مجلــــة ام ميتـو (2) - نادي الهلال السعودي - شبكة الزعيم

ام متعب التميمي · #1 02/05/2011, 04:37 AM

بسم الله الرحمن الرحيم

السلام عليكم ورحمة الله وبركاته

كــلمة صاحبة المجله ..........

مرحبــــــا بكم احبتي جميعــــا.... اخجل من نفسي حين اقول انكم وحشتوني
فأنتم مازلتم بمكانكم وانا من غاب عنكم

لذلك .......فأنا المقصره لا انتم .....اعشقكم ليس ملحا فيكم

ولكن لانكم من عشاق الزعيم

هاأنا عدت مرتن اخرى لأقوم بادراج العدد الثاني من المجله ..لان عيب عدد واحد وتوقف كان ماهنا ارباح فلازم اعلمكم ان ارباحي كثيره يكفي العدد الاول جاب 47 رد

العدد هذا بأذن الله دبل ردود<<<يجيب الله مطر

انتهت كلمتي

افـــــــــــــراح وتهاني

*نبارك للجميع بحصول الزعيم على بطولتين بفتره قصيره وال52 بطوله واللهم زد وبارك

*نبارك لمشجعين ريال مدريد الكاس المدعوس

مشجعين برشلونه روحو موتو

*نبارك لجميع الاعضاء كل خبر مفرح صار لهم لاني غبت فتره ومدري وش المستجدات

من زمـــــــــــان

كثير منا زار الجنادريه

وشاف كيف كان الزمن قديما
السراحه كل منطقه تتميز بحاجات حلوه
اهل المدنيه بعد عمري هم ومنطقتهم

شي حلو مرا
اهل حايل

شي فنتاستك
اهل مكه

اكثر شي حبيته الرقص والطرب
اهل الشرقيه

النظام مشاءالله حتى فالجنادريه منظمين

وماننسا بالليل يبدا السربته وقلب قلب وين وين

<<عرق البحرين يشتغل عندهم
اهل الجنوب

ابغا افهم شلون رجال وكرشته كنها جبل احد ويرقص رقص من وين له عضلات

اهل الجوف

لسني احب الربابه وهالحكي فمشيت من عندكم بسرعه

اهل القصيم

<<مجامله

هنا انبسط ابوي وقسم لو ارتفع السكر ولا الكلسترول اني لاارفع فيكم قضيه والسبب هالمملوحه

رغم كرهي لها الله يديم النعمه .......لكن الي بالتوفي شي هبااااااااال خاصه اذا حميتها بالمايكرويف لمده 15ثانيه تروح في خرايطها

اخبـــــــار مأساويه

*يقال انا كحيلان مصاب بمرض السرطان

شفانا الله وأياه وابعد عنا جميعا الامراض

*يقال ان محمد عبده من بعد الجنادريه مهب بخير ومازال يتعالج الله يلبسه الصحه ويجعل ماجاه تكفير ذنوب

*يقال ان الايرانيين متوعدين السعوديين

الله يستر ع لاعبينا ويكفينا شرهم والله يرد كيدهم بنحورهم

قصــــــائد وخواطر

يحز في قلبي سواة المساكين ### اللي ورا سود العبي مستذله
حشا ماهو نقاص(ن) بالرجال الشريفين ### لكن حال اليوم خله على الله
مطارد(ن) من سوق الى سوق الى وين ### والفم يظحك والهدب ممسفهله
بعض الشباب يفز لا شاف بنتين ### يفز كما ريح(ن) أخذ ورد فله
ترضاه في أختك ولا بزوجك ولا بنتين ### مردود لك فعل(ن) ومردود كله
بناتنا وأخواتنا وأزواجنا طهرة الطين ### من تلمس أقدامهن رطبه وبله
وين الرجال اللي على الطيب رابين ### على على حموس الكيف شربه وزله
على خيار الهرج مجلس ميامين ### ماهو على سمج الحكي والمذله
مجلس(ن) مشراه ماهو بألفين ### مجلاس يشرى بجلسته من تجله
ربع(ن) على العسرة كبار الفزوعين ### خلايلي والشخص بأخلاق خله
والختم صلى الله على سيد النبيين ### اللي ابان الحق صغره وجله

