تبي الصراحة ؟؟
والله نفس الموضوع جاي على بالي من عقب مباراة الرائد :sad::sad: ...
وتبي الصراحة بعد ... مع احترامي لكل الآراء .. اخر مرة شفت الهلال على ما يرضيني ..هو اخر موسم الابداااااااااااع موسم 1420 (كأس الاتحاد...البطولة الاسيوية .. المؤسس .. ولي العهد ) وآخر مباراة هي نهائي كأس ولي العهد قدام الشباب واللي انتهت 3 / صفر للهلال تدري ليش ؟ .. خلني اذكر بس بالاهداف :
الاول : سامي على الجناح الايمن حطها ( حطة جابرية :sad: ) لسيرجيو :sad: اللي صفقها على الطاير هدف خيالي ...
الثاني : سامي .. بعد برا الطرف الايمن من منطقة ال18 يخش من بين اثنين ويسددها صاروخية تصفق في راشد المقرن ثم في العارضة ترجع لابو شلهوب المتابع يحطها في الباب ..
الثالث : نواف يحطها ( حطة تمياطية :sad: )هائلة لعمر الغامدي اللي سوى مسرحية
في راشد المقرن عنوانها " ابن امك وابوك تعرف متى باشوت
" قبل مايشبكها في الباب
بعد هاذاك الموسم ماشفت اي مباراة للهلال تسوى الا ان كان مباراة الاهلي 4 / صفر مع ان الهلال استغل فيها ضعف الاهلي بشكل واضح ...
حتى البطولة العربية 1421 ... لاينسيكم الفوز فيها ان الهلال عانى في كل مباراة لعبها .. ولا كان مستوى اي مباراة مقنع لاي هلالي ... حتى مباراة النصر !
ونهائي الدوري العام لاينسيكم الفوز فيها كيف ضغطونا الاتحاد بشكل خيالي في كثير من اوقات المباراة وبرضوه المستوى ماكان على مايرضيني ...
باختصار .... الهلال من 3 سنين اغلب بطولاته بمثابة حقن مسكنة بلا مستوى ولا متعة ..
واسف على الاطالة
مرتاح ;)