفس التشكيلة الأساسية التي سقطت في فخ التعادل السلبي المخيب للآمال أمام فنزويلا.

المصـدر

.yousef · #63 07/07/2011, 01:35 PM

هارد للتانجو ، بسس أتوقع بنسبة 90% تأهل الأرجنتين للدور الثاني ..

وهب الريس · #64 07/07/2011, 01:36 PM

انا مادري مدرب الأرجنيتن .. غبي ولا يستهبل ولا ضايع من كثر اللاعبين إللي عنده مميزين .. فشل كبير في التكتيك داخل الملعب .. بنسبة مية في المية .. !!

مدرب متردد واضح الامر .. أحس إنه يغير التشكيله قبل المباراة عشر مرات .. ولا يثبت على اسماء إلا قبل بدأ المباراة بساعه.. !!

قاقو لماذا يتم الزج به .. مع العلم بأنه لم يلعب كثيراً .. في الموسم الماضي .. دي ماريا أغويروا ليسوا أساسيين .. هذا أمر غريب وهم في فرقهم معتمد عليهم ويلعبوا أغلب المباريات .. !!

باتيستا أخطأ في أمور .. لا يخطئ بها مدرب لسى ماله عام في عالم التدريب .. حتى الآن أثبت بأن منتخب الأرجنتين بأسماء لاعبيه .. اكبر من إمكانياته التدريبيه .. !!

هو في حالة ( حيرة نظراً لكثرة النجوم ) التي سببت توهان له .. ومع ذلك أخطاء التشكيله واضحة .. باقي مباراة واحده .. من دوري المجموعات .. ولا زلنا نقول الأرجنتين قادرة على كل شي .. ماقول غير يا ماردونا وينك بس .. حتى الآن يتفوق ماردونا على باتيستا .. مقارنه بنتائج التانجوا .. في
كأس العالم الاخيره .. !!

تمنياتي بالتوفيق للأرجنتين .. وهاردلك لعشاقها
على التعادل .. !!

.yousef · #65 07/07/2011, 01:40 PM

أن شاء الله تتأهل البرازيل والأورقواي والبارقواي والمكسيك والأرجنتين ..

اًلمآيـ๛ـتروً |21| · #66 07/07/2011, 06:08 PM

سلآمـ عليكمـ ،

هآردلكـ لكل محبي التآنغو التعآدل المخيب للآمآل ، عندي وجهة نظر متوآضعة بآلنسبة للتآنغو .

الكل في مبآرآة أمس ومبآرآة بوليفيآ كآن ينتظر ميسي وش بيسوي وكيف بيسجل ووو ... الضغط اللي قآعد يسير ع ميسي غير معقول ولآ يمكن تحملهـ وهآلضغط مؤثر ع أدآء اللآعب نفسهـ كذلكـ اللآعبين وأيضاً المدرب الدرج

، كآن ودي إن بآتيستآ يدخل مبآرآة أمس بدون ميسي

، ششوي علي

، كنت أرغب يكون التشكيل 4-2 -2-2

مآسكيرآنو ... كآمبيآسو
ديمآريآ (تيفيز) ................. بآستوري
أقويرو ... هيجوآيين ( ميليتو )

أو

4-1-2-3

مآسكيرآنو
دي مآريآ ..... بآستوري
تيفيز .. أقويرو (هيجوآيين) .. لآفيتزي ( ميسي )

بإعتقآدي إن الأخيرة هي الانسب ويكون ميسي ورقة رآبحة ، مآ أقصد بكون ميسي إحتيآطي بأنهـ هو أسآس مشكلة الأرجنتين ، بل المشكلة بآلمدرب اللي مآيبي يفوز إلآ بميسي ، والجمهور اللي يعتقدون إن مسي هو اللي بيجيب لهمـ البطولة بروحة ، لذلكـ لو كآن إحتيآطي وبتشكيلة جريئة أتوقع والعلمـ عند اللهـ إنهـ رآح يجيب الفوز بآلرآحة

مجرد وجهة نظر

مبآرآة الاورقوآي متى . ؟ بكرآ ولآ السبت . ؟

Super Pep · #67 07/07/2011, 06:41 PM

كنت أطالب بـ بقاءه على حسب ما قدم بـ الوديّات لكن لـ الأسف أثبت فشله بـ إحتراف بـ الكوبا

..

