تعليقاتكم في معلقة الزعيم 150 بيت تفضلوا ومن هو الشاعر - نادي الهلال السعودي - شبكة الزعيم

كل ذي نعمة محسود · #1 08/06/2011, 01:32 AM

بسم الله الرحمن الرحيم

عزيزي الزعيم تفاعل في تعليم الأندية الأخرى أن الهلاليين أبطال حتى في الشعر والأدب ودعونا نغزو المنتديات بهذهـ الرائعة

قصيدة ( نجوم الأرض )، تخص نادي القرن (الهلال السعودي)...

نجوم الأرض

شوف السحايب والهـلال الله رفعـها في كونه ونجــوم الأرض شوفها في نادي القرن منثوره

ألقابه ما فيها جدال الموج دوم يسمونه الموج الأزرق لي رفع شعــاره ومــال جمهوره

وان هــاج فنـه بإنتصـار المعجبين ينادونه جن المـــلاعب من عطا هـديره ولجة حظوره

فريق له لمعة بريق يفيق من شهد لونه الأزرق الحر الطليق يعيق المعتلي غروره

خـذا زعامه الفرق وأجبرها تنحدر دونه عــداها مثل اللي يقول أبعد ودعها مأموره

أمر خصومه بمستواه فوق المنصه يصفونه موتها واحيا عاشقيه خلاها قلوب مسروره

طبيعـه تميز الهــلال ان قــال الأول يكونه ماخيب جمهوره وصال وجال ونال معسوره

ان قلت اللعب ولع نار الازرق يشعل فنونه فريق اهدافه الشرار يذهلك يشبك الكوره

كذا التهديف له أصول وله رواده ينهونه على ثمنيات الشباك ينهونه نهايه مضفوره

ولا غرابه ولا عجب لا طل الكاس يشيلونه وجب للازرق الذهب ياما البطولة تزوره

تمناه الخصم وتعب وسلم أمره وحزونه غصبٍ ترك لنا اللقب وقال الكسب لصقوره

مثل الشياهين الحرار أعند حبارى يدمونه تشوف فيهم الجناح الطلق يسبق شعوره

شموخ وعز ومفخره وهيبة حدة عيونه وصوف الصقر من الهلال ان هد مد بالغوره

من واجه القوي ضعف الله يكون في عونه حديد حنا للحديد إنفلــه نمــدد صهوره

فريق يثري التاريخ ارقى النجوم يضمونه من محسن بن بخيت الى النعيمه صالح وظهوره

نجوم تتبعها النجوم العاب اوربا يجارونه لهم لمسات سحرية وكـن الكورة بلوره

ألعاب سامي الخطير الذيب ما يجيبونه الطلق لا جت هجمته أربك زوايا محجوره

ويوسف رومنسي اللعب تكتيكه ما يسوونه الله عليه لا لعب النمر وكبتن نموره

وياسر شع مع نجمين سهيل الكاسر رهونه كسب رهانه بآسيا وان صف العند طابوره

نجوم يصعب عدها لو دار الإحصا يحصونه في كل محفل به نجم ويكون فجأة الدوره

وآخرها حققنا اللقب واسرع هدف يضيفونه هلالي ألهب التاريخ أمتعنا بأول زهوره

ما همنا صوت الخصم ولا اللي هم يذمونه يذمون اللي بالشبك يجيب أقوال محكوره

زعامة قول مع فعل خطط جمل يخطونه وبحره هايج ما سأل وصل بإبداعه وطوره

من كثر امواجه البحر موج الهلال يدارونه من شاف موجهم خمد وهاب مده وجزوره

يبطون الدنيا ياصلون المجد وما يدلونه مواهبنا صنع البدع كنك تشوف مقطوره

فنون اللعب بروحهم لاجل الذهب يمرونه فنون موزات الكره وسط الشباك منقوره

وتشوف المتعة والتشويق وفن راقي وليونه ماهي خشونه ودها تكون الرجل مكسوره

لهم لعبات رايقه والشكل راقي يزهونه لاجل جماهير الوفا ذويقة فن وصبوره

وعلى الفنيلة سطروا أجمل عبارة موزونه إلا رسول الله تذل كفار الأرض وفجوره

يهمهم عز الزعيم بروح العشق يفدونه مامثلهم عزم وجهد ورياح تهب عاصوره

لامن تباطى كسبهم يقول النصر يمدونه لمحة بصر وأهدافهم هجمات تجيك ممطوره

من شعلته ضاق الفضا على اللي ما يودونه وضاق حارس المرمى كن القوايم مبتوره

أسر عقول ودها الإبداع دوم يحضونه وتردد أجمل ما انكتب على الملاعب وسوره

