....وتنتقد جيل اصبح عنده وعي ويعرف الصح من الخطأ وعنده رأي ..وليس امعة
ابغى ارد نيابة عن التورنيدو/
أجل جيلنا ماعنده وعي جيلنا جيل الرجال ماهو جيل الكدشات والبكلات يجيك الواحد ماتدي هو رجل والاحرمه

نحن ليسوا امعات وهل الثنيان وماجد عبدالله في شك انهم افضل من انجبتهم الملاعب السعوديه وهم ابناء جيلنا ولكن نحن جيل الحب للنادي ولاعبيه وجيل الاحترام والتقدير ......ماهو جيل برادة الوجه وقلة الحياء

وتطالب بالفريدي وتقول ماجبت طاري ياسر خوش حتشي

إقتباس الرسالة الأصلية كتبت بواسطة قلب(20)الاسد رح طلع كلمه قلتها غير حقيقيه يامضيع اسم على مسمى

ممممممممممممممممممممممم
مادري لكن الظاهر اني راد على العضو التورنيدو20
ان شاء الله
اذا سألني مثل هذا السؤال راح ارد عليه
وجزاك الله خير لانك قلتلي مضيع

إقتباس الرسالة الأصلية كتبت بواسطة قلب(20)الاسد ....وتنتقد جيل اصبح عنده وعي ويعرف الصح من الخطأ وعنده رأي ..وليس امعة ابغى ارد نيابة عن التورنيدو/ أجل جيلنا ماعنده وعي جيلنا جيل الرجال ماهو جيل الكدشات والبكلات يجيك الواحد ماتدي هو رجل والاحرمه نحن ليسوا امعات وهل الثنيان وماجد عبدالله في شك انهم افضل من انجبتهم الملاعب السعوديه وهم ابناء جيلنا ولكن نحن جيل الحب للنادي ولاعبيه وجيل الاحترام والتقدير ......ماهو جيل برادة الوجه وقلة الحياء وتطالب بالفريدي وتقول ماجبت طاري ياسر خوش حتشي

اخي الكريم...انا ما ذكرت ان الجيل السابق ما عنده وعي...او سبيته او حتى قللت من احترامه مثلك او مثل الاخ تورنيدو ....لأنكم دخلتم بالاشكال ..وكدش ومدري ايش..يعني تكلمتم باشياء شخصية ..

ولا حتى قلت ان الجيل الحالي عنده وعي اكثر من الجيل السابق...

لكن الجيل الحالي...اكثر قدرة على التعبير عن رأيه ويقدر ينتقد من باب حرية الرأي...بس انت فهمتها اني قاعد انتقص من الجيل السابق...اللي انا انتمي له اكثر من الجيل الحالي..

كل جيل فيه الصالح والطالح...واذا على الكدش ...الله يرحم ايام الخنافس والقلابيات ابو اربع ازرة وسلاسل المفاتيح...وعد وغلط....كل جيل له موضة...

لكن احنا موضوعنا ماله دخل بجيل....بس الاخ دخل ينتقد الجيل الحالي علشان يقولون رأيهم ...سواء كان صح والا خطأ

والافضل لما الواحد يجي يرد...يرد على الفكرة والرأي ....بدون ما يعيب علشان كدش وبكله او يتهم احد بقلة الحياء...لأنه يشوف نفسه احسن.

احنا بمنتدى رياضي...ونتكلم عن كورة....والوعي اللي نتكلم عنه وعي كروي وليس صفات شخصية.

والاحترام للجميع

إقتباس ياسر يالحبيب لم يغب عن التهديف رغم ماواجهه وسامي يروح فتره طويله مايهدف ..

سامي اكثر الموسم مايسجل ( وقليل تصير)
بس اذا جت مباره امام النصر ولا الاتحاد او اسيويه
تلقاه اول من يهز شباك الخصم

انا مابي من ياسر يسجل على الحزم ونجران ( نصها بلنتيات)
ابيه بس يحسم لنا مباريات هامه وحاسه ويحسم لنا بطوله

سامي موسم كامل ماسجل ولا هدف. حتى ان بعض الناس قالوا راح دنبوشي سامي( من باب الاستهزاء) جت المباره النهائيه وكانت امام النصر. واكثر الهلاليين كانوا متخوفين من المباره بحكم ان سامي ليس بافضل حالاته
انتهت المباره وفاز الهلال 2-0 كلها باهداف سامي
خرج حينها عبدالرحمن بن سعود( الله يرحمه) وقال عطوني لاعب زي سامي يغيب كل الموسم ويحضر بالنهائي ويسجل هدفين


سامي لاعب من طراز اخر وقت الشدايد تلقاه فيه
اما ياسر مع احترامي له !
صحيح يمتلك موهبه لكن ماعرف يستغلها,,,

ياليت محد يغير الموضوع ويصبح الكلام كله عن ياسر.. الموضوع عن كاتبنيه وقياده الهلال