لافيتزي - تيفيز لاعبين شبه منتهين فنيًا بـ البطولة و هذا ظهر بـ المباراة الأولى تجي تكابر و مسوي أنا الفاهم و تشركهم ليه ؟! أعتقد أن التانغو لن تقدم مع المدرب المتخلف باتيستا كل الضغوط على ميسي

، إلعب بـ تشكيلة واقعية و سترى ميسي الكبير

الذي يقدم الذي يسجل الذي يصنع الذي يعمل كل شي بـ الملعب

..

لـ الأسف ضغوط كبيرة و منتخب كبير على لاعب لم يتعدى الـ 24 من عمره ! معقولة يعني المدرب بـ الغباء هذا يَ أخي وزع اللعب على الجميع و لا تبديل زابليتا و كأنه العيب فقط بـ الجهة اليسرى ، التانغو بـ حاجة إلى مدرب فاهم يقودها لـ منصات التتويج لـ أن اللاعبين الموجودين حرام ما يتوجون بـ بطولة كـ الكوبا

..

* يوتيوب [ الجماهير تردد اسم مارادونا, وميسي يبكي ! ]

Royal Lover · #68 07/07/2011, 07:54 PM

،

مدرب أثبت فشله الذريع في قيادة المنتخب الأرجنتيني ، الإخطاء نفسها ويصر على الأخطاء اللي سواها بالمباراة الأولى
وين دي ماريا و أغويرو اللي عملوا فارق كبير في المباراة الأولى ؟ .. الشئ الثاني مسألة أنك تلعب كامبياسو و ماسكي
وبانينغا كلهم في مباراة واحد هذا غباء والأقوى من كذا إصراره على تيفيز ولافيتزي اللي ما قدموا أي شئ خلال اللقاءين
الأمر الأخر عندك دكة قوية بوجود باستوري وأغويرو ودي ماريا خصوصاً هالثلاثة من المفترض تواجدهم في التشكيل
الأساسي ..

Anfield Fan · #69 07/07/2011, 09:36 PM

يا حبيبيني يا جماهير الأرجنتين و البرازيل ، على كثر النجوم اللي عندهم مدربينهم سباكين

افضل مدرب في هذه الدورة ، و إن شاء الله يجيب البطولة للأوروجواي و تنفرد بالرقم القياسي .

بكرا المتعة على الأصول من ثلاثي الفن .

Q.Abdullah · #70 08/07/2011, 02:51 AM

كوستاريكا وبوليفيا مباراه مولعه

ضربة جزاء لـ كوستاريكا وطرد لـ لاعب بوليفيا
والحارس يتصدى لـ ركلة الجزاء ويرجع يردها مرتن ثانيه

وهدف ملغي لـ كوستاريكا بداعي التسلل

ايه هذي هي المباريات اللي نبيها

كوستاركيا متقدمه بهدف حتى الان

Q.Abdullah · #71 08/07/2011, 02:56 AM

كرت احمر اخر لـ منتخب بوليفيا من نصيب اللاعب : والتر فلوريس

الكرت الاول كان لـ : رونالد ريفيرو

كوستاريكا الثاني خخخخخخخخخخ الظاهر انها بترافق كولمبيا

Iитєяάωί · #72 08/07/2011, 03:04 AM

كوستاريكا تطيح ببوليفيا ، وتفعل ما عجزت عنه الأرجنتين
مباريات الجولة الأخيرة للمجموعة الأولى بتكون نار !

