سلام


يؤيؤيؤيؤيؤ من زمااان عن البربرة هون وش اللي صار بالدنيا
مااش مدري وش جااني صرت اكسل بني ادمي ع وجه الكرة الارضية

لدرجة اني كل يوم اجي افتح اللاب واقرا المواضيع وودي ارد بس مشوار اقعد اكتب واسوي زحمة بالصفحة

لدرجة من الكسل اللي جااني ان لي اسبوع وانا بالمجلس العام وكل مافتحت اللاب F5 تحديث الصفحة

يعني اولا مااسوي ايقاف تشغيل للجهاز لاني مو فاضي اعود اسوي له تشغيل وانتظره لين يشتغل نص دقيقة او دقيقة
ثم مافيني حيل اضغط ع الخلف او اجلس ادور القسم اللي انا ابيه منتدى الجمهور ولا المجلس

المهم ماعلينا

طبعا بتستغربون الحين هالدلوع اللي ماينادي نفسه او يكتب بالمواضيع الا علاوي

تحمس هالمررة وكتب اخو نورة خخخخخخخ

طبعا صدق انا اختي اسمها نورة يعني مو استهبال بس اللي قاهرني شي واحد

اولا اخوياي يقولون ياحليلك ياعلاوي قلبوش انا والله ادنن

الحين يوم خربتها مدري ليش طبعا واعلنت عن لقبي الجديد

صااار من يوم يشوفوني يقولون لحد يسمعك يااخو نورة ويموتون ضحك

مدري عشاني حظري يعني مو لايقة علي حركات البدو الحلوين

لزوم ابلغ الشيخ بالسالفة الوكاد اني احصل عنده الكلام اللي يجمد ع الشراب

لاجد من جد يعني وش قصتنا حنا نستح من اسماء خواتنا ويافضيحتاه لو يدري خويك عن اسم خيتو

يقلب وجه الواحد اخضر ثم احمر ويخرب ابو جووه ذاك اليوم عشان خويه ذاك اليوم قال له ياولد هيلة او عمشة او نسرين <<<<< وش رايكم باخر اسم بس

انا صراحة مدري هل هو الخل فينا حنا يالسعوديين او من جد عيب هالشيء وانا مدري


طبعا الموضوع الثاني اللي بتكلم لكم عنه

باجازة الربيع وربي ولعت وانقهرت من شي شفته بقول لكم السالفة الحين

كنت متفق مع خويي لبى قليبه نطلع للامارات باجازة الربيع اللي كلها عج بالعربي اسم مو ع مسمى

طبعا انا ادمي عاطل ومافيني فايدة للامة السعودية حتى الان
بس مقدر ظروف خويي الطالب المجتهد
المهم جاات العطلة ولظروف سوريا ولبنان واليمن والبحرين وبياخة قطر والجو العاتي بالكويت توقعت ان ام الزحمة كلها بالامارات

خويي مو متعود ع السفرات هااي يعني سفرة صلة رحم ويخلص له شغله بالكويت ويرجع ماخربه الا انا

المهم قلت له ياولد العرب كلهم بهالاسبوع بالامارات تكفى فكنا تراهم يخيسون الديرة اذا تجمعوا فيها

قال لاا انا وراي دراسة وش بيصبرني لمن يرجعون انا بروح قبل الدراسة

المهم مع الاخذ والعطا اتفقت وياه نروح ع اخر ايام الاجازة بالعربي والعالم طالعة من الامارات حنا نروح

2 من عياال خوالي بالشرقية راحو الامارات باول الاجازة وقالوا قرف وا زحمة وكنك قاعد بالرياض اصبروا لمن تخف
المهم رحنا ووقفنا بمحطة سحاب اللي قبل المنفذ نبي نتعشى الا ونلقى البشر كلها هناك زحمة مووووت
وفجاة دخلت البقالة باخذ بارد الا والقى ولد عمي هنااك
قلت الله يستر هاذي اولها قبل ماادخل القى عيال عايلتي الموقرين

