إقتباس الرسالة الأصلية كتبت بواسطة Eman -al saad يمكن يطلع يشبة رآبح صقر

ياليل رابح صقر ذاللي ابثرتوه بحياته طيب شين وش يسوي لكم ؟
بعدين يكفي حنة صوته يوم انه يقول صاابرييييييييييين

المهم ان مسألة الشوفة الشرعية هذي ماتنطبق على الاغلبية في كل المناطق والقبائل واللي اهلها يرفضون الشوفة يخليهم ويشوف غيرهم واعتقد هو رجال وماحد يقدر يجبره على شي ولاننسى انه بيعيش معها بقية حياته !!

بالعربي يداك اوكتا وفوك نفخ

اما بقية السوالف يمدحون التلميح بالمقالات او حفظ المواضيع عاللاب مثلا ولا كتب وبتفهم ان شاء الله

وبرضوة كلام ابريق صحيح مسألة انها البنت المستحية ونظام الف واربعمية ومافيه احد ماينفع الحين

هذا والله الموفق

ما ماتوا الناس اللي يمنعون النظرة الشرعية ؟!!!!
ما ادري بس في مجتمعنا ما تمنع النظرة الشرعية و الشاب من يملك على البنت
و هو عايش حياته روحات و جيات و عشيات و هدايا
يعني ما فيه مجالبعد الزواج يقول ما ارتحت و الا ما حبيتها
طول فترة الملكة و انت معلق السماعة باذنك هذا غير المشاوير على ابو انكم تجهزون شقتكم
اما بالنسبة للمكياج .. احس بعد ماتوا اللي من هالنوعية بناتنا الحين صاوا متفتحات و يقلدون كل شي و مع ذلك ما فيه فايدة القالب غالب >>>> لا تفهموني غلط
و سالفة البرود .. اذا كان ماهو متقبلها فأكيد هي حاسه بهالشي .. يعني لا يتوقع منها تعطيه اكثر
هذا اذا ما كانت اصلا تحس بنفس احساسه و قالبه كبدها منه
دايم احنا نناقش هالمواضيع و نضع الرجل هو الضحية و ننسى الطرف الثاني و انها ممكن تحس بنفس الاحساس
و نصيحتي لك / صبره .. يمكن بنت الناس ذي اللي ما هو متقبلها يجي يوم من الايام يدور ظفرها
دامها بنت اجواد و اخلاقها عالية يصبر و التقبل و الحب بيجي مع الايام ..
و ان ما صار الحب ماهو ضروري في الزواج .. اهم شي الاحترام و العشرة الطيبة
الله يهدي سرهم و يسخره لزوجته و يسخر زوجته له و يسعدهم و يرزقهم الذرية الصالحة

النظرة الشرعية امر مهم وانا عني شخصيا لن اتزوج الا الين اشوف زوجتي لانيرح اقضي معها بقيت حياتي اما بقيت الامور الثانية ماهي مهمه بالنسبة لي

آنآ دآخل غلط بس بقول حآجه وحده


القنآعه كنز لايفنى

إقتباس * هل تؤيد/ين : النظرة الشرعية وفق أداب الشرع ؟

وآلله يَ زين زوآجآت الأقآرب يعني تلعب مع آلـ بنية حبشه و غـميمة وتكون عآرف نظآمهآ .. وآلملآمح مَ تتغير كثير .. وآذآ ع نظرة ربمآ تشوفهآ في حوش جدك بآلغلط .. وشسمه .. <<شطحة مآلهآ دخل

بس آلنظرة آلشرعية وفق ادآب آلشرع لآبد منهآ ..
بس مب يجي شآيب يبي يتزوج له وحده صغيره ويقول بشوف بنتكم يَ خآلي عسآك ترقى آلدرج بدون عصآ مشآن تشوفهآ

إقتباس * هل إذا كانت زوجتك باردة بفراش الزوجية مع نصحها ومواجهتها بهذا البرود ومحاولة تثقيفها ومع ذالك مستمرة بهذا البرود الذي يكون أحياناً من طبيعتها هل تفكر بالزواج من ثانية لتجد متعتك عندها أم تكتفى بها والشكوى لله ؟

لآبد يعطيهآ مجآل ع الأقل 3 شهور .. ولآ يجيب آلـ طآمه
ويفكر يجيب ولد منهآ وهو مَ أرتآح لهآ ..

وش ذنب آلطفل آللي بـ يتعذب لآ سمح آلله آن أنفصلوآ عن بعض ..

كـل شئ يجي ببرود :$

اكثر مالفت نظري بموضوعك سالفه المكياج اكثر من موضوع اشوفه ينتقد مكياج الخليجيات لكن لا حياه لمن تنادي هذا شي الشي الثاني يالبى العزاب اللي زيي اوجهلهم تحيه كبيره لانهم يعرفو كيف يبعدوا عن وجع الراص وعلى سيره البرود الجنسي الصراحه انا صاحبي لما خطب راح مصر واشترى كتاب يعلم الثقافه الجنسيه لان عندنا بالسعوديه عيييييييييييييييييييييييييييييييييب يكون في مصدر يثقف بمثل هالمواضيع عشان كذه احس البنت او الولد ما ينلام او تنلام ان كان-ت غشيم-ه ليله الدخله

مرحبآ اخوي ..

