من خبر التعاقد معه كنت فرحان جدا ً لاني كنت متوقع انه بيجي
يكمل موسم لانه له خبرة بالدوري السعودي ولكن طول هالايام ماشفت منه اي فكره او تطبيق لتكتيك يعني لاتقولون الدوري ولا الكاس ما ودي اتوسع في هالنقطة كثير
اتمنى قدوووووووومه بقوة , مدرب لم اكن اعرف عنه اي شي سوى انه في الدوري الانجليزي ولكن عندما توسعت في تاريخه وجدت انه مسك فرق شبه مغمورة ووصلها لاعلى المستويات , وقريت شي فيه اعجبني بقوه واتمنى انه صحيح (( ماعنده مجاملات يعني يجيك لاعب مبدع واساسي في الفريق بدا
يهبط مستواه يمسكه الدكه))
- جيرتس وافضل ما قدمه
جيرتس قدم لنا خدمه لن تمحوا من ذهني وهي زيادة لياقة الهلال 200%
سمعت من بعض الجماهير في روم الهلال في البالتوك ان سامي فكرته خطأ ومدري ايش عن احضار كالديرون و احمد علي احمد علي انا موافق انه مو من مستوى الهلال لكن
فكرة كالديرون ممتازة لانك اذا بتجيب مدرب في نص الموسم وما يعرف شي عن الكرة السعودية غير اسمها وتريد تحقيق الانجازات فــ اسمحلي بانك حالم كالديرون كما ذكرت في الفقرة الاولى هو الانسب لتكملة مشوار الموسم لكن لا اعلم هل هذا كالديرون الذي كان مع الاتحاد لكن اذا كانت فكرة سامي ان كالديرون سوف يكمل مع الهلال بعد الموسم هذا فإذا هو على خطأ كبير...!
- الفرق بين ويلهامسون و رادوي
ممكن انكم تستغربون المقارنة
ولكن لن اقارن بـ الفائدة
سوف اقارن بآخر الاحداث
اولا
رادوي اتوقع انه شبه اعلن انتقاله لنادي العين يعني خلاص مابقى الا التوقيع
ولكن ما ترك الهلال زي باقي اللاعبين وقع عقد لكي يستفيد الهلال من انتقاله وكانها هدية مقدمة من رادوي
اما ويلهامسون شكله يبي يطلع او انه يبي يرجع للسويد علشان المولود
والدليل انه احمر على طول وبتدخل شبه همجي مافيه اي وفاء للنادي
لن ننسى ما قدمه الشمشوني من ابداع وسد ثغره عانى الهلال منها لسنين مروا عدة لاعبين ولم يستطيعوا تغطية الفراغ الذي تركه احمد الدوخي
اذا اردتوا خروج لي يونغ والاستافدة من اللاعب الاسيوي في الهجوم او صناعة اللعب الخ الخ .. عليكم بسد الخانه اولا ولا تقولوا نعتمد على نامي ولا على اي لاعب لان نامي لم نجربه الا بكم مباراة ولم نعتمد عليه ولا لنصف موسم
- خطأ الادارات السابقه يتكرر ولكن بتغيير القصة
تذكرون يوم طلع الدوخي من الهلال قلنا ان الهلال مايوقف على لاعب وان اليي جابه يجيب غيره وهذا الكلام صحيح ولكن هل البديل موجود .؟ اتمنى انكم فهمتوني
انا اقصد في الخطأ الحالي هو الظهير الايمن وقلب الدفاع الاساسي جيد ولكن هل احتياطه يكفي لسد الفراغ في حالة اصابة الاساسي او غيابه او انتقالة .؟
- التخديـــر وكأن الكلام قصص اطفال
فيه شي يرفع ضغطي واااااااجد وهو ان الجماهير يقول النادي ما قصر جاب الدوري وكاس ولي العهد و انه شبع من البطولات وما تضر انه طلع من بطولة
يعني نشكرهم على المجهود موخسرنا بطولة نقول لا ترانا جايبين الدوري كـ تخدير
يعني اخاف يجينا واحد من اللاعبين بكرا ويصرح نفس الكلام
يعني لو صارت مره ولا مرتين نمشيها
لكن كل موسم نفس السيناريو في دوري ابطال اسيا يعني يبدا الهلال بداية الكبار ويخرج خروج مذل جداً يعني ذوب آهن ام صلال الوحدة الاماراتي والاتحاد يعني في هذه المباريات بالتحديد الهلال ما نقول مايقدم مستوى نقول انهم مايلعبون جايين بس ننهزم يعني لعب مافيه روح مافيه لمسه زي الناس مافيه فيه شي غلط يعني اذا هي على حضور جماهيري انا ما انسى مباراة ذوب آهن اني كنت رايح العصر ومالقيت مكان في الواجهه مليانه وماقدرت اقعد الا ورى المرمى وبعدها خروج مذل ونفس القصه كل موسم .؟
- سمو الأمير عبدالرحمن بن مساعد
مهما حدث تبقى انت الرقم 1 في المواسم التي قدت فيها الهلال لكن ياسمو الامير هل تذكر اول ماقدمت قلت ان هدفي هو دوري ابطال اسيا اذا كان دوري ابطال اسيا على حساب الدوري ما عندنا مشكله واتوقع اغلب الجمهور يوافقني يعني بعض الناس يقولون لياقه طول الموسم تعب الفريق .....
يعني اذا كان هو السبب اذا ً لندع الدوري لـ دوري ابطال اسيا
هذي نقاط حبيت اوصلها يمكن ما عرفت اني اعبر لكن اتمنى ان فكرتي وصلت
((( سبحانك اللهم وبحمدك أشهد أن لا إله إلا انت استغفرك واتوب إليك )))
بلا مجاملات............. افهمونا تكفون ((نقاط حبيت اكتبها )) 
الوضع المتطور
