قبل أن أرد على الإخوة أريد التأكيد على النقاط العامة في الردود
1- بالنسبة لكلمة ( مقزز )... شككتوني في معناتها
و رحت ابحث في المعجم
.... قَزَّتْ نفسي عن الشيء قَزًّا وقَزَّتْهُ، بحرف وغير حرف: أَبَتْه وعافَتْه، وأَكثر ما يستعمل بمعنى عافَتْه.....
إن كنتوا ترون في هذه الكلمة إهانة لياسر أو كلمة غير مناسبة فأنا اعتذر لياسر القحطاني ( لاعبنا الكبير و الخلوق
) و اعتذر لكم
2- نحن كجماهير هلالية أصبح لدينا خبرة في انخفاض مستويات اللاعبين و إمكانية رجعوهم لمستوياتهم .. وقت انخفاض مستوى نواف التمياط كنت أجزم بأنه لن يعود لمستواه المعهود و أن الاعتزال أو الإعارة لنادي آخر هو الحل الأنسب و لذلك ليس كرهاً في نواف و إنما لطبيعة سبب انخفاض مستواه ( الرباط الصليب ) و هي الاصابة التي قضت على أساطير كرة قدم
و في المقابل في وقت انخفاض مستوى محمد الشلهوب كنت أجزم بأنه سيعود لمستواه لأن سبب انخفاض مستواه هي الظروف المحيطة باللاعب في تلك الفترة فحسب
و أنا هنا أراهن على قدرة و إمكانية عودة القناص لمستواه المعروف لأنه يملك عزيمة و إصرار و المطلوب فقط هو محاولة تخفيف الوزن لأني لا أؤمن بأن مشكلة ياسر ( نفسية ) بل أكاد أجزم أن ياسر إنسان واثق في نفسه و في امكاناته .. ينقصه فقط الجسم المثالي ليسهل عليه الحركة.. ياسر سيعود كما عهدتموه إن شاء الله شريطة أن ينزل وزنه ..
3- تجد من يمتدحون كالديرون دائماً يقولون إن ظروف كالديرون سيئة و ظروف قريتس ممتازة .. أوكي خلونا نرجع لبعض المبارايات اللي تعثر فيها قريتس
أ- خسارته أمام الاتحاد في مباراة الإياب 2-1 ( في تلك المباراة كان الهلال الباديء بالتسجيل و من ثم أصيب ويلهامسون في مرفقه و أخذ رادوي كرت أحمر ) ( لاحظوا خسارة ويلهامسون و رادوي و طرد قريتس نفسه من المباراة !! )
ب- مباارة الهلال مع الغرافة ( مباارة الاياب ) ( غياب رادوي عن المباراة بسبب توافق المباراة مع يوم الفيفا و لعب رادوي مع المنتخب الروماني )
جـ- نهائي كأس الملك ( ايقاف رادوي + وفاة قريب عبد اللطيف الغنام + انتقال عمر الغامدي للشباب + إصابة البرقان ) ( غياب أربعة محاور مره واحده و مع ذلك المباارة تنتهي بضربات الجزاء !!! )
قريتس خسر ثلاث مباريات متتالية في بطولة اسيا .. يتحمل فيها مسؤولية مباراة الغرافة الثانية في وجهة نظري كونه لم يشرك خالد عزيز .. أما في مباراة ذوبهان في ايران فالهلال كان أفضل من ذوبهان بمراحل بشهادة جميع المحليين و أضاع الهلال ضربة جزاء ( تسبب فيها ياسر و أضاعها ولي ) و حتى هدف ذوبهان جاء من خط في حائط الصد ( يعني وش تبي المدرب يسوي !! )
في مباراة ذوبهان الثانية .. سبب الخسارة هبوط عام في مستوى الفريق و إلا التشكيلة في وجهة نظري منطقية جداً
| إقتباس | | | | |
الرسالة الأصلية كتبت بواسطة انا صاحيلهم | | | | | | | |
