بسم الله الرحمن الرحيم

يمكن اللي يشوف الموضوع يقول هذا يبي ينتحر من القهر........لكن صراحة موضوعي مو عن اللاعبين او الادارة

موضوعي عن اللي متسدحين بالبيوت وقاعد قدام التلفزيون ولا عند الشبكة وجالس سب وشتم بالفريق

انا مع الجميع ان الفريق ماقدم شي يشفع له انه يتاهل لكن اني اجي وامسح الماضي كله هنا وقفوا لو سمحتوا

قبل اربع ايام بالضبط الجميع يقول الفريق احسن فريق ولا يستطيع احد يوقفه وبعد اربع ايام صار الفريق افشل فريق

خلونا نتكلم بالعقل والمنطق مباراة دور الستة عشر مباراة واحدة يعني كانها قرعة اللي تطلع له يفوز

وهذا اللي صار امس تقولي كيف انا اقولك مباراة واحدة قد يكون لاعبينك مو في يومهم واللي يتذكر الموسم اللي راح

كان من افضل المواسم وكان فيها مباراة من اسوء مباريات الهلال في تاريخه وهي مباراة النصر اللي كانت العصر

انا ربطت هذي بمباراة الاتحاد انه اللاعبين والفريق باكمله يكون مستواهم نازل بخلاف الموسم كامل وعلى كذا

خسر الهلال مباراته امس وهي ليست نهاية المطاف.....

يمكن يجي احد يقول بس هذي مباراة باسيا انا اقول الجسم واللياقة ماتعرف ان البطولة اسيا ولا غيره اللاعبين

ارهقوا وهذا اللي كان واضح عليهم ويمكن احد يقول الاتحاد مرهق انا اقول لا الاتحاد ليس مرهق زي الهلال لان

الهلال لعب اكثر مباريات هذا الموسم والهلال نافس على جميع البطولات والاتحاد كان امله بالدوري لكن اخر خمس

جولات اتضح ان الهلال هو البطل..........


انا صراحة كل كلامي هذا كله للي جحد كل شي وقال مانبي الا اسيا وغيره مانبيه الا نبي اسيا ونبي غيره

وياناس شوفوا ريال مدريد اغنى نادي بالعالم له ثمان سنوات ماقدر ياخذ الابطال يعني الشي طبيعي ويصير عند

اي فريق كبير.........

لكن اتمنى من الجمهور الهلالي الكبير والوفي انه ينسى هذي المباراة ويشجع اللاعبين في المباريات القادمة

والامور الفنية اللي تتمنى تتصحح الادارة عرفتها وراح تعالجها.......

اتمنى اني قلت شي مفيد واللي يخالفني على الرحب والسعة لكن اتمنى يرد بالعقل والمنطق.......