طريقة ( جديدة ) لاقناع الامير عبدالرحمن بن مساعد
 

مابقى للاجوبة الا سؤال*********** وش بقى من مجد ما طال الهلال



الامير عبدالرحمن بن مساعد كتب هذا البيت الجميل جداً في صفحته في تويتر، ولكن و لاسبابه الخاصة، سبق أن اعلن أنه لا يريد كتابة قصيدة في الهلال، مايعني أنه لن يكمل القصيدة أو على الأقل لن ينشرها!

ولأن البيت جميل وعلى طريقة قصائد عبدالرحمن بن مساعد، اللي من أول بيت تعرف انها قصيدة راح تاخذك لعالم اخر، فـانا اتمنى ان اسمعها منه في يوم من الايام.


ولكن، والى ذلك الحين، حبيت اطرح فكرة اتمنى تعجبكم


كل واحد فينا يحاول يكمل هالقصيدة بكلماته الخاصة وباستخدام مطلع القصيدة اللي كتبها الامير ونعرضها في النهايه عليه. أقل شي اننا ممكن بهالطريقة نقنعه يكملها وينشرها


وحاولت اني ابدأ هذي التجربة بهذي المحاولة اللي اقول فيها:



مابقى للاجوبة الا سؤال ............. وش بقى من مجد ماطال الهلال

ياخذ التاريخ يكتبه بيديه ............ بالنقاط وبالبطولات الثقال

لا نوى يكسب مباراةٍ كسبها ....... بالمهاره.... بالخطط... أو إرتجال

مايهمه حكي ناسٍ (يحلمون) ....... مايحب القول، تعجبه الفعال

يقعد الجمهور، مستانس، يقول ..... التعب ولاّ العنا لاجلك حلال

التكاتف بين جمهوره وبينه ...... روعه... وآيه من ايات الجمال

الفرق تخشى ملاقاته لأنه ........ صال في كل الملاعب ثم جال

ماتهزه ريح واللي في مكانه ........ فوق في عالي السما.. صعب المنال

لو تهب العاصفه تبغى تهزه ........ ماتزيده غير قوة واحتمال

يعشق التتويج ويحب البطوله ...... قال ابيها واشهد انه صدق طال

لو لهالنادي يدين وله رجول ......... كان يمشي في فخامة واختيال

يامشكك في زعامتْه لزمانه ......... ذاك نادي القرن... ياولد الحلال

اسأل التاريخ واسمع وش يقول ...... وكان باقي بعد قوله مايقال..

الهلالي بين كل افراد جيله ........... أكثر اللي يفرحون بلا جدال!







وسلامتكم واتمنى تكون الابيات مناسبة وتعجبكم وانا في انتظار مشاركاتكم بما تجود به قريحتكم حتى لو بيتين يكفي، كل واحد يطلع ابداعاته واهم شي المشاركة وجمع اكبر عدد من الابيات الشعرية لعرضها على سمو الامير واتمنى نوصل على الاقل لــ 100 بيت من كلماتكم انتم...


وتحياتي لكم






وكل التوفيق للزعيم
s13s s13s s13s

يعطيييييك الف عافيه اخوي واشكر اتمنى ان تجد القبوول والتفاااعل ..
والبيت وحده اعجاااز...
صح لسانك يابن مساعد وارتفع شااااانك .....

ماشاء الله عليك اخوي كسبنا وجه جديد في الشعر

مــآشــآء الله

يعشق التتويج ويحب البطوله ...... قال ابيها واشهد انه صدق طال

لو لهالنادي يدين وله رجول ......... كان يمشي في فخامة واختيال

صحَ لآسآنك َ يَ مبدع ًَ ..~
آخترت المسيره صح .َ
اتمنى تصل لَ شبيه الريحَ :smilie47::ba1:
:rose:

صحَ لآسآنك َ يَ مبدع ًَ ..~
آخترت المسيره صح .َ
اتمنى تصل لَ شبيه الريحَ

الله على الفكرة الروعة وكلام الطيب .. صح لسانك واستلم

الفخر كله يزيد ويستزيد .... في فريقٍ عاشق كل المحال
من كبير ومن صغير يعشقون ...... الفريق الي ضرب اروع مثال
ياهلا العز يافخر عظيم ...... ياثقافة عشق مافيها سؤال
مابخلنا في وقوف وفي حضور ...... لو يصيبك ياهلالــــي إعتلال
لك وعد منا على طول الزمن ...... كلنا نمشي معك في اي حال

هلالين كلكم ماتنلامون على الابداع :)

يلا ياشباب نبغى تفاعل اكثر.... انثروا لنا ابداعاتكم كلها بيتين او ثلاثة بس :yes:



واشكر كل اللي مروا عالموضوع ومشكورين على مروركم و على ذوقكم وصحت ابدانكم..............

ماشاء الله عليك يا مشرفنا حمد... كلمات رائعه... وسرعه في الرد... قريحتك جاهزه ماشاء الله تبارك الله :laugh:


اشكرك على هالكلمات وصح لسانك

والله ماني يم الشعر ولالي فيه ابد

اما انت ماشاء الله عليك جميل ماسطرت اخي ويكفي انها في الزعيم

صح لسانكم

معليش يا إخواني اعتقد تكملة شبيه الريح لها البيت بيكون شئ خرافي مثل ما عودنا

تحيتي

الهلالي بين كل افراد جيله ........... أكثر اللي يفرحون بلا جدال!


صح لسانك والله
حلو هالبيت

احلي ابياااااااااات واحلي قااااافيه
يالله وينكم ياشعااااااار الزعيم