الله يسعد اوقاتكم بالخير


في زمان مضى قبل سنوات
ايام النشاط والاستنشاط والمطامر على الرايحه والجايه
كنت اذا دخلت الصاله لازم اطمر واصفق الثريا بطرف جبهتي << مستصح زمان

المهم كان عندي ولد اختي توه صغير ذيك الايام .. يمكن عمره كان خمس سنوات الي ست تقريبا
وفي نظره بما انه طفل صغير أن اللي يصفق الثريا بجبهته شخص قوي ولا احد يقدر عليه
وهي بالنسبه له كطفل تعتبر مكان عالي جدا وصعب الوصول اليها
يعني الولد حط في باله ان خاله " اللي هو انا " قرندايزر زمانه

فجأه سألني سؤال بلعت ريقي وقتها ولا عرفت اجاوبه

قال : خالي
قلت : هاهـ << جفاسة الاولين
قال : صح ربي قوي مره ويقدر يسوي كل شي << محفظينه اهله صح
قلت : ايه
قال " وهنا مربط الفرس " : صح ربي يقدر يطق الثريا براسه ؟

انا فقيت خشتي وقتها ما ادري وش اقول له

قلت شف وانا خالك : اذا جاء ابوك في الليل ياخذكم لبيتكم
اساله وهو يعلمك << ماطلع معي غير كذا ساعتها

انتم معشر الاعضاء
ماقد مر عليكم سؤال من طفل خلاك تقف عاجز عن الاجابه ؟؟


الشكر لك من مر هنا