أخوي العزيز هلالي من الرس مرحبا بك
الحقيقة اني مسجل بالمنتدى من سنتين او اكثر
خلال هذي المدة كنت اتابع كل جديد عن الزعيم عبر هذا الموقع الجميل
ومن اشد ما لفت انتباهي منتدى الجمهور الهلالي
لاني اجد فيه كل ما ابحث عنه بس كنت مطفي النور يعني بس اقرا وانا ساكت
بس من تالي اشوف مستوى الهلال من ردي لاردى لين وصلت بهم انهم يضيعون بطولة لو كان الحزم والا الرمة مشارك فيها كان فازوا
من اول ما تعادلو مع الرائد وانا ادور احد يتكلم يقول الحق ان هالمستوى مهب مستوى الهلال ما لقيت الا اللي يقول ان الرائد قاعد للهلال لان المدرب يوسف خميس نصراوي بالله هذا كلام يعني تبي الرائد يفتح لك بابه ويقول سجل وغيره وغيره
بعدين جت مباراة القادسية وبرضه كل العالم مدح بمدح مع ان الفوز جاء من الحكم الله يجزاه خير بس ما برد على قلبي الا موضوعك بس زي ما شفت الردود اللي يقول مندس واللي يقول خلك من الحزم وجاي وانت ادرى بالباقي وكن المنتدى محطوط للمدح ولا غير المدح الصحيح اني انقهرت
بس جت الطامة الكبرى وخسارة الهلال المتوقعة للبطولة الخليجية الحقيقة اني ما قدت اصبر خصوصا بعد ما لقيت ناس يدافعون عن هالناس التعبانة وقررت اني اشارك واعطيهم اللي عندي
هذي السالفة كلها -----> يبي يقص قصة حياته
تحياتي لك والى الامام وقل اللي عندك ولا يهمك كلامهم لاني الحقيقة انا ما اتحمل اشوف الهلال كذا
سلام
الوضع العادي
