بسم الله الرحمن الرحيم


اللي وده يحذف الموضوع لا يستحي عادي

انا هالايام فتره نقاهه واستجمام <~ وش عنده ولي العهد ..اتنقل مابين الغرفه والملحق والاستراحه والدورآن وآلقهآوي ..حال اي شاب سعودي ..
آلموهيم سلمكم آلله انا لي فتره آرقد بالملحق ساحبآ عالغرفه .. كأني وحده متزوج عليهآ زوجها
يعني صاير دآيم جلستي فيه اريح لي عشان اللي بيتصل من هالسرابيت الفاضين آخر الليل بيمرني ولا بيدخل ولا شي
اقرب لي بدل ما انزل وارجع مشاوير
وكل وقتي فرفره مابين القنوآت وآلنت والعاب الحرب سترايك آلمهم ذيك الليله خمدت وصحيت على 8 الصبح .. جوآلي مقفل مافي بطآريه ..
المفتاح الفاصل بين الفله وقسم الرجال مزلوج ..صحيت ابي اعرف مسكت معي ابي اعرف كم الساعه
ادور يمين يسار ..لا جوال وخلاقيني كلها داخل البيت
ابي اكلم احد يفتح لي
ابي اطلع طيب!! طيب بس ابي اعرف كم الساعه
جلست احوس يمين يسار طلعت اناظر الشمس زي الاولين قلت يمكن اعرف كم الساعه
عن طريق الشمس لاحطيتها على حجاجي الايمن مدري الايسر
تذكرت وقتها رقم حنا بحآجته واكثر رقم كنت اتصل عليه
ان ماخاب ضني هو 961
اللي يقول ::
[ طن .عند الاشاره تكون الساعه الثامنه صبآحآ و خمس واربعون دقيقه و 10 ثوآني ]
طبعا هالرقم اكثر واحد يتصل عليه بالسعوديه انا
كل دقيقه اتصل كأن ماعندنا ساعات بالبيت
تخيلوآ مره اتصلت رد وقال عند الاشاره لا اشوفك متصل وشف ووجهك يرحم والديك..
واجلس فاضي بالملحق افتح البرقات والدلال ..واشوف كان فيه سكر من الفضاوه
واشغل التلفزيون واتذكر العربيه والاخباريه يحطون الساعه والحمدلله عرفت كم الساعه .
عرفت بوقتها قيمه ذاك الرقم اللي يفيدنآ وقت الحآجه !!

اكككيد انا نايم قايم ساعتي في يدي


والله ماقد صارت لي ، لانها ماقد صارت ونمت بدوون ساعتي

متشككر خيو

الله يخلي العربية و الصحراء !

حاطين ساعات للي مثلي يتعاجز يشوف الساعة و هي بيدهـ !


موضوع قميل

الرقم الجديد حق الساعة :

1222 >> توه داق عليهم

حياك الله اخوي مشعل وبصراحة موقف لا تحسد عليه

وبالنسبة لي اول ما اصحى سيدا على الجوال اشوف كم الساعه

والعربية شالو ساعتهم لاني كنت فترة اعتمد عليها بس للاسف ما صرت احصلها

تسلم على الموضوع الخفيف والظريف ولاتنسى تركب بالمجلس ساعه من شان ترتاح ض1

يالتوفيق لك دائماً .

ماش لوني مشرف بحذف الموضوع ماعجبني هههههههههههههه ..............>>>> وش رايك بالتحطيم

هلا مشعل قلبي وحياك بالنسبة لي من يوم غنت أحلام تناظر الساعة وليش مستعجل وانا ماعاد اناظر للساعة ولاهتم بالوقت مرة

إقتباس الرسالة الأصلية كتبت بواسطة **الـــــــــواوا** [ طن .عند الاشاره تكون الساعه الثامنه صبآحآ و خمس واربعون دقيقه و 10 ثوآني ] ياقدييييييييييييييييييييييييييييم , والله تهفني هفاتات أخذ التوقيت من عنده وأظبط ساعتي وساعة البيت منه .ألا ذكرتني فيه ورحت أتصلت { مكالمتك لا تتم حسب الطريقة اللتي أستعملتها , فضلاً تأكد من الرقم الصحيح وشكرا ..}

أتوقع الرقم مفصول عن الخدمة عشان ماسددو فاتورته

إقتباس الرسالة الأصلية كتبت بواسطة مجنون الزعيم(9) السؤآل .. هل انتم ممن يهتمون بالوقت !! ولو كان كذلك <ااحلى ياكذلك ولو كان كذلك لو تصحون بوقت وعندكم شغل وتبون تعرفون كم الساعه وش بتسوون <- برى بالله

ج1 / لا

ج2/ لست كذلك , يعني السؤال مايخصنّي

إقتباس ماش لوني مشرف بحذف الموضوع ماعجبني هههههههههههههه ..............>>>> وش رايك بالتحطيم هلا مشعل قلبي وحياك بالنسبة لي من يوم غنت أحلام تناظر الساعة وليش مستعجل وانا ماعاد اناظر للساعة ولاهتم بالوقت مرة

من وين طلعت انت شكلك نابت مع شجر العبري قدييييم
حيا الله ابو عبدالله اللي مايتصل ولايسال عن مشعل هزلت ياا اخي
شوف الوقت مهم جدآ لكن المشكله من يهتم فيه

إقتباس { مكالمتك لا تتم حسب الطريقة اللتي أستعملتها , فضلاً تأكد من الرقم الصحيح وشكرا ..}

اتوقع السنترال اللي كان يرد على العآلم حامت تسبده وفطس