وصف نادي الهلال + متى ذهاب لاعبين الهلال للمجمعة ؟ ضرووووري - نادي الهلال السعودي - شبكة الزعيم

Y o u s e f · #1 07/06/2011, 05:28 PM

السلام عليكم ورحمة الله وبركاته

أخواني ودّي أسأل عن وصف نادي الهلال من حي السلام بشرق الرياض
ثانياً ودي أعرف متى لاعبين الهلال بيروحون للمجمعة ؟

وأكيد بيروحون براً ...

تكفوووون ضروري في حاجة أبسويها لرادوي

مشكورين

ريبري الحربي · #2 07/06/2011, 05:47 PM

المباراة يوم الجمعه يمشون نفس يوم المباراة الظهر يمكن يمكن ما اقول اكيد

.yousef · #3 07/06/2011, 06:24 PM

أخوي وصف نادي الهلال:

أطلع ع الدائري الشرقي متجهه للجنوب أمش لين يجيك مخرج 28 اللي هو طريق المدينه المنوره أدخل مع المخرج ورح مع الإشاره يمين تعدى الإشاره الأولى وتعدى الإشاره الثانيه اللي هي تقاطع حمزه ومع الإشاره الثالثه اللي بيكون ع يدك اليسار سوق الرياض الدولي ديور مع الإشاره ومع ثاني ملف رح معاه يمين اللي بيكون قبل الملف حديقه وبعده سنتربوينت إذا رحت معاه أمش لين ينتهي بك الشارع رح يمين ومع الإشاره رح يسار أمش حوالي 500 متر لين يجيك نادي الهلال ع يمينك .

أتمنى التوصيف واضح يالسمي ، وبالنسبه لموعد الرحله ما أعرف ولعلك تلقى أحد يعطيك الخبر الأكيد .

.

[ آبو خآلد ] · #4 07/06/2011, 09:04 PM

الظهر في يوم المباراهـ .. ع حسب كلام المركز الاعلامي ..

.yousef · #5 07/06/2011, 11:33 PM

الخبر الأكيد يقول:
أن البعثه بتوصل ظهر يوم المباراة .

Y o u s e f · #6 08/06/2011, 07:39 AM

ياجعل عيني ماتبكيكم <3
للأسف اليوم التدريبات مغلقة ..
لكن أنا رايح لرادوي رايح .. والله لو برومانيا

يوسف .. لك من قلبي دعوات أرجو من الله قبولها <3