الإتحآد مافيه اسهل منه في حآل احترمناه ,, 1000,000 مرّه نقول كآالديرووون أبخص ..!؟ إبرآهيموفيتش جاب العيد ^^ - صفحة رقم 3 - نادي الهلال السعودي - شبكة الزعيم

شــجــاع · #1 17/05/2011, 10:34 PM

يا أخوان يا آوادم يا بشر هذا المنتدى اسمه منتدى الجمهور الهلالي لمناقشة جميع الأمور المتعلقة بنادي الهلال

أتوقع واضح الكلام اللي بالخط الأحمر ما يبي له شرح !

يعني بالبلدي .. تكلم باللي تحب و اطرح أي رأي تبغاه بدون ما تتعدى حدود الأدب و الاحترام ..
عاد إذا الناس القريبة من المدرب و الإدارة توصل لهم كلام الجمهور .. بيحصل أحد أمرين إما يستفيدون
من الكلام اللي يوصلهم و لا بكل بساطة يتجاهلونه و يرمونه خلفهم .. و يا دار ما دخلك شر ..!

فأرجوكم ارحمونا من قصة 28 مليون مدرب ,, و امسك الفريق و دربه ,, و المدرب أبخص ,,
و الكلام اللي ما يوكل عيش !!

عالعموم شكرا لك

Sly-DE10 · #2 18/05/2011, 07:41 AM

إقتباس

الرسالة الأصلية كتبت بواسطة شــجــاع


	يا أخوان يا آوادم يا بشر هذا المنتدى اسمه منتدى الجمهور الهلالي لمناقشة جميع الأمور المتعلقة بنادي الهلال أتوقع واضح الكلام اللي بالخط الأحمر ما يبي له شرح ! يعني بالبلدي .. تكلم باللي تحب و اطرح أي رأي تبغاه بدون ما تتعدى حدود الأدب و الاحترام .. عاد إذا الناس القريبة من المدرب و الإدارة توصل لهم كلام الجمهور .. بيحصل أحد أمرين إما يستفيدون من الكلام اللي يوصلهم و لا بكل بساطة يتجاهلونه و يرمونه خلفهم .. و يا دار ما دخلك شر ..! فأرجوكم ارحمونا من قصة 28 مليون مدرب ,, و امسك الفريق و دربه ,, و المدرب أبخص ,, و الكلام اللي ما يوكل عيش !! عالعموم شكرا لك

تبي تطرح رايك هذآ حقك اما انك تجي و تحط موضوع بـ اسم ( حملة المطالبة بـ إشرآك عيسى ) ..!؟

الاداره الهلالية ما تقدر تاخذهآ بـ الصوت تبي تطرح رايك اطرحه بـ ادب و احترام لا نحط موضوع و تطلب ( فزعة )

,, ثمن المدرب ليش مجيوب اصلا ؟...

يآ ناس ارتقو لا انتم مدربين ولا لكم خبره في التدريب ,, انصحو المدرب ,, بس لا تعلمونه شغله

.

miss L · #3 17/05/2011, 11:32 PM

ماقلنا شيء مدرب أوكي بس بشر يخطء وحنا جماهير لازم يكون لنا راااي..
نطلب عيسى وبلاش مجاملات للمصري وغيرووو..
معليش بنكون واقعيين والحق ماحد يزعل منه..المحياني يستاهل يكون أساسي..ومافيها شيء اذا طالبنا بوجوده ياما حسم لنا لقاءات مهمه وبقاءه على الدكة ظلم..
واذا بقينا اكتين ماراح ينفعنا المصري وساعته اذا فات الفوت ماينفع الصوت..
شكرا اخوي وتقبل وجهة نظري..

Sly-DE10 · #4 18/05/2011, 07:47 AM

إقتباس

الرسالة الأصلية كتبت بواسطة miss L


	ماقلنا شيء مدرب أوكي بس بشر يخطء وحنا جماهير لازم يكون لنا راااي.. نطلب عيسى وبلاش مجاملات للمصري وغيرووو.. معليش بنكون واقعيين والحق ماحد يزعل منه..المحياني يستاهل يكون أساسي..ومافيها شيء اذا طالبنا بوجوده ياما حسم لنا لقاءات مهمه وبقاءه على الدكة ظلم.. واذا بقينا اكتين ماراح ينفعنا المصري وساعته اذا فات الفوت ماينفع الصوت.. شكرا اخوي وتقبل وجهة نظري..

حلو الواحد يطالب بـ اشراك عيسى بس ما يضحكني و يحزني إلا هآ اللي يحط موضوع بعنوان ( حملة ) وين يابو

حمله بتآخذ الاداره بـ الصوت ؟...

انت اطرح رايك بدون ما تسو حملات الاداره لا درت عنك ولا عن حملاتك ...

احمد علي صحيح سيء لكن ميزته يتحرك كثير و التحاماتة قوية ,, فـ المدرب يلعبه الشوط الاول يتعّب دفاع الخصم

ثمن لي جا الشوط الثاني يكون دفاع الخصم متعب و منتهي فيدخل عيسى النشيط يخلص عآ المباراة ...

