إذا كنت نصاب ... إدخل وشارك - نادي الهلال السعودي - شبكة الزعيم

الغريب · #1 23/02/2001, 01:47 AM

دعوة لكل الأعزاء ....
كل واحد يحط هنا نصبات من تأليفه !!!!
ياأخوان ذبحونا ذولا سفر المرزوقي وعاشق نواف وجابر العثرات كل مادخلت ماألقى إلا واحد منهم كاتب نصبة وكل نصبة أكبر من الثانية!!
لا ومن زين الطبايع حاطينها على شكل حلقات " موهوب عاقلين " مسوين فيها الزير سالم .

لذلك اللي عنده نصبة يحطها هنا ومانبي أي واحد يقول أي شئ حقيقي يعني نبي الدعوة نصب في نصب .

ياالله شدوا حيلكم ياشباب.....

نجم النجوم · #2 23/02/2001, 01:37 PM

ليت هالعين ضاقت بالحدق
قبل جدرانها بوجهك تضيق
والله اني صحيت من الارق
راحل لا مكان ولا طريق
ما سمعت الغراب اللي نعق
وين مثلي على مثله يفيق
منزلي في الطويل اللي شهق
ومنزله قاعة الوادي السحيق
قالوا الحاجب يومك شرق
قلت ما اظنه لمدحي يطيق
كنه الشوق في ثوبي علق
يوذي الشوق ولا يقطع طريق
وكثرة الريح تعبث بالورق
وتوقد الخانه الصفرا حريق
وكثر ما شهوه العج الشفق
وقص من جيدها المقود العقيق
وكثر ما صابني واخطى اتفق
لين اصبحت من خوفي طليق
وكثر ما ند بكفوفي العرق
من سلام على غير الصديق
اتركيني على باقي عبق
غيمة العطر من عمري العتيق
ءان ذبحتيني ..ذبحتيني شنق
فيه ذكراك والحس الرقيق
ليت هالعين ضاقت بالحدق
قبل جدرانها بوجهك تضيق

هذي أكبر نصبه ممكن أقولها

الغريب · #3 25/02/2001, 03:21 AM

ماش يانجم النجوم يبيلك تاخذ دورة نصب عند الثلاثي المرح سفر وعاشق وجابر..!!!!

على بالك اللحين قايل نصبة ؟!!!

الشبح الهلالي15 · #4 25/02/2001, 10:09 AM

اقول دوك هالنصبه...
مره كنت بامريكا تعرف اخوك كل اجازه هناك ومرة من المرارير..
دخلت الفندق والا بل كلينتون يا اشر علي يوم قرب من قال يو ار فلان قلت يس ايام..
والله ويطلع المسدس من مخباته ...
ويقول امش قدامي...
المهم مشيت قدامه .......وشوي استغفلته وطلعت الرشاش من جيبي (( اماها الدعوه نصب )).
واقوله امش انت قدامي ... يالفقمه البيضه...مابقى الا انت ووجهك...
المهم وخليته يمشي قدامي...
وشوي دخلته الغرفه حقتي الي بدور الخمسين... وعاد غرفتي مطله على البحر....وامسكه مع رقبته وانزله من البلكونه ....
وهددته وقلتله من الي مرسلك لي قال لا انا ابي امزح معك بس ...
والله مير انزله شوي بس ...
سويت بها مرة قافله معي...وماعندي لعب
قالي :نونونونونونونو ايام فاذر فور شلدرن بليز دونت كل مي...
المهم قلتله من الي مرسلك لي اجل قال انا والله كنت ابي اوري زوجتي ((هلاري)) اني اخوف بعد ماشالوني.....
المهم تدرون وش سويتبه....
.
.
.
.
.
.
.
.
.
.
انزل شوي.

.
..
.
.
.
.
.
..
.
.
.
.
.
.
.اذا تبي تعرف انزل شوي بعد.
.
.
.
.
.
.
.
.
.
.
.
.
.
.
.
.
.
طلعتله فيزة سواق وجبته يشتغل عندي ...
ايه ماعندي رحمه انا....
انتبهو على نفسكم بس.

والسلام ختام......

حقوق الطبع محفوظه لـ الشبح الهلالي 15 جروب ليمتد وشركاه

الغريب · #5 28/02/2001, 02:28 PM

الشبح الهلالي.....
وش رايك تجيب مونيكا لوينسكي بفيزة شغالة;) .تراها بنت " شغيلة "!!!!

[عدلت بواسطة الغريب التاريخ:28-02-2001 الساعة: 02:34 PM]

مجنون الهلال الدولي · #6 28/02/2001, 03:09 PM

فيجو وباتستوتتا وقعوا من مع الهلال ب6968101مليون دولار لمدة

2020سنة...

