#1  
قديم 10/06/2011, 12:43 AM
الصورة الرمزية الخاصة بـ ادوماتو
زعيــم مميــز
تاريخ التسجيل: 05/01/2010
المكان: ليس لي مكان محدد سوا آنـي آذهب آينما حل وآرتحل آلزعيم
مشاركات: 3,871
Talking نصائح مبلورة من مثقف لصاحبـه المتعلـم البسيط !!

طبعاً هذه نصايح ممن لديه الخبره في كيفية أن يصبح المرء مثقفاً وفكره مبلوراً بلورتاً غريبه



اتبع النقاط التالية وانضم لعالم المثقفين ..


1ـ امحط اللحية و الشنب .


2 - إذا سألك أحد من تسمع له قل لفيروز وشاديه حتى لو انك ماتسمع إلا,,, (تم حذفة) .


3 - إذا قالوا لك من شاعرك المفضل قل محمود درويش و ادونيس حتى لو انك ما تقرأ إلا لضيدان بن قضعان وسعد بن جدلان .


4 - ابتعد عن المباشرة في الكلام واعمد إلى " التفعيط " و " التمطيط " وبدل ما تقول "في البداية " قل : " بادئ ذي بدء " وبدل ما تقول "وهذا يدل على " قل : " وهذا إن دل فإنما يدل على " ... لا تقعد تقول صعبة ومشوار ومدري إيش لازم تصبر وتتحمل ...ترى الثقافة مهيب سهلة !!


5- إذا كتبت مقالاً فلازم تطعمه ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماجوجية والميكافيلية " ولاهوب لازم تحطها وأنت تكتب المقال لا... إذا قضى الأمر أبد لزهن فيه كلمة منا وكلمة مناك الين يقضن "" إن ما كتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه ألف موسوعة ""؛ وانتبه تقول : "الرأسمالية و الأشتراكيه والقومية " ترى ذي الكلمات حقت مثقفين منول .. أما الحين ما عاد يوكلن عيش .


6- كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما في احد يبي يسألك ويقول وش معنى ذا الكلمة عشان ماينكشف " جهله " ويدرون الناس انه مهوب مثقف.


7 - خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه .


8 - انتبه انك تؤرخ بالهجري حتى لو كان هو تاريخ المسلمين ترى المثقفين مايؤرخون إلا بالميلادي ويفضل بعد انك إذا كتبت قصيده حداثيه تكتب الشهر كتابه مهوب رقم زي كذا " حزيران 2007 " أما ذا الشهر حق مثقفين بقوه وينصح بعد انك تحط تحت التاريخ أي عاصمة أوربيه " لندن , جنيف , باريس " حتى لو انك كاتب القصيدة في حريملاء وإلا شقراء.


9- إذا جاء معك مقابله في التلفزيون " حش" في الشعر الشعبي وشرشحه حتى لو انك تحبه وقل انه شعر البسطاء والعامة و الدهماء وانه معول من معاول هدم اللغة ولابد من إعلان الحرب عليه دون هوادة !!!


10- إذا سألك احد وش الجرايد اللي تقراهن انتبه تقول له عكاظ والا الرياض !! عشان مايدري انك قروي , لا..
وقل الحياة والشرق الأوسط والاقتصادية حتى لو انك مابعد شفتهن على الطبيعة ..بس لزوم الثقافة.


11- إذا قال لك احد وش الأجواء اللي تجد فيها نفسك , لاتفضحنا وتقول إذا جلست مع أهلي والا إذا طلعت للبر والا إذا صرت اضبب !! لاياحبيبي , قل له أنا تأسرني الليالي البيروتيه المقمرة وخصوصا في فصل الخريف حتى لو انك ما تفرق بين الخريف و" المربعانيه ".


12 - حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين.


13 - لا تجيب طاري الخميس والجمعة ، بل حاول تقول الويكند ، ولا تقول الشهر الماضي بل قل لاست مونث ، عشان يقولون واااااو لغته رااااقية . خخخخ


14 - إياك وعلي الطنطاوي أو غيره من الأدباء أو الكتاب اللي مثله ، بل استبدله بأدونيس ، أو أينشتاين ، وشرواهم " شرواك الطيب"

نشوفكم على خيـــر وعليكم بهذه النصـائــح كي تصبحوا متبلورين اصحاب سيموقراطيـة وفلمغقوطية
اضافة رد مع اقتباس
  #2  
قديم 10/06/2011, 01:12 AM
الصورة الرمزية الخاصة بـ .اشواق الزعيم.
زعيــم متواصــل
تاريخ التسجيل: 03/03/2011
المكان: بيت ابي ما احلاك مـن بيت
مشاركات: 64
يعني اعيش على الكذب والنفاق
اضافة رد مع اقتباس
  #3  
قديم 11/06/2011, 01:19 AM
الصورة الرمزية الخاصة بـ classic 2010
زعيــم مميــز
تاريخ التسجيل: 26/02/2010
المكان: interlaken
مشاركات: 8,126
هههههههههههههههههههة

قمة الكوميدوقراطيه

نورتنا بموضوع الاكثر من رائع

بانتظار جديدك ياغالي
اضافة رد مع اقتباس
  #4  
قديم 11/06/2011, 10:22 AM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,895
بادئ ذي بدء اشكرك على هذا الموضوع الجيد
وهذا إن دل فإنما يدل على انك عضو مميز ورائع

