إقتباس الرسالة الأصلية كتبت بواسطة *عاشق الثنيان* حياك اخوي وبالعكس اتقبل وجهة نظرك

الله يحييك يابعد قلبي

إقتباس ولكن عندي اختلاف معاك في بعض النقاط : 1/ لوكان كالديرون مفلس والحظ يقودة لما اخذ كأس ولي العهد و الدوري بدون اي هزيمة

فيه مدرب مر على الهلال اسمه صفوت وقدر ياخذ كأس ولي العهد بلاعبين مستوياتهم عاديه جدا ومنهم الشايع وتركي القحطاني والنزهان وبندر المطيري وكانت المباراة النهائية ان لم تخني الذاكرة قدام الأهلي وكان الاهلي بوقتها مستواه افضل من مستواه الحالي

هل نقدر نطلق على المدرب هذا اسم داهيه؟؟
بالنسبة لموضوع بدون هزيمة انا مشكلتي هلالي والهلالي دايم راسه فوق ويحط براسه هالمثل:
((إما حياة كريمة والا موت يشهد له التاريخ))

إقتباس 2/اين هم نجوم النادي الذين يساعدون المدرب عندما خرجو امام ذوب اهان و احرجو الادارة بالهزيمة من امام سبهان وهي الهزيمة الوحيدة لهذا المدرب المفلس برأيك

الكل يدرك ويعرف الظروف اللي مر فيها الفريق بنهاية البطولة الآسيوية ومنها الاصابات اللي اطاحت بالفريق واللي بدت من مباراة الغرافه الى نهاية مشوارنا بالبطولة واللي حرمتنا من رادوي ونيفيز وعزيز والمرشدي وايضا استمرار هبوط مستوى ياسر وعدم وجود مهاجم يملى العين وكذلك الفتور اللي اصاب المدرب جيرتس بعد توقيع العقد مع المنتخب المغربي كلها اجتمعت على الزعيم وهي اسباب الخروج من آسيا بالنسخة الفائته

بالنسبة لمباراة سباهان ياعزيزي الغيابات اللي حصلت بالفريق من غياب الزوري والعتيبي ومشاركة النجم الصغير شافي واسد الحراسه السديري كشفت ان كالدي يلعب بدون واقعية فكيف تلعب اما فريق تجهله بمحور واحد ومن خلفه اثنين يلعبون لاول مره في بطولة وقد تخذلهم الخبره وهذا اللي حصل وبصراحه كل الجمهور الهلالي كان حاط يده على قلبه بالمباراة من الضغط اللي حاصل على مرمى الهلال وبسبب عدم وجود محور مساند لرادوي وانت بكذا سلمت المناطق الدفاعيه للخصم

إقتباس 3/تقول ان مبارة سبهان والاتحاد والجزيرة اثبتت افلاس هذا المدرب طيب اولا مبارة سبهان الاولى اللاعبين هم من خذلو المدرب وحتى لو دخل بتشكيل خطاء تعتبر اول غلطة لهذا الداهية اما الاياب فهو اعتمد على تحرير الاظهره (لي يونغ والزوري) ونجح في ذالك حيث من سجل الهدف للهلال هو ظهير ولا تنسى الضغط الهائل على اللاعبين من الجماهير والهتافات السياسية

انا معك عزيزي بأن الاياب كانت فيه ظروف والتعادل يعتبر نتيجة ايجابية لكن الهلال بتلك المباراة اصبح كمعيد القريتين لاهو اللي نفع هجوميا وشكل ضغط بالرغم من ان دفاع الفريق الايراني سهل الاختراق واكبر دليل هدف الزوري, ولا هو اللي قفل بالدفاع واكبر دليل 4 انفرادات بالعتيبي وحده منها هدف والتسديدات اللي بالكم والكيف ولو كالدي دخل بواقعية ايضاً مثل واقعية الذهاب لارتاح الدفاع بوجود محور ثاني يغطي عليهم وايضا وجود لاعب يجيد الاختراقات مثل نواف العابد اللي مادخل الا اخر دقيقتين,, ((نكتة المباراة الشلهوب محور اما عمالقه الوسط الايراني))

