السلام عليكم


حي الله جمهور الزعيييييم<< يكره المقدمات


الموضوع كله يتكلم عن دفاع الهلال بدون التطرق للخانات الاخرى


1-( قلوب الدفاع)
بعد تصريح هوساوي الشهير (( سأذهب للي يدفع اكثر)) وتلميحه انه بيترك الهلال
هوساوي ماراح اقول الا جمله وحده بس
تذكر وقفات جمهور الزعيم معك , والي يرفعك يقدر ينزلك
ولك في الدوخي عبره , اذا همك المال اذهب غير مأسوف عليك


كثير من جمهور الهلال يقول وين البديل! وان دفاع الزعيم بيضيع بعد هوساوي
هوساوي مانختلف انه قدم للهلال لكن رحيله لن يؤثر باذن الله

بوجود الثنائي > المرشدي+ رضوان موسى(لاعب الاولمبي)
المرشدي لو استمر بنفس مستواه بمباره الاتحاد اجزم انه راح يغطي مكان هوساوي مع صعود رضوان موسى
رضوان موسى مع صغر سنه الا انه ذو مستوى رائع. يجيد الالتحامات والتغطيه والكرات العرضيه
وبنيه جسمانيه ممتازه جدا


الاحتياط راح يكون الخالدي وخيرات مع اشراكهم بمباريات وديه عشان يكونون على جاهزيه تامه لاي ظرف طارئ

2- الاظهره
عتقد لانحتاج استمرار لي يونق وبديله شافي الدوسري
ماراح اتكلم وامدحه بس ارجع لمباره وحده (وهي الوحيده اعتقد الي شارك فيها) مباره الهلال والاتحاد جده في الدوري
كيف كان ماسك خانته صح والكرات المرتده يجيدها بشكل رائع

واحد يقول ليه مانجيب ياسر الشهراني< ياسر ناديه رفضوا يبيعونه الا بي 10 مليون
سلامات يالحبيب
10 مليون على وشو؟ ياسر الحين احتياط بالمنتخب < هذا الي تبونه؟
مشكله جمهور الهلال يسمعون كلام الناس ولايتأكدون منه
انا سمعت ان ياسر ظاله الهلال وانه وانه... الخ
شفت له 3 مباريات لاعب اقل من عادي, و10 مليون تبطي عليه


اذا ماتم اخذ الكلام الي فوق بعين الاعتبار

يصبح دفاع الزعيم


شافي ( نامي)- المرشدي(خيرات) - رضوان موسى (الخالدي)- الزوري( الكعبي)

ممكن احد يجي خاش عرض يقول ليه الكعبي!
الكعبي مالعب الا مباره وحده وماكملها بعد, ماذكر المباره لكن انا من يوم شفت مستواه ارتحت
عيبه الوحيد هو انه بطيييئ ووزنه زايد لو ينتبه للنقطتين هاذي راح يكون اساسي باذن الله مكان الزوري المجتهد


ولاتخافون ياشباب شبيه الريح راح يبذل الغالي والنفيس لاسعادكم


اختم بمقوله بندر بن محمد : ( من لايثق بالهلال لايستحق تشجيعه)

كلنا ثقه بك يازعيم وان شاء الله الموسم القادم راح نكوش على كل بطولات الموسم بما فيها المستعصيه اسيا



ان اصبت فمن الله وان اخطئت فمن الشيطان