بسم الله الرحمن الرحيم .
السلام عليكم ورحمة الله وبركاته
هاردلكم الخسارة امس .
وبلخص المباراة بوجهة نظري المتواضعة

بالبداية احب اوضح لكم اني محايد ولانتمي لاي فريق محلي << ارسنالي

النقطة 1)
الثانية الاولى بالمباراة .
شفتوا نور وين راح .!!!
مارجع الكرة للدفاع تقدم وبعدين رجعها .
ووالله العظيم اني توقعت فوز الاتحاد من الثانية الاولى بسبب هذي اللقطة .
كثير يسوونها ويخسرون بس شفت شي غير امس بصراحة
هالشي انا اعتبره عائد للتهيئة النفسية للفريق قبل المباراة .

النقطة 2)
اول 5 دقايق .
عشان تعرفون تاثير الجمهور شوفوا الباصات الهلالية وقارنوها بالاتحادية
اول 5 دقايق يمكن ولا باص سليم من مركز لاخر بمعنى الدفاع للوسط او الوسط للهجوم .
بل شفنا الفريق يتفنن بالمناولات الخلفية ( من وسط لدفاع )
في المقابل .
تمريرتين من نور افضل من الباصات الهلالية كلها ومهب انا الي اقوله .

النقطة 3)
تستغربون منها شوي .
نور
الفريق الهلالي افتقد للاعب بحجم نور
افتقد للشلهوب .
افتقد لممول الكرات
افتقد لرادوي
افتقد لمن يبث الروح .
افتقد لياسر << وفيه نقطة بتكلم عنها عن ياسر .
افتقد لمن يسير المباراة بمهارة او مهارتين .

فلا صرخات سامي تجدي ولا تغييران كالدي تنفع

النقطة 4)
الروح
لما تشوف المرشدي يسرح ويمرح ويفكر شلون بيقضي الصيفية .!
حين ترى ياسر حائر بين قلوب الدفاع ويقف بينهم زي الي ماعنده اي حل .!

وتشوف زياية وهو يرفس كل الي قدامه ( افضل دفاع بالدوري ) بغرض اللحاق بالكرة لا الخشونة
حين ترى نور بكل مكان يدافع - يهاجم - ياخر لعب - يمشي لعب على مزاجه
انها الروح ياعالم

ولكم بارسنال مثل
ماغبنا عن البطولات الا بسبب هالشي

والكل شاف شلون الهلال تغير بعد دخول العابد والدوسري .
لاعبين الهلال يجري بعروقهم مجرى الدم

النقطة 5)
التهيئة النفسية .
وهالشي ذكرته باول نقطة .
شفنا الاتحاد كيف مسك اللعب طول بعرض باول 10 دقايق والهلال مصدوم .!
كأن واحد كذب عليهم وقالهم تراهم مايعرفون يلعبون ويفاجاون بشيء مختلف قدامهم

الشي الثاني : الجمهور وتهيئته النفسية
عواجيز الاتحاد - متى يجي الثلوث - سنروضك ايتها المستعصية .!
المستعصية وتقول بناكل الاتحاد .!
المستعصية وتقول عواجيز الاتحاد .!
معليش بس هذولا فاهمين الحماس غلط
المستعصية كان اشد الما من الخسارة بوجهة نظري
مافيه شيء يستعصي على اي فريق .!
والدليل ان الهلال مابقى فريق سعودي الا وفاز عليه وتفوق عليه بالمواجهات المباشرة
واكثر نادي احراز للبطولات الاسيوية باختلاف مسمياتها

النقطة 6)
التمريرات ومادراك مالتمريرات .!
نقطة تفوق الاتحاد بالامس هي التمريرات .
هدفين من اصل 3 كانت بتمريرات من نور .
بالمقابل هدف الهلال من مجهود فردي من لاعب تشبع حب الهلال من الصغر

النقطة 7)
تقريب دارجة ضمن الفقرة 5
الكرات العرضية .
محد سال نفسه شلون جت العرضية ذي .!
سوء تغطية من الظهير يتبعها عرضية مميزة وبالتالي هدف للاعب لايرحم بالراس

بالمقابل كور الهلال العرضية كلها ماستفدنا منها .
وبالذات الي من ويلي الي كان افضل من يرفع لياسر .
امس مادري وش كان يسوي بصراحة .!!
والله لو انه حالف انه يسطح الكورة برا الملعب ماشاته كذا

النقطة 8)
غياب لاعب الاوقات الصعبة .
سابقا : سامي - يوسف - الدعيع - النعيمة .
لاعب حتى لو النتيجة 4-0 يحسسك بالاطمئنان ويجه اللعيبة للتعادل
ضد الغرافة احتاجوا لتدخل سامي بين الشوطين .
لكن الغرافة ليس بالاتحاد

هذا الي عندي ...
شاكرين لكم .)

* النقاط الي ذكرتها لا تعني ضعف الاتحاد .
الاتحاد كان بيومه .
واذا الاتحاد كان بيومه فصدقوني ماحد يقدر يفوز عليه الا بالروح

بالتوفيق
. }