إقتباس اما مباراة الاتحاد فكلا المبارتين اتضح ان المدرب يريد الخروج بالتعادل لان فوز الاتحاد سجعله منافس قوي لك على اللقب وفي كلا المبارتين كنا افضل من الاتحاد

مافيه مدرب بالعالم يثق بقدراته وعنده النجوم ويلعب للتعادل في مباراتين يمكن لو تقول لي مباراة الذهاب يمكن اتفق معاك ,, لكن في مباراة الاياب وبارضك وبين جمهورك تبحث عن التعادل امام فريق يلعب باربع أظهرة جنب ومسلم لك المباراة,, هذه لوحدها مصيبة

إقتباس اماالجزيرة فكلا المبارتين دخلو اللاعبين بثقة مفرطة مثل مباراة الغرافة الرباعية فقبل مبارة الهلال مع الجزيرة انهزم الجزيرة بخماسية من سبهان وهو بالاساسي والان يلعب بالرديف فظمنو النتيجة اما الاياب فكلا الهدفين اخطاء دفاعية (فردية) وليست خطا تكتيكي او خطأ مدرب ولولا توفيق الله ثم ادارة الكرة (سامي) والمدرب لما عدنا للمبارة

تبقى وجهة نظري ان كالدي لا يقرأ الفريق المنافس ولا يعرف ظروف خصمه وايجابياته وسلبياته والا كان عرف كيف يخطف الفوز باقل جهد

إقتباس هذه وجهة نظري ويبقى حب الزعيم هو القاسم المشترك بيننا

يابعد قلبي وجهة نظرك على عيني وراسي وانا اعلم ان الاختلاف فقط لمصحلة الزعيم وكلنا نبي نشوف هلالنا مستمر بحصد البطولات

تحيتي لكـ

إقتباس الرسالة الأصلية كتبت بواسطة teva4ever اها حلو على اساس انه قيريتس ماانكشف مع ذوبهان في الذهاب والاياب ؟ ع الاقل مع كالديرون ... تعادلت وانهزمت من بطل ايران السنه هذي بينما مع قيريتس ... بطل ايران السنه الماضيه اذاقك الهزيمه مرتين باللهي عن اي منطق تتكلم وانت كلامك يخالف الارقام اللي نشوفها ؟ بالنسبه للكلام اللي بالازرق معليش يعني ماودي اقول كلام ماله داعي لكن انت ماكل مقلب في الهلال ... وعلى اساس انه مافيه احد ينافس الهلال !! قد مره تابعت مباراه لجونبك هونداي الكوري السنه هذي ؟؟ رح شف وتعرف وقتها انه الهلال الله يستر عليه قدام الانديه اللي من هالنوع !! ياحبيبي برشلونا افضل نادي في العالم ... قدر يوقفه نادي توه صاعد من الدرجه الثانيه اللي هو ايركوليس يعني كل فريق لازم يمر بنزول مستوى ومع نزول مستوانا ... فزنا وقلبنا نتائج ومنها النتيجه اللي متذمر منها مع الجزيره الاماراتي الحين فايزين ومو عاجبك بعد ... والله فعلا انسان غريب !! ياخي بالارقام نشوف بين قيريتس داهيتك وكالديرون : قيريتس لعب الموسم هذا مع النصر .. .وتعادلنا بشق الانفس بينما كالديرون لعب مع النصر الموسم هذا .... وفاز عليه 2-0 طيب السنه الماضيه ... قيريتس ماقدر يفوز على الشباب السنه هذي فزت على الشباب رايح جاي لاتقول لي نازل مستوى الشباب لاني بقول لك الاتحاد يوم ياخذ 5 كان نازل مستواه ولاتسير الامور بالطريقه اللي تبيها ! كالديرون جاب الدوري وكاس ولي العهد قيريتس جاب الدوري وكاس ولي العهد قيريتس انهزم الموسم الماضي 3 او 4 هزائم مااذكر بالضبط بس اللي اذكر ... قدام الاتحاد في نهائي كاس الملك ومع الاتحاد في الدوري ومع النصر في الدوري كالديرون للحين ماانهزم الا مره وحده ومشاركه دوليه وليست محليه قيريتس الموسم الماضي ماقدر يفوز على النصر في الدوري .... معلومه مؤلمه صح ؟؟! ودامك مسكت انه فوز الهلال على الجزيره بشق الانفس يعتبر عيب في كالديرون شوف العيب اللي في قيريتس ... انك تفوز بنهائي كاس ولي العهد قدام الاهلي في الاشواط الاضافيه بشق الانفس واعرف انه فوزنا على النصر في كاس ولي العهد برضو كان بالاشوط الاضافيه بعد وبشق الانفس ... ان كان الفوز بشق الانفس عيب طبعا !! تكلم بواقعيه وحاول تقنعنا بالارقام انه قيريتس افضل من كالديرون او قل من اخرها ... انا عاجبني قيريتس ... بكيفي اما تقنعنا بمطنق غلط ... معليش يالغالي ... كل الناس تشوف وتفكر ترى واسف لو اسلوبي قوي شوي لكن احب الارقام في الاثبات دايم

بالبداية اخوي العزيز تيفا انتبه لا يطق فيك عرق تراه مجرد نقاش يمكن اكون فيه مخطيء وتصحح لي او تكون انت مخطيء واصحح لك

أولاً انا معجب جداً باسلوب وطريقة تدريب جريتس لكن الرجل خذلنا بالنهاية وراح

ثانياً ما اتوقع اننا بنوصل لنقطه اتفاق لانك من الناس اللي تعجبهم النتايج فقط اما انا احب النتايج مع المستوى

ثالثاً نعم انا ماكل مقلب بالهلال واتوقع لو يلعب بابطال اوربا بينافس على المراكز الاولية

رابعاً وانا اخوك اتمنى تكون همتك عاليه ولا يكون طموحك منافسة الشباب والنصر لانهم ما يعتبرون منافسين لك


خامساً بعطيك على جوك دامك تحب الارقام وكل همك انك تفوز على النصر

جيرتس قدر يفوز على فرق كثيره بنتايج كبيره ومنها الاتحاد و النصر بخمسة اهداف
بينما اكبر فوز لكالدي على الحزم الهابط والوحده ونجران المهدد بالهبوط وباقي الفرق بالحسره تفوز 1 او 2

سادساً شي حلو انك جبت طاري عن مباراتنا النهائية قدام الاهلي واللي انتهت بالاشواط الاضافيه بعد ماكان الاهلي متقدم الشوط الاول

طيب الهلال والاهلي بكأس ولي العهد السنه الحاليه كم انتهت؟؟
ومن اللي كان متقدم؟؟

الله يجزاك خير ياحسن العتيبي اللي انقذت تيفا من ورطه كان بيروح فيها


بعدين دامك تحب الارقام عطنا ارقام جنبوك الكوري تراي مدري وش السالفه جيت عطيتنا طرف الحكي وتركتها


الله يعطيك العافيه حبيبي تيفا وتذكر الاختلاف لا يفسد للود قضيه

إقتباس الرسالة الأصلية كتبت بواسطة سامي كصاحب السمو 9 وجهة نظر قابلة للصواب ام للخطأ اما بمايخص وجهة نظري انا كنت من اول المؤيدين لأن يكون كالدي هو البديل وبحكم انه يعرف جميع اللاعبين وعارف بمستوي الأنديه السعودية وكان هذا ماينقص الهلال (((مدرب يعرف اللاعبين)))فقط وهذا ما مشا عليه كالدي ومشت معه (والرفلا يسايرها حضها)) اما مايخص التكتيك والفريق المرعب فل اراء في الهلال شئ من ذالك مع كالدي ولكني ارغب باستمراره لأنني متفأل به ولست مؤمن به ونعم لاستمراره لكي لايتأثر البيت الهلالي ،،ونعم لاستمرار حظه الذي ربما يقودنا الى نهائي البطولة الاسيوية فنعمن بالحظ في خريطة كالدي شكرا غنام

مافيك حيلة مشاري
وبالتوفيق لكالدي مع الهلال دائماً

كلام سليــم ..

وياليت يلعب بمحورين عزيز ورادوي

عزيز محور دفاعي
رادوي محور هجومي

وايضا يلعب بالمحياني وياسر
ويترك احمد عي احتياط ..

هذا رايي

انا متفآئل ..
وكالدي حاسب لها الف حسآب .

اهم ششي ( الثقه )
واعتقد ادارة الامير : عبدالرحمن بن مساعد
تعرف كيف تتعامل مع الامور الصعبه .

إقتباس الرسالة الأصلية كتبت بواسطة حضور طاغي بالبداية اخوي العزيز تيفا انتبه لا يطق فيك عرق تراه مجرد نقاش يمكن اكون فيه مخطيء وتصحح لي او تكون انت مخطيء واصحح لك أولاً انا معجب جداً باسلوب وطريقة تدريب جريتس لكن الرجل خذلنا بالنهاية وراح ثانياً ما اتوقع اننا بنوصل لنقطه اتفاق لانك من الناس اللي تعجبهم النتايج فقط اما انا احب النتايج مع المستوى ثالثاً نعم انا ماكل مقلب بالهلال واتوقع لو يلعب بابطال اوربا بينافس على المراكز الاولية رابعاً وانا اخوك اتمنى تكون همتك عاليه ولا يكون طموحك منافسة الشباب والنصر لانهم ما يعتبرون منافسين لك خامساً بعطيك على جوك دامك تحب الارقام وكل همك انك تفوز على النصر جيرتس قدر يفوز على فرق كثيره بنتايج كبيره ومنها الاتحاد و النصر بخمسة اهداف بينما اكبر فوز لكالدي على الحزم الهابط والوحده ونجران المهدد بالهبوط وباقي الفرق بالحسره تفوز 1 او 2 سادساً شي حلو انك جبت طاري عن مباراتنا النهائية قدام الاهلي واللي انتهت بالاشواط الاضافيه بعد ماكان الاهلي متقدم الشوط الاول طيب الهلال والاهلي بكأس ولي العهد السنه الحاليه كم انتهت؟؟ ومن اللي كان متقدم؟؟ الله يجزاك خير ياحسن العتيبي اللي انقذت تيفا من ورطه كان بيروح فيها بعدين دامك تحب الارقام عطنا ارقام جنبوك الكوري تراي مدري وش السالفه جيت عطيتنا طرف الحكي وتركتها الله يعطيك العافيه حبيبي تيفا وتذكر الاختلاف لا يفسد للود قضيه

ليه يطق لي عرق بالعكس كل كلامي ابتسامات زي ذي

وانا من اللي يعجبني اداء مع نتيجه ... لكن سؤالي .. كيف تبي اداء مع نتيجه من مدرب مسك الفريق في نص الموسم ؟

ياحبيبي .. الشباب اللي مو مالي عينك وصل في ابطال اسيا السنه الماضيه نفس اللي وصله الهلال مع قيريتس ... بل كانوا افضل لانه ع الاقل فازوا في الرياض وانهزموا في كوريا ... وانهزموا من بطل المسابقه مو حنا انهزمنا من الوصيف رايح جاي

برضو الواقعيه زينه ترى ... لاتغتر بفوز الهلال على شختار وهو يلعب بالرديف ولا مباراة اعتزال سامي قدام المانيو ... ترى كلهم وديات وان جيت للجد ... الهلال مو قادر يفوز على بطل اسيا علشان نقارع الاوروبيين وترى الواقعيه زينه

رجع وجاب طاري الخمسه

حبيبي الاتحاد وقتها كان طالع من نهائي اسيا ... ونور مالعب .. لاتضحك على نفسك

نور نص الفريق ترى ان كانك تذكر !!

إقتباس طيب الهلال والاهلي بكأس ولي العهد السنه الحاليه كم انتهت؟؟ ومن اللي كان متقدم؟؟

اوكي شي جميل انك جبت الطاري ...

مع قيريتس يوم تفوز بالنهائي .. ترى الهلال كامل

ومع كالديرون ... وقت ماانقذني حسن العتيبي ... ترى الهلال ناقصه اكثر من 7 لاعبين ... خلك عادل شوي حتى لو كنت تكره كالديرون

تلعب بدون ياسر ... وبدون الزوري .. وبدون رادوي ... وويلي طلع اول 10 دقايق .. ولسه باقي تقارن لي مباراة قيريتس بمباراة كالديرون ؟

وبالنسبه لجنبوك الكوري ... انا قلت شف لعبه ... بس مايمنع انك تشوف ارقامه !



اقوى دفاع في دوري ابطال اسيا ... ومتصدر مجموعته بس

وعلى طاري النتايج ... اشوفك كل شوي تقول خمسات وخمسات

طيب هذا فزت ع الوحده في النهائي 5-0

اجـــل كثر من مواضيعك ...



بعض الجماهير اللي مو عاجبها كالــديرون لو رااح وقتها بيحسون بقيمة وجوده فالفريق.

إقتباس الرسالة الأصلية كتبت بواسطة teva4ever ليه يطق لي عرق بالعكس كل كلامي ابتسامات زي ذي

حياك الله اخوي تيفا

إقتباس وانا من اللي يعجبني اداء مع نتيجه ... لكن سؤالي .. كيف تبي اداء مع نتيجه من مدرب مسك الفريق في نص الموسم ؟

نص الموسم !!!
الفريق لعب اربع او خمس مباريات بالدوري فقط لا غير وينك ووين نص الموسم
باقي 22 جولة تقريبا وباقي كأس ولي العهد وباقي بطولة خادم الحرمين وباقي بطولة آسيا (دوري المجموعات)
((بغض النظر عن مباريات بطولة آسيا اللي طلعنا منها لانها تعتبر من استحقاق الموسم الفائت))

إقتباس ياحبيبي .. الشباب اللي مو مالي عينك وصل في ابطال اسيا السنه الماضيه نفس اللي وصله الهلال مع قيريتس ... بل كانوا افضل لانه ع الاقل فازوا في الرياض وانهزموا في كوريا ... وانهزموا من بطل المسابقه مو حنا انهزمنا من الوصيف رايح جاي

لا والله مو مالي عيني ابداً لانه هو والاهلي والنصر فرق تبحث عن ذاتها وغير مستقره وزد عليها تخبطات ادارية وما اعتبرهم منافسين

الشباب اللي مالي عينك مصقعه الرائد ذهاب واياب وبالاربعات ومطلعه من كأس ولي العهد
والتعاون والفتح وفرق تصارع على البقاء تقدر تفوز عليه ,,, بالله هذا فريق تسميه منافس؟؟

لا يكون تعتبر الرائد منافس بعد !!
((مع خالص تقديري واحترامي للفرق المذكورة))

إقتباس برضو الواقعيه زينه ترى ... لاتغتر بفوز الهلال على شختار وهو يلعب بالرديف ولا مباراة اعتزال سامي قدام المانيو ... ترى كلهم وديات وان جيت للجد ... الهلال مو قادر يفوز على بطل اسيا علشان نقارع الاوروبيين وترى الواقعيه زينه

اخوي تيفا انا ما جبت اي طارئ على الفوز على المان او على شاختار او حتى قلت لك ان الهلال السنه هذي يعتبر ممتاز وحقق اشياء خرافيه

بالعكس الهلال يعتبر جيد
لانه لحد الان لم يحقق الا الدوري وكأس ولي العهد>>بمعني آخر الهلال تعدى مرحلة تحقيق الانجاز والمشجع يجب ان يرتقي ويرفع همته ومطالبه من الانجاز لمرحلة الاعجاز


لان الهلال مو زي الاهلي والنصر يبون اي طريق يوصلهم لنصة التتويج حتى لو كان عن طريق المركز الثالث

ومو زي الاتحاد والشباب يدورون اي انجاز عشان ينقذ موسمهم من الفشل

انت تتكلم عن دولة وسط دولة
عن شعب طريقه البطولات
عن مدرج كلمته الاولى إما حياة سعيدة او موت يشهد له التاريخ


