ياناس انا اموت على البزران وبراتهم
ماعمري احد من البرزان احرجني

عاادي ولد أخوي مره سألني يقول

س/ الحين الناس بشر :d

..

هههههههههههههه شكلك معاني انا الحمد لله ماجاني سؤال محرج

اسئلة الطفل شي طبيعي .. وهي أساس اكتشاف للعالم حوله .. يعني هي ظاهره صحيه وبالعكس المفروض نفرح لما يسألنا الطفل عن اي شي .. لان سؤاله يدل انه يفكر ..وانه يحاول يعرف ويكتشف ..هو بأسئلته يبي يوسع مداركه .. ويعرف اكثر .. ويكون خبرته .. عشان يقدر يواصل فحياته بشكل سليم ..
بعكس لو كان مايسأل ومايعرف كيف العالم حوله .. اما ان نضجه غير مكتمل ..او انه يعاني من شي ..تلاحظه ماهو قادر يأقلم نفسه مع كل شي حوله .. ماهو قادر يحل المشكلات اللي ممكن تحصل له .. يعتمد على غيره فكل شي خصوصا ماما وبابا ..

وللأسف .. لو كانوا اللي حوله ماهم متقبلين أسئلته !!
يصبح الطفل في أزمه .. كم كبير من الاسئله في عقله .. ماهو قادر يلقى جواب لها .. واشياء تحدث حوله ..ماهو قادر يفسرها ..

اعتقد ان الان اصبح من الضروري ان الاب والام يكونون مستعدين لكل سؤال يطرحه الطفل ..مهما كان سؤاله ..
محرج / صعب / غريب / تافه ....الخ ..
جاوبه بكل شي ولا تسمح له ياخذ الجواب من غيرك ممكن يكون خطأ ..

لازم تكون اجوبتنا : صحيحه , صادقه , نقرب الجواب قد مانقدر ويكون مناسب لتفكيره ,في حدود الادب والاحترام , اختار كلمات لائقه , مختصره جدا , غير مبهمه واضحه ..

واذا كانت خلفيتك عن المعلومه ضعيفه .. ممكن نستعين بأشرطة الفيديو ,او الافلام التعليميه خصوصا لو كانت المعلومه علميه تحتاج صور توضيحيه .. او تبحث عن الجواب الصح فالنت او من كتاب او تستعين بشخص مختص وتحاول انت تقربها لطفلك ..

اطفالنا ثروة .. فيهم طاقه كبيره .. واقبال شديد ع المعلومه .. وحب للبحث واكتشاف كل شي جديد حوله ..
لازم نبنيهم صح .. ونكون شخصيتهم صح .. عشان مستقبلهم يكون مشرق ..