هاردلك للهلال
طبعا اولا ابي اقول وش شغل اللاعبين:
نبدأ من الدفاع:
المرشدي يطالع نور ويشوت الهوا
اسامه مايبي يجازف علشان اصابته
و لي يونغ ماله خلق يمسك الظهير
من المحور:
رااااادوي بس يبي يشوت يليت شوته سوت شي
والوسط:
والفريدي الانانيه زايده
وولي خايف على رجلهه واذا جاته الكوره يصيد عصافير
والهجوم:
ياسر مايبي يسوي شي بس يبي يحظرالمباراه ويمشي

لاحول ولا قوة الا بالله
تجيبون الدوري وكأس ولي العهد
ياااااخي شبعنا منهم مانبي غير الاسيويه
كل شوي جايبينا بصدمه
اول شي يطلع من ام صلال بربع النهائي
وثانيا يطلع من ذوب اهن
ولا الحين طلعوا من الاتحاد
يااداره نبي مهاجم صريح
نبي مهاجم مايهزه ريح ولا مدافع نبي مهاجم يدك الشباك
تعبنا من مهاجمينا
ياسر اللي بس همه الكبتنيه
ولا احمد بس يبي يسجل
يااااخي صيروا عندكم روح قتاليه روح بس تبي تفوز اما تبون البطوله تجيكم لا والله البطوله لازم تجازف وتدش بقوه
بالاخير هاردلك للهلال
وانشاءالله الفوز للهلال دائما
انا ماقلت كذا الا وانا احب الهلال
ودائما شعار الهلال فوق

الى نعرف ان الظهير اذا شارك بالهجمه بسرعه يعود لمنطقته

لكن الزورى تارك مركزه ومخليه للمرشدى الى ضاع بين الخانتين

بالله الزورى تارك خانته والاتحاد ماخذ راحته على الاخر وين المدرب عنه ؟

اما ياسر فخروج الهلال هديه لمن جامله

ياسر لايلام سوف يشارك ولو على الواقف رواتب وناس تدافع عنه وش يبي اكثر من كذا

ويا ويل من ينتقده اكيد مندس وغير وطني ولايفهم

ووش عاد كاس اسيا كل سنه وش طايرين عليه

مع العلم انه يمكن تكون اخر بطولة اندية عالم ارتاحوا

خلونا في كاس الخليج فيه الف بركه

بالله فريق عجايز اخر الشوط الثانى سلموا المباراة

كورة في القائم وبعدها هدف لاعب وسط وبعدها يضيع كرة هدف من خط السته المهاجم

بالله الى ما يفوز على عجايز يمكن ينافس فرق كوريا ؟

كله نن المرشدي الغبي والله حراااااااااااام

إقتباس شـر البليه ما يضحك من جدكم تبغون اسيا وانتم ماعندكم مهاجم؟ ابي اذكر مشاركه وحده لياسر في المباراه؟ احتكاك, مهاره, استلام, تمريره, في المباراه ياجماعه ولااا لمسه في شوط ونص ... اسألك بالله وش وظيفتك يا ياسر؟ وش جالس تخبص بالظبط بين دفاع الاتحاد؟؟؟ ياجماااااعه نبغـى مهاجم سـفاااااااح ... انتهى زمن القناصين !! نبي واحد يمشي ويضرب ويدف وينطح ويكسر كل شي قدامه ويسجل بيديه ورجليه !! الى متى نحترق ياهلال؟؟؟ لاااااا والحفله الكبيره المرشدي من أول دقيقه يجلي الكوره ويشوت الهوى .. والله العظيم من شفت هالهجمه والهجمه الي وراها على طول وانا قايل في نفسي المباراه راحت .. المدافعين يتفرجووون على مهاجمين الاتحاد ولا احد يبغى يدخل على اللاعب يحاول يقطع الكوره .. يتفرج عليه ويرجع معه خطوه خطوه واللاعب الاتحادي يلعب ويمرر على كيفه!!! متى صارت هذي؟ خل الكابيتانو ابو قحط والمرشدي على جنب نروح للاجانب الفلتات !!! عجائب الدوري السعودي رادوي يمزع ولا همه احد ..! وكأنه سلم المباراه ويقول للحكم صفر وفكنا من شرك وويلهامسون ياحياتي خايف على رجله مايبغى يسوي اي احتكاك .. وبرضو يصيد عصااافيييييير المصري .. حدث ولا حرج << ولا اقول اسكت احسن ورب الكعبه حراااااام حراااااام يلعبون في مشاعرنا مانبي دوري مانبي كاس ... نبي اسيا يانااااااااااااااااااااااس نبي مهاجم سفااااااااح بالعربي وبالخط العريض نبغى فيـكتور سيـموس بأي ثــمن يا أبن مسـاعد في الاخير سلمو لي على ديمتري ونوور

