بسم الله وعلى بركة الله ..

مسيتوا / صبحتوا بالخير ..
عساكم مرتاحين ,,

أنا أشوف إن منال تستاهل ماجاها < هع > لالا موضوعي مو عن منال ,, موضوعي هو الموضوع اللي يبي يخليك ناجح في المستقبل ,,

صراحة أفادني كثيييييير .. أبدا ..

أنا يوم أنا صغير وأنا أروح مع أمي الله يخليها لي و ماأصادف إلا عزايم خال امي الله يخليه .. الوكاد هناك يجمعوننا بالحوش العيال والبنات < صغار > ونسولف مع ذا ونتخانق مع ذي والعيال أزين من البنات لا البنات أزين.. ومن هـ السوالف ,, أنا كنت مسالم نوعا ما< يا بعدي يا انا > أقزقز من هناومن هناك .. وطاحت عيني على بنت كبري ..بس تقربلي من بعيد لبعيد .. وطبعا مشاعري كنت أوصلها بالنظرات .. واحاول أثيرإنتباهها .. بس هي الله حق ساحبتن عليّ ،، بس أخيرا أثرت إنتباهها وسوالفنا جداً سطحية .. من تشجع ,, وش أزين أكلة تحبينها , لدرجة اني واياها سحبنا على الخلق اللي عندنا نسينا بعض .. أحلامنا وردية جدا ,, ( طبعا هالنوع من العزايم عادتاً من يكون ثاني أيام العيدين )
وسوالف وحركتكات وفلة ووناسة .. وروحة من هنا ورجعة من هناك وجاء عيد الفطر في أحد السنوات الماضية ،، وجاهز ومتلبس ومتكشخ وتجي أمي تصدمني وتقول خلاص تغطت عنك ،، توقعت ـأمي تمزح وركبت السيارة وقالت وين يالطيب قلت للعزيمة .. قالت خلاص ماتروح انت صرت رجال إلا إذا تبي تروح للرجال مافيه مشكلة .. < وإذا رحت للرجال مستحيل تطلع قبل ما يجي أبوك > ويا يمة ويا يمة ..قالت مستحيل .. انا هنا انصدمت . وتوقعت توي انها تتغطى عني .. لكن مع الوقت بديت تفكيرفقط واتذكر كيف كان شكلها و.. و.. و..

بعدين تعذبت معاها وكتبي كلها كان مكتوب فيها XXXX اسمها
,, وصرت أفكرأخليها ويبي يجيني المكتوب .. وإلا أمشي وراها وما آخذ إلا هي ..
بس أيقنت ووثقت أنه ماراح ينفعني هالحب إلا بعمل .. خلاص حطيتها براسي وماراح أتزوج إلاهي إن شاء الله ..
بعد كذا .. حددت أهدافي للمستقبل ورعيت للعوائق اللي ممكن انها تاقف قدامي ،، أحاول أتفاداها بكل ما أوتيت من قووة ،، غصبن على اللي ما يرضى

واجتهدت بدراستي وصراحة لاحظت التغير من بعد هالنظرة.. تعاملي مع الناس تغير < عشان إذا جاء اليوم اللي طلبتها وسألوا عني تصير سمعتي حلووة > أحاول اني أحضر كل اجتماعات أهلها .. أضبط العلاقات

ان شاء الله يجي اليوم اللي أبشركم إني تزوجتها إن شاء الله ,,



سبب التغيرر في المقولة : في أحد الليالي ..: فكرت في عبارة ( الحب عذاب ) وقارنتها بقصتي ,, لقيت انه عذاب على اللي يفكر بدون عمل ،، اللي يحب ويتعذب على لاشيء
وقررت إني أغيرها بحياتي إلى ( الحب علاج )


إذا كان لك تعليق أو عتاب أو أي شيء على كتابتي .. فلا تردد في قولها .

بالتوفيق لكم .. وشكرا على القراءة ..

أدعولي بالاختبارات

الله يوفقك بدرااااستك قول امين بس .؟!!

إقتباس الرسالة الأصلية كتبت بواسطة مواصل من يومين تخيل تخيل تخيل تسمع خبر إن هالبنيه تزوجت خخخ والله ياهو تحطيم فلذالكـ اتركـ عنكـ هالأمور واذا توظفت ان شاء الله اخطب وحب زوجة المستقبل بالتوفيق ان شاء الله ....

اي والله هو صادق تخيل تنخطب البنت وتتزوج

لاتبني احلامك على شي ماتدري يتحقق او لا


ربي يسهل عليك

^^^

مواصل قسم اني كنت بكتب زي ردك
بس خفت احطم هالحبيب :$

الله يجمعكم بالحلال واذا ما حصل نصيب ترى ماهي اخر الدنيا

لا تحاول تفكر فيها كثير عشان لو لا سمح الله وماكانت من نصيبك مايكون لها اي تاثير عليك وعلى مستقبلك وانت ادع الله انه ييسرها ويكتب اللي فيه الخير وان شاء الله انها من نصيبك ولا تنسى تعزمنا للزواج