الصيف قرب .. والهدايا تناثر .. وكلن يهدي من يعزه ويغليه
مدخل .,
تقول أمي إذآ ودّك تشوف آلخير قدآمك ~
تبسّم وآبتسم وآضحك بوجـه آللي يعآدونك..!
وآقول آلخير يآ يمّـه آشوفـه جنّـة آقدآمك ~
فدآك آلضحكه وآلبسمـة وفدآك آلكل لعيونك
السلام عليكم ورحمة الله وبركاته
اسعد الله ايامكم بالمسارت
كيفكم حبايبنا ان شاء الله طيبين
قربت
الإختبارات وبدأ كلن يغني {
واويلتاه } << طبعا هذا لطلاب العلم مو المخلصين دراسة
بس بعدها بتجي الحلاوة .. بتجي
الإجازة
عسا الله يوفقكم باختباراتكم يارب << ويوفقني انا بعد طبعا
وتطلعون من الإثنين الأوائل << تصنيف جديد
^ ادري اني مالي بالمقدمات بس تحملوني لعيوني ^
ندخل بالموضوع
انا اليوم جاي بموضوع من فترة ناوي انزله بس قلت خله قبل الإجازة
طبعا الإجازة ماشاء الله العالم نصها تدخل الاقفاص
<< عقبا للي ماتزوجوا واللي تزوجوا وزجاتهم راضيات (معصي)
ذيك الأقفاص اللي يسمونها ذهبية
طبعا ولأني ماجربتها مابحكم هل هي ذهبية والا ...
معاد بقول
ماعلينا
الموضوع انو في كثير من الأحيان
يكون العريس او العروس غالي علينا
ويحتاج هدية دسمه .. على قولتهم تدسم الشارب ( للذكور ) والقٌصة ( للإناث )
وللأسف انا أولهم
<< ياخراب الجيوب
ومن باب ان العلم مداولة قلت نشوف عقول العالم وش فيها
ونخلي الموضوع ذا مرجع للي محتار وش يهدي احبابه المعرسين
* وبيني وبينكم والله ياني انزنقت " زنقا زنقا " الإجازة الماضية *
معاد جيت للعرسان هديتهم الا بعد تقريبا 4 اشهر بس يالله عدت
والحين حبايبي < تشمل الجنسين .. المطلوب من حضراتكم الآتي :
- كل واحد يكتب وش افضل هدية تكون للعريس من وجهة نظرك
- ويكتب وش افضل هدية تكون للعروس من وجهة نظرك
.. واذا كانت الهدية لأحد قرايبه يذكر منهو (العريس).
- وبالمرة اذا تعرف المحل اللي تكون فيه هديتك المقترحة تكتبه << توفر لفة اسواق
طبعا اهدف من الموضوع زي ما ذكرت سلفا << متعوب عليها حسيت اني المتنبي الهريفي
ان كل واحد يعطي الثاني فكرة وش يهدي لأحبابه في اعراسهم
وانا أول من بيستفيد طبعا << والا ليش منزل الموضوع
ختاما :
اتمنى يكون الموضوع مرتب شوي لأني بصراحة مافيني صبر على الترتيب
تقبلو خالص حبي وودي
محبكم دوما ..,
مخرج .,
الف مبروك عليكم البطولة ال52 ياجمهور الزعامة
اتمنى ان ارى لوحة زعيمية متكاملة في مدرج الملز الليلة
يستحقها منكم ابا فيصل هذه الليلة