نادي الهلال السعودي - شبكة الزعيم - الموقع الرسمي - احترت بيت الـ70 والـ17 وطـارت المكافأه من ثاني يووم ..!

- منتدى المجلس العام (http://vb.alhilal.com/f1/)

احترت بين الـ70 والـ17 وطـارت المكافأه من ثاني يووم ..!

بسم الله الرحمن الرحيم

بما ان اغلب المواضيع بالمجلس هالايام صايره فضفضه قلنا احنا بعد نفضفض :wub: امتثالا للقول الشهير مع الخير ياشقراء :naughty:

عموما على طاري شقراء يايكم الموضوع بالطريج :d

قبل فتره كنت بالشاليه مع بنات عمي المهم وهم يروحون بيطلبون لنا عشاء
من مطعم قريب وطبعا بنت عمي اللي تسوق فيهم هذه ماتفهم شي بالانقلش
ولا تفريق بين الـ SHE والـ HE وطبعا امثالها كثير بهالمنتدى :s4s:

المهم انها اطلبت وخلصت وقالها الكاشير PLEASE WAIT FIFTEEN MINUTES يعني 15 دقيقه طبعا :d

ولكنها لانها ماتفهم حسبالها 50 دقيقه قامت وشغلت السياره واطلعت تتمشى ورجعت بعد 50 دقيقه ولقت الاكل باااااااااااارد :d

وعلى ماوصلته لنا طبعا صار ثلج :s5s:

المهم قعدت تتعذر وقالت لنا السالفه وانا قعدت اتطنز عليها وكل مادخل علينا احد اقولهم شفتوا فلانه ماتفهم ماتفرق بين الـ fiften والـ fifty :s2:

وطبعا الكل يضحك عليها وصارت نكته ذيك الليله :razz:

رجعنا الديره طبعا وبعد تقريبا 4 ايام قررت اني اروح الكوافيره واصبغ شعري بس طبعا المكافأه اللي توها نازله وهي 100 دينار كويتي :d
مافيه غيرها قلت بصبغ بسعر مقبول واخلي الباقي لبقية الشهر ..

الزبده دخلت وسألت الفلبينيه اللي عند الباب بصبغ شعري بجم تصبغونه انتو ؟ :wub:

قالتلي SEVENTY دينار :d يعني 70 دينار لكني للأسف سمعتها SEVENTEEN يعني 17 دينار فقط فقط :d

وتصبغ لي واقعد تقريبا 3 ساعات انطره يخلص والحمدلله خلص وطلع نفس اللون اللي ابيه ويوم ييت بدفع ولا تقوولي 70 :s5s:

وحسيت الله بلاني من كثر ماتطنزت وهزأت بنت عمي ذاك اليووم :cry:

المهم واطلع المكافأه اللي ماكملت 24 ساعه بالبوك وادفعها :(

وانا ليلحين متحسفه على ذاك اليوووم :s3s:

عمووما بتكلم شوي عن اخطار الصالونات للبنات خاصه :

سمعت قبل فتره عن صالون مشهوور وعلى مستوى كانت بنت مسويه بودي كير وطلعت الادوات
اللي مستخدمينها فيها بكتيريا :s5s: ومو معقمه وانتقلت للبنت واضطروا انهم يقطعون صبع ريلها :(:(:(

غير الاخطاء اللي تصير بالشعر وتسبب الى تساقطه او فقدانه بشكل نهائي :s5s:

وجم نسمع عن صالونات فيها كاميرات تصور الحريم والبنات بدون لا يدروون :s5s:

وغيرها واااايد مشاكل وبلاوي الله يحفظنا ويحفظ بناتنا يعني ننصح البنات
ينتبهون
ويحاولون كثر مايقدرون يخلصون شغلهم بالبيت احسن واضمن لهم :smilie47:

نهاية الموضوع اللي مدري شنو يبي :d

بنت عمي اللي تطنزت عليها هي الحين تدرس بامريكا لغة وبعدها بتبدي تخصصها الله يوفقها ويسهل عليها ماندري يمكن
الموقف اللي صار خلاها تفكر جـدَيا تدرس لغه بالمقابل الموقف خلاني
الله يجازيني واخسر 70 بسبب غبائي :d

نصيحه لخواتنه واخوانه طلبة الثانويه :ba1:

كثر ماتقدرون تعبوا ودرسوا واستغلوا هذه الايام بتتعبون شهر شهرين وقت الاختبارات النهائيه وبترتاحوون العمر كلله :yes:

عن تجربه شخصيه بكل لحظه تمر علي وانا بالجامعه اتمنى لو ترجع ايام
الثنويه واكون درست زين
وخذيت معدل ودخلت تخصص احبه وابيه ولكن ! نقوول عسى انها خيره ان شاءالله :smilie47:

هذي هي نهايه التطنز ع الناس
ع مقوله المثل اعط الخباز خبه لو
اكل نصفه والله ما ادري وش دخل
المثل بالموضوع بس قلت ابي ارد

المثل على ما اعتقد يقول
مع الخيل يا شقرا
يعين الخيل الشقرا انا كذا فاهمه لكن يصححون لنا الربع الا اذا انتي متاكده
والله يالشماته شينه مررره
والله يرد بشيء اكبر
والله يستر علينا
ياما وياما تشمتنا

شكرا على المعلومة

علمتني كيف افرق بين 50 و 15 :d

وانا عن نفسي ماحب اتشمت في الناس ولا احد يتشمت فيني ..