آآآه يازمن .. كوستاريكا تتقدم ع الأرجنتين بالترتيب

Visca El Barca · #73 08/07/2011, 04:29 AM

كوستاريكا

! شكلهم بيسونها ويمصخرون التانقو

!!

بس الاوضاع إن شاء الله بتتعدل وتتغير قناعات باتيستا ويصير ذكي شوي ويعرف يختار لاعبين وخطه

!!

تهقون الارجنتين بيفوزون قدام كوستاكورتا

المباراة الجايه اولا

!!؟
الله يقلعك يا باتسيتا انت وصحافه الارجنتين

R D H · #74 08/07/2011, 06:00 AM

من مصلحة الأرجنتين أكثر .. أن الفائز في مباراة اليوم هو كوستاريكا وليس بوليفيا .

هل تَعلموا متى رح ينفك الضغط عن لعيبة الارجنتين كلهم ؟!

إذا سَجل ميسي هَدف واحد ولو حَتى من ضربة جزاء ..

حَتى زملاء ميسي مضغوطين نفسياً ، لأن فيه كلام كثير بالإعلام يقول أن ميسي سيء لأن اللي حوله سيئون ..
وهذا كان كلام رئيس الاتحاد الارجنتيني .. كلامه صحيح لكن مو وقته أبد .

والضغط والارتباك كان واضح في كل لعبات منتخب الارجنتين .. والدليل قلوب الدفاع أخطأوا أخطاء لا تنم إلا عن خوف .

يمكن زانيتي هو اللي كان مآلي مَركزهـ بحكم الخبره ..

لكن مشكلة الفريق الأساسيه .. في التكتيك .

تدرون وش قمة الإهانه ؟! أنك تكون تلعب بـ 3 محاور .. وفوق هذا يكون فريقك يتشخمط من كولومبيا في كُل هَجمه .
المفروض أن لما يكون عندك 3 محاور .. تمنع وتحد الهجوم الكولومبي من التقدم والاستيلاء على الكره .
لكن بالرغم من هالشي .. لقينا كولومبيا هي اللي تهاجم وهي اللي تشخمط وتشخبط .

يعني يا بابتيستا .. لا أنت اللي حَديت من خطورة هجومهم .. ولا أنت اللي فَلحت في هجومك !

ولولا الله ثم توفيق الحارس لانتهت المباراه بفضيحة ..

ميسي في برشلونه .. كان إذا مسك الكوره يلقى انيستا أو زافي فاتحين له في عملية ( الون تو ) ..
أو يلقى الفيس فاتح له خانه عالأطراف وساحب معه لاعب من الخصم . ونفس الشي على بيدرو أو فيا .
كان لديه حلول خرافيه .. بالإضافه لقدراته ..

لكن الحين .. مافي أحد يفتح لميسي .. في حالة الهجمه الارجنتينيه يكون
عدد لاعبي كولمبيا ضعف أضعاف لاعبي الارجنتين .
فيه تفوق عددي واضح لكولومبيا .. وهذا يدل على فشلك يا باتيستا ..

ميسي بإمكانه اللعب كـ جناح .. أو راس حربه ..
هذا كله لا يهم .. مادام انه مافيه صانع لعب مثل ( باستوري ) ..
الأفضل أن يضع ميسي جناح يمين .. وتيفيز جناح يسار .. ويحط هيجيوين أو اجويرو راس حربه ..
وخلفهم باستوري كصانع لعب .. واثنين محاور ( ماسكيرانو و بانيجا ) ..

بَعض المدربين يجلطونكـ ، ودك تدخل جوا مخهم وتشوف كيف يفكرون !
كله كوم .. وتبديل جاجو وكامبياسو كوم ثاني .. يشهد الله أني جلست أضحك يوم شفت التبديل

ماعلينا .. لكن عندي استفسار بسيط أرجو الإجابه عليه .

