موقف مضحك صار لي بالحج ...
انا الحمد لله العام الماضي كانت حاج ... المهم في الحج تجي مواقف ماتتوقعها وغريبه شوي ..
يعني مره واحنا قبل مانرمي الجمرات واحنا بالطريق نمشي شفنا ماليزيات لابـسين جيـنزات ونظارات شمسيه ونصف الشعر طالــع !!
يعني تقول انت بسوق موب بحج لكن هذا جهل منهم ...
المهم الموقف اللي ضحكت فيه هو ....
مره واحنا جالسين في الحمله وكنا نسولف شباب وكان معنا واحد ملتزم بس منسسسسسسم
جالس يسولف ويستهبل .. وكانت جلستنا عند المايكروفون اللي بالحمله عشان النداءات اللي تصير .. كون الحمله فيها اكثر من خيمه ..
المـهم واحنا جالسين جاء واحد من حقين الامن في الحمله جاء بيسوي اعلان نداء عن واحد ...
المهم قال اسمه .. محمد عبدالله الرجاء مراجعة الاهل ... وقالها مره ثانيه لان اي نداء لازم يكرره مرتين .. وسكر المايكروفون ..
المهم المطوع اللي معنا قال لرجل الامن هذا .. قل ..
يامحمد عبدالله ترا اهــلك مايبـونك
..
رجل الامن مسكين .. جاء وشغل المايكروفون وقال ..
يامحمد عبدالله ترا اهلك مايبونك
.. قالها مرتين
هههههههههههههههه
وكل اللي بالحمله يضحكوووون وهو مهوب مستوعب اللي قاله ومستغرب .. والناس تضحك وهو مسكين عرف وانحرج وطلع بسرعه ههههههههههههههه
..
ومن عقبها وهو كل ماشفنا قال ترا محمد عبدالله مايبونه اهله
....
هذا الموقف تـذكرته مع دخول شهر ذي الحجه واقتراب موسم الحج
.. وجعلنا ان شاء الله من المقبولين ...
ولكم تحياتي