والله اصبت بكل شي اخوي
ياسر لللاسف اصبح يلتف للحكم اكثر مايلتفت لنفسسسه
وبالنسسبه لفهد مششكلته مع الاصابات ماتنتهي الله يكون بعونه
يكفي انه لاعب تدرج مع المنتخب والهلال من الفئأت السنيه
اما المحياني
عندي اقتراح فني اتمنى يوصل لسامي ويوصله لكالدي
خلاص باقي من الدوري ثلاث مباريات او مبارتين ليش مايكون فيها المحياني اسااسي طول المباراه صح مو مقياس بس ماناخسرانين شي ممكن بالثلاث المباريات هاذي يسوي فيها شي المحياني وتكون اثبات وجود له
وحبيت اقولك شغللة
الله يعيينك على حباايب يااسر بالردود تحمل مايجيك
تحياتي لك | | | | | |
يا أخوي أنا ماني ضد ياسر و لا ضد أي لاعب هلالي عشان أخاف من أحد
و أشد على يدك في اقتراحك بخصوص عيسى .. من جد محتاج ياخذ هذي الفرصة
عوافي أخوي على المرور الجميل
| إقتباس | | | | |
الرسالة الأصلية كتبت بواسطة رامـ 4 ـوس | | | | | | | | يـآ جمـآآعة الخير وسسعوآ صدوركم ..
يـآآسر مسستحيل يرجع يـآآسر 2007 .. مسسسسستحيل
تقدم بـآلعمر و حيويته مـآهي مثل آول .. لكن
على الرغم من كذآآ يبقى يـآآسر آهم لآعب بالهجووم آلهلالي
آذآ نبي نستفيد من يـآآسر خلونـآ نوقف معه بدآآل مـآ نطـآلبه ب شي مسستحيل يرجع له . خلونـآ نخفف عنه الضغط بدآآل مـآ نزيد عليه الضغوطـآآت
شوفوآ جمـآآهير آلنصر وشش سوو بـ سعد الحـآآرثي يوم قل مسستوآآه .. !!
لآ نصير مثلهم
بالنسسبه لـ فهد الجهني
لآ تسستعجلون عليه .. و الله بدررري عليه آلعمر قدامه طويل و المشوآر مهو سسهل
آذآ كـآن عيسى مـآآآخذ فرصته .. تبون الجهني يـآآخذه .. ؟
خلوه يسسسوي صح بـ الاولمبي عشـآآن يكون بقمة جـآهزيته مع الفريق الاول .. | | | | | |
احنا ما نبي نضغط عليه .. بس ياخي مو معقولة نجلس نجامله و نكذب عليه و على أنفسنا و نقول إننا مقتنعين فيه و احنا مو مقتنعين .. و في كل الأحوال ياسر متى ما رجع لمستواه احنا أول من يمدحه و يشيد فيه
شكراً على إضافتك للموضوع
| إقتباس | | | | |
الرسالة الأصلية كتبت بواسطة محور الزعيم | | | | | | | |
الله يعين بس
الموسم القادم لابد من تطيير وليد الجيزاني واحضار مهاجم يفوقه بشكل كبير
وابعاد احمد على واحضار مهاجم هداااااااف
اتمنى مع بدايه الموسم القادم تكون تغييرات مفيده للزعيم
وبالبتوفيق للزعيم | | | | | |
مع بداية الموسم القادم الادارة راح تسوي تقييم أكيد .. بس الغرض و التركيز الآن إننا كيف راح نمشي فيما تبقى من هذا الموسم
عوافي على المرور
| إقتباس | | | | |
الرسالة الأصلية كتبت بواسطة انا افداك ياهلال | | | | | | | | حنا عشاق للهلال كاسم ومو من جماهير اللاعب ..
اعتزل اسطوره الملاعب يوسف ومازلنا نتابع الهلال ونشجعه ..
ولو راح اشجع لاعب على حساب النادي فبعد يوسف مافيه اسطوره ..
ولكن ياسر وجمهوره يعاند على حساب الهلال ..
نعشق الهلال ونعشق جميع اسماءه ..