زمن ياسر ولى وأتى زمن دكة الأحتياط وأتى وقت طلق المحيا

يا ابن مساااااااااااااااااعد نريد عيسى أساسي في جميع المباريات

ونطاااااااااااااااااالب بمدرب مثل مدرب الجزيرة رجل شخصية وله ثقله
ونريد مهاااااجم بمثل مواصفات صاحب الأقتباس ليس بشرط فيكتووور


أبن مساعد نريـــــــــــــــــــدها وعد منك بالموسم القادم

صمممت .. الله يخلف بس

الرجاء من الشبكه عدم وضع افضل لاعب في المبراات

هااردلك للزعيم ومبروك للاتحاد ..
والزعيم ما قصر معانا هالموسم ..
وان شاء الله معوضين في الملك ..


لا هنتم يا احلى شبكه ,,

الحمدلله ع كل حال
والله يعوضنا خير ان شاء الله

والف مبروك لِ الأتحآدية والله يستآهلون

الله يقلع ام الهلال على ابوه والله الي تابعه وجعع راس تعبت وانا ادور اسيا يلبى البرشا بس

الف شكر وخيرها بغيرها ان شاء الله

الشلهوب وياسر و ويلي وهوساوي

اليوم قمة في السوء


جمهور الرياض .. تعلموا من جمهور الاتحاد

الحمدالله ع كل حال

إعـداد | a l 7 a n a y a | هـل تعلم| blue tiger 30 | زلزال اسيا | Mr OPTIMISTIC| يا(20)سر| عــكــوز |

يعطيكم العافيه ع التغطيه

بسم الله الرحمن الرحيم
والصلاه والسلام على اشرف الانبياء المرسلين محمد ( ص ) اما بعد ‏‏
‏‏(‏( رساله مني لي سمو الامير عبدالرحمن ابو الجوهره حفظها له اذا تبي الاسيويه وتقول ابغير في الفريق هم ثلاثه لاعبين مايبيلها نظرية في ثاغورس ولاعالم نووي الا وهم المرشدي وطبعا هو اهل للدفاع وضربات الجزاء والله العظيم من تجيه الكوره وايدينا على قلوبنا ليه لان لاهو لاعب محترف ولاشي تحس الرجل هذا من تجيه الكوره يصير في حاله غير طبيعيه ويرتبك ولايعرف يغطي ولا يعرف يشتت الكوره واللاعب الثاني طيب الذكر الزوري لاتعليق واللاعب الذي اتعب المدافعين والحراس من كثر الاهداف وهو ياسر ياسمو الامير شف لاعب الاتحاد زيايه ماتجي مباراه الا ويسجل مع العلم ان عقده ارخص مما يصرف على الاجانب لدينا واخر امباراه قدامنا شف وش يسوي يروح للنص ياخذ الكوره وابو سعيد ينتظر تمره الكوره والمدرب ياسمو الامير لاتجدد له على قوله المثل الشعبي ( فرقا جحا غنيمه وشكرا جدا ياشبيه الريح

بالعربي الفصيح لو تلعب مع فريق حطين وتخلي اللاعب يباصي وهو مرتاح ثق تماما أنه بيفوز عليك

ثلاثه أهداف الاول صنعه محمد نوور بدون أي ضغط على الكوره ناولها بعد مافكر أكثر من عشر ثواني وهو مرووق

الثاني رفعها نونو أسيس وأقرب لاعب هلالي كان بينه وبين نونو أسيس عشره أمتار

والثالث نوور بنفس طريقة الهدف الاول مسك الكورة الي جاء اللاعب من الخلف ورفعها له وكل هذا وهو مستريح محد حاول يشيل الكورة منه


وفي النهايه يقولون نوور لاعب كبير أنا لي سبع سنوات تارك الكوره لو تعطيني كوره ومحد يضغط علي أحطها للمهاجم وين مايبغاها

عوافي على التغطيه

بالتوفيق للهلال

هاردلك .. قدامنا كاس الملك ان شاء الله نحققه..’
"..بالتوفيق لـ الزعيم في القادم..