& شماااااااااااليــل !!!!! - نادي الهلال السعودي - شبكة الزعيم

سهل · #1 03/02/2003, 11:59 PM

[c]

آول .. ليا .. صاح " البـــزر " أرضوه & بحفنـة " قريض " .. ما ملت مخباه !
وأن ما سكت .. بالجايــزه !! طقـــــوه & طق الجهد .. حتــــــى يقــــــول الله !!
بضربهـــم .. واقناعهـــــــم .. ربـــــوه & يكبــــر .. وروح المرجلــــــــه جواه !!
واليوم .. لا .. صاح " الطفل " ضمـوه & خلاص .. يكفي خل عنــــــــك الآهـ !
اسكت .. وجابو .. له .. طبق " قاتوه " & ياكل منه ويزيد .. صوت بكــــــــاه !!
وبـ .. آصل الدلع والعاطفه عبـــــــــوه & يكبر .. وروح المرجله .. ما جـــاه !

,,,,

[/c]

ابو روان · #2 04/02/2003, 12:22 AM

الله يخلف علينا سهلوه...

البزر مننا اول يزعل وييبكبك ولا احد معبره وان عبره قريض ويسكت وأكيد يكون من جدتك

والا جا ابوك ولخك بمخمس الين ماتصير عيونك كنها كبوس في اكس ار من البكا;)

بس سهلوه بيني وبينك الولد الي بالصورة من هو؟

ماهوب كنه ......

والا تدري ارسل لي على الخاص

الكنز نواف · #3 04/02/2003, 12:25 AM

صح لسانك يابعدي ؛

بس الولد شكله يذكرني ببراطم بعض الناس

الولد البار · #4 04/02/2003, 12:44 AM

بينى وبينك هذا وش يبى يسكته

يا الله همورجر دبل سايز ويا الله

عــــ الهلالي ــارف · #5 04/02/2003, 03:26 AM

هذا ما يبي له الا كف من يد حبي تيماوي ...

وعلى طوووووول راح يسكت وينسى شي اسمه بكاااااااء ...

تحياتي سهل 888 ...

سهل · #6 04/02/2003, 03:38 AM

ابو روان

الله يخلف بس ,, مالحقنا على الجوال والا الدش

<== هذا همه

واللي بالصوره كنه كنه هه هو

بس كبس في اكس ار

يااااااااساتر :sad: شمس مو كبس

=========

الكنز نواف

صح بدنك وبدن قايلها

اما بالنسبه للبرطم

يخلق من البراطم اربعين

برطم خوينا ما فيه زيوووووووو

=========

الولد البار ;)
ههههههههه وشو دبل ساير يابو روان ذا

حبيبي حنا ما نعرف الا القشد والفريك والمجمار

بس وش نسوي لكل زمان دولة ورجال

تحياتي للجميع ;) ;)

سهل · #7 04/02/2003, 03:47 AM

عــــ الهلالي ــارف

والله انت ادرى

بكف حبك تيماوي

الزعيم ابو خالد · #8 04/02/2003, 04:01 AM

هلالالالالالالالالالالالا سهل ياللي منت بسهل

خل عنك الآه............

بس تصدق ياخوووي لي ساعه اناظر بفمه هذا فم والا جرف ؟؟؟؟ قال همبرجر قال !!!!

الهاوي 2002 · #9 04/02/2003, 05:28 AM

سهلووووووووووووووووووه رجعت الى ماضيك

[shdw]غصب تبي تذكرني في الطفولة خلنا على ما احنى عليه [/shdw]

برق الزعيم · #10 04/02/2003, 07:35 AM

الله يعطيك العافيه000سهلووووووووه00على هالصوره00

خربوووووط · #11 05/02/2003, 12:49 AM

المرجلة ماحشمة طويلين الأشنااااب ...

بس لايكون تبي كل يمسك له عجرة وعلى راس اولده ..علشان يطلع رجااااال

لو كان الضرب يطلع ارجااااال كاااان السعوديين مالكين العاااااالم ....

بدل الامريكان النااااعمين ...

سهل · #12 05/02/2003, 04:04 AM

الزعيم ابو خالد ;)
يسلوا ابو خالد ,, واه واه انا حروفي في غيابك , لاهي حكي ولاهي قصيد

انثر الدمعه واعيد

شرايك تعزمني على همبرجر

=========
الهاوي 2002 ;)
بدينا ندق على الوتر :sad: بس والله ياشكلك تكفخت وانت صغير

لين غضيت الارض

=========
برق الزعيم ;)
الله ... يعافيك .. برق .. وتسلم .. لي .. يالغالي .. بس

=========
خربوووووط ;)
ولا الدلع عابهم

ولا ابي الا سلامتك

المهم ترى السالفه مزح لا تروح تفقع وجيه عيالك

;)

صمت العيون · #13 05/02/2003, 04:16 AM

[c]اقول الله يخلف عليك وعلى القصيده

تسلم يمينك سهولتي

اعتقد هالقصيده من اثار المردغه من ابوك يوم انك صغينون .....
بس تبي الصراحه طلعنا رجال

مو عيال هاليومين مو عيال هاليومين لو تلفه مع المخمس يغشى عليه

حتى اول الوالده اذا دلعتني بقوطي الصلصه مع علباتي

بس كانت الوالده متفهمه شوي;)

;) تسلم سهولتي على هيك موضوع;)
[/c]

شمــوخ · #14 05/02/2003, 11:01 PM

size=7>سهل
وانت الصادق والله
لكن الله يستر لا يجي اليوم اللي فيه
البزر يصيح ويقول عطوني زقاره
وشكله قرب هاليوم الله يستر
منه

الفيروسه الزرقاء · #15 05/02/2003, 11:58 PM

سهلووووووه عميت عيني بهالوان اللي انت كاتب فيها
الله يهديك بس
اقووول سهل تصدق اشين شيء في البزارين انهم يعلمون كل شيء لامهم وابوهم والمصيبه انت توصيهم انهم مايعلمون وتصلح كل اللي يبيه وتجيب له كل انواع الحلويات بعدين تلقاه خق كل شيء عندهم لا ويفضح بعد عند الناس ويقول كل شيء لاومعه بهارات بعد شيء >>>>>> صار لي موقف معاهم وحرمت اخذهم معي خخخخخخخخخخخخ علشان مايفضحوني

>>> اقول لايكثر كلامي بس