لكن اللي مو بالمستوى المطلوب ما بنجامله على حساب فريقنا ..
ياسر وما ادراك ما ياسر ..
مهاجم خرافي طراز نادر مامر مهاجم بالملاعب السعوديه مثله ..
لكن ياسر الان مو ياسر قبل , لا وزن ولا نفسيه ولا مستوى ولا شي ..
اللاعب صار يضيع الفرصه السهله والعجيبه , اللاعب يحتج بكثره , اللاعب ثقيل بشكل ملفت ..
وفرق بين ياسر هالايام وايام مباراة المنتخب مع كوريا ..
اللي يبي يشوف كلامي صح يتابع مسوى ياسر ذيك المباراه ويشوف ان ياسر طايح مستواه ..
يا ناس ما نكره ياسر ونتمناه يكون نجم الهلال , لكن شد حيلك ياسر ..
وربي اشك ان احد اسباب انه مستواه هابط واللاعب ما يحرص انه يتعب عمره , ان بعض الجماهير للاسف بعد كل مباراه ..
يكون فيه كذا لاعب قدموا وحرثوا الملعب حرث وياسر يضيع طول المباراه والهتافات كلها لياسر !!
ليه وين العشر لعيبه الثانيين قدموا اكثر من ما قدم وتعبوا اكثر من تعبه ..
والناس تصايح ياسر ياسر !!
وش سوى طيب عشان اصايح باسمه , فيه لعيبه للاسف انهضم حقها بالهلال على حساب ياسر ..
ناس لما تنزل الملعب تبي تقدم تبي تسجل , وياسر جيد في اضاعه الفرص !!
ندري ان ياسر يحب الهلال ولكن لازم يدرك ان جمهور الهلال ما بيصبر كثير ..
طالما هذا مستواك ياليت تراجع نفسك وتشوف مستواك 2007 وراح تعرف لين نعتب على مستواك حاليا ..
لو كان هذا مستواك ما عتبنا ولا زعلنا بنقول هذا اللي عنده وما فيه اكثر ..
لكن نعرف ان ياسر افضل لاعب اسيوي مو هذا مستواه , وهو قادر على العوده لو حب يرجع ..
تحياتي لك اخوي قلت كلام كثير كان ببالي بس ما احب اطرح مواضيع بصراحه ..
ولكن موضوعك اتاح لي الفرصه اعبر عن رايي باللي جالس اشوفه من بعض جماهير الهلال ..
ملاحظه : هدف الجهني على اوزباكستان ما يذكركم بهدف ياسر على تونس !! | | | | | |
بأبدأ من حيث انتهيت ..
و أنا أحط رابط هدف الجهني .. و الله تذكرت هدف ياسر في تونس الفرق أن هدف ياسر جات الكورة من اليمين و هدف الجهني من اليسار و كلا اللاعبين يشوتون بالمين فطريقة التعامل كانت مختلفة و أسفرت عن أهداف
.. بصراحة أخوي أنا أحييك على روحك و أنت تكتب الرد .. وواضح حيل أننا نتفق في حب الشعار بغض النظر عن الأسماء و كلانا يرى في ياسر اللاعب الكبير الذي يحتاج الهلال رجوعه بقووة
شكراً جزيلاً على مرورك
| إقتباس | | | | |
الرسالة الأصلية كتبت بواسطة راشد الظهير | | | | | | | |
صح كلامك بس كالديرون له ايجابيات وله سلبيات والسلبيات انت قلتها وانا اقولك سلبيات جريتس :
1_ انه يعتمد على الاسماء مب على الجاهزين مثل مباره ذوبهان ملعب الزوري وكان قبل المباره راجع من الاصابه وكان فيه نامي جاهز .
2_ ان الشلهوب في وقت جريتس ماعطاه فرصته الا قليل وكنا نعاني ليش ما يلعب الشلوب وليش.......
والسلبيات كثيره بس اقولك ان كل مدرب لع سلبيات وايجابيات
وبالتوفيق للزعيم | | | | | |
ربما اتفق معك نوعاً ما في النقطة الأولى و لكني حتماً اختلف معك في النقطة الثانية
قبل مجيء قرتيس ( في فترة كوزمين ) كان الشلهوب احتياطياً و أعاد قريتس الشلهوب للقائمة الأساسية و أعطاه فرصة كاملة جعلته يصبح هداف الدوري و لم يجعل قريتس الشلهوب احتياطياً إلا في نهاية الدوري و في بطولة ولي العهد أما في الآسيوية و الدوري كان الشلهوب أساسياً و هذه السياسة هي سياسة المدربين الأوربين حيث يحاولون إيجاد مجموعة لاعبين لكل بطولة و يجعلون اللاعبين الأهم للبطولات الأهم
يعطيك العافية
| إقتباس | | | | |
الرسالة الأصلية كتبت بواسطة * سارة * | | | | | | | | كلامك مايحتاج لتعقيب بس تخبرنا مانقدر نسكت
عموماً ...
- ياسر صحيح ماهو بياسر مستواه متذبذب كل ماقلنا
رجع غاب وحركته ثقلت بشكل غريب ,,’’ وهذا غير احتجاجاته
اللي كاثره حبتين صحيح هو كابتن وهذا المفروض انه يناقش
الحكم لكن أحيان بدون داع ِ بس احيان يعرف يتحرك ويربك الخصوم
لكن هو مهاجم واذا ماسجل مااحد بيرحمه !!!
( مأخذ عليك يوم انك تقول حركته ثقيله وبطيء بشكل مقزز .. " مقزز " مدري وش
معناها او حتى مناسبتها للجملة )
- احمد علي آآآه بس ..
سجل كم هدف وصنع مثلهم > صار لسان حال الجمهور يقول :
( هذا ضالتنا وينك من زمان ) للأسف العاطفة تغلبنا احيان لاعب لامهارة
ولا كنترول خصوصا عند المرمى يستعرض وانانيته واضحة لا وفوق هذا بطيء
بعد ....
لا واللي يقهر ويبط الكبد الصحافة المصرية عاملين ترويج اخبار
انو الهلال بيشتري يعقده بل يجب على الهلال ذلك !!!
لدرجة ان ادارة الاسماعيلي على حسب الاخبار جهزت العقد والسعر من الحين
!!! مدري هو ضغط علينا بحجة ان العروض تنهال عليه ( يعني الحق ولا ماتلحق ) إذا صار هالشيء غلطة كبيرة حنا طموحنا اكبر من كذا واجزم لو
المحياني شارك اساسي مثله واعطي الفرصة كاملة من البداية
بيتفوق عليه وزياده ...
ابي اعرف بس لو الله كتب لنا التأهل ( مع اني ماظن ) شلون بنقايل الفرق الكورية واليابانية !!!
- اما بالنسبة للي يقارن جريتس بكالديرون فرق كبير لكن كلن وامكاناته ..
الاول كان ماشي عال العال وغير من جلد الفريق تماما
صرنا نشوف خمسات واربعات بالكوم عد واغلط هجوم ضارب ودفاع محكم
- تخيلوا بس العام انهينا الدوري والاهداف في مرمانا " 8 " بس ’’
والحين لسا ماخلص الدوري ودخل علينا " 17 " - لكن من يوم جاه العرض
اللي مايتسماش تشتت ذهنيا صار ربع عقل عندنا وثلاث ارباع هناك وصار اللي صار ~
والثاني لم توضح بصمته الكبيرة على الفريق الى الآن مدري حنا نلعب هجوم ولا دفاع !!
أحيان احس ان سبب الفوز مجهودات وخبرة لاعبين لا اكثر ... يحسب له : تجهيز كل اللاعبين وتدويره لهم يحسب له : تصحيح الاخطاء بين الشوطين
لكن اللي متعبنا >> اختراعاته وتجاربه في كل مباراة
واصراره على لعب بعض المباريات بمحور واحد .. المشكلة ان رادوي مايظهر فالمباراة
بالشكل المطلوب ويظل كنه مدافع خامس مايقدر يتقدم وشوفوا لو لعب بمحور ثاني تلقاه
يوصل للمرمى ويتسبب في أخطاء لصالح الفريق ..