لك :rose: من زهوري المنقاة بعناية :smilie47:

هههههههههههه هذا الي يتطنز :s2:

انا مثل بنت عمك مااعرف شي بالانجليش:s5s:
شكلي اباخذ لغه:s2:

بالنسبه للمشاغل ياربي لك الحمد اكره شي عندي المشاغل:s5s:
الي ابيه اسويه انا واذا اضطريت خليتها تجي للبيت وباغراضي تسوي:d
من جد قرف هالمشاغل:mad:ووساخه:mad:

لو انك رحتي للصيدليه واخذتي علبة صبغه ب30 ريال وصبغتي انتي كان وفرتي صح ولا<<:d

لااعاد تطنزين على احد مره ثانيه
وسلمي على بنت عمك:d

هاذي نهائية الاستهزاء ..
ههههههههههههههههههههههههههه ..

إقتباس:

سمعت قبل فتره عن صالون مشهوور وعلى مستوى كانت بنت مسويه بودي كير وطلعت الادوات
اللي مستخدمينها فيها بكتيريا ومو معقمه وانتقلت للبنت واضطروا انهم يقطعون صبع ريلها

الله يحمي بناتنا وجميع بنات المسلمين من هالامراض ..

وشئ حلو ان الواحد يتعلم الانجليزي تفيدة بأشياء كثيرة :yes:
خصوصا هالوقت اللي مايعرف انجليزي يروح يموت احسن له :s2::ap:

شكرا لك اختي شوق ع تغير الجو وشكرا لك على الفائدة :yes: .. :smilie47::rose:
وسعي صدورنا الله يوسع صدرك بالعافيه ..

انا تصير لي زي ذي المواقف بس موب لاني ما افهم لاني ما اسمعه زين واخلص شغلي واتفاجات بالسعر ههههههههههههههه

بس كلها تهون عند مره رحت كوفي ع اساس البوك فيه فلوس

ومسوي اني داعس وعطني واحد موكا وكذا ويصلح واقعد اشربه ومسوي رايق اقرا الجريده

ههههههههههههههههههههه

الا يوم جا الحساب وجهي موب الوان مدري شلون طلعت من ذاك الموقف هع

هلا بك شوق :smilie47:

بنت خالتك موقفها بسيط والحين الانجليزي صار مطلب ضروري للتماشي مع الحياه
وانصح الجميع يبدا يتعلم ويشتغل على نفسه

اما انت زين بس ان معاك هالمبلغ وماتوهقتي :d شكلك كرهتي الصبغه عقبها
واذا ماسمعتي السعر او ماقريتيه زين مشكله وكثير تصير :ga:

هالمشاغل استغلال وراح يستمرون على كذا لانهم لاقين ناس تدفع وبس
المشكله ياليت زياده الفلوس تروح لـ خدمه افضل لا بس علشان اسم المشغل معروف
يكون اغلى والا تلاقين نفس الخدمات باسعار معقوله بـ مشاغل عاديه

وسالفه النظافه :s5s: اعتقد يختلف من مشغل لـ مشغل لاني اذكر مره شفت العامله تنظف الادوات قبل تستخدمها بمناديل معقمه
والواحد اكيد مفروض هو يحرص على نفسه ويتاكد من نظافه الادوات
والله يكفينا شرهم

والله يوفق جميع الطلاب والطالبات :smilie47: ونفرح بـ نجاحهم :rose:

\
:smilie47:
/
يعطيك العافيه شوق :smilie47:

الهنووف
كانت
هنا
ورحلت

هلآ شوق ..

آفآ بس آفآ ..
تتطنزين على بنت عمك .. :s3s:
وش هالقلب اللي عندك .. :ranting: << ارحميني تكفين .. :s4s:

لا شوفي: آنا مثلك ..
ما يمر آحد من عندي آلآ وامسكه تريقه .. s121s
آلمشكلة آدري آنه غلط، بس عجزت آترك هالشئ .. :cry:
يمكن لآنه الموضوع مسآلة ورآثه من طرف آهل آبوي .. :naughty: :s2:
بس غآلبآ آحآول آمسك نفسي ..
لآنه مو كل مره آطيح بشخص عآآدي تكون روحه رياضية ..

