|
اوصلو هذا الكلام لوزارة التربيه والتعليم كلام واقعي وقوي ||صورة معبره|| بسم الله الرحمن الرحيم لن اطيل في المقدمات ولاكن لايوجد طالب او طالبه يتعلم في السعوديه الا وكان القرأن اساسه الاول واحاديث النبي اساسه الثاني والقران مربيه الاول اي ان كل مسلم ومسلمه يسير على نهج القرأن الكريم وعلى نهج نبينا صلى الله عليه وسلم اذا سأأتيكم بدعاء كان يردده النبي حدثنا أبو بكر بن أبي شيبة حدثنا أبو خالد الأحمر عن ابن عجلان عن سعيد بن أبي سعيد عن أبي هريرة قال كان من دعاء النبي صلى الله عليه وسلم اللهم إني أعوذ بك من علم لا ينفع ومن دعاء لا يسمع ومن قلب لا يخشع ومن نفس لا تشبع الدعاء ليس كاملا لاننا نعرفه ولأننا ننرده في دعواتنا وننرده في رمضان كل يوم وهو دعاء لايوجد امام مسجد الا ويقوله في ادعية رمضان في كلا الادعيه ولاكن قلت رمضان لأننا ننردها معه المغزا من هذا الكلام مالفائده من هاذه الارقام والمسائل التي بدئنا وللاسف نهتم لها اكثر من مواد الدين في المدارس http://www.7ammil.com/index.php/file...1f3a9feb95.jpg سيأتي البعض ويقول نستفيد منها مستقبلا اعطيني شيء نستفيد منه مستقبلا هي من ضمن الهندسه صحيح ولاكن؟؟ اذا كنت سأعمل معلم دين لمذا يتعبونني بهاذه الاشياء من الممكن ان نستفيد منها في الهندسه وهذا ليس عذرا بأن تجعلها وزارة التربيه والتعليم اهم من الدين بحيث اننا ندرسها كل يوم ومواد الدين في الاسبوع حصه او حصتين افهموني لمذا وغير ذالك مواد العلم والدين يتساهل بها معضم المعلمين وهاذه الماده يجب ان تصل لمعدل مافوق الخمسين جعلونا نهتم لها اكثر من مواد ديننا كأنهم يقولون بالعاميه||مشوه بالدين بس هالماده اضغطو عليه|| وليست مجرد مادة الرياضيات ايضا الكيمياء والفيزياء لم اكتب هذا لكلام الا من حرقة قلبي موضوع للنقاش ولتبادل الاراء والاختلاف لايفسد للود قضية نقطه اضفتها بعد ماشفت الردود مركزين عليها انا نبهت عليها بس ماتعمقت فيها بخصون ان الواحد يستفيد من هالاشياء اذا تخصص مواد علميه بسسس إقتباس:
|
اولا مشكور اخوي ع حرصك على الدين وهذا شي تشكر عليه حرصنا على الدين مو معناته اننا نتجاهل العلوم الثانيه لا ... لكن العلم الاساسي هو الدين ولا احد يختلف عليه لكن علوم الهندسه والطب ..الخ شي مهم بالحياة والانسان بكل انواع العلم يخدم دينه وبلده و اذا حرص عليها مو معناته اهمل جانب الدين اما مسألة ليش ندرس نظريات فيتاغورس والشلة الحبيبه اخوياه <<متعقد :razz: فيا حبيبي هذا سؤال كان مطلع قرون عندي لكن يقولون انه هذا اشياء اساسيه لكل طالب لازم يدرسها وبعد الثانوية كل واحد يروح للي يبي ويتخصص :yes: تشكراتي التسبيرهـ لك :smilie47: |
إقتباس:
العفو حبيبي |
طيب انت اخذتهآ من جهه وحده تقول انا بتخصص دين ويتعمقوا بالمواد العلميه اوكي طيب انا بتخصص ماده علميه هل اتجنب مواد الدين ؟؟ شوف تعليم مواد الدين عندنا حلو يعطيك المفيد لك بالحياه بس لو تخصص دين راح تتعمق اكثر |
إقتباس:
وفي شي يمكن ماقريته انت اداراة المدارس تتساهل بنجاح ورسوب مواد الدين والمواد العلميه لا ليش وخوي لو جينا من الاساس المفروض مو اولى ثنوي الواحد يتخصص لانو مع معقول ادوخ نفسي ب16 ماده وبالاخير ابتخصص ماده وحده من 15 نقول 5 مواد مهمه بالدنيا طيب 10 يطير فيها الهوا |
مفروض يلغى في الثانوي تقسيم شرعي وطبيعي بشرط ان يتم التعليم بشكل صحيح وش يمنع يكون مهندس ومتدين او طبيب ومتدين كل هؤلاء بحاجة للعلم الشرعي المناسب و للعلوم الدنيوية التي تستقيم بها حياتنا ومعاشنا ! يعني البلد امتلأت مدرسي دين ولغة عربية ليه ؟ لأنهم ذهبوا للأبسط ( كما يعتقدون ) وفرّطوا في علوم اخرى تنفع المجتمع ولا تنافي الدين المشكلة في التعليم ليست معادلة رياضية صعب عليك حلها لأنك ما ذاكرت !! المشكلة تربية واحترام للمدرس والمدرسة والمجتمع المشكلة شباب صايع ضايع لا طال دنيا ولا طال دين ! ومشكور على حرصك لكن العلم مطلب |
كلاَم جميل منك .. لكن ان اهملوا المواد العلمية بـ رأيك هل سـ ينجح احد !؟ .. مواد الدين و لـ الاسف حصصهاَ قليلة :yes: .. يعني المفترض زياَاَدة الدواَاَم الى 2 و زياَدة حصص الدين .. و الاَن فييه استسهاَل لـ جميع المواَاَد حتى ان بعض الطلاب نسىَ كلمة رسووب :d يعطيك اَاَاَاَاَاَاَاَلف عاَاَفية عَ الطرح :rose::rose::rose::rose::ba1: |
إقتباس:
|
إقتباس:
|
ليش ما يزيدون حصص الدين بدون ما يقللوون حصص المواد العلميه |
وعليكم السلام ورحمة الله وبركاتة هالمسائل عن التحليل المركب هالمادة أخذناها بتخصص الرياضيات تشرق بك وتغربك اعداد تخيليه هههه لحس مخ ولا تهون مادة حلقات وحقووول وسلام مربع للمعادلات التفاضليه ههه اخوي الغاااالي بكل بساطة احمد ربك ان لكل فرع من فروع مناهج الدين له حصة والا ربع تطوير المناهج يبون يطلعون لنا مادة اسمها دين وبالكثير يعطونها حصتين بالاسبوع اخوي جب كتاب توحيد عام 1416 من مناهج الثانوي وشف نفس الكتاب حق السنة هذي وشف كم موضوع حذف منه اخووي مناهج الدين عندنا وعلى كلام ربع أوباما انها هي اللي تخرج ارهابيين وعلى هذا الاساس تم عدة تعديلات على مناهج الدين وكذلك تقليل عدد حصصها اخوي الغالي الدولة حطت كذالك المعهد العلمي معهد خاص فقط بالدين واللغة العربية يعني الطالب اللي يبي يتخصص بالشريعة واللغة العربية يخشه بعد المتوسطه ولا راح يشوف رياضيات او اي مادة علميه اما بالنسبة للمواد العلميه الطالب مو مجبر على دراستها لان بالثاانوي يحدد التخصص اللي يعجبه والمفروض يتخصص الطالب من المرحلة المتوسطة يعني له حشوو فكري وتعب وهم وبالاخير يختار تخصص 60 بالمية من اللي درسه مايستفيد منه في هذا التخصص تحياتي |
إقتباس:
ولا من الاساس شو دخل امريكا بمناهجنا الا ان الوضع معروف ومنفضح بس ماودي اتكلم |
المواد العلمية اللي تدرس بالثانوي تكون تأسيسية ،، حتى لو تبي تخصص زرآعة ، هاذي شيء أساسي ،، اليابان ما تقدمت إلا لأن مستوى التعليم التأسيسي عندهم عآلي ،، مدرس الرياضيات عندهم أفهم من مدرس الكيمياء بالكيمياء عندنا ،، أصلاً التعليم عندنا رآيح فيها من دون أقتراحاتكم ، الإختبار النهائي ورقتين ، والكتب ما تنزل من السيارة :s5s: <~ أتكلم عن المدارس الأهلية .. والرسول صلى الله عليه وسلم قال : (( من سلك طريقاً يلتمس فيه علماً سهل الله له به طريقاً إلا الجنة )) ما حدد عليه الصلاة والسلام أي نوع من العلم ،، :yes: بالعكس المفروض يمنعون الآلة الحآسبة (زي ما كان) بالثانوي ،، المرحلة الثانوية هدفها تخرج طلاب عندهم علم يؤهلهم لجميع المجالات بغض النظر عن المجال اللي ينشدونه ،، ... شعب أحمق :yes: إقتباس:
