إقتباس هلا فيك اختي .. أول شي أشكرك اللي خليتيني أسجل دخول بالمنتدى .. لأن ردودك بشكل عام تثير استفزازي .. << تحملي صراحتي .. يعني انتي مطبله لياسر بشكل خرافي .. أعوذ بالله شي غير طبيعي .. انتي من جمهور اللاعب ياسر القحطاني .. وأنا والكثير جماهير لنادي الهلال ..

انا مشجعه هلاليه ماني من جماهير اللاعبين مثل ماذكرت

ووجهة نظري أعتمدت فيها على حقائق وأرقام

إقتباس يا أختي الغاليه برد عليك أول شي .. ياسر القحطاني نجم لا نختلف عليه قبل 4 مواسم .. لكن بعدها !! خلاص ياسر القحطاني تشبع اعلاميا ونقديا وجماهيريا .. عشان كذا صار يلعب بشوفة نفس تجيب الهم .. لاعب بارد لا يتحرك .. لاعب دعمناه الين قلنا بس .. لكن ما فيه فايده .. لدرجه اني انطردت من منتدى كانت مشاركاتي فيه فوق 8000 .. والسبب اني دافعت عن اللي يتكلمون عن اشاعات ياسر .. (( عشان اعلمك اني مو ضد أحد ))

بالضبط هذا اللي اقصده .. جحد كل ماقدمه اللاعب ..

بعد الأربع مواسم .. واللي هي أعوام 2008 - 2009 - 2010 - 2011

حسم بطولات للهلال كاس الدوري 2008 + كاس ولي العهد 2009

وقدم مستويات مميزه توجها بأهداف مميزه منها على سبيل المثال هدف البلياردو ،

2010 سجل 19 هدف كأكثر لاعب سعودي يسجّل ،

2011 سجل 11 هدف بالدوري و4 بآسيا و2 بكاس ولي العهد برغم الإصابات المتكرره والضغوطات أبتداءً من ملاحقة إنسانيته في المدرجات الصفراء وقذفه مروراً برئيس نادي يتهمه بالمنشطات دون إيقاع عقوبات لردعهم وإنصاف ياسر وإنتهاءً ببعض الجماهير الهلاليه اللي تجحد ماقدم اللاعب وتجرحه وتسيء لتاريخه ..

الأهداف اللي في الأربع أعوام السابقه تجدها هنا - موقع كوره

إقتباس لكن حرام نجامل ياسر على حساب لاعب فنان .. أسمه عيسى المحياني .. أعذرك اختي الكريمه يمكن ما تعرفينه لصغر سنك .. لكن خذي هالمعلومات البسيطه عنه .. هداف كأس آسيا للشباب بقطر 2002م. أفضل لاعب آسيوي لشهر يوليو من عام 2002م. هداف الدوري السعودي 2005-2006م. خامس أفضل لاعب عربي حسب استفتاء الجزيرة نت. هداف دوري ابطال العرب 2008 ترى للمعلوميه كلها مع الوحده والمنتخب .. لاعب يجيد مهام المهاجم جميعها .. الكرات الرأسيه .. المهارات .. التسديد من خارج المنطقه .. الفاولات .. و و و و و و ..

و و و > حسيت انك تتكلم عن كريس

ماعليش اخوي عيسى لايجيد الرأسيات مثل مايجيدها ياسر وأهدافه بالرأس تعد على أصبح اليد الوحده ..

كل لاعب له إنجازاته .. وله تاريخه الحافل ،

لكن هل تقارن افضل لاعب اسوي لشهر بأفضل لاعب آسيوي لعام كامل ؟

ياسر قاد منتخب شآب وهو لم يتجاوز الـ 25 لنهائي كأس آسيا وحصل على لقب هدافها ..

وتوج في نفس العام بأفضل لاعب بآسيا ..

وبنفس العام وفي شهر أكتوبر حصل على خامس افضل هدافي العالم في التصنيف الجديد اللي أعلنه الاتحاد الدولي لتأريخ وإحصاء كرة القدم «IFFHS» ..

في ديسمبر 2008 حل ثالثاً بين المرشحين الثمانيه للفوز بجائزة الكره الذهبيه اللي تقدمها مجلة الحدث اللبنانيه ..

غير الهدف في كأس العالم :smilie47:

إقتباس نقططططططه ثانيه .. كل مره تقولين اعطينا عيسى المحياني فرصه .. اعطيتيه فرصه يا طويلة العمر انا ما اختلفت .. بس تدرين متى اعطيتيه فرصه ؟؟ بعد ما انتهت مصيبة ذوب آهن وابتعد ياسر القحطاني عن الهلال بالاصابه اللي ما تطلع الا بعد أي خروج أسيوي .. لعب بعدها الهلال مع النصر .. وسجل المحياني هدف التعادل بعد ضربة الجزاء النصراويه .. وكانت معنويات الفريق هابطه بعد الخروج الاسيوي من نصف النهائي .. لعبوه وسط الموسم .. لعبوه بمركزه .. لعبوه ونفسيات اللاعبين كويسه .. واذا ما ابدع صدقيني انا اول من يطالب بإبعاده .. لكن انا مقتنع من هو المحياني .. من قبل يجي الهلال ..

فعلاً كانت المعنويات هابطه ولكن تحققت فرص بالجمله بذيك المباراة ،

وأتذكر للحين تصريح سامي بعد المباراة قال : لو استثمرنا الفرص بتكون النتيجه خمسه ..

وعموماً نسبة تسجيل ياسر اعلى من نسبة تسجيل عيسى بحسب الدقائق الملعوبه ..

ياسر يسجل هدف في كل 104 دقيقه تقريباً

بينما عيسى يسجل هدف في كل 157 دقيقه تقريباً !!!!

إقتباس واذا كنتي تتكلمين عن ألقاب شخصيه للاعبين .. فمحمد ناجي (( جدو )) قاد منتخب مصر (( لتحقيق )) كأس افريقيا .. ومن بعدها راح للأهلي المصري وصار عاله ع الفريق بشهادة اصدقاء مصريين .. واذا بتكررين كلام أفضل وأفضل .. بين قوسين يعني بتجلسين تغنين ع الماضي .. فأنا اذكرك أن اللاعب كانافارو الايطالي أفضل لاعبي العالم عام 2006 .. يلعب الحين بالدوري الاماراتي مع الأهلي !! وأفضل لاعب في كأس العالم السنه الماضيه الأورجواني فورلان كانت بينه وبين الوصل الإماراتي مفاوضات .. ولا زلنا نتغنى انه (( كااااااااااان )) أفضل لاعب باسيااا .. جملتك >> (( اما اساسي ياسر أفضل منه .. حتى لو كان بأفضل حالاته )) !! هذي الجمله السابقه توضح كلامي اللي قلته .. بأنك من جمهور اللاعب .. وهذا رابط من موقع كورة لأهدافه .. شوفي اهدافه ع الاتحاد والنصر والهلال كم عددها ؟ طبعا يوم كان مع الوحده .. سجل ع الهلال 3 والنصر اكثر والاتحاد اكثرر .. كووورة: الموقع العربي الرياضي الأول

أعتقد قلت مبرراتي الحقيقيه والمقنعه في وجهة نظري ، بس شكلك مُصمم ..

كلن يرى الناس بعين طبعه

إقتباس ختاما .. زعيمه حايليه .. لما انولدتي الله يطول بعمرك .. الفتره هذييك كنت أبكي .. ورافض أروح المدرسه .. فقط لأن الهلال انهزم عام 1415 من النصرر .. فهمتي كيف أعشق الهلال ؟

انا عشقي للهلال بدآ من أيآم الروضه ..

وعموماً مقياس العشق ليس بالسن


وجهة نظري صحيحه تحتمل الخطأ ، ووجهت نظرك خاطئه تحتمل الصواب

الحين انتوا تتكلمون عن ياسر وياسر سوآ ..الخ
وأول مـآيسجل الهدف تجون هنـآ الله عليك ي أبو عزوز الله وش هالهدف اللي سجلته ..الخ
انتو مـآتحسون يـآسر يمر بظروف سيئه اصـآبه ورآ إصـآبه
بالله عليكم من اللي يقدر يتحمل هـ الإصـآبـآت
فككوني زين
يـآسر بيظل وبيظل أسـآسي وامسكوآ أصـآبعكم عن الكتابه عنه
لأنه مهما قلتوآ تـآريخه يشهد عليه

ياسر نجم وعيسى نجم ومن يخدم الهــلال ويحرررث فالملعب حياااه اما غير كذا فالباب يسع جمــل

آن شآإآإء الله الهلآل موب ضآرهـ شي ..~

جماهير الهلال عندها منطق واحد اللي يخدم الزعيم نوقف معه وياسر خدمنا ووقفنا معه في انتكاساته بس جا الوقت اللي نقول كفيت ووفيت نبي نشوف غيرك وعيسى يستاهل انه
يلعب اساسي لانه لم يتعرض مثل ياسر لاصابات مزمنه يعني الفرصه لعيسى افضل من ياسر

مشكوور على التذكير ولا في بعض الجماهير مع هاذي الحملات الفاسدة

والله يكتب الي فيه خير للزعيم

تقبل مروووري

هلا فيك زعيمه حايليه ..
ردي ..
النقطه رقم واحد ..
منتدى الزعيم ما يقصر .. يقدر يوفر لك مباريات كامله ..
ابحثي عن مباراه اسمها الاتحاد والهلال ..
ثم ذوب اهن والهلال ..
ثم أم صلال والهلال ..
ثم الوحدة الاماراتي والهلال .. << هذي المباراه تحديدا لا تشوفينها لأن بينفقع قلبك على ياسر .. الله يصلح حاله مضيع بلنتي ..
ولولا الله ثم التايب اللي دخل بآخر الدقايق وقام بدور المهاجم وسجل هدف .. والا كان طلعنا مهزومين بأرضنا .. طبعا كنت حاظر هذي المباراه ..

تقدرين تشوفين يالغاليه هالمباريات كلها .. كلها كان بعدها خروج من اسيا .. وشوفي قناص اسيا وش كان يسوي بالمباريات ..
كلها تهوون .. ولا مباراة ذوب آهن .. اللي طلعت بعدها بعض الرسايل اللي تستهزي بياسر منها (( عزيزي ياسر .. بحكم ان احنا ما شفناك بالمباراه .. داخل دون اتصال مثلا ؟ ؟ ))
ولا أنسى مباراة الغرافه بقطر اللي سجل فيها هدف بعد ما قطع قلوبنا اللي قطعنا المسافات لعيون الهلال .. والله العظيم جاني تبلد بالاعصاب بالمدرج .. من كثر الهجمات اللي ضيعها .. طبعا أنتي عارفه من اللي نزل ورفع فريقك .. ما اعتقد احد ناسي وش قال فارس عوض (( كل عقده ولها عيسى )) ..

___________

النقطه رقم اثنين ..

بخصوص انك ذكرتي انه سجل كذا وكذا ..
أنت بفريق اسمه الهلال .. مجمع نجوووووووم ..
وأنت المهاجم الوحيد لأن لعب الهلال دايما .. 4 - 5 - 1
هل تعلمين أن اللاعب محمد العنبر .. بعدما تكرم الكابتن الشهير ياسر القحطاني وذهب لغرفة العلاج .. وأخذ محمد العنبر مكانه .. اللي يتطنز فيه الجمهور ..
هل تعلمين أنه سجل بخلال الـ 4 مباريات اللي لعبها بغياب الكابتن ياسر 7 أهداف في الدوري السعودي للمحترفين ..
وهل تعلمين أن هذه الـ 7 أهداف كانت على 4 فرق .. وخلال أقل من 20 يوم فقط ..
وهل تعلمين أنه في 8 أيام فقط .. سجل على 3 فرق 5 أهداف .. من بينها هدفين على نادي الشباب ..
بذمتك لو كمل الموسم .. كم تتوقعين يجيب رصيد تهديفي ؟
طبعا لازم نجيب لك صوره من الموقع عشان تأكدين .. وما اعتقد انه يجهلك هالكلام ..







النقطه الثالثه ..
لا موب كريس ..
هذا عيسى المحياني ..

ولا يجيد الرأسيات أبداً
حتى هالهدفين كانت ضاربه بالغلط برأسه ..