المشغل .. :cry:
تكفين لآ تذكريني فيه .. :cry:
ما صار لي فترة ناسيه السالفه :cry:
لآنه قبل اسبوعين آو 3 كذآ، من قرآدة حظي الكوآفيرة لعبت بشعري :lt:

عالعموم: الله يخلف عليك الفلوس اللي رآحت ..
وهالموقف درس لك ولبنت عمك بعد ..
آنتي علشان مره ثآنية ماتتريقين على آحد ..
وبنت عمك عطآهآ دآفع آنها تدرس لغه ..

بالتوفيق للجميع .. :smilie47: :ba1:
تحيآتي لك .. :ba1: :rose:

اهلا وسهلا شوق :rose:

إقتباس:

امتثالا للقول الشهير مع الخير ياشقراء :naughty:

باب ما جاء في علم التطنز :d : يقال مع الخيل يا شقراء وليس الخير :d

الله يوفق جميع الطلاب والطالبات

واللغة الانجليزية اصبحت لغة مهمة .. واهميتها اننا رفعنا من قدرها وعظمنا شأنها .. والا فجميع دول العالم يعتزون بلغتهم ويفاخرون بها .. على سبيل المثال بالقرب منا تركيا يعتزون بلغتهم في كل معاملاتهم وقنواتهم ومع ذلك اكثر تطورا في القطاعات الصناعية والفنية والهندسية من دولنا العربية التي تتعلم اللغة الانجليزية وتفضلها على اللغة العربية الأم ! .. وع ذلك سوف ننصح بتعلم اللغة الانجليزية حتى يفرجها الله :yes:

جميل ما قاله الشاعر العظيم : حافظ ابراهيم رحمه الله .. في قصيدة اللغة العربية .. حين قال :

وسعت كتاب الله لفظ وغاية ... وماضقت عن آي به وعظاتي

وفي شطر آخر :

أرى لرجال الغرب عزا ومنعة ... وكم عز أقوام بعز لغات

يعطيك العافية شوق ،،،

أنا عندي اللي مايعرف إنقليزي خير شر
أهون من اللي يكتب إنقليزي معرّب ويسوق امها علينا :d
والله ياهي حركات لحوووج بعد خخخخخخ :d
al mohm shoog keef al7al :ds121s ?

يووووووووووة الكويت:smilie47: ذكريات عزيزة على قلبي في هالبلد عيال عمي كلهم بالعارضية :s2:
قطعه 3 اظن مدري ماني متأكد والله
المهم بالنسبة للموضوع ارد عليك انا الحمدلله لغتي تمام وماراح يحصلي زي كذا c.u:wub:

مرديل دحيم

ياهلا فيك اخوي شكرا لك مرورك الكريم

وحياك ربي :rose:

..

عاشق المسجد

اي صح هو مع الخيل بس انا كتبتها بدليه وماحبيت اعدلها لاني شفت ردك كله محوره على هالنقطه :d

ياهلا بك نوورت :rose:

..

معيض يمشي بين الزهور

ياهلا فيك اخوي وشكرا لك مرورك ومشاركتك

حياك نوورت :rose:

..

ملامح يوسفيه

ياهلا فيج اختي :rose:

بالعكس الصبغات الرخيصه خطورتها اكثر من الصالونات الغاليه :s5s:

يعني لا هيك ولا هيك خليج بالوسط :razz:

حياج ربي نورتي :rose:

:smilie47:

الزعيم سام 6

ياهلا فيك اخوي

اللهم اميين :smilie47:

وشكرا لك ردك ومرورك العطر :rose:

..

التا14يب

ياهلا فيك اخوي

وشكرا لك عالى المرور العطر

حياك ربي :rose:

..

الهنوووف

ياهلا وغلا فيج الهنووف :smilie47:

من جد كل مااشوف المرايا اكره شعري صار شي نفسي اني اكره شعري
لانج تحسين انج دفعتي بدون قناعه ومغصووبه :razz:

حياج ربي نوورتي :rose:

هلالي من ارض اليمن

ياهلا فيك اخوي طارق :rose:

شفيكم عالبدليات انا كاتبه الموضوع وانا مسطله والله والدليل ان حتى العنوان فيه خطأ :d

شكرا لك مرورك العطر ونوورت :rose:

..

LEGEND

ياهلا فيك اخوي

المعرب هي لغة العصر الحين وكل الجيل الجديد مايتفاهمون الا عن طريقها :s5s:

وانا اشوف المعرب ابرك من الانقلش البحت علشان نكون منصفين مع لغتنا شووي :razz:

حياك ربي نوورت :rose:

..

welhomsson 33

زين ان لغتك تمام وعسى دووم :yes:

حياك ربي نوورت الموضوع :rose: