شبيه الريح هلالنا يغرق .. أرجووووك قُـل أنا هُـنا وأنقذ مايمكن إنقااذه - نادي الهلال السعودي - شبكة الزعيم

hilal AL33Z · #1 25/05/2011, 05:31 PM

السلام عليكم ورحمة الله وبركاته ..

يسعد أيامكم يازعماء ,, وهارد لكم الخروج من الاسيويه

ياما تعودنا نكتب لبعض مبرووك واليوم نقول هارد < يالله هذا حال الكوره .. وقدّر الله وماشاء فعل

بإختصار بدخل بموضوعي .. بدون اي مقدمات

سمو الأمير عبدالرحمن بن مساعد انسان ماقصر أبداا ,, رايته مع الجماهير الهلاليه بيضا وكلنا نجمع انه ماقصر

صح أنه ماحقق الاسيويه في عهده .. لكن الرجال عمل شغل محد سواه من الرئساء قبله .. وتبقى مسألة التوفيق اللذي لم يحالفه

نسأل الله لك ولنا ولنادينا التوفيق ياسموو الامير ..

سمو الامير عبدالرحمن بن مساعد إجعل البدايه من هنا .. قبل الموسم الجديد

إعمل عمل جديد بالهلال .. إتخذ قرارات حازمه وجديه ..

لاتتهاون على حساب الكيان العريق ومالك المدفوع وصحة الجماهير

من يتخاذل ولا يكون كفؤ لشعار الهلال .. ياسمو الامير الهلال يتعذره واحنا بكل تقدير نقول له ماقصرت .. شوف فريق غيرنا

سموو الامير .. هذا نادي من أن رأى النور وهو بقيادة لاعبين تهتز الميادين بمجرد أن يضعو قدما في الساحه الخضراء

فـ كيف ينقلب بنا الحال الآن ونرى بعض اللاعبين هم أشباه لاعبين ..؟

لابد من التغيير والمعاقبه وإتخاذ كل الإجرائات المناسبه لقيادة الدفه الهلاليه لبر الأمان

فـ أنت الربّـآن ونحن وهلالنا الركاب .. قدنا إلى الأمجاد ياسموو الأمير

,,,,,,,,,,,

أترك لكم كم صوره شوفوهم ولي تعليق عليهم

شوفو السر بالإنتصارات سابقا ,, على كل فريق يأتي امامنا كانت النتيجه معروفه وش تكون ..؟

ولهذا السبب تسيدنا بـ 6 بطولات اسيويه

إذا عندك قائد من طينة الخورافي الثنيان أو الاسطوره سامي أو سيد حراس العالم الدعيع ..؟

فـ أنت قد وضعت حجر الأساس لمشروع قدومك للبطوله الغااليه للهلاليين < كيف ماتكون غاليه واحنا اكثر من عانقها

ياسموو الأمير ,, ياجماهير الزعيم ,, يا إدارة النادي

والله والله والله النادي بحاجة قااائد بروح هائولاء الاساطير واللذين قادو الهلال ساابقا بمحافل عالميه عده

ياسر القحطاني مانقول فيه شي ,, الرجل عمل اللي عليه

بس الكابتنيه أكبر بكثييير من أن يرتديها لاعب لايقدر على رفع معنويات نفسه ,, كيف بـ فريق كامل ..؟

ياجماعه والله مابي اظلم مهاجمنا الرائع لكن الرجل مابيوم حسيته كابتن فعلا

البارح نور يحرث الملعب حرث ويهدي لعيبته وبكل مكان تلقاه ومبين عليه الحماس اللي مايليق الا للقاده الكبااار

وياسر والله ماشفته الا بـ 3 هجمات واظن ثنتين منهم كالعاده طاح مكانه يبي فاول ..

هذا اولا .. الكابتنيه لازم تتغير .. نبي قائد من طينة الاساطير السابقين .. من يكون ..؟ أنتم أدرى

مثلا هوساوي ..؟ أشوفه مناسب والرجل حماسي وع الاقل هو افضل الموجودين كـ قائد للفريق

وإن كنت أرى أن لو أعطو الشلهوب فرصه للقياده رح يكون قائد فعلي .. الخبره لها دور والشلهوب لاغبار عليه

ثانيا .. هجوم الهلال لابد من حل سريع له .. نبي مهاجم صرييييح ويكون على قدر مكانة وحجم الهلال

احمد علي مهاجم رائع وكل فريق يتمناه .. بس اللاعب امكانياته لاتتوازى من مكانة فريقنا العاليه ومهماته الصعبه