هذي كانت فلسفة غريتيس و كمل عليها كالديرون و انا اشوف اشراك عيسى الشوط الثاني فلسفة خدمت الفريق

و شوفو اهداف عيسى و بتقتنعون ...

منوره اختي و احترم وجهة نظرك اكيد

.

سهم الأسر · #5 18/05/2011, 12:19 AM

كلام كبيررررررررررررررررررررررررررر

تحياتي

بدرالطارق · #6 18/05/2011, 01:03 AM

ياخوفي من البروووود اللي يجتاح لاعيننا في بعض مباريات الموسممم

غالي علينا · #7 18/05/2011, 01:37 AM

الخلطه السريه : تركيز + تركيز + تركيز + ثقه = عبور الاتحاد وبسهووله
ما اتوقع إن رادوي بيخليهم يفوزون على الهلال

قمرالزعيم الهلالي · #8 18/05/2011, 01:43 AM

كلام سليم 100%
ويعطيك العافيه يالغالي

مهره الهلاليه · #9 18/05/2011, 02:09 AM

مشكوررررررررر اخوي على موضوعك الجميل
عندنا اداره تحسدنا جماهير الانديه الثانيه واولهم الجار الله يوفق الامير عبدالرحمن بم مساعد والاداره كامله على المجهود العظيم
ثاني شئ مباره الاتحاد نقول اذا لعب الهلال بقوه واصرار ولاعطى الاتحاد وجه صدقني الهلال بيفوز بعد توفيق الله
ثالثا اتمنى من بعض الجماهير الهلاليه لايحطون حملات اللحين بعد الانتهاء من الموسم انتقد على كيفك هاذا وقت الحصاد وقت وقفه الجماهير مع النادي

رادويهـ · #10 18/05/2011, 02:15 AM

أنا اختلف معك ..

الاتي ابد ابد موسهل ...

والدليل أنا ما فزنا علييه هالموسم...

وبالنسبه للحملات اللي ذكرتها حقت لعبو عيسى وشيلو مدري منهو...

الجماهير تحطها تبرد خواطرهم ...

يعني حملات الفيس والحملات اللي بالمنتدى داري عنها كالدي مثلا...

ماراح تغير شي بس نفسياات الجماهير

Sly-DE10 · #11 18/05/2011, 07:50 AM

إقتباس

الرسالة الأصلية كتبت بواسطة رادويهـ


	أنا اختلف معك .. الاتي ابد ابد موسهل ... والدليل أنا ما فزنا علييه هالموسم... وبالنسبه للحملات اللي ذكرتها حقت لعبو عيسى وشيلو مدري منهو... الجماهير تحطها تبرد خواطرهم ... يعني حملات الفيس والحملات اللي بالمنتدى داري عنها كالدي مثلا... ماراح تغير شي بس نفسياات الجماهير

الاختلاف لا يفسد للود قضية

صحيح ما فزنآ على الاتحاد ها الموسم لكن هو بعد ما فاز علينآ

و بـ العكس هو فريق ( ضعيف ) و إلا ما يتعادل 9 مباريات ورى بعض

..!؟

اذا دخلو لعيبتنآ المباراة و هم محترمين الاتحاد راح نكسب الاتحاد بـ الراحة بس اهم شيء الاحترام

...

هذا انتي قليتهآ كالديرون ما درى عنهم اجل ليش يحطونهآ من الاساس ؟..

بتقولين يبردون خواطرهم زين يبردون خواطرهم مع نفسهم لا يدخلون المنتدى و يبلشوننا بحملاتهم ..

يعطيتس العافيه .

بِنتْ آلهِلآل =$ · #12 18/05/2011, 02:19 AM

_

كلآم سليم مآ آزيد عليه ,
إحترآم آي خصم سر آلفوز فمآ بآلك فريق مثل آلإتحآد , صرآحه يبقى فريق كبير ,
عمومآ كل آلتوفيق لزعيمنآ ,

وآبرآ هذآ مجنووون , آلله يعين ربعه وجمآعته ,
قوّآك آلله ,

مـٍلآمـح شمـآلـيّ · #13 18/05/2011, 02:28 AM

الهلال أفضل اكيد بس الاتشاديين مراح يشدو حيلهم الا قداام الهلال وهاذا معروف عنهم
وبالنسبة لأأبرا صراحة ذا الادمي ماله حللللل وش ذا المزح عوووذه

جروووح الزعيم · #14 18/05/2011, 02:59 AM

بلا اتهاد بلا هم الفوز هو الآهم

أما آبرآهيموفيتش مجنووون هههههههههههه

Sly-DE10 · #15 18/05/2011, 07:38 AM

يعطيكم العآفيه يا زعمآء عـ المرور الحلو و مآ قصرتو ...

جآري الرد على اللي اختلفو معي في الرآي و اللي اكيد احترم وجهة نظرهم

...