انا متلخبط من مواعيد المباريات .
حنا اليوم .. جُمعه .. حلو الكلام ؟!
اليوم .. فيه أي مباريات ثانيه ؟!

لأن مكتوب بهالموضوع .. أن مباراة البرازيل يوم السبت الساعه 10 ( يعني بكرا ) ..
ومكتوب أن مباراة تشيلي والاروجواي يوم السبت 1 صباحاً ..

يعني مباراة تشيلي قبل البرازيل ؟ مع ان الأخيره في المجموعه الثانيه مفروض تكون قبل المجموعه الثالثه ..

اشرحووووا لنا ..

في الختام ..
لا أتمنى ان يبتعد الكأس عن هؤلاء الثلاثه ..

تشيلي - كولومبيا - أوروجواي ..
منتخبات ممتعه ورائعه ، وتلعب بإمكانياتها .. لا بإسمها مثل ( البرازيل والارجنتين ) ..

شكراً .. والسلام عليكم ..

BARCELONISTA · #75 08/07/2011, 06:29 AM

اللي يسويه الغبي اللي فوق ما يتحمله العقل ! قلنا آول مباراة و أجواء بطولة و و و ، الخطأ في التشكيلة وآرد .. لكن انك تعيد نفس الأخطاء و ببجاحة تغير ظهير و كأنه سبب المشكلة ههههههههههههههههههههههههههههه

؟!

4-3-3 .. هل هي الأفضل ؟ مو مشكلة ألعب بهالتشكيلة لكن وضف الاعبين صح ياخي ! تلعب ب 3 محاور ليه ؟ منتب هين يا الأيطالي المحنك ! و المشكلة ليتهم نفعو إلا جابو العيد كلهم !" كامبياسو - ماسكيرانو - بانيغا " بدون أدوار ، يلعبون كذا بدون تكتيك .. ما تدري من اللي محور دفاعي بحت و من اللي يكون مهاجم ثاني بعدين و من اللي يقطع كور و من اللي يغطي الأظهره ! يلعبون بالبركة .. عشان كذا شفنا مساحات و مسخرة كولمبية بطلة

، من زود الملحجة و الغباء أن قلوب الدفاع ميليتو اللي متزلب ببرشلونة و أنواع الاصابات يلعب اساسي على طول .. دفاعك فاشل ما عندك قلوب ؟ خلاص العب على المضمون ، نزل ماسكي قلب مع زانيتي و قدامهم كامبياسو ! ، سوو أي شي لكن لا تترك الدفاع بهالمسخرة ! .. اجل الحل هو زابيليتا اللي ياله يعطيك اوفر صح ؟ .. زين خلك من الدفاع ، ليه ما فيه صانع لعب واضح ؟ ميسي اجل ؟ .. ميسي كأنه محور مع الشباب و ما يدري وش يسوي .. مره نشوفه في الدائرة في النص و مرة نشوف راس حربة و مرة طامر على الطرف .. تسمع بـ اللآمركزية يا باتيستا

، ياخي انا مدري وش يحس به صدق هههههههههههههههه ؟ .. خل ميسي راس حربة بلعنه لكن حط وراه باستوري و على يمينه دي ماريا و على يساره اغوريو و العكس صحيح .. خلهم يتفلتون ذا الأربعة صدقني أن اقوى دفاع في العالم بياكلها قدامهم

! ، لكن تعتمد على ميسي بكل شيء ؟ ظلمت نفسك كذا و ظلمت ميسي و ظلمت بقية الاعبين و ظلمت الجماهير !

على العموم الأرجنتين احتمال ما تتأهل ، أتمنى كذا و يرجعون ماسكي و ميسي لبرشلونة و يرتاحون شوي بعد ذا الموسم الطويل ، منتخب ما يستاهل و مدرب على قده ! .. ايه و قولو لـ ميليتو يدور فريق

!

نشوفكم