سعد الهويدي · #7 14/03/2001, 10:30 PM

عندما كنت اتمشى في احد ضواحي الانترنت اذ هجم علي حصان لونه اسود ومنقط باحمر المهم وقفت انا كا الاسد مزجمر ( والله مااعرف اكتبها ولا ادري وش معناها بس الظاهر انها خطأ) جمله عرضيه...
وزعقت في وجهه زي الذيب المهم ضف خلاقينه ومشى وهو يكلم نفسه وقال هذا
والله ماينتحارش؟ ومشيت في طريقي ذاهبا الى محل ذهب وعندما انااتسوق للمدام واشتري بعض الغوايش من دقت عبد الغني وربعه
اذ دخلت وحده امريكية لها شعر احمر اللون او اصفر
شعرت كن احد كاب علي مويه بارده وقالت : لوسمحت منهو الاخ هذا اهذا هو سعد الهويدي الرسام المعروف؟؟؟؟؟؟؟؟؟؟؟؟؟!!!!!!!
100 تعجب!!!! واستفهام وعقده اما عاد مشهور ومعروف للدرجه هذي المهم اخذتني وباستني بوسه طويله عريضه وقالت الاتتقهوى عندنا اليوم .... كثر منها وزد الهيل والقهوه بعد...
واعرفك على زوجي والبوي فرند حقي قلت والله معصي ما اقدر انا بروح للمدام علشان عيد ميلادها اليوم... على فكرة تراني اعزب ولا ابحث بس
هذا اصول النصب برضه جمله اعتراضيه...
المهم...فجأه دق الجوال حقى وناظرت الرقم زي العادة
ولقيته جوال زوجتي وقالت من معك من تكلم يالمارج..
قلت والله مامعي احد قالت انا الان على الانترنت وزي ما انت عارف عندنا كمرة واشوفك ومير يضيع وجهي ودريت انها كفشتني نصيحه ياشباب اللي متزوج لايحط كمره ويتوهق مثلي المهم قالت ارجع للبيت واوريك شغلك ياراغب الطرادية...
ويوم رجعت للبيت والله ياهي فرشتني فرش وحطتني بدل فرشت المجلس
بس تدرون وش اللي موسع صدري يوم عطيت الرقم الامريكيه ماشافتني
زوجتي........
تصدقون اني اكتب هذي الرساله وانا فرشه بالمجلس اكيد تشمون ريحة الغراء الباتكس الله يبعدكم من التشفيط...
الاعلى طاري الباتكس مافيه احد يعرف يتكلم امريكي علشان انا مااعرف اتكلم الا فرنسي وانجليزي بس الفزعه ياشباب............
وش رايكم اكمل والا اوقف ... فاصل اعلاني ..
رز العنز ذو الحبه الطويلة ثق بنا انه احسن حليب ..؟
انتقلنا للقناة الثانية موجز الاخبار...
رجعنا للقناة الاولى .................................................................................................... .................................................................................................... .................................................................................................... ..................................................................................ايوه اوكي...باي
مع السلامه....طوط ...طوط...
معليش ياشباب تأخرت عليكم قاعد اكلم واحد من الشباب...
المهم والله ماادري وش اكتب بس الظاهر خلصت السالفة....
فاصل اعلاني :
اشرب حليب ابو كاس في قدر ابو ذبيحتن.... يقوي الرئتين
يعطيك قوت حصانين واحد منهم زي الحصان الاسودالمنقط بأحمر...
*****************
تذوق لحم الدجاجه العرجاءانه افضل لحم ارانب على الاطلاق؟
************
مزمز حليب نياق والابلاش
***************
مجلة الشوربه تقدم لكم احسن شعيرية وسليق على الاطلاق..
****************
الحمار باين من اذانه والجرذي مانمسكه الامع عكرته....مع تحيات فليت العافيه مبيد قوي وينشط
استخدمه مره واحده وسوف ترميه....

********************
دخان ابو سنامين يجعلك كالبعير الهايج...

ومع الف سلامة لان الاشتراك حقي خخخخخخ....خلص بعد الرسالة هذي....
[عدلت بواسطة سعد الهويدي التاريخ:16-03-2001 الساعة: 04:15 PM]

عاشق النمر · #8 14/03/2001, 10:45 PM

شباب لقيت ارنب فسفوري منقط بفوشي يتجول في المنتدى

اللي تبعة الارنب يتصل على الرقم :

جوال : 055555555

بيجر : 11111111

تلفون الفياقرا حقتي : 022222222

الاتصال بعد الساعة 12 صباحاً ( يعني بعد الصفره )

J.A.J · #9 14/03/2001, 11:32 PM

أنا مرة والربع طلعنا البر وسوينا اللازم ( طقينا الخيام ) وزهبنا كلش .

المهم جانا الليل وصاحو الربع ... قلت . وش فيكم ..

قالو :- ماجبنا التيس ( اللحم ) .
أفا ماجبتو التيس ... ولايهمكم شباب ..

كان أغرس يدي في الرمل والا تيس طلع في يدي ... يقول ماء ماء ماء .

قلت ماء الا عندي الدواء .

كان أذبحه وأعشي الربع .

الغريب · #10 16/03/2001, 01:49 PM

والله طلع عندنا مواهب بالنصب يعني بإذن الله راح يغطون على سفر وعاشق نواف وجابر العثرات خصوصا إن هالثلاثة خف نصبهم شوي والظاهر كبر راسهم يحسبون ماحد يعرف ينصب غيرهم !!!

مـــــــــــــــــــــايدرون إن المنتدى( بـــــــمن نــــــصب)