اهيء اهيء انا حزينه عطوني حل يريح قلبي - نادي الهلال السعودي - شبكة الزعيم

بنت فهد · #1 06/05/2011, 09:53 PM

السلام علييكم ورحمة الله وبركاااته

كيف حاااالكم .،

الزبده بدخل في الموضوع .،

انا الله يسلمكم اخر سنه وجااايني مرررررره بروود هالترم في دراستي
مذاااكره ما اذاااكر ابد ابد ابي احاافظ على نسبتي .،
وغير كذا اللي يعني بجد بجد حسيت انو مضيق صدري انا جايبه نسبه مرره كويسه
اماالقياس نسبتي شينه وكنت مرره تعبانه الترم الاول في شهادة الثانوي .،
بينما طالبات معاي رامين الدرااسه على جمب وجايبين نسبه كويسه في القياس تدخلهم للجامعه ..

ممكن تقولون انو ما يستااهل فاتحه موضوع طول بعرض على كلمتين .،
انا يا اخوااني ابي الحل منكم و المشوره

.،

وربي حزييينه على حالي مدري شو اعمل

hadeel alyahya · #2 06/05/2011, 10:23 PM

شوفي اختك في الله اللي هي انا (( من يوم اني بصف اول ابتدائي الى صف ثاني ثانوي وانا دافوره )) ماعمري طلعت بنسبه اقل من ال 98 ودايم شهادات تفوق وشكر من المدرسه وكل شي

الا يوم جيت بثالث ثانوي مدري وش صار لي

جتني فتره مابي اذاكر ولا ابي اشوف خلقة كتاب او دفتر . واذا مسكت الكتاب احس اني ابي اسوي اي شي يشغلني عن المذاكره

ووقت الاختبارات حلت عندي متابعة الافلام والسهر على اي شيء فاضي\

وحتى اذا ذاكرت احس اني مو الدافوره اللي اول

يعني اذا ذاكرت اذاكر اشياء سطحيه مو مثل اول اكل الكتب اكل وحتى اللي بزاوية الكتاب احفظه وافهمه

تخيلي نسبتي سنة ثالث ثانوي الفصل الاول (( 80 % )) وتعبت نفسيا وقلت لامي لاتحسبين اني بشد حيلي الفصل الثاني

احس اني خلالالالالالالالالالالاص مقدر مقدر اذاكر

امي يوم شافتني بهالحاله دخلتني مدرسه اهليه

(( يدزوني بالدرججات وكل شي خصوصا عندنا بالشرقيه الاهليات سايبه مو مثل الرياض اهلياتهم كأنها حكوميه ))

وانا مثلك نسبتي بالقدرات ززززززززفت .. وكل البنات اللي معي نسبتهم زفت

شكلنا فالاخير بنسفر شغالاتنا واهالينا يخلونا نشتغل ونكرررررررف بالبيت

the king yasser · #3 06/05/2011, 10:26 PM

فك الحجز

والله يا... ان الحال من بعضه وخاصه هالترم

يعني اختبر اختبارات وأخذ صفر ينتف جبهتي وعآآآآآآآدي والامور طيبه واحنا بخير

لكن ربي يوفقك بالتحصيلي

ويوفقنا اجمعين

FINAL10 · #4 06/05/2011, 10:34 PM

لا تضيقين صدرك ولا شي

كلنا مثلك يا بنيتي

عادي بالثانويه بتجيك وسوسه وهذا يدل على انك مهمته

واذا دخلتي الجامعه بالاعداد العام بتوسوسين بالتخصص

واذا تخصصتي بتوسوسين ببعض الدكاتره الموسوسين

والدعوه كلها وسوسه في وسوسه

بس مع ذلك وانت تجتآزين كل هالوساوس

بتحسين انك سويتي شي كبير بحيآتك

اتعبي اشقي ، وترتآحين بالنهايه

وكل ذلك بعد توفيق الله

بلو كادي · #5 06/05/2011, 10:51 PM

وعليكم السلآم ورحمة الله وبركاته

عاادي يابنت فهد شعور طبيعي جداً هالتبلد

بس انتِ حاولي ماتعطين نفسسك وجه زياده عن اللزوم لإن النفس ماتعطى هوها

أميرهـJ بعشقJالهلالـ · #6 06/05/2011, 11:57 PM

الله يعينكم ياااحلواات
اهم شي نسبه القيااس
والله انا مثلكم خااايفه احمل... درجااتي زي الزفت توقعت صاابتني عين وقلت للبنات ساالفتني قاالن احنا مثلك توقعنا احد عطاانا عين
بس الظااهر البلاء بدكتوراات صرااحه اسئله مدري وش تبي مبهمه؟؟؟ صرااحه مدري وش يستفيدون اذا حملونا المااده
الله يستر بس وانجح

فَيْلَـسُــ زَمَانَهُ ـــوفْ · #7 07/05/2011, 12:13 AM

السلام عليكم

اختي بنت فهد .!؟

اول شي اخبآرك إن شآء الله بخير. !؟

ثآنيآ .!!