إقتباس الرسالة الأصلية كتبت بواسطة خالد بنو هلال ربما تكون بدري يا فارس,,وانا ذكرت انه يستثمر مستقبلا ليكون قائد.. صحيح انه عصبي ومهستر على قولتك وما عنده باحد....ورغم صغر سنه الا ان واثق بنفسه ....ووجهة نظري ان الشخصيات اللي زي كذا اذا حملته مسؤولية راح تتهذب تصرفاته تلقائيا ويتعلم كيف يسيطر على نفسه وعلى اعصابه...خاصة ان الفريدي حتى الان قادر يسيطر على نفسه حتى وهو عصبي ولا يتهور ولم اراه يطرد في كل مباراة مصيرية او هامة...كبعض اللاعبين اللذين تنفلت اعصابهم... شخصيا اعتقد ان احد وسائل نضج الفريدي سريعا هو تحميله مسؤولية.. شرفت الموضوع

أنا لم أقل ان الفريدي مهستر

بل الثنيان الي كان مهستر ( أيام كان في عمر الفريدي ) لكن تغير بعد ذلك

بسبب تحمل المسؤولية واحترامه للكبار .

فأما الفريدي فمشكلته العصبية فقط والبرود في اللعب ( وهذه قد يستفاد منها )

لكن بعض الي يعارضون يكرهون هذه الصفة في الفريدي

وهذا الي مسبب اعتراضات على اقتراحك

فتقبل منهم وطنش

الامر ليس بيدي ولا بيدك ولا بأيديهم

لكنه أقتراح ،،،، وأنا أعجبني أقتراحك ولكن يكون بتدرج ( يعني وحده وحده ) .

إقتباس الرسالة الأصلية كتبت بواسطة خالد بنو هلال هذا بالضبط اللي ذكرته في الموضوع.... لكن للأسف بعض الاخوان ما قرأ الموضوع.... نوعيات اللاعبين مثل هذي هي اللي ممكن يستفاد منها في القيادة في ارض الملعب...وتحميلها المسؤولية للتخلص من سلبياتها.. وهذا شيء معروف حتى بعلم النفس.... شكرا على اضافتك للموضوع.

معك في كل ماقلته


وبعدين اللي يقول تعصب ساامحه الله !!


بالعقل اللاعب اللي يظهر بالمباريات الكبيرة هو اللي يستحق الكابتنيه

قدام النصر وسبااااااااهااااااان وذوبهاااااااااااااان والغرااااااااافه والنصرررر وغيرهم !!

منهو ؟ طبعا الفريدي!!!

إقتباس سامي اكثر الموسم مايسجل ( وقليل تصير) بس اذا جت مباره امام النصر ولا الاتحاد او اسيويه تلقاه اول من يهز شباك الخصم

تبي توهمنا أن ياسر ماسجل على النصر والإتحاد ؟ أو ماسجل بكاس آسيا ؟

إقتباس انا مابي من ياسر يسجل على الحزم ونجران ( نصها بلنتيات) ابيه بس يحسم لنا مباريات هامه وحاسه ويحسم لنا بطوله

تبي توهمنا بعد انه ماقد حسم بطولات للهلال ؟؟؟؟

إقتباس سامي موسم كامل ماسجل ولا هدف. حتى ان بعض الناس قالوا راح دنبوشي سامي( من باب الاستهزاء) جت المباره النهائيه وكانت امام النصر. واكثر الهلاليين كانوا متخوفين من المباره بحكم ان سامي ليس بافضل حالاته انتهت المباره وفاز الهلال 2-0 كلها باهداف سامي خرج حينها عبدالرحمن بن سعود( الله يرحمه) وقال عطوني لاعب زي سامي يغيب كل الموسم ويحضر بالنهائي ويسجل هدفين

وياسر ساهم بفوز الهلال بأكثر من نهائي ، بالتسجيل أو الصناعه ..

ولم يكن دنبوشي أبد !

إقتباس سامي لاعب من طراز اخر وقت الشدايد تلقاه فيه اما ياسر مع احترامي له ! صحيح يمتلك موهبه لكن ماعرف يستغلها,,,

ياسر يظهر وقت الشدايد ،

لكن ببعض الأحيان يكون الفريق كله ماهو بالفورمه ويتهمونه بأنه سبب الخساره!!

إقتباس ياليت محد يغير الموضوع ويصبح الكلام كله عن ياسر.. الموضوع عن كاتبنيه وقياده الهلال

بما أنه عن قيادة الهلال فبديهي راح يكون لياسر "القائد الحالي للهلال" شأن بالموضوع

البعض الله يسلمهم اخذينها امر عاطفي للاعب معين

المسألة تتعلق بمصلحة الهلال

مع كامل الاحترام لياسر القحطاني وللشلهوب ولهوساوي ولبقية النجووم !