من زود ما فيهم غلا ما ودهم يشوفونه يخافون الحظ لي لعب ضده وزاده نكوره

على ما قيل ارم الحظيظ أعماق البحر تلقونه لو كان مستواه أدنى يعوم وعينه مبصوره

وان جت خساره للزعيم أكيد اتجيه مضغونه تجيه من ضربة جزا ولا الأجواء مغبوره

ولو يفوز أية فريق اهتال وجنت جنونه كن البطولة شالها وعقول ربعه مطيوره

عجايب الدنيا سبع والأزرق صار ثامونه واكبر دليل لو يطيح تشوف الناس مبهوره

تهواه روحي ماتمل أسرها وهيض شجونه يشدك غصب بإنبهار وكن الروح مجبوره

ولو ابو القلب الخضر هواوي وربعه يشكونه شكيت من نادي الهـلال الله مكـمل بدوره

وان كان شعار الهيام ابكل وادي يهيمونه أنا هيامي بالزعيم وغيري يخور كم خوره

أنا عشقته واهتويت ابداعه لو تجافونه لي صار ابداعه اعتلا كل الفنون بحظوره

أهواه كثر تغريد الطيور بروعة شدونه وكثر ما ارتوى القمري من الأبحار ونهوره

وكثر ما كبد السما هلت لنا من مزونه وكثر نبت الأرض من خزامى وفل مفطوره

وكثر الجوري والنسرين وكثر ما تهادونه وكثر ما فاز الزعيم ولف الورد بنحوره

وكثر ما هدف زعيم وهز المرمى وركونه ومهما نعدد أهدافـــه تصير الحسبه حــزوره

وكثر الثمر من التفاح وثمر التين وزيتونه وكثر حبات الرمل وأزهار الأرض وعطوره

وكثر السكر الحالي كثر ما الناس يذوقونه تهواه نفسي لي لعب ولعها وصارت مجموره

وكثر العين ما ترمش وشد المعجب جفونه لا هـدف الكوره زعيم أصابه لوهي بجحوره

اهواه كثر عشاقه من اقصى الارض ومن دونه يلوق فيهم الهوى ورجـاله ذوق موقوره

أهواه كثر ما تشرق علينا الشمس ممكونه وتمكنت على الملا بالنور وزادت سفوره

فضا الفضا وملا الملا نجوم زرقا يغطونه لهم طلة تهيب الخصم إرباك وضيقه وحروره

ركود اركود والزعيم موجود يعزف لحونه واللي تحداه انكتم وصوت الحزن بحنجوره

مسيل أقلام الصحف خلى الكتاب يروونه روايات ونثر وقصص وآشعار تعنون سطوره

من زود احبابه الزعيم اكثره بنجد يحبونه في قلب العاصمة سطا غلاه مابه مشوره

والى وجهت للقصيم شعار الأزرق يهوونه يهوونه عداد ما تمطر سما والقلب ماطوره

واهل الشمال للهلال أيادي الــــود يمدونه من قلب اصواتهم وفا وهتاف عالي منبوره

ولو سألت ابن الجنوب الغالي من تشوفونه يقول أهوى ذاك الزعيم اللي مجاراته خطوره

والشرقي عشقه للزعيم أحبابه ما يصدونه لا صار مشجعه سعيد ولا يقطع ظـفوره

ون جيت ديار أهل الحجاز الدم الأزرق شجونه الكاس يلمع بينهم ودمع العين مدروره

الفوز ماهو بالصدف له ناسه اللي يجنونه فن وإدارة ومدرسة معها انسجام مشكوره

وان شفتهم تشوف رجال ودرب ثابت يمشونه هل الأمجاد والشرف لهم وقفات مقصورة

مقصورة قادة الوطن ياما الهلال يرقونه نجوم تصافح الشرف من المليك مسروره

وسط الملاعب تعجبك والراية خفقى مصيونه باحلى عبارات الجمل تقراها دوم منشوره

ولانقبل غير الذهب بين الأيادي محظونه الكاس حطه واتركه وراك ذيابه مسعوره

لا تطري الكاس بينهم غصب عليك يشيلونه لو كاس المويه اخطفه هلالي وإرتوى زوره

وان شلته قبل ابن الزعيم أحبابه غصب يعيدونه وصوفه عالي المستوى جبل ما تكسر صخوره

زعيم دوري المملكة إن كان الخصم ينفونه وزعيم دورة الخليج وأسيا جابه هاموره

يامحلا صيدة الذهب لي من ظفر به مفتونه انسى تجاري عـزته وأمجاده فيه معصوره

لامنه ولع لعبهم صفق على اللي يبدونه هجماتهم رسم وخطط على الميدان مسطوره