شوفي لاتضيقين صدرك أبببد .!!

هالحآلة ذي حآلة تتعب النفس من المرآجعة وتصيرين مآتطيقين شي اسمه كتآب .!!

ولا ودك تقرين شي .!!

وكلشي من مخك فآضي لا درآسة ولا شي .!!

بس انتي عشآن تبدين ترجعين .!!

ارجعي حبة حبة .!!

يعني اقعدي باليوم نص سآعة قدآم الكتب .!! لاترآجعين شي .!! بس نآظريهم وقلبي فيهم .!؟

واكتبي فيهم .!!

رآح يآخذك الفضول بعد يومين .!! بالتصفح اكثر واكثر واكثر .!!

لمآ رآح مآتقدرين تفكين الكتآب ويكون الوضع عندك فريي .!!

وتكون قدرة مخك التركيزية .!! بأعلى حآلآتهآ .!!

نصيحة من مجرب مريت بهالحآلة .!! كثيييير .!!

وشوفي اهم شي تحطيم النفس .!! لاتحطمين نفسك ابد .!!

لو اخذتي صفر .!! قولي الثآني عشرة بإذن الله .!!

والله انا قد صآرت لي بالفصل الأول .!!

زفتت بالأختبآرآت الشهرية .!؟

وقلت بتحدى نفسي .!!

إن ظبطت وضعي الفترة الثآنية .!! رآح اعطي نفسي مكآفأة .!!

وفعلا بديت .!! اتحمس واخذ .!!

وظبطت وضعي .!!

وحتى الأسآتذة سآعدوني بالفترة الثآنية .!!

وقآلو نعدل لك الفترة الأولى !.!

طبعآ كل هذآ لأني تحديت نفسي .!!

مآعليك من خويآتك والقيآس امره سهل .!!

يمكن تظبط معك بالتحصيلي .!! وخلي القيآس .!! مع الثنوي .!!

تجيب لك عز بإذن الله .!!

اهم شي ركزي بدرآستك الله يرضى عليك .!!

ولاتفكرين بأي شي ثآني .!!

سوي الي قلتلك ابدي حبة حبة .!!

ومآعليش على التطويل ق1

مواصل من يومين · #8 07/05/2011, 12:24 AM

اعتقد هذا الموضوع نفسي بحيث إن الطالب نفسه يعيش نفسه تحت ضغوط كبيرهـ كـهم المعدل والقدرات وغيرها
والأمر الآخر من الأهل وبعدهم عن الطالب في هذي المرحله اللي تحدد جزء كبير من حياته مستقبلاً

الحل من وجهة نظري << حسيت إني الهريفي مدري ليش
إستعيني بالله
حمسي نفسكـ بنفسكـ ووصلي لعقلكـ الباطن إنكـ قادرهـ تجيبين معدل زين وإنكـ قبل كنتي متفوقه واللحين تقدرين تجيبن مثل أول وأحسن وإن اللي تمرين به مر على اشخاص قبل وهو عارض وبيزول ومن هذي الشغلات اللي ترفع المعنويات
وأبعدي عن الصديقات اللي يحطمون من معنويات الشخص
وحتى بالدراسه أنصـح بالملخصات أفضل من تمسكـ الكتاب لأنه يجيب الإكتئاب بمجرد ماتنظر إليه خخخـ
وبالتوفيق إن شاء الله
...

هلاليه مدريديه =$ · #9 07/05/2011, 12:33 AM

___

الله يكـــــوون بع‘ــوونك خيتوو ..ويسهلك امركـ,,

انا تووني بـ ثااني . بالحقك السنه الجااايه .هع.بـ التوفييق لي ولك خيتووو

هلأليه مدريـديه :.

تلومني فيك · #10 07/05/2011, 01:08 AM

لا يضيق صدرك وشدي حيلك وان شاء الله تعوضين واسعى يا عبدي وانا اسعى معاك ^_^

ابوريناد · #11 07/05/2011, 06:02 AM

الحل المناسب شوفي اللي حولك من أقاربك فشلوا في تحصيلهم العلمي وش مسوين

وشوفي زميلاتك اللي اجتهدوا والآن بالجامعات بالطب وغيره

وبعدها اختاري الطريق المناسب

اما مسالة نفسية ملئت وطفشت مو عذر

انتبهي لمستقبلك وارفعي راس اهلك وخليك من المهاترات اللي مالها سنع

!. مجنون في زمن العُقلاء .! · #12 07/05/2011, 06:16 AM

وَ عَليكمْ السَلامْ وَ رَحمَةُ اللهِ وَ بَركَاته
شَخصيا ً أعتَقدْ أن المَسأله لاَ تَتَجَاوزْ الحَاجِزَ النَفسيْ لاَ أكثرْ
وَ رُبَمَا نَحنُ جَميِعَاً سَبقْ وَ مَررنَا بِتِلكَ المَرحَله
مَعَ الإختِلافْ بالأنظِمَه بالسَابقْ وَ مَا يَحدثُ الآنْ
شَخصيا ً أنا خريج عَامْ 1420
وَ تِلكَ الدُفعَه عَانتْ كَثيرا ً مِنْ تَبِعَات تَطبيق نِظَام الدَرَجَات
وَ ضَربِها بِعَدَد الحصص لِكُلِ مَاده
وَ لكيْ أن تَتَخيليْ تَطبيقْ هَكَذا نِظَامْ وَ لأوّلْ مَره
أتَذَكر حِينَمَا نُقِلَ لنَا ذَاكَ الخَبر
يَاسَاتر .. الرياضيات وحده = 600 درجه
بَينَمَا بَعضُ المَوَاد الأخرى لا تَتَجاوز 100 درجه
بِمعنَى .. درجه من الرياضيات = 6 بالمُحصله النِهائيه
أتذكر درجة الأختبار الشهري كانت 13 من 15
قلت بنفسي مو مشكله

فـ قال أحد المُدرسين المصريين .. ماتفرحش دنتا خسرت دلوقتي 12 درجه

على اعتبار درجتين في 6

//

وَ شخصيا ً أعتبر النِظَام حَاليا ً مُجحف بحق الطلبه
لاَ سِيَمَا وأن القِياس هُوَ المقيَاسْ للطَالبْ فيْ قبوله
أستَغربْ أن يَتمْ إختِزَال مَجهودْ الطالبْ في عَام كَاملْ
في إختبار قِياسْ لاَ يَتَجَاوزْ السَاعَات
الآن .. مَا يَجب عليكِ عَمَله .. هُوَ مُحَاولة النهوض مِنْ جَديدْ
والتَفكيرْ بإيجَابية فيِمَا هُوَ قَادمْ
فـَ القَادمْ بأذن اللهِ أجمَلْ
وَفَقكِ الله لِمَا يُحبه وَ يَرضَاه
و بلغي سَلاميْ لـ بنت عبدالله

داق لطمة · #13 07/05/2011, 07:03 AM

إقتباس


	الحل المناسب شوفي اللي حولك من أقاربك فشلوا في تحصيلهم العلمي وش مسوين وشوفي زميلاتك اللي اجتهدوا والآن بالجامعات بالطب وغيره وبعدها اختاري الطريق المناسب

زي ما قال اخوي ابو ريناد شوفي اقاربك اللي جابوا نسبة ماهي زينة ،،

وقارني نفسك فيهم يعني ،،

بالتوفيق يا اختي

الزعيم سام6 · #14 07/05/2011, 05:57 PM

إقتباس


	الحل المناسب شوفي اللي حولك من أقاربك فشلوا في تحصيلهم العلمي وش مسوين وشوفي زميلاتك اللي اجتهدوا والآن بالجامعات بالطب وغيره وبعدها اختاري الطريق المناسب اما مسالة نفسية ملئت وطفشت مو عذر انتبهي لمستقبلك وارفعي راس اهلك وخليك من المهاترات اللي مالها سنع

كلام سليم ويرفع الراس بصراحة ..

شكرا ابو ريناد على الفائدة

وكل التوفيق لك بنت فهد

بنت فهد · #15 07/05/2011, 07:05 PM

يعطيكم العافيه على الردود كان ودي اعلق على رد رد لكن للاسف الوقت عندي ضيّق
ان شاء الله باقرب فرصه بعلق على ردودكم الله يجزاكم الجنه .،

مجنون في زمن العقلاء / يوصل ان شاء الله .،