هل تعلمون بأن سامي الجابر هو من وضع رئيس الهلال بهذا المأزق ثقة
عبدالرحمن بن مساعد بسامي تحديداً هي من اضاعت الهلال

كلامك مختصر مفيد0000بس ماهو كله صحيح
وابوفيصل وعدنا بالتصحيح

إقتباس الرسالة الأصلية كتبت بواسطة : : ALWALEED : : هل تعلم يالناقد الصريح أنه وش رايك تروح تشجع الاتحاد دام الهلال موب عاجبك ؟؟ تحياتي

ما احد ينكر العمل الجبار إلي سواه عبدالرحمن بن مساعد ..

لكن يآناس نبي رئيس شديد مآنبي رئيس اكبر عقوبه هي الحسم

يعني ولهامسون بتفرق معه 20 الف ريال ..؟ بالعقل والله ..!

بالله جب لي نادي لاعبينه يسافرون في اوقات مهمه للفريق

مره زوجته حامل ومرة بتولد .. نادي حضانه موب هلال ..!

مثاليه فوق الزايد مآنبي ..!

اقسم بالله الأتحاد ولا شيء لكن الهلال مستوى مسخره للأسف ..

وكل مباراة آسفين إلى متى ,..!

احب الصادقين
الغير متملقين الناااااااااصحين
امثالك بارك الله فيك

ملحوظة صريحة

صفقات الأمير عبدالرحمن بن مساعد للاعبين الأجانب أفضل صفقات في تاريخ كرة القدم والعكس بالعكس صفقات الأمير المحلية اسوء صفقات في التاريخ .......للأسباب التالية

قبل ان اذكر الأسباب

اذكر ان الأمير فيصل بن تركي هو انجح الصفقات المحلية والأمير عبد الرحمن بن مساعد انجح الصفقات الخارجية

الأمير فيصل بن تركي شوف المحليين

حسين عبدالغني - الدوخي - عبدالرحمن القحطاني - محمد السهلاوي - عمر هوساوي - احمد عباس - ابرهيم غالب - ريان بلال - المهاجم ابو شعر .........الخ

الأمير الي قبل عبدالرحمن بن مساعد جاب

هوساوي ياسر .......الخ


اميرنا

جاب الخالدي - نامي - الكعبي - الجمعان - الجيزاني ..........من الاعبين الي مو ذاك المستوى


اميرنا طيب ومثالي بزيادة مثلا المفروض >>>>> يتقاتل على صفقة عيال عطيف ....لكن الأمير طيب ولا وده يخسر علاقته بالبلطان !!!!
الشهيل المفروض هجمنا عليه وخطفناه بقوة زي الأمير فيصل بن تركي ....لكن مجاملة للبلطان تركناه
حسن معاذ المفروض نهجم عليه .....نتركه مجاملة للبلطان
راشد الرهيب ..........دخلنا مع الإتحاد على الخط .......لكن تركناه مجاملة للإتحاد
الطريدي .......تركناه مجاملة للإتفاق
خالد الغامدي .......تركناه مجاملة للقادسية
ياسر الشهراني ......المفروض نجيبه بالقوة .....نخليه يوقع بطريقة الكوبري ......لكن مجاملة شوي نخليه حفاظا على العلاقات بالقادسية


أنا اطالب بشئ بسيط بس هو جعل إدارة الصفقات المحلية عند مثلا الأمير بندر بن محمد والصفقات الخارجية للأمير عبدالرحمن بن مساعد

خلو الأمير بندر او الرئيس السابق " هؤلاء تعاملهم قوي جدا ويجيبون صفقات بالقوة وليس بالمجاملة " يعرف يرتب البلطان صح ويعرف كيف يطلع الاعبين المميزين ويرتب الهزاع والدوسري ويجيب لنا صفقات مميزة والأمير لو سألوه يقول انا علاقتي مع البلطان جيدة ولكن هذه الأمور مو من شؤوني ...........وفي النهاية يجون الاعبين المحليين للهلال

الحين بديتو تعتبون وينكم الموسمين الماظيه كلها كؤؤوس وبطولات موسم كامل ولا هزيمه ومن اول هزيمه قلبتو الدنيا على الهلال
افضل اجانب بالموسمين الماظيه اجانب الهلال
انا مستغرب ماحد قال النقد الا بعد هالمباراة بالذات وين المدح وين الوقوف مع الفريق طوال السنين اجل كيف لو ان الهلال مثل الانديه الاخرى مباراة يفوز وثلاث مايفوز وش بتقولون
الحمد لله والشكر اني هلالي بس والله انا بنعمه غيرنا ماحصلها اداره ولاعبين واجهزه اداريه وكل شي الحمد لله مكتمل
ومستوى عالي والله يستاهل ابو فيصل كل خير

عبدالرحمن بن مساعد سوى كل شي للهلال . . باستثناء أهم شي . . الإدارة !! . . ما أدار النادي بشكل صحيح !! . . ما قدر يحكم اللاعبين ويحكم النادي !! . . ما فرض كلمتة على اللاعبين !! . . مدلعهم دلع تحلف بالله تشافي وانيستا ما دلعهم ساندرو روسيل كذا !! . . وبعد كل فضيحة يطلع لنا أبو فيصل يقول لا تضغطون على اللاعبين !! . . اللاعبين أدو اللي عليهم !! . . وأنا اتحمل المسؤولية !! . . ياخي اصحى إنت جالس تدفع مئات الملايين !! . . وآخر شي تطلع لنا بهالمظهر المخجل !! . . ياخي قل اللاعبين يتحملون المسؤولية وش فيها !! . . المفروض تطلع وتقول أنا أعتذر للجمهور لأني دلعت اللاعبين !!