((والاعجاز اللي يسجل باسم ادارة الأمير عبدالرحمن بن مساعد هو تحقيق كأس ولي العهد ثلاث مرات متتالية وتحقيق الدوري مرتين متتاليتين قبل انتهاء الدوري بجولتين>>وهذه تسجل باسم الادارة واللاعبين كعناصر ثابته واساسية))


وأتمنى انه يحقق بطولة خادم الحرمين وآسيا حتى يكتمل البدر بعقد بطولات السنه

إقتباس رجع وجاب طاري الخمسه حبيبي الاتحاد وقتها كان طالع من نهائي اسيا ... ونور مالعب .. لاتضحك على نفسك نور نص الفريق ترى ان كانك تذكر !!

مو انت قلت لي جب ارقام ؟؟!!

انا قلت لك فزنا على فرق كثيره بنتايج كبيره ومنها الاتحاد اللي يعتبر منافس ومنها النصر اللي انت تعتبره منافس
وبرضو فزنا على السد بأرضه 3 وفزنا على الأهلي الاماراتي بأرضه 3 وفزنا على الغرافه 3 وفزنا على بونيدكور اللي كان يدربه سكولاري ويلعب معهم ريفالدو 3 وكلها بمستويات رفيعه ومذهله

وعلى فكره نور لعب مع الاتحاد الموسم هذا وانهزم وتعادلوا الين قالوا امين ولعبو قدام بونيدكور بدون نور وفازوا ولعبوا بنور بجده وتعادلوا!!

وين نور اللي تقول نص الفريق؟؟

إقتباس اوكي شي جميل انك جبت الطاري ... مع قيريتس يوم تفوز بالنهائي .. ترى الهلال كامل ومع كالديرون ... وقت ماانقذني حسن العتيبي ... ترى الهلال ناقصه اكثر من 7 لاعبين ... خلك عادل شوي حتى لو كنت تكره كالديرون تلعب بدون ياسر ... وبدون الزوري .. وبدون رادوي ... وويلي طلع اول 10 دقايق .. ولسه باقي تقارن لي مباراة قيريتس بمباراة كالديرون ؟

انا ما راح اقارن لك مباراة جريتس بمباراة كالديرون

بس انا ابيك تقارن لي مستوى الاهلي السنه اللي طافت ومستواهم السنه هذه وتعرف الفرق

إقتباس وبالنسبه لجنبوك الكوري ... انا قلت شف لعبه ... بس مايمنع انك تشوف ارقامه ! اقوى دفاع في دوري ابطال اسيا ... ومتصدر مجموعته بس وعلى طاري النتايج ... اشوفك كل شوي تقول خمسات وخمسات طيب هذا فزت ع الوحده في النهائي 5-0

لحد الحين مو عارف مناسبة دخول جنبوك الكوري بسالفه كالديرون !!


الوحده ..!!
وين سامع الاسم هذا؟؟
مو هذا الفريق اللي يصارع على الهبوط ؟؟
مو هذا الفريق اللي تأهل لنهائي ولي العهد بمباريات كلها من ضربات الحظ والترجيح

اذا فيه فريق ثاني قوي اسمه الوحده اتمنى تنورني وتدلني عليه

تحيتي لكـ

الله يعطيك العافيه مبدع بكل ماتعنيه الكلمه من معنى
استمتعت بقراءة موضوعك
استمر يابطل والله يوفق الهلال في قادم المباريات يارب

حياك الله اخوي حضور

إقتباس نص الموسم !!! الفريق لعب اربع او خمس مباريات بالدوري فقط لا غير وينك ووين نص الموسم باقي 22 جولة تقريبا وباقي كأس ولي العهد وباقي بطولة خادم الحرمين وباقي بطولة آسيا (دوري المجموعات) ((بغض النظر عن مباريات بطولة آسيا اللي طلعنا منها لانها تعتبر من استحقاق الموسم الفائت))

كالديرون جاء في اول مباراه في الموسم والا الرابعه والا الاخيره ... المقصد انه ماعمل معسكر مع الفريق