عجــــــــائب وغرائب

يقولكم ان الملكه أليزابث ماعزمت ميشيل اوباما لعرس ولد ولدها

والسبب ان ميشيل انسانه ماتعرف تقدر وانها مرتن تعامل اليزابث وكانها عجوز
وأليز ماتبي احد يكبرها

الصدق قالو انه بسبب هالحركه

وان اليز محد يلمسها نهائيا حتى عيالها اذا سيرو عليها يرسلون بوسه الراس على ورقه

عاد انا كني شفت ميشيل حاضره بس متخفره عشان محد يعرفها

مطبـــــــــخ اليوم

حلى سهل ولذيذ
1-شعيريه باكستانيه تحمس مع ربع زبده
2- نجيب كيسين اوريو الي في الواحد4حبات ونفضيه من الحشوه بعدين نطحنه
ناخذ البسكوت المطحون ونخلطه مع الشعيريه
مع 1علبه نستله الكبيره
نرصه في صينيه
3-ونذوب 5جالكسي ساده ونصبه فوقه ونحطه بالفريزر لمده ساعه عقب بالثلاجه

ومتى جا في بالكم تاكلونه كلوه
لاتخلونه يطول بالثلاجه هم يخيس

ان مابغيتوه علموني واجي اخذه

ابتســـــــــــــــامه

واحد يصيد طيور ؟ سالوه ليش لابس بجامه ؟ قال علشان الطيور تحسبني نايم

مــــــوضه وازياء

بعد رؤيه فستــــــــان كيت زوجة الامير وليام والنظر لزواج الاميره ديانا
اتضح لنا .........ان اللبس الساتر الطويل ذو الاكمام
لبس ملكي

فلنكن جميعا ملوك ولنرضي الرب جلا وعلا

خـــــــاتمة العدد....

ربـــــــي

قربنــي أليـــــــك

.....فما خاب من اختار قربـــــــــك

سي يــــــو سون
ام متعب التميمي

fahoody20 · #2 02/05/2011, 05:30 AM

يا هلا والله بجدتي خخخخخخ أقصد أم ميتوو
Welcome Back
منوّرة المنتدى ,, إلا تعالي جدتي ما أخبرها تسهر ,, حدها تصلي العشاء وتنام خخخخخ وانت ماشاء الله سهرانة..خخخ

والله يبارك فيك ,, سواءً للهلال أو للريال وعقبال البطولات القاريّة..

وبالنسبة للجنادرية ,, تصدقين ما عمري شفتها ,, دايم تصادف أوقات إختبارات ,, أهلي كلهم يروحون لها إلا أنا أجلس أذاكر,,
يالله إن شاء أروحلها مع المدام ,, خخخخخ..

والله يشفي فيصل بن تركي ومحمد عبده إن شاءالله..
والله يرجع بعثات الأندية السعودية سالمين غانمين يارب العالمين..

وصحححح لسانك عـ القصيدة..

أما بالنسبة للإزابيث وعدم دعوتها لميشيل .. يقوّلك يا طويلة العمر إن ميشيل قبل أربع سنيين أو خمس زوّجت ولد أخوها ولا عزمت الملكة الزابيث ,, والملكة ما نستها وحابة تردها لها,, سوالف ربعنا خخخخخخخخخخ

أما بالنسبة لحلاك يارب لك الحمد كله بسكوتات ,, أحسن حلى بسبوسة أمة الله يحفظهل لنا إن شاء الله..

وإن شاء الله الردود تتجاوز المئة رد ويصل صدى المجلة لجميع أنحاء المعمورة,,

وتقبلي مروري .,.,.,

wilhelmsson33 · #3 02/05/2011, 05:44 AM

صراحه مأدري اعلق على ايش موضوعك كل شيء فيه بطل
احس اني قاعد بمجلس واتسمع سوالف من احد اعرفه
المهم مشكورة على الموضوع
والي محليه طرحك المميز عوافي

الزعيم سام6 · #4 02/05/2011, 06:33 AM

يآهلآ والله بالغايبين المفقودين .. عسى الماآإنع خير إن شاء الله ..

إقتباس

*نبارك للجميع بحصول الزعيم على بطولتين بفتره قصيره وال52 بطوله واللهم زد وبارك

آلله يبآرك فيك يآإرب وفي أيآإمك وعقبال البطولة 53 بإذن الله ..

إقتباس

رغم كرهي لها الله يديم النعمه .......لكن الي بالتوفي شي هبااااااااال خاصه اذا حميتها بالمايكرويف لمده 15ثانيه تروح في خرايطها

ومن مآيحب هالكليجة يالبيييييييييييييه .. خاصة اذا جت حارة وخفيف مره مهب يابسة تكسر الضروس

إقتباس

اخبـــــــار مأساويه
*يقال انا كحيلان مصاب بمرض السرطانشفانا الله وأياه وابعد عنا جميعا الامراض

*يقال ان محمد عبده من بعد الجنادريه مهب بخير ومازال يتعالج الله يلبسه الصحه ويجعل ماجاه تكفير ذنوب

اللهم امين ويشفي جميع مرضى المسلمين يارب

بصراحة يـ آم متعب ماقصرتي ماشاء الله عليك ..
غطيتي جميع احداث الاسبوع بموضوع واحد ..
جعل ربي لآيحرمنا من هالطلة المتميزة ..
واتمنى منك المزيد من الابداع (بصراحة مجلتك روعه وخصوصآإ أول مره آطٌلع عليهآآ)

لآهنتي أم ميتو

مـوت ومـيـلآد ! · #5 02/05/2011, 07:35 AM

وينس انتي وينس وينس وينس

؟ <<---

جد والله وينتس غايبه عن الشبكه لا حس ولا خبر

, من كم يوم مرسله لهلاليه عالبي مسن
اسأل عنك

, بس شكلهآ مآقرت الرسسآله

!
,
طيب دقايق وراجعه

!

قرقاص · #6 02/05/2011, 08:21 AM

هلا وغلا بأم متعب

من زمان عن مواضيعك او مشاركاتك عسى المانع خير

مدري هل لتحذير الدفاع المدني أمس عن الغبار علاقة بعودتك

إقتباس


	نبارك للجميع بحصول الزعيم على بطولتين بفتره قصيره وال52 بطوله واللهم زد وبارك نبارك لمشجعين ريال مدريد الكاس المدعوس مشجعين برشلونه روحو موتو

الزعيم ماشاء الله مالحقنا نتلقى التبريكات بالبطولة 51 الا ورزقنا الله بالبطولة 52

والمدريديين حدهم الكاس ! لكن الدوري برشلوني

بالأضافة الى دوري البطال الريال سيكون طريق البرشاوية للنهائي

إقتباس


	وان اليز محد يلمسها نهائيا حتى عيالها اذا سيرو عليها يرسلون بوسه الراس على ورقه عاد انا كني شفت ميشيل حاضره بس متخفره عشان محد يعرفها

الله من شوفة النفس في هالعجوز

بس عليها مزاج غريب ! لابسة ليموني وش تحس فيه

إقتباس


	قحطاني سألوه وش الزيت الي تستخدمه لسيارتك ........قال دهن عود

قوية هذي

إقتباس


	بعد رؤيه فستــــــــان كيت زوجة الامير وليام والنظر لزواج الاميره ديانا اتضح لنا .........ان اللبس الساتر الطويل ذو الاكمام لبس ملكي

ياحليلهم هم وعرسهم

اعجبتني بساطتهم ياحظ رجالهم !!

ماشفت ولا وحدة لابسة ذهب ولا الماس من هالطقوم اللي وزنها 5كيلو مثل اللي نشوفها في محلات الذهب عندنا

خاتم بسيط وتعليقة يازين البساطة والله يديم الرخص

وينك يالزعيم · #7 02/05/2011, 10:54 AM

إقتباس


	*نبارك للجميع بحصول الزعيم على بطولتين بفتره قصيره وال52 بطوله واللهم زد وبارك

الله يبارك بعمرك إن شآء الله

إقتباس


	*نبارك لمشجعين ريال مدريد الكاس المدعوس مشجعين برشلونه روحو موتو

إقتباس


	*نبارك لجميع الاعضاء كل خبر مفرح صار لهم لاني غبت فتره ومدري وش المستجدات

آحلى عوده إن شآء الله

..