خطط لعيبه تمتعك في كل باص يباصونه تمرير الكورة هندسة كنه فرجار بمروره

أشبالنا من مدرسة كبرت ودروسه ملقونه دروس تعلم العليا وشلون تحلق نسوره

وأشهر مدرب جالها وفوق الشهرة يزيدونه أمثال بروشتش جالها ما تقبل أسماء مغموره

نطول صفقات العقود اللي الكثير يرجونه ونظم من لعبه عجب كعباته تبرز مهوره

كم من برازيلي ذهل وقال الحق بلسونه متع ميولك بالهـلال بدون إجبار وضروره

يضنون الفن عندهم وان جونا ما يلاقونه وشافوا سحبات الكور ورجول الخصم مجروره

من البرازيل الصفر أحضرنا نجوم يباهونه حتى الشياطين الحمر لو جت بالبال مقدوره

وان جونا شافو كوكبـة إبداع ما يضنونه نفاجئهم لي من نزل شبلن يبرهن بطوره

مثل ما نطري نجومهم النا النجوم يطرونه يطرون سامي وياسر ونطري ريفو وجنيوره

بإبداعنا ضاقت صدور أمست شقيه ومشحونه لا جاهم طاري الهلال الروح ياهي محسوره

ولا نهتم من صغار إن شفنا افعال يدنونه صغار الليزر لا نوت تبلانا داخل جحوره

لا صار المرمى له عيون الذيب ما يحجبونه كبتن جميع اللاعبين أزهق نفوس مقهوره

تحياتي يم اخطبوط الملعب لا تحدونه عميد العالم من يكون إلا الدعيع جبوره

ولا نهاب ضرب اليد ولا المكشر سنونه دام إنه ضيع مستواه ولا يبالي حدوره

مسار الأزرق اندهاش أتعب نوادي يمشونه حب ٍ يعانق الوفا ماهي قلوب مشجوره

رغم الجوايز ظالمه ياسرع أمثاله يجيبونه أغربها فعلة أسيا على الشلهوب مشفورة

قرار سلبي ما عدل أخطـا الموهوب قانونه ما ندري حظ أو فبركه أوهي نقاط مأجوره

تبان كل مجامله في شخص عادي يعلونه فرق الصقر فوق الجبال وفرق الغصن وعصفوره

فينا الحقيقة ثابته مهما الحقايق يخفونه إن الشلهوب أفضل نجم لو شككونا بجدوره

والخافي أعظمه أمر دام الحساد يطوونه ظهر الطموح ينكسر الله خلقها محشوره

كن المواهب انتهت وأسما غريبه يوصونه ولا غرابه لا غدت من دون إتقان مأشوره

دام الفكر بالإختيار يضيق حده ورعونه ودام تبور الموهبه معها الجوايز مبيوره

ودام ما بها انتعاش ان كان الأفضل ينفونه خلاص ليه الإهتمام إن جت بإمور منفوره

ماعاد بالدنيا ثقه وأهل الهلال ينعونه ينعون ما صار وبقى وأشيا كثيرة مستوره

نجومنا أهل العجب من شافهم يسلونه من شافهم سمى ورغب إنه هلالي الصوره

يحق له كم من بطوله عدادها اللي يعدونه ويحق له لا من غضب أعند خصومه مخسوره

الواهب الله لا وهب نبرز مواهب مدفونه وتشوف عشقه للذهب وتصير فنونه مظهوره

هذا الإبداع اللي نحب وعلوم الذوق يرقونه الذوق جاهم منحني رفعهم وأعلن صغوره

وطبيعي المجد يهتويه رقاب ماهي مطمونه لا صار المجد له زعيم وجا وليفه ومعشوره

وان جيت مجلس وازعجتك عقول حمقى مغبونه وقالو فرقة الهلال احظوظه دوم ميسوره

لا لا تجاوب الخصم ياشين الفقر وطعونه ولا تحاول تقنعه خله بصياحه وضجوره

إبن سعيد له تاريخ أحبابه دوم يقرونه له قبلةٍ فوق الجبين وكلمة شكر مخشوره

على جمايل أفعاله الوافي بذكره يوفونه عشق هلاله وسامره يوم الأولمبي ببكوره

وإن قيل الشيخ والنعم يستاهل ما يقولونه يستاهل اللي حصله له سيرة مجد معطوره

وشال الرايه الحمدان أوفى وكفى مكنونه مكنونه في عشق النجوم أوفى أيامه وشهوره

من طبع جوده الشهيل النبل كان مخزونه يقول ويفعل الشيم ماهيب أقوال مهزوره

ماضيهم ماضي من رجاه اخلاص بجد يجيدونه أصل وفصل وقت اللزوم الشك زايل قصوره