إقتباس تبي توهمنا أن ياسر ماسجل على النصر والإتحاد ؟ أو ماسجل بكاس آسيا ؟

ممكن تقولي اخر هدف سجله على الاتحاد ض1

إقتباس تبي توهمنا بعد انه ماقد حسم بطولات للهلال ؟؟؟؟

ممكن وش البطوله الي حسمها للهلال ,, غير هدف الصدفه الي على الاتحاد بشعره< احراج صح

إقتباس الرسالة الأصلية كتبت بواسطة زيدان الثنيان طبل طبل طبل طمبق طمبق طمبق طمبق طمبق طمبق طمبق طمبق يلا وعااشو وبالاخير مستوى زفت للهلال ياناس خلونا بالعقل الناس تاخذ اسيا .. وحنا كابتنيه الهلال سحبوها من هوساوي... ثم سحبوها من رادوي ... والحين الدور ع ياسر وبكرى تلاقون حماده هو الكابتن

ههههيههههههههههه حلوه طمبق طمبق.... خلاص كفايه ضحك ذلحين رجعتو للا القائد حنا داخلين حرب... بلا العربي الهلال ماعنده صانع لعب السنه هذي ونتو شفتو الشي هذا قدام الاتحاد\ كيف تبغو هجوم يسجل وعندك ويلي الي تبطح الى الامام الى لامام ياسامي جيب لنا لعيبه مثل احمد على وراهن عليه بقوه خصبن عن المدربين

إقتباس الرسالة الأصلية كتبت بواسطة زعيمه حايليه مع كامل إحترامي موضوعك ماله داعي ومادري وش يبي أجل فيه ناس تتخلص من سلبياتهم بتحميلهم المسؤوليه ؟ واذا زادت سلبياتهم ! من يتحمّل المسؤوليه ؟ ياليت ماترفع مواضيع عن الكابتنيه لأنها لو أستمرت الأوضاع كذا راح يكون فيه حزازيات بين اللاعبين انفسهم فما بالك الجماهير ( خصوصاً اللي مع الخيل ياشقراء)!! ..

ومع كامل احترامي..

ما احد له حق يحدد اللي له داعي واللي ماله داعي..

واذا كنتي ما تدرين وش يبي الموضوع.....بامكانك ببساطة تشوفين موضوع ثاني..


عموما..طبعا فيه ناس تتخلص من سلبياتهم لما تتحمل المسؤولية....على حسب التركيبة الشخصية للأنسان وخصوصا المبدعين...او ما يسمى بالاحتواء النفسي الايجابي...

مثل ما قلت انا ما اتكلم عن الكابتنية...تعبت وانا اقول فيه فرق بين الكابتنية والقيادة..

اما الحزازيات ....فاللاعب مو هو اللي يحدد مصلحة الهلال علشان نداري نفسيته ...يعتبر موظف واللي ما يعجبه القرار...يدور له نادي ثاني غير الهلال..لأن الهلال طول عمره ما وقف على احد...علشان يطلع لنا جيل تصير بينهم حزازيات علشان ميين يصير الكابتن...الهلال ثابت واللاعبين متحركين...

اما الجماهير...فاللي عندهم حزازية...هم جمهور اللاعبين....وهذي النوعية ما تفرق حزازياتهم عندي شخصياً...الأهم الجمهور اللي يرى مصلحة الهلال فوق الجميع..

الخالدي...

ياخي والله مدري وشلون صار الموضوع عن ياسر...دخلوه بالسالفة غصب

مع ان الموضوع بالاصل ما يتكلم عنه...

بس للأسف اصبح عندنا جمهور لاعبين....يفكر باللاعب قبل لا يفكر بأي شي ثاني.

اغلب الردود تدور حول محور بروود الفريدي...وانانيته ..

وهذي ربما تكون سلبيات صحيحة ...

لذلك تعليقي على اصحاب هالرأي:

لكن الموضوع ومافيه...ان هذي صفات من ضمن عدة صفات عند اللاعب....منها..الثقة بالنفس...والقدرة على الابداع فنياُ داخل الملعب...وعدم الرهبة امام الجماهير او امام الضغط الاعلامي...والشجاعة في مواجهة أي لاعب كان..

متى ما استطاع مسيرو الفريق الاستفادة من هذه الصفات في صنع قائد حقيقي داخل الملعب والحرص على التخلص من السلبيات.....

فاللاعب من الممكن ان يكون مفيداُ اكثر كقائد فعلي داخل الملعب اكثر من اي لاعب اخر من الموجودين حالياً..وهذا ليس تقليلا منهم او ان الفريدي افضل

المسألة بالاخير مدى الاستفادة من كل عنصر بالشكل اللي يصب في مصلحة الهلال بالاخير..

البعض اللي يقول الفريدي فاشل ودجه ومن هالكلام..

رأيهم واحترمه....مع اني مقتنع تماماً ....انه انطباع شخصي لا يرقى ليكون رأي فني

العذر من الاخوة الذين تجاوزت ردودهم....لهم كل الود