بخصوص هالنقطة :s5s: أتحداك تحصل كلمة " جهاد " بأي كتاب من كتب الدين :s5s: كتاب الحديث يصل للخمسين حديث ، حتى موضوع حيض المرأة جابوه ،، :s5s: لكن أحاديث عن الجهاد ، اللي يعتبره العلماء سادس أركان الدين مع الإستطاعة ، ما تحص له ريحه موب موضوع ،، :cry: أمة مسيّرة لا مخيرة .. |
اخوي ليش اكون ذكي , اذا ما بتعلم ؟ |
حبيبي من قالك ما تستفيد من الرياضيات ؟ الرياضيات ما تستفيد منها بأي تخصص إلا تخصص الرياضيات :s2: لكن تستفيد منها بحياتك لأنها تطور و تنمي مهارة التفكير عندك و دايما أكثر شئ تفكر فيه هو الرياضيات و يمكن تقعد عشر دقايق بس تفكر وشلون تحل مسألة و هالشئ يساعدك على التفكير بشكل أكبر بأي شئ بحياتك خارج الرياضيات و الدراسة عموما لا تحط ببالك أنك تدرس رياضيات عشان تخصص أبداً أما بالنسبة للفيزياء و الكيمياء و الأحياء هذي مواد تخصصية ما تدرسها إلا بأولى ثانوي بشكل مبسط عشان تتعرف على هالمواد وش هي و طريقة دراستها بعد كذا حسيت أنها ما تناسبك أدخل شرعي و تخصص بالمجال اللي تبيه من العلوم الشرعية و الدينية لكن إذا حبيتها و شفت أنها تناسبك تخصص فيها و أدرس سنتين دراسة مكثفة لهالمواد بعد ما تخلص هالسنتين ( ثاني و ثالث ثانوي ) بتكون قدرت تحدد ميولك و رغبتك و تخصصك من خلال دراستك هالمواد و لو أنك ما درستها يمكن ما راح تعرف و أنا واحد من الناس اللي كنت مسوي نفسي أعشق الأحياء :s2: لكن بعد ما درستها عفتها عالآخر و هجيت للهندسة :smilie47: هذي من ناحية الفايدة أما بالنسبة لكلامك عن الدراسة المكثفة للمواد العلمية على حساب الشرعية خلنا ناخذها حبة حبة بالإبتدائي تقريبا متساوية المواد العلمية مع الشرعية و العربية بالمتوسط نفس الشئ بأولى ثانوي راح تزيد المواد العلمية نوعا ما لأنك قاعد تتأسس فيها من الصفر على عكس مواد الدين و العربي اللي أنت متأسس فيها من الإبتدائي بثاني وثالث ثانوي خلاص أنت تختار تخصصك و مسارك تبي تتعمق في علوم الدين أدخل شرعي و إذا تبي و الله تدرس العلوم الطبيعية حياك بالعلمي و لا تنسى أنك ما راح تدخل علمي إلا بعد ما تأسست تأسيس كامل في دينك و عرفت كيف تعبد الله في جميع أمور حياتك و أيضا راح تاخذ جرعات خفيفة من المواد الدينية و لا يمكن أنهم يدرسونك مواد علمية و مواد دينية و مواد عربية بكثافة لأن الإنسان له قدرة معينة ما يقدر يزيد عنها و إذا أنت و الله تبي تكون إنسان مميز و تجمع بين العلم الشرعي و العلم الطبيعي و تطبق قوله تعالى { رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً } بإمكانك أنك تطلب العلم الشرعي خارج المدرسة في المحاضرات و حضور الدورات العلمية و كذلك قراءة الكتب الدينية و بالتوفيق لك بدراستك ..:rose: إقتباس:
لا تتكلم فيما لا تعلم هناك موضوع كامل في مادة الحديث و الثقافة الإسلامية في الصف الثالث أو الثاني ثانوي - ما أذكر بالضبط - يتكلم عن الجهاد في سبيل الله و أحكامه و شروطه بالتفصيل إقتباس:
|
| الوقت المعتمد في المنتدى بتوقيت جرينتش +3.
الوقت الان » 08:39 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd