10/10/2010, 05:47 AM
|
| زعيــم نشيــط | | تاريخ التسجيل: 24/07/2005
مشاركات: 559
| |
تجربتي في طـور ML في المعشوقة PES 2011 [ موضوع دسم جدا ] أرجو من الجميع التفاعل....!
بسم الله الرحمن الرحيم
السلام عليكم ورحمة الله وبركاتة ،،
بصراحه لا أجيد المقدمات لكن موضوعي هذا راح أسرد لكم فيه تجربتي في المعشوقة PES وبالخصوص في طور ML وأعرض عليكم خبـرتي المتواضعـة وان شاء الله نفيد ونستفيد منكم ، طبـعا انا ما أشارك أبدا لكني قاريء متابع جدا جدا لكم وايضا ما اعرف احد منكم لكن يوجد عدد من الأعضاء أحسهم مشهورين عندكم شوي أمثال عزوز ، وائل .. الخ
حبيت هالمره أجرب حظي بين هـ العمالقه وان شاء الله نقدر ننافس لو شوي خخخ
طبعا أخوكم عاشق ومتيم بما يـسمى ML وبصراحه وبدون لف و دوران هذا الطور هـو [ زبدة اللعبة ] يعني اللي ما لعب فيه وعاش أوضاعه بصراحه اقول له معليش انت ما تعرف PES على حقيقتها ..! واللي يبي يقتنع بكلامي يروح يسأل اللي خلصوا ( أكثر من خمس مواسم ) في هذا الطور ويسألونهم ويشوفون آرائهم حولها ،
مابي أطول عليكم ، هـذي بطاقتي /
الـطور / ML
الفريق / أرسنال
مستوى اللعب / Top Player
تطور اللاعبين / Dynamic << بأعلق عليها لاحقا
مستوى نشاط السوق / High << بأعلق عليها لاحقا
حالتي /
رصيدي الحالي / 58،251،100 دولار
الترتيب / متصدر الدوري بفارق الأهداف عن ليفربول
صفقات / صفقتين فقط ( إنتقال مباشر )
الأسبوع / أسبوع 20
^^^^^^^^^^^^^^^^^^^
وجهات نظري وتجربتي :
× السلبيه الوحيدة في هذا الطور في نسخة 2011 أنهم سهلوا عملية إنتقال النجوم ( لانه بصراحه الماستر ما لها طعم ابد اذا قدرت تجيب لاعب من أول مفاوضه ) واللي يقول اني ما قدرت اجيب لاعب مشهور اقول له / راجع طريقتك في التفاوض + وقت التفاوض ، وراح اتكلم عنها لاحقها
×مستوى تطور اللاعبين هذي ميزة حلوه جدا و انا اخترت فوق ديناميك ، مع هذا الاختيار يكون تطور اللاعبين ملحوظ ومتزامن مع ضغط المباريات اللي تلعبها ، يعني على قد ما تكرف تحصد وانصح الجميع يختار ديناميك
×مستوى نشاط السوق ايضا ميزة حلوه [ للي يبي يبني فريق ] مو يفاوض لي كريس + توريس + ميسي من اول اسبوع ....! انا حطيتها عالي علشان تفيدني في مسألة مفاوضة اللعيبة الشباب الموهوبين والغير معروفين علشان أبني فيهم فريقي ، واكرر حلاوة الماستر بالتعب اللي فيه ، وش استفسد اذا من موسم واحد جبت اللعيبة اللي ابيهم كلهم ؟؟ بأطفش وأقفل الماستر خلاص ...!
× حاول بقدر المستطاع أنك تشيك على الجهاز الفني في فريقك والجهاز الطبي ، ركز على مدرب اللياقه + طبيب الفريق + مدرب الحراس ، المدرب ما يهم ( كانك ناوي تخليه يلعب المباريات عنك شي ثاني ) الكشاف ( من الافضل انك ترفع راتبه علشان يجيب لك تقارير سريعه عن اي لاعب تبيه ) نرجع للثلاثه اللي قبل ، مدرب الحراس ( راح يطور لك الحراس الاحتياطيين ويكونون جاهزين لبطولة الكاس وغيرها ) مدرب اللياقه ( راح يضبط لك اللاعبين وراح تحس ان الارهاق قليل عليهم ) طبيب الفريق ( راح يعالج لك المصابين ويرجعهم بأسرع وقت ) ،،،، لكن متى راح تحصل على كل هذا ؟؟؟ لما ترفع رواتبهم يا عزيزي ...! علشان كذا اقول لك ركز على الثلاثي هذا وارفع رواتبهم او تعاقد مع غيرهم برواتب عاليه علشان ما يجيبون فيك العيد في نص الشمابيونز ( اكره الفتره هذي بالذات ، تبدا تجيك لعنة الاصابات والارهاق ) ارجو ان النقطه تكون واضحه ، واذا بغيت تتعاقد مع واحد من اللي قلت لك اقرا الوصف تبعه لانه بعضهم يقول لك انه كان يشتغل في البرازيل ويجيك ولا يعرف طبيعة اللاعب الاوروبي واشياء معقده زي كذا .. الخ
النقطه الاخيرة لازم تركز عليها لاني زي ما قلت لك ( بعد خمس مواسم بتعرف طعم الماستر الحقيقي ) ونصيحه اي واحد يبي يستمتع بالماستر يحاول يبني فريقه بأسماء شابه ، صدقوني تحس بطعم في اللعب ،
فريقي أرسنال ( وأرسنال في الاساس المعدل العمري عندهم منخفض يعني الفريق كله شباب ، يعني يخدمونك خمس مواسم لين يصير عندك راس مال جامد وتقدر تتصرف فيه ، بينما الفرق الاخرى وعلى رأسها الإيطاليه مع نهاية الموسم الثاني يعتزل عندك اربع لاعبين ممكن ،، علشان كذا اختيار الفريق نقطة مهمة
الحين انا متعاقد مع لاعبين بس ، وكلهم مغمورين لكن اختياري كان على حسب احتياجي ، انا احتاج محور قوي جدا يكون احتياطي لـ سونج ، رحت للخيارات في البحث وطلبيت لاعب محور + طوله فوق 180 ( في الاحتكاكات يفيدك ) + عمره تحت 20 ( تفكير قداااام + جنسيتة انجليزي ( البعض بيستغرب ..! ) نعم هذي اهم النقاط عندك ، يوجد شي اسمه نسبة الولاء تبع اللاعب ، اللاعب لما تخليه على الدكه فتره طويله تبدا نسبة الولاء تقل عنده واذا سويت تنسيق لواحد من اخوياهم يزعلون ، لكن اللاعب اللي يكون محلي مو اجنبي ـ تكون نسبة الولاء عنده مرتفعه جدا وصعب يترك الفريق ـ واذا جا وقت التجديد تلقاه يرضى بأي قيمه بدون مناقشات .
لاعبي الثاني قلب دفاع لاني قررت اكرش لي بعض العاهات اللي عندي ولقيت هذا البديل ممتاز جدا ايضا انجليزي وعمره 19 وطوله 195 ( طويل جدا في الرأسيات انسى تعدي )
أسلوبي في اللعب كالتالي /
عندي ركيزه ارتكز عليها وهم ثلاثي [ فابريجاس + ويلشير + سونج ] لعدة عوامل [ سن صغير + مركز الوسط ] لاني دائما احب اضبط الإيقاع جوا اللعب وهذا يعتمد على الوسط ، طبعا مباريات الدوري ثابتين ، لكن اذا كان عندي مباراة شامبيونز العب فيهم والمباراة اللي بعدها في الدوري اريحهم والعب الاحتياط .
بطولة الكأس هي منبع النجوم ، العب فيها الاحتياط كله ، تنتهي البطوله وهم متطورين بشكل خيالي وينافسون على الاساسي .. وعندي طريقة تعامل ثانيه حلوه جدا ، اي لاعب عندك تحس انه مبدع لكن ما تقدر تعطيه فرصه لان الاساسي افضل منه ، طلعه إعارة ، انا الان عارض كارلوس فيلا عندي ( إعارة ) لكن يمكن واحد يسألني / انا أعرض اللاعبين للاحتياط ولا احد يبيهم ؟؟ اذا كنت تبي لاعبك تجيهم عروض للإعارة ـ حاول تعرضه للاعاره قبل بداية الادوار النهائية لدوري الابطال ( وخله يلعب في الادوار النهائية ) بحكم أن البطوله كبيرة جدا متابعه من جميع وسائل الإعلام ..! كارلوس فيلا لديه عرض من برشلونة الان واحتمال اعطيهم يلعب معهم موسم كامل يجيني جااااااهز يكون اساسي وقتها راح ابيع ارشافين لانه بيكون كبير وقتها وعندي بديل وصغير و جاهز
الشباب اللي يشتكون من عدم قدرتهم على جلب النجوم اقول له ، لما ترفع راتب الكشاف عندك راح يجيب لك تقارير كثيره عن اللاعب ( هل هو مرتاح ولا لا + هل هو يشارك كثير ولا لا + هل عقده بيخلص ولا لا ) انا اذكر في 2010 قدرت اجيب ميسي لكن تعبت شوي وبالاخير حصلت عليه ، ابو الشباب جته اصابه وفي نفس الوقت عقده كان مخلص وتوه ما جدد ..! ارسلت له العرض ورفعت الراتب ( ركز على الراتب مو على قيمة العقد لان عقده بيخلص ...! والنادي يبي يستفيد منه قبل يخلص عقده ، لانه لو خلص عقده يمكن يجي مجانا ...! علشان كذا ركز على الراتب + عقده اذا قرب يخلص ) اذا ضربتهم في هذي النقطه اقدر اقول لك مبروك الصفقه ...!
لا تغتر بالمراكز في بداية الدوري واهم شي اكسب مباريت الهوم ( اللي على ارضك ) اضمن لي النقاط كامله على ارضك اضمن لك الدوري .. مو شرط كل سنة تجيب الثلاثيه ولا الرباعية ولا العشرينية ، المهم انك تبني لك فريق من أسماء مغموره ، في 2010 بديت بالفريق الاساسي بعد خمس مواسم وانا في الموسم السادس ،، الفريق كله ما بقى فيه غير ( ويلشير ) <<< هذا اللاعب ظاهرة ,, واللاعب ( جيبس ) << ظهير ممتاز , واللاعب ( فابريجاس ) << الحمد لله قدرت اتمسك فيه بالغرم من ضغوط البرشا و الريال و تشيلسي علشان أبيعه ولعب في ميزانيتي حسبي الله عليه من راتبه الفلكي ...! بس الحمد لله واصلوا معي للنهاية ..!
خلاصة كلامي [ عـش أجواء اللعب يعني بعد نهاية كل مباراة روح شيك على قائمة اللاعبين وشوف من اللي زعلان منهم وشبب الزعل وحاول توفر له المتطلبات اللي يبيها علشان تحافظ على نسبة الولاء حقته ، بعضهم يكون زعلان [ لانك ما تعطيه فرصه يلعب ] [ لانك تلعبه كثير ويحتاج يرتاح ] [ لانك تلعبه في غير مركزه ] [ لانك طردت لاعب اخر من اخوياه ] الاسباب كثيره
لا تحاول تشتري من اول موسم ، العب واجمع نقاط وبعد موسمين فكر ، لانك تقدر تشتري ميسي ورونالدو من اول موسم ، لكن اصبر عليهم سنة وشف كيف يلعبون في ميزانيتك ولا تقدر تدفع رواتبهم وبالاخير تطلع من المنافسه بسبب الإفلاس ..!
اذا عندك لاعب وتحس انه ممكن يبدع في مركز اخر تقدر تطلب من المدرب حقك يدربه على الخانة اللي تبيها ، انا عندي كليشي ( ظهير ايسر ) سريع جدا ورجله ممتازه ، طلبت من المدرب يدربه ويخليه يلعب جناح يسار ( طبعا مقابل فلوس ) ودربه لي في 13 اسبوع والحين يلعب جناح و ظهير وفاك علي أزمات كبيرة جدا ..!
في النهاية راح أجاوب على بعض الأسئلة الشائعة /
كيف أعرف نفسيات اللاعبين ومدى رضاهم عني ؟
ج/ تروح لقائمة MY TEAM بعدها تدخل على squad list وتطلع لك قائمة اللاعبين واي واحد منهم زعلان راح يطلع جنبه وجه حزين  أضغط على L1 وراح يطلع لك فوق على اليمين سبب المشكله عنده
كيف أدرب لاعب على خانة جديدة ؟
تروح لقائمة training بعدها اختر choose manually بعدها اختر اللاعب اللي تبيه واختر على choose position
هذي اللي قدرت عليه وان شاء الله اي شي جديد راح اكتبه ويا ليت تشاركوني في آرائكم ، ولا تدققون لاني كاتب على السريع والله من باب المشاركه معكم يالغالين
اخوكم عـبدون ...!
اخر تعديل كان بواسطة » نك نيم في يوم » 10/10/2010 عند الساعة » 07:48 AM |
![تجربتي في طـور ML في المعشوقة PES 2011 [ موضوع دسم جدا ] أرجو من الجميع التفاعل....!](iconimages/t940761_rtl.gif)
الوضع العادي