وأجمل تحيه واحترام وكبد الطيب وبطونه وأعني عبدالله بن ناصر أوفى القياده مندوره

سطر أمجاده بالذهب ياكبر ثقله وثمونه هذي الرجال للهمم افعال مابها زعوره

أصل العلوم الغانمة وإحساسه صدق ومرونه بساطه ما تقبل سواه سجايا روحه مزخوره

وأفاخر هذلول الهلال إن جانا الضيق تلفونه يحلحل ضيقة الزعيم وكل عقده مصروره

عريب الساس ريح العود بكف ذراعه تنشونه هو سقيا نشوة الفرح لو قربة ماها مزروره

ضرغام من نسل العضام أهل الزعيم يشكونه قربك يامير سعدنا جمهورك ضاقت صدوره

ولا لي غير رجواتي على اللي خلقه يخشونه يسقي عبدالله بن سعد طيب الجنان وكافوره

ياحـي ابو الوجه الطهور أهالي العرف يحييونه تحيا الأرواح بمدحها ماكانت يوم مضموره

يارب فردوس النعيم تروف بروح مدفونه عساها له برد وسلام آسباب اخلاقه مذكوره

وكمل سيرة الأمجاد المفتي محمد بهونه رحابه وطيبه واقتدار ويد النخوه مشموره

وحلت أمجاد الفخر بقدوم خطوه ممنونه إن قيل خالد قلت أبوه محمد الولا بخوره

تولى النادي واحتواه خلاه توأم جفونه اخلاص فاق التضحية أحرج من كان قمطوره

العشق الأزرق من وفاه وأهل الوفا يهنونه ما غاب عن حب الزعيم النفس فيه مفخوره

وجانا النشمي والتقى رجال ما يردونه فواز المسعد الوفي سيرة وفاه مخبوره

وهذي ميزة الهلال أرقى الرجال يوالونه يعجبك الواحد منهم عن عشر رجال مأزوره

الله يرحم ما مضى زمان ٍ فات بحسـونه عصر ٍ ياصعب تكراره مامر أجيال بعصوره

وأقبل علينا سعدنا أحبابه بصيته يوحونه يوحون الفعل في بندر ابن محمد ودوره

بث الحماسه بالنجوم أكفاهم ما يعانونه كريم من نسل الكرام الطهر منبت بذوره

وكيف أوصف وجه الفخر ربي يحرسه ويصونه أعطاهم وقته وغدت لعباتهم بها الفوره

وسعود بن تركي لقى تقدير ربعـه يجزونه حليم طبعه الحكيم الراقي مابه نعوره

من بيت الجود الأجودي وطوال الهامة يـبنونه لا صار مغتني جوده وغيره بجوده طفوره

يطاع هادي الطباع أطيب شجاع ترضونه دامه يصيب أهل الفتن وأهل التعصب خدوره

وابن مســاعـد الوفـي عبدالله الغالي تغلونه المخلص لا جار الزمان ومال الوقت صيوره

الحي يحييك بعطا والميت يزيدك غبونه أسكت مقاشير الحســد والقشر تموت مقشوره

الشهم في وقت مضى رمز الشموخ وحصونه والنبت الطيب شجرته ما بين الناس مثموره

والحر محمد بن فيصل أمير الراي تنصونه إن جت شدايد فرقته روق نفوس معكوره

الرمز من بين الرموز إن راح رمز تنخونه عريب الجد نسل الجود الشيخه منبت جذوره

يساهم في دعم الضعيف ويفك قيده وسجونه وان ساهم في صفقة نجم مايطري جنيهه ويوره

واسعدنا قدوم الصيرمي جا والقلوب مأذونه عبدالرحمن فال العز والغد قريب ناظوره

وان أظلم ليل وما ضوى لا بد الدوري يجيبونه هلال أبو فيصل ذهب لو الحظوظ مفتوره

أمير الخير والإحساس وفيه الطيبة مقرونه واللي يشكك طيـبـته الله يقطع دابوره

فاخرت بآعلام الهلال أذواق وهمه ورزونه علمنا فيصل بن فهد عطاهم عزم وجسوره

يحق لي ذكر اللــذي جميع الناس يعــزونه عزيز عزوة المعتاز يعـز أعزاز بذخوره

قاد الرياضة والأدب والفكر من صفى ذهـونه حظاري حاظر القلوب أسرها وروحه مقبوره

أرجوك ياكل القصـيد أفخر بذكره وحسونه الحب من الله العظيم وروح الطيب مغفوره

فخر الخمسين يحلمون ونادي القرن مضمونه أنادي نادي الهلال الفيفا أحرجهم دستوره

ولكم فائق احترامي وتقديري،،،،،،

كل ذي نعمة محسود وكل هلالي محسود