حبيبي من قالك ما تستفيد من الرياضيات ؟
الرياضيات ما تستفيد منها بأي تخصص إلا تخصص الرياضيات
لكن تستفيد منها بحياتك لأنها تطور و تنمي مهارة التفكير عندك و دايما أكثر شئ تفكر فيه هو الرياضيات و يمكن تقعد عشر دقايق بس تفكر وشلون تحل مسألة و هالشئ يساعدك على التفكير بشكل أكبر بأي شئ بحياتك خارج الرياضيات و الدراسة عموما
لا تحط ببالك أنك تدرس رياضيات عشان تخصص أبداً
أما بالنسبة للفيزياء و الكيمياء و الأحياء هذي مواد تخصصية ما تدرسها إلا بأولى ثانوي بشكل مبسط عشان تتعرف على هالمواد وش هي و طريقة دراستها
بعد كذا حسيت أنها ما تناسبك أدخل شرعي و تخصص بالمجال اللي تبيه من العلوم الشرعية و الدينية
لكن إذا حبيتها و شفت أنها تناسبك تخصص فيها و أدرس سنتين دراسة مكثفة لهالمواد بعد ما تخلص هالسنتين ( ثاني و ثالث ثانوي ) بتكون قدرت تحدد ميولك و رغبتك و تخصصك من خلال دراستك هالمواد و لو أنك ما درستها يمكن ما راح تعرف و أنا واحد من الناس اللي كنت مسوي نفسي أعشق الأحياء
لكن بعد ما درستها عفتها عالآخر و هجيت للهندسة
هذي من ناحية الفايدة
أما بالنسبة لكلامك عن الدراسة المكثفة للمواد العلمية على حساب الشرعية خلنا ناخذها حبة حبة
بالإبتدائي تقريبا متساوية المواد العلمية مع الشرعية و العربية
بالمتوسط نفس الشئ
بأولى ثانوي راح تزيد المواد العلمية نوعا ما لأنك قاعد تتأسس فيها من الصفر على عكس مواد الدين و العربي اللي أنت متأسس فيها من الإبتدائي
بثاني وثالث ثانوي خلاص أنت تختار تخصصك و مسارك
تبي تتعمق في علوم الدين أدخل شرعي و إذا تبي و الله تدرس العلوم الطبيعية حياك بالعلمي
و لا تنسى أنك ما راح تدخل علمي إلا بعد ما تأسست تأسيس كامل في دينك و عرفت كيف تعبد الله في جميع أمور حياتك و أيضا راح تاخذ جرعات خفيفة من المواد الدينية
و لا يمكن أنهم يدرسونك مواد علمية و مواد دينية و مواد عربية بكثافة لأن الإنسان له قدرة معينة ما يقدر يزيد عنها
و إذا أنت و الله تبي تكون إنسان مميز و تجمع بين العلم الشرعي و العلم الطبيعي و تطبق قوله تعالى { رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً }
بإمكانك أنك تطلب العلم الشرعي خارج المدرسة في المحاضرات و حضور الدورات العلمية و كذلك قراءة الكتب الدينية
و بالتوفيق لك بدراستك ..
 | إقتباس |  | | |  |
الرسالة الأصلية كتبت بواسطة مقطوع راسي |  | | | | | | | | | أتحداك تحصل كلمة " جهاد " بأي كتاب من كتب الدين
لكن أحاديث عن الجهاد ، اللي يعتبره العلماء سادس أركان الدين مع الإستطاعة ، ما تحص له ريحه موب موضوع ،،  | |  | |  | |
لا تتكلم فيما لا تعلم
هناك موضوع كامل في مادة الحديث و الثقافة الإسلامية في الصف الثالث أو الثاني ثانوي - ما أذكر بالضبط - يتكلم عن الجهاد في سبيل الله و أحكامه و شروطه بالتفصيل
| | إقتباس | | | | | |
الرسالة الأصلية كتبت بواسطة مقطوع راسي | | | | |
بوجودك ..!
الوضع العادي