المهم ان كالديرون حسناته اكثر من سيئاته والتقييم نهاية الموسم هو اللي بيحدد بقاءه ...
.............. ادري طولت لكن ودي اتكلم عن الغرافة ::
بكرة راح يلعبون مع السد في كاس الامير " خروج مغلوب " واتمنى مو بس المدرب
يشوف المباراة حتى اللاعبين ,, ترآ اللي فزنا عليه 1-0 غير اللي بنقابله الربوع
تغير تماما لا من حيث الروح القتالية ولا من حيث المستوى الفني ..
واكبر دليل المباريات الاخيرة في آسيا وكاس ولي عهد قطر ..
واللي يقول جونينهو مو موجود وماادري ايش !!
الاربعه اللي جتنا كانت بدونه وقتها’’ لذا اذا حنا كجماهير مااحترمنا المنافس
شلون اللاعبين لا دخلوا وقروا كلامكم ... حنا ما ضيعتنا الا هالثقة الزايدة ,, الغرافة بيدخل كنه في حرب
ماعندهم اي شي يخسرونه تخيل بس لو طلعوا من كاس الامير
بيحطون كل حرتهم في آسيا لأنها آخر شي فالموسم مو احنا باقي مباريات فالدوري
هذا غير كاس الابطال ...
نتمنى من اللاعبين يكونون قد المسؤولية ويحسون بالجماهير
اللي توقف وراهم ...
عذرا للاطالة ماننعطى وجه ..
يعافيك ربي .. كلامك جدا واقعي ..
ويارب الهلال يحسمها بالفوز بعيد عن الحسابات الثانية | | | | | |
إن كانت الادارة الهلالية اعتمدت على الصحافة المصرية في قضية إعارة أحمد علي فهذي مصيبة .. بس ما اتوقع الادارة الهلالية سوت الشيء هذا لأنها إدارة محترفة و أكيد درست الموضوع كويس .. و ربما فضلت الادارة إنها تجيب أحمد علي لأنه نوعاً ما رخيص ( بس هذا السبب ما كان مقنع حقيقة )
لأن عماد الحوسني لاعب الأهلي مثلاً لاعب رخيص و أفضل من أحمد علي بكثير .. يايا توريه لاعب سبهان لا اعتقد أنه لاعب غالي .. و كثير من اللاعبين الافارقة يكونون أسرع من أحمد علي و أكثر قوة جسمانية و أكثر خبرة و رخيصين .
ذكرتي الكثير من النقاط الجيدة .. يعطيك العافية على الإضافة للموضوع
| إقتباس | | | | |
الرسالة الأصلية كتبت بواسطة ابوسفير | | | | | | | | أخوي اتفق معك في جميع الي قلته بستثنا الي قلته عن الفرعون الهلالي أعتقد انه لاعب مايحب الفلسفة يعني اذا جته الكورة ما يحب يستتعرض زي ياسر الي للا سف صار اقصى طموحه انه يستعرض ولا يبي يجيب هدف الا بطريقة جميلة وهذا من أهم الاسباب الي قاعد الهلال يدفع ثمنها في كثير من المباريات وأحب أقولك لاتلتفت للمبزرة عشاق ياسر فقط التفت للأرى الي همها الهلال كاكيان فقط بغض النظر عن الاسماء
و الشكرك على شجاعتك لاني بغيت أكتب موضوع عن ياسر ولاكن خفت بصراحة من جمهور ياسر يقولون من دس من الفريق الجار | | | | | |
يا أخي مشكلة أحمد علي أن عكس ياسر تماماً
بعض الكرات تحتاج من ياسر فقط ( التسديد ) و ينتهي الموضوع و لكنه يفضل المراوغة
و أحمد علي .. كرات تحتاج للمراوغة أو التمرير و يقوم بالتسديد بدل عن ذلك.
مشكور على المرور