طريقه لدعم الهلال ... وقصة الفكره في اختبار القدرات,,,, رجاء لايدخلون الا الي يحبون الزعيم !! - نادي الهلال السعودي - شبكة الزعيم

البرفسور الهلالي20 · #1 13/05/2011, 02:02 PM

السلام عليكم ورحمة الله وبركاته
مبروكين الفوز على الغرافه
مع اني ما تابعت المباراه كنت اختبر القدرات
المهم وانا اختبر القدرات واحوس في في ذا الاختبار
ما اشوف نفسي الا وانا مخلص القسم الاول وباقي 10 دقائق والمهم ومالكم بالطويله
وجالس افكر واقول كيف اعرف نتيجة المباراه قلت رفعت يدي وقلت للدكتور الي في القاعه
وقلتله الباثروم (يعني الحمام وانتم بالكرامه) عشان اطلع واستفسر باتصال
الا الرجال يقول خلي الجوال في القاعه وروح
قلت تم والله واروح وارجع وجلست وباقي 2 دقيقتين عن نهايه القسم الاول
وانا جالس افكر بالمباراه خطرت لي فكره

لدعم نادي الهلال وهي ان كل عضو في المنتدى يدفع عشرين ريال
ويتفقون الاعضاء على شخص قريب من رجالات الهلال يعني واحد واصل من منتدانا
للامير عبد الرحمن بن مساعد ونحولها لحسابه وبعد ما نحولها للعضو الواصل
العضو الواصل يسلمها للامير عبد الرحمن بن مساعد
بس من هو هذا العضو اتمنى الاتفاق على عضو وطرح اسمه في هذا الموضوع
وبهذا يكون دعمنا الهلال بدون شئ يروح لموبايلي
ارآكم تهمني
اخوكم البرفسور الهلالي 20

محلل صاحب فكر · #2 13/05/2011, 02:09 PM

مع اني لا اصف نفسي متكلما باسم النادي
ولكن اعتقد ان النادي غير محتاج لدعمكم المالي بل دعمكم الجماهيري بالحضور

هلالي من صغرتي · #3 13/05/2011, 02:14 PM

اشكرك اخوي
بس اعتقد بجد الهلال بهالفتره محتاج دعم معنوي جماهري
الماده مستحيل تغير شي لان اللاعبين ما راح يحسون لو ندفع كل ما نملك من ماده
المهم والاهم الحضور الجماهري في كل مباره سوى كانت المباره مهمه او غير مهمه
فوجودنا وتكاتفنا والتفافنا حول النادي هو سر تفوقنا فأتمنى ان نستمر

تحياتي ...

خالد مجثل · #4 13/05/2011, 02:17 PM

الاقبال والدعم الجماهيري هو افضل حل

1ابو ابراهيم · #5 13/05/2011, 02:19 PM

شكرا لك يا غالي

و بصراحه الزعيم محتاج لوقفة جمهوره و هذا هو الدعم المطلوب

المقاتل عزيز · #6 13/05/2011, 02:20 PM

الهلال محتاج الحضور الجماهير

اكثر من الماده

الجني الازرق... · #7 13/05/2011, 02:24 PM

الاقبال والدعم الجماهيري هو افضل حل

أميـــر الليل · #8 13/05/2011, 02:26 PM

,

أإوآآفق جميع الردود اللي فوق , الدعم المعنوي أإفضضل , وإن كآنت الفكرة ححلوة مآ عندنآ مآنع ^ _ *

S a m i - 3 7 7 · #9 13/05/2011, 02:29 PM

.

[FONT="Tahoma"]انا من رأيي لو يسوون حساب رسمي للهلال وكل وآحد يحول عليه اللي

يقدر ويسوون لنادي الهلال ملعب على مواصفات اوروبيه ..

وبالنسبه للي يقولون الهلال ما يحتاج دعم مادي ؟

اجل ليش لين الحين ما سوو لنا ملعب ؟؟

والله فكره حلوه وياليت يتم التنسيق ...

