بسم الله أبدأ وعليه أتوكل ,,

صبحاكم / مسائكم خيرٌ ويمنٌ ومسرّات ..
أتمنى من الله العزيز الحكيم أن يوفقنا لمايحبه ويرضاه . ويمنحنا الدرجات العلى والدرجة الرفيعة يوم لاينفع مالٌ ولا بنون ، إلا من أتى الله بقلبٍ سليم .!
صراحة ..ماأدري من وين أبدأ وإلى أين أنتهي ! صراحة حنا نتعذب عذاااب ، وغيرنا ما فكر فينا أصلاً ! من نحن المتعذبين ! نحن معشر الشباب الشباب الشباب .. < ما أدري عن الشابات > بـهالصيفية الله يعين فعلا .. إذا الواحد راح لـ مكان استوقفه ذلك السيكوريتي ( عفواً المجمع عوائل فقط ) ! طيب .. نبي مكان نروح نوسع صدورنا فيه . مافيه إلا بلايستيشن أو بلياردو بـ أحد تلك المقاهي . نبي منتزة مكتوب فيه ( للشباب فقط ) وياقف السيكوريتي ويمنع العوائل .. ! ليش مالنا أمكنة نروح لها .. ؟ حنا شباب .. حنا المستقبل .. حنا المُعّتمد علينا لاحقاً .. نحن الجيل القادم .. < ياما سمعناها مراراً وتكراراً من المعلين الأفاضل أو غيرهم من مربي الأجيال > طيب إذا حنا المٌُعتمد علينا..أعطونا مانريد .. أو أقل القليلة أعطوننا حقوقنا !
الشاب ( خاصة مرحلة المراهقة ) راح يحس ان في جسمة فورة ، طاقة . قوة . يريد أن يقضيها . يريد من يستمع إليه .. ليش حنا الطبقة ( المنبوذة ) عند بعض الناس !؟ ليش يروننا أنّا نحن المفسدون ؟ نحن الظائعون الصائعون < منا من هو كذلك > لكن هم يعممون علينا معشر الشباب .
في الأسواق العامة .. إذا مريت بمحل أو شيء وقابلتتك إمرأة . صدقني ماراح تبعد عنك بل يجب عليك أنه أنت من يبتعد .! سبحان الله , عجباً .! واذا درعمت بطريقك راح تشوفك الهيئة وتعال .. ليش تغازل !! قسم نيتي صافية ..و أنا جاي مع الأهل وبالأخير أصير أنا المغازل ..! ؟
الواحد إذا جلس بالبيت قالوا له اطلع مانت مرأة تجلس .. وإذا طلع قالوا سربوت ( ضايع ) وش نسوي . ؟ نخترع صاروخ مثلاً .. ؟
والله شيء يقهر حقيقة ،، قسم إني بديت أفضل الدراسة على الإجازة .. بسبب مانعيشه < ليس الجميع > من طفش كلل ملل بالبيت .!
البلايستيشن احترق من كثر ما ألعب فيه .. الجسم متعب من كثر لعب الكورة . يديني متعورات من كثر الطقطقة على الكيبورد .! نبي شيء ثاني .. لا تخلونا الحين نطلع مظاهرات ، ترى ما نبي نوصلها للحد هذا < مهايطي > لالا عاد صدق . إلى متى ..

س / هل الفتاة تعيش ما نعيشة لكن بعوامل أخرى .. ؟

س / مالحلول في وجهة نظرك .. ؟

ـــ أتمنى الجواب عالأسئلة .. // الموضوع مجرد رأي وفضفضة ,,
أعتذر إن كانت هنالك أخطاء إملائية < الكيبورد خربان >

شكرا للجميع

والله شف ..

الشباب ماينعطون وجه مع احترامي ..

معاكسات وشغب وتجمعات ومايخلون الحريم بحالهم ..

فأنا مع عدم دخول الشباب للمولات ،

الاجازة طويلة وبطبيعة الحال راح تمل من الفراغ

فَ فيه اشياء بديله عن الاسواق وما الاسواق

منها الأندية .. وقت اللياقة .. بودي ماستر أي شيء

وش وراك سجّل أنت واصحابك قروب صدقني لو تسجل قروب مارح تملّ

بالنسبة لتساؤلاتك وناقشك ..

إقتباس س / هل الفتاة تعيش ما نعيشة لكن بعوامل أخرى .. ؟

الفتاة من حقها أن تخرج وترفه عن نفسها !
محجورة بالبيت 24 ساعة
أما حنا يالشباب طلعات 24 ساعة مع اصحابنا دوران سربته اللي نبغاه نروح له نحظر مباريات نحظر اكشنها نروح للشمال !

إقتباس س / مالحلول في وجهة نظرك .. ؟

قلت لك سابقاً فيه حلول بديلة .. أندية رياضية مثلاً ضيّع وقتك .

لانه اغلب الشباب مايجي للمول الا يبي يغازل ويقز بهالبنات
قلت الاغلب او البعض

فسوق نسائي مااعتقد تبي لك شي فيه

ان شاء الله تلقون لكم مكان سنع هع

والله ياخي انا بيتنا ملاصق للاستراحه
و12 شاب باعمار متقاربه طول العطله
ما احس بملل
اتمنى العطله طول الحياة
ومدخل الجنه اذا متنا
بس ايام الارباعء والخميس
صدق تندبل تسبدي
ملل موب طبيعي
ما فيه الا النت والنت ما تضمن روحك هع هع
ايـــــه
الله يسهل
والله بيسالنا عن عمرنا فيما افنيناه
وحنا آخر شيء نفكر فيه القرآن عشان نقضي وقتنا
والاكثر
ما طق للقرآن خبر
الله يستر علينا

البنت نفس الشي طفش بطفش
انتم اطلعو بااهلكم او الثمامه زينه

مشكوووور اخوي موضوع راقي فعلا يستحق النقاش

انا صح بنت بس بحشر نفسي في هذا الموضوع

والله الشباب مقهورين والبنات مقهورين محد مرتاح

انا اقولك اش الحلول "

للشباب يبنون اماكن مخصصه علي مزاجهم "علي مزاجهم هذي قوووووويه في السعوديه

كول ماسوو حاجه للشباب ماتعجبهم خلوهم هما يختاروا وه

من ناحيتنا احنا نعاااااني ماتروحي مكان الا معاكي رجال
مره اش سوينا انا واخواتي وبناتهم عقدنا اتفاقيه سريه ضد الرجال

المتزوجه قالت لزوجها واللي عندها سواق قالت لسواقها يوصلونا للشاطئ البحر ويرجعوا
وجلسنا والله احنا والبزوره يوم مستحيييل انساه

بس لاتخاطرو وتسوو زينا احنا شاطينا امان والبيت يبعد عنوه 10 دقايق

الزعيم اولا واخيرا

حياك الله اخوي قناص القرن

بصراحة حتى لو فتحوا المولات والمنتزهات وصارت بتاع كلوا بتطفش
لذلك لازم تدورك على شي مفيد تشغل نفسك فيه

دوره - مهارة - رياضه - عمل - زيارة - قراءة - كتابة

المهم صدقني اخوي اذا التفت حولك ستجد انك مقصر في امور كثيرة ..
لذلك استفد من وقت فراغك قبل شغلك

بالتوفيق لك دائماً .

هههههههههه انت وش تبي بسوق حريم وش بتسوي فيه شكلك بتلعب بذيلك
لا والله الشباب لايدخلون الاسواق معاكسات وين حنا
انا بنسبه لي اطلع البر انا والوالده و الوالد والله احسن من الاسواق و المنتزهات

الحلول :

سجل بحلقات تحفيظ ومن ضمنها يكون مركز صيفي اعتقد ممتعع رحلات أو مسابقات واهم شئ القرآن في وقت الفراغ . بعدين ما أعتقد فيه ( القرآن ) الا بعض الحلقات بالاجازة تروح وتسجل والله يثيبك ان شاء الله ويثيب كل مسلم . وادا تقول ما أقدر بالاجازة , سجل بالتحفيظ في سنة الدراسة وادا بغيت سجل بالمكتبة طلعات ووناسة تقريبا نهاية كل أسبوع ومهب لازم تجي ادا انت مشغول , وبالاخير يكون هناك مركز ترفيه وقد يكون هناك رحلات الى السودة وطق خيام بالجو العليل وجلسة شباب رجال ملتزمين كلهم ان شاء الله . البعض ادا شاف ملتزمين قال هدا ما أبيه والا مادري ايش . على فكرة المطاوعةفيه كثير منهم يفيدونك في دينك وآخرتك منهم أناس طيبين الى ابعد درجة وتعليقات شبابية ( يعني متفتحين بالتزام ) . هدا افضل شئ . ( وادا تبين افيدك انا مستعد ) .

وايضا الاندية اللياقية موجودة بكثثثرة خاصة في الرياض .

وايضا لاازيد عن كلام الاخوة والاخوات .

(بعدين ادا تبي الحقيقة بعض الشباب السعودي اعتبره للأسف احد افشل شباب الخليج , ناس بعضهم مايخاف الله للأسف . ونقول الله يهدين ويهدي الجميع . ادا لاتلومهم يا أخي , بعدين انت يالرجل احمد ربك معك سيارة وتروح للي تبي استراحات سفرات منتزهات مع الاهالي نوادي مراكز صيفية .. الخ ) . هدا غير بعض المخيمات الدعوية والشبابية المميزة ومن ضمنها ( ملتقى ربوة الرياض بعد اقل من اسبوع راح يفتتح من جديد نظرا لما يتمتع به من تنوع وتميز ومسابقات وقنوات فضائية ) وبامكانك ان تشاهده باليوتيوب او ممكن قوقل , وصدقني لاأعرف أحد حتى الان من المسؤولين في الملتقى عشان اسوي دعاية , لا , لكن يستاهل , والدليل على تميزه ونجاحه افتتاحه شبه سنوي .

ملاحظة : حرف شبيه الدال لاأستطيع الكتابه به .

واختم بقوله تعالى ( ولئن شكرتم لأزيدنكم ) .

الدراسه نعمه قسسسسسسسسسسسسم بدل ضيقه خللق

و ان رحت مجمعات ما يمديك تاخذ شيء تشربه الا الحريم مثل نمل طبوا و ان زاحمتهم قالوا انت ما تربيت و اسمع صراخ و يجيك فتى الجبل الهئيه و فكك و بكرا يقولون فلان ما رباها ابوه ماسكينه الهئيه غير فضايح يوتيوب ولا بلاكبيري و فيسبوك

يعني شنسوي من جد يقول اباء المستقبل طيب خلونا نرتاح مو لا تزوجنا صرنا بس نطلع خلونا نحلل عمرنا بوناسه مو ضيقه خلللق

لو اني نظام مقررات نزلت صيفي بس

إقتباس الرسالة الأصلية كتبت بواسطة الموهوب الإنتراوي بالعكس الحمدلله ان الأسواق للعوائل تحط اهلك وترجع البيت وانت مرتاح اصلا لو تشوف عينات الشباب الي حول السوق وتشوف اشكالهم "حثالة" بمعنى الكلمة واصلا الشاب وش يبي بالأسواق حقت العوائل إلا يحشر نفسه معهم ؟؟ تبي سوق شباب موجود تبي محلات شباب موجوده ، الي تبيه موجود وعلى فكرة ترى الأسواق ابغض الأماكن إلى الله

حسيت انه طلاق مو مجمع


طيب انا لو رايح الرياض طبعا انا من الدمام ابي اخذ شيء شغله شسوي لازم اتعرف ع وحده من رياض و اطقطق معاه عشان اقنعها تدخلني و تمشي بينهم مو منطق قسسسم و يعني البنات ملائكه والله سربته اكثر من عيال
بس دايم الغلط ع شباب طيب لو صارت مشكله بينهم بنت كلمهوا ابوها ولا شهروا فيها احنا كل جرايد و ماسكيني الهئيه حسيت اني محترف توه واصل المطار يرحبون فيه