أجل لاعبين يستلمون ملايين ما يستلمها أطلق مدير تنفيذي ويظهرون بهالمظهر المخجل كالذي شاهدناه أمس !! . . وين روح سامي !! . . وين روح فيصل أبو اثنين !! . . وين روح التيماوي والجمعان والثنيان والنعيمة والشريدة !! . . وين روح هالرجال اللي يبيضون الوجه !! . . للأسف اللي نشوفه الحين دلع !! . . ودلع ماصخ بعد !!

الحين الرجال ينتقد لتحسين اوضاع الهلال

وكل الكلام الي قاله صحيح

وجايين تقولون له روح شجع الاتحاد

وش تحسون فيه صدق عقول مبزره

كل ماعلينا الانتظار لتصريح الموسم

ونرى كيف يكون الموسم القادم وماهي التعاقدات

ونستطيع كذالك اصدار الحكم النهائي والصحيح حول الادارة

إقتباس الرسالة الأصلية كتبت بواسطة هلالـــي مانشستراوي هل تعلم ايها الناقد الصريح انك ذكرت عيوب صحيحة ولم تخطئ ولكن في المقابل هل تعلم انك تناسيت انجازات وارقام قياسية لم تتحقق الا في ادارة عبدالرحمن بن مساعد (الدوري بلا هزيمة - الثنائية لسنتين متتاليتين - تجاوز عقدة الدور الثاني آسيويا منذ 2002 - بيع عقود المحترفين بمبالغ مربحة للنادي كما حصل مع نيفيز - تجديد عقود الكثير من اللاعبين مثل ياسر القحطاني وتحويل الكثير من اللاعبين من هواة الى محترفين كمحمد نامي وعبدالله الزوري - شراء بطاقات اللاعبين الأجانب مما اراح الفريق من مماطلة التجديد كما حدث مع تفاريس عندما كان حضور الأجانب بالأعارة مما حدى بالكثير من الأندية بأتباع هذه الخطورة - حصول النادي على اكبر عقد رعاية في الشرق الأوسط ) ولو استمريت في تعداد الأنجازات لملأت صفحة كاملة وهل تعلم ايضا ان انتصارات الأتحاد على عبدالرحمن بن مساعد هي 4 احدها في الدوري بعد ان حسم واحدهما احصائيا لا يعتبر فوز لأنه بركلات الترجيح فهو يحسب تعادل اذا لن يبقى للأتحاد الا فوزين احدهما يوم امس في ظل وجود اصابات وغيابات جعلت الفريق لا يستطيع ان يكمل الـ 18 لاعبا وبالرغم من هذا كنا متسيدين اللقاء الفوز المقنع للأتحاد على ابن مساعد كان في دور الـ 16 آسيويا فقط يا اخي الكريم كل عمل لابد ان يكون فيه اخطاء ونقدها وتفنيدها مطلوب ولكن يجب عدم نكران النقاط الأيجابية للشخص وعمله تحياااااتي

كلام اكثر من رائع اخوي لاكن مشكلة بعض جماهيرنا عندهم ذاكره ضعيفه-- رجل يصرف بالملاين على النادي جاب لكم افضل اجانب مروا في الدوري السعودي--وعشان فشل مباراة في اخر الموسم بعد ما اخذ الارهاق من الفريق صار مايفهم؟!
ياليت قومي يعقلون

اخوي الناقد الصريح
اذا اردنا ان نقيم اداره الامير عبدالرحمن بن مساعد لهذا الموسم .يجب أن نكون منصفين في تقييمنا ونمنح الرجل حقه بصدق
وكما تعلم أن كل دول العالم تخصص في مسابقاتها المحليه لكره القدم بطولتين رسميتين (دوري وكأس) وتستعد الفرق لخوض المنافسه للفوز ب الاهم (الدوري) لأنه يمنح الفرق الفائزه بالبطوله في المشاركات الخارجيه مع المركز الثاني والثالث والرابع للبطوله القاريه .
وهذا ماجعل الهلال طرفا رئيسيا في البطوله القاريه مع تحقيق البطولات الاهم (الدوري)
مع العلم أن فوز الاتحاد على الهلال اسيويا وكذلك مساء الامس لا يعني تحقيق الاتحاد بطوله انما فوز مباراه وتأهل لمرحله فقط مع تمنياتنا للاتحاد بالفوز بالبطوله الاسيويه لانه يمثل الوطن
اذن الامير عبدالرحمن بن مساعد استطاع ان يحقق للهلال تقريبا 80% لهذا الموسم ..وهذا يحسب لادارته
اما اللاعب الاجنبي فأتفق معك بأنهم جميعا يحتاجون للتغيير لعده اسباب ..اهمها رغبتهم في المغادره من خلال مستواهم المتواضع في نهايه الموسم ..واعتقد ان تصرف ولهامسن (الهمجي)مع مشعل السعيد كان اكبر دليل على عدم رغبه هذا اللاعب بالبقاء .
الف شكر

المثالية ماتوكل عيش يابن مساعد خصوصا مع عقلية اللاعب السعودي

نريدصفقات محليه مدويه

حسن معاذ ماجد بلال ومهاجمين أجانب اثنين وقلب دفاع ومحور

اتمنى ان لايصبح هدفنا في المواسم القادمه هو الفوز على الاتحاد فقط

بعد ان كنا نطمح ان نروض البطوله الاسيويه