المهم دخلنا ولقينا العوايل كلها طالعه
بس العزاب السعوديين كلهم هناااك
تخيلوا 3 ساعات قاعدين ندور شقة كلها فل ويوم لقينا قعدنا ساعتين ع مايطلعون اللي فيها
كل مكان سعوددين التفت ع خويي قلت له شفت قايل لك خلنا نصبر يومين عشان مانصادفهم وانت صامل
لان والله من جد دبي مال اومها سنع وكلها سعوديين
صراحة ورعان تشوفهم بمقاهي الشيشة هنا هناك نشوفهم رايحين وطي
وطبعا حنا نتمشى رحنا منطقة الرقة مدري الراشدية مني متاكد من الاسم لاني حتى هناك مخربط طبعا المنطقة ذيك كلها شقق ومراقص قليلة العماير اللي مافيها مراقص
وربي كل السيارات اللي واقفة عند العماير لوحاتها سعودية
ولا كله كوم والشيبان اللي اعمارهم من 50 وفوق اخر الليل في الاماكن ذي
من الاشياء اللي مااناسها اول يوم بدبي وحنا ننتظر الشقة تفظى مر علينا شايب عمره ب70 وربي يغني ويرقص ورايح وطي مخه طينة ذيك الحزة
بس خلاص الحين قررت قرار نهائي مستعد اكنسل سفرة اذا تصادف اجازة بالسعودية
وععع

ارتفاع بالاسعار وخراب بزيادة وماتكون السفرة ع الكيف



اوما سالفة الطبخ

ابشركم انا الحين لي شهرين جالس ببيتنا لادراسة ولا شغل ولا مشغلة

مع اني ياحليلي عمري 21 توني فطفوط بس القهر كل من شافني

السلام عليكم كيف الحال بشر عساك توظفت

مدري معقولة الناس تحبني ولا مجرد سوال فظولي ولاعادة

ولا قلت لهم لا والله ماتوظفت للحين
يرد علي

طيب في تقديم بالمكان الفلاني

قلت ايه قدمت او مايقبلون شهاداتي يقولون لاتابعهم ترا في قريب وظايف تناسبك

القهر انه مايدري بس هيك

اوناس تجي بس تقول لي انت ماتبي تتوظف لو تبي كان لقيت

ياحقير توني مالي الا شهرين من طلعت وملفي العلاق صار اصفر من الشمس وصرت اعرف مواعيد واسماء مدراء القبول بالشركات من كثر ماارجعهم

ولا اخر شي قدمت عليه وهو امن المنشات اللي رفضوني عشان كيلو واحد بس

حسبي الله عليهم منعوني من رزقي عشان كيلو سخيف

بس الحمدلله اهم شي اني امي قابلتني عندها بالمطبخ بعد ماتوسط لي ابوي

وحاليا كل ضحى الشغالة تنطف البيت وانا جالس اطبخ الغدا واغسل المواعين

فديتني انا والله مااقول لا

وان شاء الله قريب اصير احلى طباخ سعودي واقهر كل بنات السعودية

عشان يعرفون ان الرجل السعودي شاب مكافح وكيف علاوي كافح لين وصل اللي وصل له

الا ماتخبرون لي واسطة


لاتحرمونا من ردودكم حبايبي

هلا اخوي
دائمآ ما استمتع بكتابتك الجميله والعفويه
ان شاء الله ربي يرزقك بالوظيفه السنعه

إقتباس الرسالة الأصلية كتبت بواسطة مهره الهلاليه هلا اخوي دائمآ ما استمتع بكتابتك الجميله والعفويه ان شاء الله ربي يرزقك بالوظيفه السنعه

مشكور اختي مهرة ونورتي الموضوع بمرورك

إقتباس الرسالة الأصلية كتبت بواسطة * سارة * عااادي جدا الرجال يدخل المطبخ بس هنا عندنا شي غريب عجيب ولا بعضهم دخول المطبخ يجرح كبريائه ماعلموكم الكوريين حتى انه يسبح عياله ويمشط شعرهم الله يخلف بس [/SIZE] يلله الموضوع الجاي تبي تبشرنا بالوظيفة ان شاء الله

اتخيل اني اسبح عياالي يصير خير ان شاء الله

انا عن نفسي ماراح اتكلم بس ابي تشوفون كيف اغلب الشباب السعودي يسبح ثم قولوا لنا تسمحون انهم يسبحون عيالكم

مشكور ع مرورك وردك الرائع

إقتباس الرسالة الأصلية كتبت بواسطة حروف الغلا هلا و مرحبا بعلاوي السالفة الاولى ما فهمت نصها

كنت حاس ان اغلب اللي بيمرون راح يتلخبطون وماراح يفهمون بعض الموضوع

ع العموم مشكور اختي حروف ع مرورك ونورتي موضوعي بمرورك

إقتباس الرسالة الأصلية كتبت بواسطة سمانا هلاليه اقووووول جنيت على نفسك انت تقووول تطبخ وتغسسسل الموااااعين وششششرايك تجي عندنااااا وتسسساعدناااا بالبيت تغسل الارضيه بالذااااااااات السطح والملحق وانت نااااااااااااازل للدوووور الثااااااااااااني اشطفه معك وانااااا متأكدهـ انك كريم واحناااااااا نستااااااااهل تكمل على الدووووووووور الارضي وتكوووون كسبت حسسسسنات فيناااااا

اقول حنا قلنا نطبخ ماقلنا نشطف ونغسل

اتخيل شكلي ببيتكم قاعد اشطف وانفخ وحاط ايدي ع ظهري ومكشر عن كراعيني وخذ شطف

يالبى الطبخ بس

شكرا ع مرورك وردك خيتو

ي مراحب ي مراحب

شف اول شي ماعليك من اللي يقولون مافهمنا موضوع انا خبرة بالامور هذي <مايقصد حلا
واسال الاعضاء

شف سالفة الشيبان ومودهم الي بالعلالي انا شفتها كذا مره واكتشفت اني شيبانا هاللي مسوين نصح ومبثرينا طلعو يقربون لـ ابليس

موضوعك جميل وفرفوش ع قولتهم واحسن مافيه انه عفوي لافلسفه ولا شي
ومدامك مبدع بالطبخ ارجو منك الانضمام لنا بالاستراحه

_____


ابوؤوؤو الكــسل >> يَ اخو نوره حاليا . وعلاوي سابقأ :.
ع‘ــــوؤوؤوأآفي استمعت كثيير ..بـ موضووعك..

:. كل ودي وتقديري

إقتباس الرسالة الأصلية كتبت بواسطة khaled22 موضوعك جميل وفرفوش ع قولتهم واحسن مافيه انه عفوي لافلسفه ولا شي ومدامك مبدع بالطبخ ارجو منك الانضمام لنا بالاستراحه

ياحبيبي انت والله ياخالد

اسمع تعفيني من القطة ومالك الا اللي يخلي دلة الشاهي تروكع عندك دلة رايحة ودلة جاية
ولا تاخذ هم العنب توت ولا احسن معلم شيشة يحبك لك الكيف

إقتباس الرسالة الأصلية كتبت بواسطة ..هلاليهـ{Mــدريديهـ _____ ابوؤوؤو الكــسل >> يَ اخو نوره حاليا . وعلاوي سابقأ :. ع‘ــــوؤوؤوأآفي استمعت كثيير ..بـ موضووعك.. :. كل ودي وتقديري

ومرورك انت بعد اسعدني ونور موضوعي ؤيسلمو

يالبى قلبك بس


منور المجلس


اعجبني اللون الوردي هههههههه جتك عدوى بعد استخدام المطبخ


بالنسبة للوظيفة ان شاء الله اذا ربي كتب بتتوظف عن طريقي. وراجع الخاص


بالتوفيق ياغالي