اول شي اهنيك على هآلجرأه المفيده في الطرح ..

وإسمحلي انآ رآح ابدآ بالمكيآج ..

انا وحده احب كل شي ناعم واولهآ المكيآج الخفيف وهآلشي مآيعجب اللي حولي ابد ..
الحريم عندنآ لهم قنآعآت غريبه !!
انا الحين اجهز لزوآجي وهم من الحين يحذروني ..عندهم الكشخه في الأشيآء الثقيله والمخيفه ..
ومآعندهم اي مشكله يتحكمون في كل شي إذآ مآعجبتهم إختيآرآتي .. والله يعيننآ بس


اما من نآحيه النظره الشرعيه .. انا اتوقع انها شريحه صغيره من المجتمع اللي يقولون عيب ..
بس إذآ قآلك وآحد عيب ومآحد يشوف بنتي قله خل بنتك عندك وإطلع ..لو كل الشبآب صآرو كذآ اتوقع يختفي هآلعيب ..


ومن نآحيه الجمآل ..
اهم شي الأخلآآآق ممكن يكون الشريك شكله عآدي بس طيبته واخلآقه تخليك تبيع الدنيآ وتشتريه ..
الحين إذآ كل بنت تبغى وآحد حلو !! وكل شآب يبغى وحده حلوه !!
مآبنخلص لإنو مو كل النآس حلوين وعيونهم كحيله وشعورهم نآعمه وووو !!!!
هالقنآعه لآزم تنشآل من عقولنآ نهآئي ..


وعن زميلك بصرآحه رد اخونآ STS2005 كفى ووفى ..
وإذآ مصر على الجمآل .. يوديهآ لبنآن عمليتين ولآ ثلآث عمليآت تجميل وتصير صآروخ على قولتكم

ومشكووووووووووور مره ثآنيه

* هل تؤيد/ين : النظرة الشرعية وفق أداب الشرع ؟

مؤيد وبقوه وهذي اسمها نظره شرعيه يعني من حق الذكر والانثى يشوفوا بعض
ولو تقدمت اخطب ورفضوا اشوفها ... ما راح اكمل معهم وانسحب وادور غيرها
لان هذا من ابسط حقوقي

* هل أنت مستعد بالزواج من إمرأة أخلاقها عالية جداً ولكنها متواضعة الجمال ؟

اخوي الجمال هو جمال الروح جمال الاخلاق
لا انكر ان الجمال بالشكل مطلوب ولكن يكون الاختيار بشكل مرضي
يعني لا يجي شخص جماله عادي ويطلب وحده جميله
كلن يرضى على جماله
والجمال يختفي مع تقدم العمر ويبقى جمال الاخلاق والروح

وانا اوافق على جميلة الروح والاخلاق ومتواضعة الجمال

* هل عدم وجود الجمال لديك يجعلك ترضخ للأمر الواقع وتاخذ وحدة من مستواك

الجمالي ؟

مثل اللي قلته بالضبط بجوابي عالسؤال السابق
كلن ياخذ وحده بنفس جماله

* هل إذا كانت زوجتك باردة بفراش الزوجية مع نصحها ومواجهتها بهذا البرود

ومحاولة تثقيفها ومع ذالك مستمرة بهذا البرود الذي يكون أحياناً من طبيعتها هل تفكر

بالزواج من ثانية لتجد متعتك عندها أم تكتفى بها والشكوى لله ؟

اعتقد لو بعد كل هالمحاولات راح يبقى عندي الحل الاخير
اقلها راح اتزوج ممكن هالشي يحرك فيها شي
واذا لا زالت بارده ... اعقلها واتوكل واتزوج

بالرغم اني ما أأيد الزواج مره ثانيه لكن اذا انجبرت معذور

اني اعتبر اصلا الزواج عن طريق الاهل غلط يعني شلون واحد يرتبط بانسانة هو مشايفهه وحتى اذا شايفهه غير يعرف طبعها يجوز ميعجبه هو طبعها حتى اذا كانت حلوة اعتقد انه الزواج حياة الانسان الخاصة لازم هو يختار مو اهله اما بموضوع الشكل واحد يتزوج على حد مستوى جماله يعني اني وبدون غرور شكلي كلش حلو شنو جابرني اخذ وحدة محلوة

إقتباس الرسالة الأصلية كتبت بواسطة FINAL10 عندما تريد ان تتناقش بآمور مثل هذه التزم حدود الادب والاحترام اولآ : ) انت لست بمنتدى الحياه الزوجيه يا عزيزي عندما تريد ان تتناقش عن البرود الجنسي ؟! وش تتوقع نقول لك يعني ؟ !!