ماكان موجود فترة الانتقالات .. وجاب لاعبين زي يحي كعبي ووليد الجيزاني حتى دكة الاحتياط مانشوفهم ... فهمت قصدي ؟

المعسكر هو فترة الاعداد

وش نفع قيريتس غير المعسكر ؟ رفع مستوى اللياقه للاعبين بشكل كبير جدا

بذمتك ... من العدل انك تقارن واحد عسكر مع فريق وجاب اسماء يبيها بحكم انه ابعد الغامدي وجاب الجيزاني ... تقارنه بواحد مسك الفريق في المنافسات علطول بدون اعداد مسبق منه ؟

إقتباس لا والله مو مالي عيني ابداً لانه هو والاهلي والنصر فرق تبحث عن ذاتها وغير مستقره وزد عليها تخبطات ادارية وما اعتبرهم منافسين الشباب اللي مالي عينك مصقعه الرائد ذهاب واياب وبالاربعات ومطلعه من كأس ولي العهد والتعاون والفتح وفرق تصارع على البقاء تقدر تفوز عليه ,,, بالله هذا فريق تسميه منافس؟؟ لا يكون تعتبر الرائد منافس بعد !! ((مع خالص تقديري واحترامي للفرق المذكورة))

المشكله انه هالشباب اللي مو مالي عينك ماقدرت تفوز عليه مع قيرتيس !! مالاحظت هالشي ؟

وترى كل فريق ينهزم من فريق اقل منه عادي

قد انهزمنا من ابها ترى

الريال انهزم لاول مره في ارضه هالسنه من خيخون اللي راح يهبط درجة ثانيه !!

الهزيمه مو عيب

لكن في مواجهاتك مع الفريق ... ماقدرت تفوز عليه ... هنا الكلام

إقتباس بالعكس الهلال يعتبر جيد

اوكي جيد ... لكن مو الافضل في اسيا علشان تتعالى على الفرق الثانيه بالطريقه هذي

الدليل انك مو قادر تجيب بطولة اسيا من 10 سنوات ... كيف تصير افضل فريق في اسيا

الكلام ذا يعور قلبي اكثر من اهتمامي اني اقوله لك لكن هذا الواقع ... السالفه مو خذوهم بالصوت .. الا هلالنا هو الافضل .. لا

إقتباس وعلى فكره نور لعب مع الاتحاد الموسم هذا وانهزم وتعادلوا الين قالوا امين ولعبو قدام بونيدكور بدون نور وفازوا ولعبوا بنور بجده وتعادلوا!! وين نور اللي تقول نص الفريق؟؟

طيب ماهو تفس الشي

الاتحاد فاز على ام صلال 7-0 .... وام صلال هو نفسه اللي طلعنا من دور الـ 16 !! شي طبيعي الاتحاد ينهزم

ياخي البرشا وهو معه ميسي ترى ينهزم عادي بس مايمنع انه ميسي نص الفريق ... وبرضو نور نص الاتحاد حتى لو انهزموا لانه مو مشعوذ ... لكن ماحد ينكر انه له تأثير كبير جدا في الفريق

إقتباس لحد الحين مو عارف مناسبة دخول جنبوك الكوري بسالفه كالديرون !!

هذي المناسبه

إقتباس ثالثاً نعم انا ماكل مقلب بالهلال واتوقع لو يلعب بابطال اوربا بينافس على المراكز الاولية

انك تظن انه الهلال الافضل في اسيا بما انه ينافس في المراكز الاولى في اوروبا ... والحقيقه غير هالكلام

وجبت لك جونبك الكوري كمثال

الهلال ليس الافضل ...

تاريخيا نعم

اخر عشر سنوات ... لا بكل ثقه

إقتباس الوحده ..!! وين سامع الاسم هذا؟؟ مو هذا الفريق اللي يصارع على الهبوط ؟؟ مو هذا الفريق اللي تأهل لنهائي ولي العهد بمباريات كلها من ضربات الحظ والترجيح اذا فيه فريق ثاني قوي اسمه الوحده اتمنى تنورني وتدلني عليه تحيتي لكـ

مو انت الحين تتغنى بـ الخمسه اللي على الاتحاد ؟

طيب الوحده وصل اللي ماوصله الاتحاد ... وعطيناه 5

منطقيا انه الوحده افضل من الاتحاد في كاس ولي العهد

الفوز بـ واحد هو نفس الفوز بـ خمسه

اتمنى تجاوبني بصراحه على السؤال هذا بس اذا ممكن ....!

