ياخي كالديرون مايخترع والفريق كله كامل وجاهز !!
ابيك تجيب لي مباراه الهلال كان فيها مكتمل الصفوف ومالعبهم كالديرون ؟
كالديرون مااخترع في مباراة الاتفاق الا لغياب المحاور بإيقاف رادوي واصابه عزيز والغنام والبرقان وسوء مستوى القرني
بالنسبه للقرني انه سيئ .. قالها بن مساعد وسامي .. الا اذا كانوا كذابين !!
وبعدين جيريتس كان يخترع ياجماعه وماشفت احد عصب وقال شي !!
لعب الفريدي محور ... وكنتوا تصفقون له
وحط سلمان الفرج ظهير ايسر .. وبرضو كان عادي عندكم لدرجة انه كان ممكن تختارون سلمان كأفضل لااعب في المباراه!!
ورجع حط سلمان الفرج محور في مباراه
مهمه قدام الاتحاد ... وماقلتوا شي ؟
خلوكم منطقيين
اذا القريبين اللي هم ابوفيصل وسامي الجابر ... كانوا موافقين ... اعرفوا انه اللي تبونهم " عزيز والغنام والبرقان والقرني " مو جاهزين .... بكل بساطه يعني
لاتصيرون سلبيين على كالديرون بس وغيره حلال عليه واقصد بالكلام ذا قيريتس !
خلاص .. دام الرجال مأدي بشكل ممتاز ... المفروض نوقف معه مو نستمر في انتقاده
او بالاحرى
الانتقاد المقبول من الجماهير واللي نعرفه من يوم انولدنا ... هو في حالة سوء النتائج
هلالنا ماانهزم مع كالديرون الا مباراه من بين ثلاثين مباراه .... وبرضو ننتقد !!؟
كل مدرب وطريقته في اللعب ياجماعه
اساسا نص الجماهير يطبلوووون لكوزمن ويبونه ... وهو ماييسجل الا في اخر دقيقه
والحين عذر بعضهم انه الفريق مايسجل الا في الشوط الثاني ... والحمدلله نسجل اكثر من هدفين .. وبرضو مو عاجبنا
الله يعينك ياكالديرون للأمانه !!