استغرب من جماهير الهلال هذه المواضيع التي تقارن بين لاعبين حاليين بلاعبين قدموا للزعيم دم كبودهم
اتمنى من كل مشجع هلالي يحب الهلال انه يرجع للمباريات القديمة ويشوف من هو صالح النعيمه
ياخي صالح النعيمه لعب قدام ماجد وامين دابو وقدام عمالقة كورة ماحد منهم سحبه وجابه على براطمه
ياخي النعيمه ماقد تسبب في بلنتيين على الهلال بطريقة انبراشات اتحادية ,
النعيمة ياخي يبدا الهجمه من ورا وكانه صانع العاب ,, لامنه وصل لمنطقة الفريق الخصم يتصرف وكأنه مهاجم
النعيمه ياخي لاعب كامل والكامل وجه الله
انا محمد عبدالله الزهراني
وهذاك صالح النعيمه والله لاهو من جماعتي ولا من قرابتي ولا حتى قد عرفت واحد من عائلة النعيمه
لكن يالربع والله حرام حط نفسك مكان النعيمه وانت تقرا هالكلام شرط لو انا محله واقرا لاحد يقارن بيني وبين المرشدي ان يجيني جلطه
الله يبعدها عن الكابتن صالح وعن كل من خدم الهلال ,,
اللاعب ياجماعة الخير اللي يبي يتطور معروف ,, المرشدي مبزوط يوم ورا الراليات ويوم ورا التطعيس
اليوم بالذات اللاعب ياكله بسهوله يجيبه ويوديه على زي مايبي انا بارفق لكم هالرابط على يوتيوب عشان لاحد يقول صالح
لان صالح رمز لو بناء التماثيل حلال ,, والله لابني له انا على نفقتي تمثال واحطه في النادي YouTube - هدف الهلال الاول على الاهلي من صالح النعيمه3*1عام1410هـ
هذا قول من فاول والله ان يبطي المرشدي ماجابه
YouTube - صالح النعيمة
شوفو التخليصات ياناس ,, انزلاقات على الكوره ويقوم ويبني منها هجمه ماهوب انبراش يخم اللاعب والكوره وبالاخير يافاول يا اوت علينا
ياخي ويييييييييييييييييين حنا وين النعيمه ,, الله يرحم جواتيك يالنعيمه كانها خدمة النادي اكثر من .....
سقا الله زمانك يا الامبراطور ,, يجيبون لي اشكال يشبهونها فيك
المشكله ان معاشرت جماهير الاندية الثانيه خلا بعض جماهيرنا ينسى انه يشجع الهلال ,, النادي اللي مايقبل انصاف اللاعبين
ياخي انت تبي تروح كاس العالم للانديه اسالك بربك اللي تعبده ,, المرشدي والزوري يروحون كاس العالم ؟؟؟؟؟؟؟؟
العام مع جيريتس الفريق كلله يأدي على اكمل وجه طيب انا باحط لكم التشكيله وعلموني من اسوا اللاعبين اداء العام
الدعيع , لي , اسامه , المرشدي , الزوري , رادوي , الفريدي , ولي , الشلهوب , نيفيز , ياسر ,
سؤال ,, وين كان الخلل وااااضح وجهارا نهارا بعد ؟؟ الجناح الهلالي الايسر ,, مايبيلها واحد اثنين
يالربع لانكذب على بعض ,, اتقوا الله ياخي وخافوه في النادي اللي تقولون انكم تحبونه وش الفايده من هالموضوع تبي تقول لي انك تحب الهلال وجاي تقول المرشدي مامثله ؟؟ ياخي المرشدي نكبة الفريق وعلته المستديمة ,,
لاحد يحسب ان هدف ذوب اهان غلطة الهوساوي ,, هوساوي خلصها غلط بس مافيه غير مهاجم واحد
بالله لو المرشدي ماهوب مجود في اللقطه هل راح يتغير شي ؟؟؟ خويك خلصها غلط لكن انت ليه ماجيت تساند خويك ؟؟
ليه دام خويك ورى اللاعب ليه ما اسرعت وجيت قدامه ؟؟؟ وش بيسوي والكوره بالهوا وانت وخويك محاوطينه ؟؟
الجواب : ماراح يستلم الكوره اللي جات اصلا من عند الزوري ,,,,, ياحلو طيور البحر اللي توقف على رجل واحده ذيك
وش ابي بك يالمرشدي يوم تحط يدك على خصرك ؟؟ مسوي زعلان مثلا ؟؟ ياخي نكبة وتتفرج على اللقطه ومسوي زعلان ؟
مابعد شفت زي هالاثنين ياناس الزوري والمرشدي والله لو قتل المسلم حلال كان عيار خمسين يشوف شغله عند باب النادي
تحياتي يا جماهير الهلال ,,,,,,, النعيمه ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, المرشدي
انا مابقول الا مثل قديم عندنا يقول (( الله لا يدخل الكلب المسجد ))
يا اخي العزيز انا ما قلت لك ان المرشدي مستنسخ من الامبراطور صالح النعيمه انا اقصد انه يذكرنا الى حد كبير بصالح وبعدين انا انتقدت المرشدي وفي مباريات كثيره ولكن عندما يظهر بهذا المستوى وامام يونس محمود بطل اسيا لابد ان نشيد فيه بعدين المثل إلي ذكرته في وادي والموضوع في وادي اتمنى انك تختار الفاظك بعناية وانت تتكلم عن شخص يمثل نادي القرن
يا شباب المرشدي لازم نحطه دفاع لازم يصير يتخذ قراره بسرعه شفناه قدام النصر في اخر 3 مباريات مع النصر وقدام الجزيره هو نقطة الضعف في الزعيم لابد ان يكووون سريع البديهه