بسم الله الرحمن الرحيم
السلام عليكم ورحمة الله وبركاته
الله حيهم كل ابوهم بذا
ههههه
تجيب الهم اللهجه صح
المهم
نحن وكما تعرفون نعيش في اجواء سيبيريه جميله
وخصوصا هذي الايام
صدق تحس انك في سيبيريا
مع الحر الشديد
والصيف الجميل
تكون هناك اكلات خفيفه يتميز فيها الصيف
منها
الآيسكريم
الديو
كولا قزاز
عصير كوكتيل سبيشال
موكا سنيكرس
ومن هالاكلات الي تسمن
ما تلاحظون ان كلهن مشروبات
طيب بنسميهن مشروبات
.....................................
فيه بعض الناس عليهم اجواء
مدري هم مستمتعين
ولا يتصنعون الوناسه ولا مدري
مثلا
اليوم ابوي عنده ضيف
وقبل لا يجي الضيف
كان مكيف الغرفه خربان
وهواه موب حار ولا بارد
لكن اقرب للحار
ودرجة الحراره عندنا
45 درجه
بعد العصر
ويوم جاء الضيف
قعد يمكن 5 دقايق وطفا الكهرب
انا قلت ابوي بيقولي الحين رح جب عصير
او مويه بارده
قالي رح زود ورق الشاهي
ههههههههههههه
هالشيبان ذولا يبدو انهم هذروا
ولا وشلون يبغون شاهي على الحر ذا
بالله وش الــ الـــ الــ شعور الحلو هذا
شاهي
شاهي
شاهي
اللحمد لله على النعمه
والله مو كل ذا عشان الشاهي
لكن عشان الحر وبدون مكيف
والدريشه اذا فتحناها صارت الدنيا مثل الفرن
...............................................
نعود للموضوع
..........................................
اكثر الناس يجي عندها في المرتبه الاولى
آيسكريم باسكن روبنز <<< سمي احد الاعضاء
باسكن روبنز هذا
احسن محل في العالم
وعلى طاري باسكن
وعاد عشاق باسكن لا تسال عن النكهات او ما ادري وش تسمى
فراوله مع الشاهي
عنب مع الحميض
حلتيته مع فصفص باجه حار
خوخ مع مشمش
تمر وعسل
تفاح وقهوه
لكن تبون الصراحه
انا بعد من هالناس الي تتفلسف في اختيار النكهه
هي تسما نكهه ولا ايش
انا احسن شيء عندي القهوه
طبعا باسكن ما آخذ منه الا اذا صرت مع احد ومعه اخوياه
عشان ما افشله واقوله ابغى البقاله آخذ اسكريم احسن
عشان كذا اروح معهم
ومن كثر الروحات مع الاصدقاء اكتشفت نكهة القهوه
الصراحه ممتازه
.....................................................
اما الناس المستعجله
وتبغى تبرد على القلب
وما عندها وقت
اقرب بقاله وآيسكريم كواليتي
وكواليتي هذا مالي معه تجارب كثيره
لكن هو ما عليه ممتاز
اعتقد افضل شيء كرز مع شيء ثاني نسيت وشو
.....
......................
......................
اذا كنا طالعين للبر او لحديقه
والجو حار
ومرت سيارة الآس كريم
انواع الصرآخ
هيييه هييه تعال تعال يا محمد
جيب عسكريم
وعلى طاري عسكريم
تصدقون من سيارة الآيسكريم هذي
عرفت اسم الآيسكريم
ولا كان عسكريم
كنت مع احد اقاربي وكان معه اخوياه
دخلت عليهم وقلتلهم
يا عيال
جت سيارة العسكريم
انا يوم ناظرت وجه قريبي ذا
ولا وجهه رايح الوان
طلعنا واخذني على جمب
وقالي
يا حيوان
هذا اسمه آيس كريم
قلت
يآأإإأآي يا آيسكريم
اقول امش ناخذلنا عسكريم قبل تروح السيارة
قال
اسمع بس عسكريم ذي
عندكم بالبدايع
اما بالرياض آيسكريم
قلت سم
بس انت جبلي قبل يموع
والآيسكريم هذا بالبدايع نسميه
ابو بندر
(
عسكريم ابو بندر
)
.....................................
زهرة الخالديه
هذا يجي بالمرتبه الثانيه بالنسبه لي
وهذا الآيسكريم
غرض العزايم الي يتوفر فيها مبزره وبكثره
لانهم حرام تشتريله بابو ولا كواليتي
وهم ثلاث ارباع الآيسكريم في الزباله الله يكرمكم
وانصحكم بتجربته
اما سكان البدايع
فهذا يتوفر عند بقالة التاج 24 ساعه جمب محل الزينه
......................................................
ننتظر موسمك يالغالي ننتظره
وهذاه موسمك جاء
جحـ~~~جحـ~~~جحـ~~~
يالبيـــــــــــــــــــــــــــــــــــه يالجح
يمكن للحين ما عرفتوه
هذا يسمى حبحب
او شمام الظاهر
وبالعربي
بطيخ
هذا هو عسكريم الصيف
هذا بالمرتبه الاولى
هذا عسكريم صحي
موب الوان وخربطه
يطربك اذا جاء بعد المفطح
ومقطع مثلثات يا سلاآأإإأآآأإإأآم
لكن مشكلته موب كل مره يكون زين
لكن اذا كنا في عشه ولا في المزرعه
يكون احسن شيء
اننا نرمي الحبوب على بعض
والمدفع هو بريطماتك يالذيب
واقوى نفس هو الغالب
واذا كان هكاليوم الجح قليل
ما لك الا تسوي خدعه
اولا
اذا اخذت حبه
ما تاكله كله
لا لا
تقضم قضمتين
وتغبيها تحتك
وكذا لين يخلص الصحن
بعد كذا
ارجع شف وش عندك من غنايم الخطه الي سويت
..................................................................
والي يبغى يسويلي انجاحه
يجيبلي عسكريم
وعند المبزره عكسريم
من بين باسكن وكواليتي~~~عسكريم الصيف~~~ 
<< بالله وش يحس 
الوضع العادي