ياشين اللي يجيك مطفي النور ومقفل القزاز وماشي 200
بعد الرد هذا رجعت وقرأت الموضوع قلت لايكون الرجال جاب العيد وكتب كلمه مش ولا بد والا حط صوره مخله ، ومالقيت شي !

فـ سلامات بقوه يالحبيب ،ترى الجنس كمصطلح وكلمه ماهو شي عيب ولا حرام ، الاشياء العيب وقلة الادب ارتبطت بهذا المصطلح عند الكثير اللي روسهم مثل قدر الضغط ماغير يحشون فيها خرابيط والغطا مسكر وبالتالي صار اي شي فيه كلمة جنس يعني حرام وعيب وقلة ادب ، واي شي فيه بنت يعني عيب وعار وفضيحه ،، الخ

نرجع لموضوعنا ، اول شي بصراحه لي تحفظ على أول جمله اللي هي انه كثير ماعندهم نظره شرعيه ، بالعكس هالفئات صارت شاذه جدا وقليله في المجتمع

نجي للأسئله

إقتباس * هل تؤيد/ين : النظرة الشرعية وفق أداب الشرع ؟

صراحه غريب هالسؤال ! الشرع يقول نظره شرعيه وانت تسأل عن التأييد من عدمه؟

اعتقد المعيار الان هو الشرع وانا مع الشرع وبالتالي مع النظره الشرعيه سواء بالنسبه كخاطب أو لبنتي أو اختي مستقبلا للي يخطبها من حقه يشوفها

إقتباس * هل أنت مستعد بالزواج من إمرأة أخلاقها عالية جداً ولكنها متواضعة الجمال ؟

الكذب خيبه ، لا

ولو ان مسألة الجمال تعتبر نسبيه عند الناس.

إقتباس * هل عدم وجود الجمال لديك يجعلك ترضخ للأمر الواقع وتاخذ وحدة من مستواك الجمالي ؟

-والله ياعزيزي انا اعرف المستوى الاجتماعي والمستوى المادي ، بس المستوى الجمالي هذا اول مره اسمع فيه

بس بما اني ماباخذ وحده متواضعة الجمال فـ اكيد بدور وحده تناسب (ذوقي) في الجمال.

إقتباس * هل إذا كانت زوجتك باردة بفراش الزوجية مع نصحها ومواجهتها بهذا البرود بالزواج من ثانية لتجد متعتك عندها أم تكتفى بها والشكوى لله ؟

- اكيد راح انصحها اذا كان الوضع لا يُطاق ، واذا كنت مقتدر بتزوج الثانيه

وسلامتكم

إقتباس الرسالة الأصلية كتبت بواسطة الزعيم الخرجاوي ويحلم إنه يتزوج وحدة تشبه الممثلة أو المغنية الفلانية أو على الأقل حولها مو لازم [/CENTER]

وووين تبغون وحدة بمثل مواصفاتكم الخيالية !!
إلا إذا يغيرون خلقتهم عشان يرضونكم
......
قل لخويك
البنت لسى عروس والله لو إنهم جريئة في الشهور الأولى
كان شكك بأخلاقها
أنا درست بجامعتين وربي الذي لا إله إلا هو ماشفت بنت شينه فيه مقبولات بس مافيه قبيحات
ما دام أخلاقها زينة معه ومع أهلة هذي النقطة اللي تشفع لها لأنه نادر تلاقي بنت تتحلى بهالصفة.
...
وأستغربت من الشباب اللي هنا اللي يفضلون الجمال على الاخلاق .. بصراحة ضحكت على تفاهه تفكيرهم
يعني أكيد زوجتك الجميلة العديمة الاخلاق راح تكون أم في يوم من الأيام .. ايش بيطلعون أبنائك هههههه استغفر الله

جبتها على الجرح ........ أنا ياجماعة مطلق قبل فترة بسيطة

أكبر وأغبىى خطأ في حياتي أنني تزوجت بدون نظرة شرعية ما أدري وش كنت أفكر ! الفكرة اللي كانت مخدرتني ومقنعتني بالموضوع أني رأيت ناس تزوجوا بدون نظرة شرعية وتوفقوا .

عموما , ليلة الصدمة كانت وليست ليلة الدخلة .
ما صار توافق في المشاعر . طبعا هي تعرف صورتي وصوتي وكل شيء عني قبل الزوج و أنا ياغافل لك الله وتكونت مشاعرها وحبها . لكن الخفي بان مع الأيام وأنا ماكان ودي أستسلم وحاط في بالي أن العشرة تكون المودة والمحبة بين الزوجين (يا ما ناس ما طقناهم من أول نظرة والحين نحبهم موت! ) . يعني كنت أنظر لبعيد .لكنها أستسلمت وطلبت الطلاق أعطيتها مهلة 3 شهور . ..... الله يوفقها وإلى الجحيم ياعادات وتقاليد غبية مالها معنى وقيمة