عاد لو دفع مليون هلال كل واحد 100 ريال = 100 مليون[/FONT]

يعني تجيب لك استاد دولي بكرتونه ...

واذا سوو ملعب جديد مواصفاته عاليه صدقني راح تشوف

الاقبال الجماهيري عالي صراحه الملز وطقته ما عاد تصلح

والله حظرنا خارج المملكه وعرفنا ..

هناك تروح تحظر المباراة وكأنك في نزهه وهنا الله يخلف

.

السفـ الهلالي ـيرـر · #10 13/05/2011, 02:56 PM

ياراعي الموضوع قسم بالله علي اختبار قدرات يوم الاربعاء في وقت مباراة الهلال والغرافة وسحبت على ابو ام الاختبار عشان اشوف مباراة الهلال .

بالنسبه لدعم الهلال انا اشوف انها طريقه حلوه بس اننا ندفع 50 ريال او ازود

Oo yaseer 20 Oo · #11 13/05/2011, 03:59 PM

سبق وطرحت فكرة دعم الجماهير على الامير عبدالرحمن وقال ان الفكرة درست ولاكنها ممنوعة من الاتحاد الدولي

اذا بتدعم الهلال ادعمه بالملعب بالحضور والمؤازرة هذا اكبر دعم للاعبين والادارة والجمهور نفسه

Özil 10 · #12 13/05/2011, 04:08 PM

الاقبال والدعم الجماهيري هو افضل حل

$قناصة الزعيم$ · #13 13/05/2011, 04:14 PM

إقتباس

الرسالة الأصلية كتبت بواسطة S a m i - 3 7 7


	. [FONT="Tahoma"]انا من رأيي لو يسوون حساب رسمي للهلال وكل وآحد يحول عليه اللي يقدر ويسوون لنادي الهلال ملعب على مواصفات اوروبيه .. وبالنسبه للي يقولون الهلال ما يحتاج دعم مادي ؟ اجل ليش لين الحين ما سوو لنا ملعب ؟؟ والله فكره حلوه وياليت يتم التنسيق ... عاد لو دفع مليون هلال كل واحد 100 ريال = 100 مليون[/FONT] يعني تجيب لك استاد دولي بكرتونه ... واذا سوو ملعب جديد مواصفاته عاليه صدقني راح تشوف الاقبال الجماهيري عالي صراحه الملز وطقته ما عاد تصلح والله حظرنا خارج المملكه وعرفنا .. هناك تروح تحظر المباراة وكأنك في نزهه وهنا الله يخلف .

والله حلك حلو

ياليت والله

شكرا لطرحك يا صاحب الموضوع

البرفسور الهلالي20 · #14 13/05/2011, 07:44 PM

إقتباس

الرسالة الأصلية كتبت بواسطة السفـ الهلالي ـيرـر


	ياراعي الموضوع قسم بالله علي اختبار قدرات يوم الاربعاء في وقت مباراة الهلال والغرافة وسحبت على ابو ام الاختبار عشان اشوف مباراة الهلال . بالنسبه لدعم الهلال انا اشوف انها طريقه حلوه بس اننا ندفع 50 ريال او ازود

ما توصل لهذي الدرجه

وانا اخوك كلها كوره

البرفسور الهلالي20 · #15 13/05/2011, 07:47 PM

إقتباس

الرسالة الأصلية كتبت بواسطة Oo yaseer 20 Oo


	سبق وطرحت فكرة دعم الجماهير على الامير عبدالرحمن وقال ان الفكرة درست ولاكنها ممنوعة من الاتحاد الدولي اذا بتدعم الهلال ادعمه بالملعب بالحضور والمؤازرة هذا اكبر دعم للاعبين والادارة والجمهور نفسه

افا عليك ما تعرف ميثاق الشرف

هههههههههههههههههههههه