ياسر اخذه الغرور بعييييييييييد عن جو الكورة باختصار

وحنا السبب ترى يا جماهير الهلال رفعنا ياسر فوق وحتى هو في اضعف مستوياته جلسنا نكابر ونغالط انفسنا ...بيرجع ياسر !!! بيرجع ياسر !!!! لا رجع ولا شي

حتى في تصريحاته يتضح انه متكابر على الكورة


ياسر انا لا اعترف برجعتك لتهديف امام الحزم او الوحده او نجران او الرائد او التعاون مع احترامي لكل الاندية


انا وغيري من الهلاليين نبي اهدافك امام المنافسييين الاتحاد الشباب الاهلي النصر وتحسم المباراة

انت مهاجم ووظيفتك تسجيل الاهداف ومشاغبة الدفاع

لمن نرى حتى ظلك في مبارة الامس

ورغم كرهي للاتحاد لكن والله اني اطرب لمحمد نور

محمد نور و ان نزل مستواه يظل هو صانع الفارق لفريقه مع زملائه

شفتوا محمد نور ايش صار له لمن جلس بالاحتيااط



وتكفون لا احد يجي يقول شوي شوي على ياسر وترى قدم وفعل وسوى للهلال

اسالكم بالله ايش يجي ياسر قدم سامي

ايش يجي ياسر قدم الفيلسوف ابو يعقوب ( الا ليت الزمن يرجعك يا ابو يعقوب )

ايش ياسر قدام الشلهوب الموهوب

الاجابة معروفه

كفايه كفاية مجاملات صدقوني هذي مشكلتنا نجمل في بعض الاحيان والطامة الكبرى تجي على النادي وحنا يا الجماهير


وتحياتي لك يا عيسى طرق المحيا انت من يستحق ان يكون مهاجم الهلال

يا جماعة لا تنسون اننا دخلنا في سجال مع النصر عشان نظفر بخدمات المحياني واخرتها حبيس الاحتياط مش معقول

صدقوني حل الهجوم في يد المحياني والعابد

وراح تشوفون

واتمنى انهم يلعبون قدام الفيصلي في الكاس واسف على الاطالة

رسالة الى ياسر :

ياسر جرب دكة الاحتياط مبارة ومبارتين وراح تعرف معنى كلامنا

واذا تظن انها عيب ترىسامي والثنيان والشلوب كانوا في الاحتياط وما يلعبون الى الشوط الثاني

وكانت لها نتيجتها

حنا ما نقول هذا الكلام لاننا نكرهك لا

بس لاننا نقدر ونحترم كل من يلبس شعار الهلال

لاحظ شعار الهلال وبس




ودعواتكم يلي تحبون انه يكون بدكة الاحتياط

الدكة مشتاقة لك يا ياسر

لمصلحتك