يعطيك العافية اخوي ادوماتو على النصايح الجميلة
وبالتوفيق لك دائماً ,
اضافة رد مع اقتباس
  #5  
قديم 11/06/2011, 01:15 PM
الصورة الرمزية الخاصة بـ عاشق المسجد
محرر أخبار المجلس العام
تاريخ التسجيل: 13/07/2008
المكان: الواحة
مشاركات: 666
ههههههههههههـ
ياشيخ ليت الموضوع ما قضى
الله يقطع شيطانك
يا اودوماتوقراطي
اضافة رد مع اقتباس
  #6  
قديم 11/06/2011, 01:47 PM
الصورة الرمزية الخاصة بـ حروف الغلا
عضو استشاري بالمجلس العام
رئيسة رابطة توتنهام
تاريخ التسجيل: 02/04/2010
مشاركات: 7,040


نصايح حلوقراطية بطعم التوفو

شكــــرا من الخاطر و الأعماق

اضافة رد مع اقتباس
  #7  
قديم 11/06/2011, 03:15 PM
زعيــم جديــد
تاريخ التسجيل: 05/02/2011
مشاركات: 3
هههههههههههههههههههههههههههههههههههههههههههههههههههههههههههههههههههه

والله مو بسيط "" ياحبيبي ""

حركااااااااااااااااااااااااات "" والله ""

ترقثب القنبلة "" أطال الله بقااااءك ""

هههههههه يووووووووه
اضافة رد مع اقتباس
  #8  
قديم 11/06/2011, 04:21 PM
زعيــم مميــز
تاريخ التسجيل: 27/04/2006
المكان: TX,USA
مشاركات: 2,279
صراحه هذا الواقع اللي يتكلم بالمصطلحات هذه خاصه الديموقراطيه وربعها والليرباليه وربعها يحطونه مثقف وكاتب واديب واذا جيت في شهاداته ماعنده ماعند جدتي لكن اللي يتكلم بمصطلحات مفهومه حتى لو بالعاميه قالوا قروي يتفلسف ولا يعرف شي الله يصلح حالنا بس
اضافة رد مع اقتباس
  #9  
قديم 11/06/2011, 05:43 PM
الصورة الرمزية الخاصة بـ صوت الماضي
زعيــم نشيــط
تاريخ التسجيل: 05/03/2008
المكان: نـجـدي الهوى والهويه
مشاركات: 528
إقتباس
وينصح بعد انك تحط تحت التاريخ أي عاصمة أوربيه " لندن , جنيف , باريس " حتى لو انك كاتب القصيدة في حريملاء وإلا شقراء.

^
^
هههههههه

شخصت بعض العينات اللي نصادفها في مجتمعنا باسلوب روقاااان
يعطيك العافيه وتسلم يمناك
اضافة رد مع اقتباس
  #10  
قديم 11/06/2011, 11:24 PM
الصورة الرمزية الخاصة بـ الزعيم سام6
زعيــم مميــز
تاريخ التسجيل: 13/07/2005
مشاركات: 30,219
نصائح جميلة أخي العزيز ..
لآهنت على طرحك الجميل ..
نورت القسم بطرحك / ولاتحرمنا جديدك ..
شكرا لك ..
اضافة رد مع اقتباس
  #11  
قديم 12/06/2011, 12:53 AM
زعيــم فعــال
تاريخ التسجيل: 01/05/2008
المكان: الـــــــــــــــــرس
مشاركات: 379
ههههههههههههههههههقراطية

شكرقراطية
اضافة رد مع اقتباس
  #12  
قديم 12/06/2011, 01:57 AM
الصورة الرمزية الخاصة بـ .yousef
زعيــم مميــز
تاريخ التسجيل: 15/09/2008
المكان: ... في نادي القرن ...
مشاركات: 6,941
إقتباس
الرسالة الأصلية كتبت بواسطة .اشواق الزعيم.
يعني اعيش على الكذب والنفاق

صدقت أخوي ، هذا هو التطور اللي يتكلمون عنه لازم تنافق وتكذب عشان تكون متطور ، بئس التطور إذا كانت هذه طرقه ، وبئس التطور إذا كانت طرقه هي تقليد الكفار في لغتهم وفي حركاتهم ، قال رسول الله صلى الله عليه وسلم: (لتتبعن سنن من كان قبلكم حذو القذة بالقذة ، حتى لو دخلو جحر ضب لدخلتموه ) .
اضافة رد مع اقتباس
  #13  
قديم 12/06/2011, 01:20 PM
زعيــم مميــز
تاريخ التسجيل: 14/04/2009
المكان: ][ الريـآض لـآنـد ][
مشاركات: 3,888
بالصميم


ــــــــــــــــــــــــــــــــــــــــــــــــــ

لك ->
اضافة رد مع اقتباس
  #14  
قديم 12/06/2011, 01:30 PM
الصورة الرمزية الخاصة بـ بطلة
زعيــم مميــز
تاريخ التسجيل: 24/09/2009
المكان: مدينة السنافر
مشاركات: 3,141
هههههههههههه حلوة النصائح

طيب وين كلمة أما بعد ولا ذي صارت قديمة


الله يعطيك العافية

شكر لك
بطلة




اضافة رد مع اقتباس
  #15  
قديم 12/06/2011, 03:08 PM
الصورة الرمزية الخاصة بـ هلالي من ارض اليمن
مشرف منتدى المجلس العام
تاريخ التسجيل: 02/08/2005
المكان: بين الحلم والأسوار !
مشاركات: 13,589
حياك الله اخوي

الموضوعات المنقوله مكانها صيد الانترنت

شكرا لك ،،،
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:39 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2020, Jelsoft Enterprises Ltd

Google Plus   Facebook  twitter  youtube