YouTube - ‫هدف عيسى المحياني على الشباب نهائي كأس فيصل‬‎

YouTube - ‫هدف عيسى المحياني على الحزم بالرأس دوري زين 2011‬‎

المقطع الثاني اسمعي كلام المعلق وش يقول بالدقيقه 0:53




صح ما تقارن جائزة الشهر بجائزة العام .. بس أسم انه سرق الأفضليه لانه شارك وأبدع ببطولة اسيا للشباب .. << لاحظي توووه كان شباااااب .. ولا تنسين ان اساطير الهلال يفتخرون أنهم كانوا الأفضل في بعض الأشهر ..
وأبحثي عن يوسف الثنيان وسامي الجابر ..
وتحصلين انهم ما خذوا أفضل لاعب بالسنه .. لا بالأشهر .. والجميع يعلم من هم هؤلاء بالنسبة للزعيم ..

وبالنسبة للإحصائيات .. فالرجاء لا تلعب المحياني بنهاية المباراه .. وتحسب له دقايق ع الفاضي .. وتقول ليه ما سجل ..
أو تلعبه (( خلف )) ياسر .. وتقول بالأرقام ياسر أفضل ..
بالأرقام الشلهوب لاعب الوسط هو الأفضل من ياسر القحطاني ببطولة 2010 ..
حصل على هداف البطوله .. وياسر للحين يحاول يقرب من الهداف .. اللي سبق وحققه عيسى بالوحده .. ونافس بسنوات أخرى ع اللقب ..
حلوه لغة الأرقام لما قلت الشلهوب سجل أكثر من ياسر بالدوري اللي كان استثنائي للهلال .. صح

ياعزيزي بالعكس ماطالبنا بياسر يكون ضد عيسى


لكن الشي اللي نبيه مثل ماياسر اخذ فرصته نعطي عيسى مثله فقط والأفضل اننا نسوي هالكلام لكي يتنافسون


الاعبين على الخانه مو واحد يجلس يمطط رجلينه لانه ضامنها لو تكرمت اخوي افهم كلمة ضد وكلمة منافسه

لكي يبقى لنا الأفضل وبدون مهاجم اجنبي اقسم بالله لن يحقق الهلال اي بطولة خارجيه لا ياسر ولا عيسى قد

هجوم الهلال اتمنى جلب مهاجم اجنبي جيد وليس مثل احمد علي


دمت

موضوع بالصميم وصراحه انقهرر
اذا شفت المجهور الهلال مشاء وراء هالحمله

اهديك بعد هدفين من موسوعة أهداف ..
ع الهلال شقله من فوق الدعيع ..
YouTube - ‫هدف عيسى في الهلال‬‎

وهذا هدف زحلقني الشهير على الإتحاد .. بس قصري الموسيقى اللي بالمقطع ..
YouTube - ‫عيسى المحياني‬‎


بالفعل هذا اللاعب وهو في أفضل مستوياته .. لا يصل لربع الظاهره ياسر القحطاني << طبعا على كلامك ..

بررب للنوووم ..

مشكور اخوي

نعم الموضوع مجرد حملة للدخول السئ والمغرض بين جنبات البيت الهلالي

ياسر قوي وسيعود على كل من شكك فيه وعدم ضمه للمنتخب سيكون سبباً رئيسياً في عودته ان شاء الله

ياسر وقع في أصعب من هذه الظروف ومع ذلك عاااد وبقوووة

ياسر القحطاني ننتظرك فلا تتأخر <<< هذه الجملة يرددها جميع الجماهير العربية وليست السعودية او الهلالية فقط فانت أنسان غير

إقتباس الرسالة الأصلية كتبت بواسطة هـ بحت ـلالي جماهير الهلال عندها منطق واحد اللي يخدم الزعيم نوقف معه وياسر خدمنا ووقفنا معه في انتكاساته بس جا الوقت اللي نقول كفيت ووفيت نبي نشوف غيرك وعيسى يستاهل انه يلعب اساسي لانه لم يتعرض مثل ياسر لاصابات مزمنه يعني الفرصه لعيسى افضل من ياسر

أول مرة أوافقك في رأيك في ياسر !!! نعم الجاهز يلعب
وياسر خلوه يرتاح على الأقل من الجماهير الهلالية المطبلين والمجرحين في نفس الوقت !!!