نبي مهاجم افريقي خاال او براازيلي ,, ووقتها رح تنحل عقده من كذا عقده

ثالثا .. ياسر القحطاني كفاه مجاملات ,, أو كفاه يتحمل فوق طاقته ويلعب وهو مو جاهز < سموها اللي تبون

عيسى إحترق بالإحتياط وهو جاي لنا وهو هداف الدووري ,,

عيسى كل مانحتاجه نجده .. وهذا الفرق بينه وبين ياسر

عيسى لايمتلك مهارة ياسر مانختلف على هالشيء ,, بس عيسى يمتلك قدرة التسجيل من غير فلسفه بطريقة التسجيل

عيسى هو والمرمى .. ياسر ياخذ له 4 لفات قبل يوجه للمرمى وكأنه يقول وينك ياجون تيري اتحداك تقطعها مني ..؟

عيسى المحياني من بطولة كأس الملك لابد ياخذ فرصته .. لااااااااابد ياخذ فرصته اساسي

رابعا .. أحمد الفريدي يجلس بالدكه احتياط مثل ياسر .. لين يعرف يوزن حاله

مايصير يوم طالع لنا فيلسوف صغير ويوم عله على الفريق ويلعب لوحده ..

لابد من إدارة الفريق تحدد موقف مع هاللاعب ..

مانبي تنسيقه لأنه فنان .. بس نبيه يواظب على مستوى واحد يوعرف قدراته ويسخر جهده لخدمة فريقه

مانبيه يلعب حسب مزاجه ويوكلها على الله ..

يجتهد ويبذل ويعمل .. ويتوكل على ربي وكلنا نتوكل عليه والتوفيق بيده سبحانه

خامسا .. نواف العابد وعبدالعزيز الدوسري أثبتو أنهم بحاجة لإعطائهم الفرصه الكافيه

لابد يلعبو اساسيين .. ع الاقل لو شووط كامل

أتمنى أشوفهم ببطولة الملك لهم مكان اساسي بالفريق ,, وتكون شهاده منهم بأنهم كفؤ لحمل الشعار وإعطائهم الفرصه الكافيه

سادسا .. خالد عزيز باي باي < تعبنا نلمع له

الرجل توب توب وبس نقابل الاتحاد او مباريات فرق ثانيه تكون حاسمه .. يختفي هالولد

وش السر ..؟ أتوقع معروف لدى الجميع

أتمنى يريحونه بالدكه .. ويتم إعطاء الجنود المجهولين { الغنام والبرقان } الفرصه لأنهم كفؤ وهم أولى بهاا

يكفي انهم لعيبه منظبطين وواظح فيهم الروووح والقتاليه اذا لعبوو ..

ولا ننسى اللاعب الفذ محمد القرني .. صدقوني له مستقبل اقوى من خالد عزيز لو اخذ فرصته

سابعا .. المرشدي الله يستر عليه نسقوه خلاص وش ننتظر ..؟

ننتظر 2012 نطلع من بطولة اسيا بعد ..؟

الاخ تسبب حتى بهبوط مستوى هوساوي بجنبه لان هوساي يسد مكانه ومكان المرشدي كلهم وجالس يصارع بكل الجبهات

أتمنى إعارته لأحد الانديه وإحضار مدافع على كفائه عاليه .. نبيه من طينة اساامه

صحيح مافيه مثل ابو كلبشه .. بس النادي اللي يجيب اسامه وقبله النعيمه .. يقدر يجيب مثلهم وأفضل

البركه في الاداره .. أتمنى يتحركون بس بهالنقطه

ثامنا .. الكوري لي .. صارت خانته لاهي اللي دفاعيه ولا هجوميه .. خانه عاديه للأمانه

الرجل خلاص كبر بالحيل .. خلصوو منه وجيبو مكانه لاعب اصغر منه وعلى كفائه أعلى منه

تاسعا .. عبدالله الزوري لاعب فنان وسريع .. بس بااااااااااااااااااااارد

لابد يعدل من حاله ومستواه .. او شافي الدوسري ينتظر الفرصه

واللاعب جييييد ومانقول فيه شي لو عطوه فرصه اكيد مع الوقت بيطلع مستواه لفوق

عاشرا .. كالديرون بااي بااي .. لامكان للمدربين الجبناء في اسوار الزعيم

نبي مدرب عالمي مايخاااف .. ويفضل لو يكون مدرب اوربي ,, عقلية الاوربي افضل

نبي مثل كوزمين يسد شوارع الدفاع اللي صايره عندنا .. نبي مدرب فاهم لجميع خطوط اللعب

اتمنى اتمنى اتمنى بعد كأس الملك اشوف كالدي بااي بااي ونشوف المدرب الجديد بمعسكر الهلال للموسم القادم

نبي كووزمين لو باقي محد اخذه < كذا فهمت انه باقي عااطل

النقطه الاخيره ..

يمكن تكون شطحه شووي .. بس بعد لابد من حطها بعين الاعتبار

نبي الاداره تستفيد من خدمات فيصل ابو ثنين بشكل أو بآخر < أنتو فهموها

الرجل مايجامل ولا يراعي أحد .. اللي يطيح مستواه والله ماعليه فيه

استفيدووو منه يا إدارة الهلال ترا الرجل مو بسيط وفكره الكروي ممتاز

كم له سنه معتزل ويراقب الكوره عن قرب ومتواجد بالمجالس التحليليه ويوم عن يوم تزيد خبرته

استفيجووو منه ياإدارتنا

.
.

أخيرا انتهى كلامي

ان شاء الله بس نشوف شيء يفرح بالايام القادمه

hilal AL33Z · #2 25/05/2011, 06:32 PM

مشكورين الاداره لتنزيل الموضوع ,,

ادوماتو · #3 25/05/2011, 06:33 PM

يجـب الآ نقســوآ على لآعبيــــنآ ..
يجــب آن نقــف معهم في كــل مبآرآة قآدمــه ..

آن لم آكن هـلاليَ وقت آلآنكسآر .. لن آعترف بــ هـلأليتي عند آلآنتصآر

ابو مفرح · #4 25/05/2011, 06:35 PM

إقتباس


	ثالثا .. ياسر القحطاني كفاه مجاملات

يارب الهلال يفتك منه
وربي خانته اهم خانه
وهوووو من سنتين سيئ

بكل 10 مباريات مباراه يبدع

hilal AL33Z · #5 25/05/2011, 06:36 PM

لاتضن ياصاحبي ان هالنقد اللي انتقدناه في اللعيبه يعني اننا مو واقفين معهم ..؟

احنا مع نادينا بكل شيء .. نوقف مع لعيبتنا واي شي يكون من ظمن اساسات نادينا

بس ياخي نحب نادينا اكثر من اللعيبه

وانا ماذميت اللعيبه ..

ذكرت عنهم اشياء فنيه .. إذا هي فعلا فيهم وهذا اللي حاصل ..؟ خلاص لابد يتعدل الوضع

ولو كلامي مو صحيح ..؟ اطووه بصفحة النسياان

قلبي مملكة الهلال · #6 25/05/2011, 06:42 PM

وررربي انك صاادز بكل كلمه قلتها وخلاص ياااسر الدكة او ينتقل اي فريق اهم شي يريحنا

هو والمرشدي

ياااليت نستفيد من بو ثنين

تحيااتي و ودي لك

2007فراس@ · #7 25/05/2011, 06:54 PM

اقول ل بن مسآعد لآزم يكون قآدر 2012
واذا مآهو قآدر يسوي شي فآلحل بندر بن محمد

سعوديه والهلال ناديه · #8 25/05/2011, 06:59 PM

تصدقون من امس زعلانه على الهلال

لكن صراحه وحشوني من بعد المباراه ماسمعنا عنهم اي خبر

معقوله احنا قاسين لهذه الدرجه ولمجرد هزيمه ننسف كل اللي عملوه من اجلنا

ممكن ردي خارج عن الموضوع لكن شي بالخاطر حبيت اوصله

pirlo0 · #9 25/05/2011, 07:11 PM

الحين الهلال جآب لك بطولتين (الدوري والكاس)
انت مسحت اللي سوآه الهلال طول الموسم !!
تقول هلالنآ يغرق ..
بعض النقآط اوآفقك فيهآ ..مثل مجآملة يآسر الغيرمبررة طوال 3 موآسم..لكن بالمقآبل
عيسى مو بمستوى انه يقود هجوم الهلال ..
الفريدي ايضآ , اصبح البعضيتغنى ببروده وبطئه الذي يخآلف كرة القدم
الحآلية السريعه ..المفروض يجلس في الدكة ويشرك بدل منه عزوز او نواف ..
يعطيك العآفيه

safee · #10 25/05/2011, 07:11 PM

ما في احد صبر على لاعب مثل جمهور الزعيم ... خلاص ملينا من ياسر نبي مهاجم عالمي .. وبعدين الهلال ما يوقف على ياسر او غيره ..وبعدين فريق ماعنده ثقة في نفسه في المباريات الحاسمة خاصة ... والله هالاعب معوق وانا دائما اقولها مو من اليوم اللي هو المرشدي حرام يلعب في نادي مثل الهلال .. والفريدي جالس يلعب لحاله ما عنده لعيبة بالملعب ..اعطو الدوسري والعابد الفرصة ... يجب على اللاعبين ان يخجلوا من انفسهم على هالمستوى ... انا اتكلم عن المستوى فقط والنتيجة بيد ربنا عزوجل....

hilal AL33Z · #11 25/05/2011, 07:31 PM

إقتباس


	الحين الهلال جآب لك بطولتين (الدوري والكاس) انت مسحت اللي سوآه الهلال طول الموسم !!

لا ياصاحبي مامسحت اللي سواه والشمس وأنا أخوك ماتنغطى بغربال ,,

محد يقدر يخفي المجهود اللي قامت فيه ادارة الهلال واللعيبه انفسهم خلال الموسمين اللي راحو خصوصا

لكن ياغالي انا كلامي عن اسيا ,, لأن مواضيعنا من البارح عن اسيا

في كل بطوله في اسيا لابد لنا مباراه من هالبطوله يجي للعيبتنا هبووط مستوى غريب جداااا وهذا اللي دعاني لكتابة الموضوع

أنا مابي اللعيبه ببطولة الدوري .. على الفتح والحزم والنصر والقادسيه وغيرهم ..

أنا أبي امام الفرق الكبيره ..

ولعلمك السنه هذي واجهت الاتحاد مرتين بالدوري كلهن انتهت بالتعادل السلبي ,,

يعني من اول الدوري واحنا مو مهيأين صح للعب امام الفرق الكبيره .. مهيأين بشكل نسبي مو شكل كامل

وشوف يوم جانا فريق مصحصح مظبووط شوف وش سوو لعيبتنا اكتفو بالتفرجه الباارح ..

ع العموم مباراه وانتهت وماني بجابي اناقش فيها

بس اللي يقول نحاول نستفيد لو من الخساره .. وانا ابي نستفيد من اخطائنا نعدلها ..

,
,

إقتباس


	لكن بالمقآبل عيسى مو بمستوى انه يقود هجوم الهلال ..

ياشيخ قول غير هالكلااام بس ,,

متى شفنا عيسى يلعب عشان نحكم عليه ..؟

ياسر غاب مباراتين ويوم رجع المباراه اللي بعدهم كان مضييع .. قالو لاتلومونه الرجال غايب عن حساسية المباريات

اجل وش تقول عن لاعب يلعب شوط ويغيب 11 مباراه ...؟؟؟

رجااء لاتجحف حق عيسى ,, عيسى قادر وشفناه بآسيا العام امام الغرافه وشفناه كيفغير مجرى المباراه كله بتحركاته

الرجل يعرف كيف يتحرك ويشغل الدفاااع ’’

لكن للاسف للاسف للاسف ,, طلق المحياا ماخذ فرصته

ظلمووه المدربين مدرب تلو الاخر

حمودي فلسطيني · #12 25/05/2011, 07:39 PM

ياسر نجم ضاع بسبب: (تكبره_ محاربته النفسية_مافي منافسة_ضمانه للمجاملات_تحقيق رغباته باي وقت)
ومـــــع احـــــتــــرامي
لا يـــــــــــــوجــــــــــد
مـــــــــهـــاجـــــــــــــم
واحـــــــــــــــــــــــــــد
جـــــــــــيـــــــــــــــــد
بالســـــعـــــــــوديـــــة

والهلال تحديدا يحتاج مهاجم مقاتل مازال لديه الرغبه بتقديم
مستويات ويطمح ليكون شيء في عالم الكره
اما تجيبلي لاعب شبعان ومغرور بجماهيره وحساس ويتعب نفسيا
من كلام الناس
ومره كل سنه يحس فيك ويقدم مستوى ومره يقولك سمين ومره نفسيته تعبانه
ومره مصاب ومره ارهاق من ضغط المباريات ومره طلق المدام ومره اتزوج
فهذا ليس احتراف ابدااااااااااااااااااااااااااااااا
برشلونه ناجح لانه مافيه كبير
وريال مدريد يعاني مع انه يمتلك نجوم بالملايين
لأن النجوم سلاح ذو حدين

ţЋẾ ҜŀИģ · #13 25/05/2011, 07:50 PM

نبي مهااااجم لا يرحم ابدآآ

ونبي مدافع جنب هوساوي

والا سنكرر العالمية صعبة قوية

al_doesry · #14 25/05/2011, 07:59 PM

نبي مهااااجم لا يرحم ابدآآ

ونبي مدافع جنب هوساوي

والا سنكرر العالمية صعبة قوية