عطني مباراه لعب فيها كالديرون من اول مااستلم الهلال وماكان فيها ولا لاعب مصاب غير مباراة الامس مع انه خيرات وشراحيلي للحين مصابين لكن بتغاضى عنهم !؟

يعني والله مافيه اي مقارنه

كالديرون مستلم فريق كله اصابات ... ووصل عددها في بعض المباريات الي 17 لاعب مصاب

كالديرون ماعمل معسكر مع الفريق ولاعرف قدرات بعض اللاعبين

قيريتس الفريق كان كامل معه

وعمل معسكر مع الفريق

فـ مافيه اي وجه مقارنه بينهم

بالعكس هذا لمصلحه كالدي لانه ماانهزم حتى الان الا هزيمه واحده فقط !!

تدري وش المشكلة اخوي تيفا


اني اتكلم بوادي وانت بوادي ثاني


انا اتكلم عن كالديرون وعن فلسفته واختراعاته وانت تقارن كالديرون بقيرتس

اجيب لك نفس الكلام اللي تبيه وبعدين تشطح لي بسالفه ثانيه وترجع على المقارنه مع قيرتس

قيرتس راح الله لا يرده

صحيح ان عمله الفني قدمه باحسن صورة لما كان الفريق مرتب ومنظم ومستقر اما بعد ماوقع العقد مع المنتخب المغربي صار يخترع زي خويك وصار يدرب الفريق بدون نفس ولا طموح

انا ذكرت وقلت اني ابي واحد بامكانيات قيرتس لانه رفع من مستوى الفريق مع وجود نتايج جيده


مع احترامي لك ولكالديرون مافيه مباراة جلست اتابعها وانا حاط رجل على رجل وواثق من الفوز الا مباراة الوحده في نهائي الكأس لثقتي العمياء بمستوى الوحده الهزيل

والا والله اغلب المباريات اتابعها وانا يدي على قلبي حتى الحزم اللي هابط لعبنا معاه الى قبل النهاية بعشر دقايق وحنا متعادلين معاه 0-0

عموما انا قلت لك مستحيل نلتقي بنقطه اتفاق

والله يوفق الهلال سواء مع العله والسباك والمخترع كالدي>>وجهة نظري

او مع مدرب قدير يرجع للهلال هيبته ومستوياته الرفيعه

تحيتي لكـ

^^
على العكس تماما

كل مباراه يدخلها الهلال مع كالديرون ... والله اني واثق من الفوز فيها ولو انه مااعد الفريق زي مايبي

وطاري قيريتس انت اللي جبته يالغالي

إقتباس والا مع احترامي الكبير له وللأسطورة سامي فهو شخص مخترع من الدرجة الأولى والموسم القادم بترجع اندية كبيرة لمستواها ووقتها اتمنى اشوف مدرب كبير ويحافظ على هيبة الزعيم مثل جيرتس>>انا قلت مثله والا هو خلاص عافه الخاطر

انا اثبت لك انه كالديرون من طينه الكبار .. مثل قيرتس اللي حافظ على هيبة الزعيم فقط

كلام سليم وتسلم أصابعك يا كبير فعلاً كالديرون كبير بفكرة ويكفي أنه يحب إشراك العناصر الشابة وإتاحة الفرصة لهم

قريتس فريتس قريتس ياخوي قريتس خطتة انكشفت وطريقة لعبه وحدة والدليل اخر مباراتين مع الأتحاد رقعنا بكاس الملك والدوري
كالديرون الفريق المقابل مايقدر يقرا خطته لا انه كل يوم بخطة واشوف هالشي مو عيب بالعكس ميزة واشوف كالديرون مدرب مناسب للهلال والنتائج تثبت