تعليقك على الجنآدريه يضحك

بالنسبة للكليجآ < تهبببببببببببببببببببببببببل

..
تحيآتي ام ميتو

هلالي سديراوي1 · #8 02/05/2011, 11:45 AM

يالبى حلى الفحم

.......................................

**الـــــــــواوا** · #9 02/05/2011, 01:24 PM

حيا الله ام متعب , يعني لوما فيه عدد للمجله
ماجيتي المجلس .. الله لا يشغلنا الا بطاعته.

بصرآحه عدد هذا الشهر لايقارن بـ آول إصدار
وابشرك من الان 230زائر وهه ان صكت 10 ردود زيين.

إقتباس


	مــــــوضه وازياء بعد رؤيه فستــــــــان كيت زوجة الامير وليام والنظر لزواج الاميره ديانا اتضح لنا .........ان اللبس الساتر الطويل ذو الاكمام لبس ملكي فلنكن جميعا ملوك ولنرضي الرب جلا وعلا

ياليت والله كل بناتنا ملوك بس الفشخره لها دورها

ام متعب شكرا على هالعدد المتواضع

تحياتي

HILALYA ]~ · #10 02/05/2011, 02:13 PM

.................

انا وشسمه ض1 ..
،،،

يالله حي هالطله ض1,, ما بغيتي ذذذ ؟!

إقتباس


	*نبارك لمشجعين ريال مدريد الكاس المدعوس مشجعين برشلونه روحو موتو

كويس طلع منك شي ض1ض1ض1 ..

إقتباس


	عجــــــــائب وغرائب

هههههههههههههههههههههههههههههههههههههههههههه وقسم يوم سمعت الخبر قلت وين عسى ماشر ذذذ !!
عاد بعذرها ملكتنا

ما تشتهي الوشسمهم ض1ض1ض1 ..

إقتباس


	ان اللبس الساتر الطويل ذو الاكمام لبس ملكي

اعجبتني الجمله اللي الناس طايحين فيها ..
الستر للملوك ,, والعري لما دون ذلك ..

اليك شكرا ام ميتو اد الكون ق1 ض1ض1..

حروف الغلا · #11 02/05/2011, 02:50 PM

حيا الله ام متعب

من طول الغيبة جاب المجلة

لك وحشة يا سيدتي الجميلة

عسى المانع خير

و لاتعليق ع المجلة

دايما جديد في جديد

الله يسعدك و يحفظك من كل سؤء

الهآووي · #12 02/05/2011, 03:10 PM

يــ أم ميتو يعني ما ترجعين الا عشان المجلة

وعآآد حنا القصمان مشهورين بالكليجة >>> فديتهآ

بسس صرآحة رحمت الزبت تحسب نفسهآ شآبة ههههههههه

ههههههههه حقت القحطاني حلوة

عآد لاتحرمينآ من مجلة ام ميتو (3)

FINAL10 · #13 02/05/2011, 03:38 PM

إقتباس


	كثير منا زار الجنادريه وشاف كيف كان الزمن قديما السراحه كل منطقه تتميز بحاجات حلوه

السراحه السراحه

مآش الجنآدريه ما عجبتني / من يوم ماشفت فيه ردح رجال وحريم
وانا قلت يارب لا تخفس بنا : (

||

إقتباس


	*يقال ان الايرانيين متوعدين السعوديين الله يستر ع لاعبينا ويكفينا شرهم والله يرد كيدهم بنحورهم

سيناتور هلالي · #14 02/05/2011, 05:13 PM

مساء الخيرات أم ميتو ..

ي شيخة والله انك رهيبة ومجلتك أرررررهب ..

قعدت أتصفحها وانا مبسوووووووط لأنها مجلة متعوب عليها (( وش رايك حسيتني قاعد أتصفح صحيفة التايمز ..ض1

بس مجلتك أطلق لاتشيلين هم ..ض1

تدرين وش أعجبني في مجلتك؟!! احس أخبارها جدا جدا مهمة..

بس ليش ميشيل أوباما ماجت؟!! بيني وبينك أحس العرس ماله طعم من دون رئيس الولايات المتحدة وعقيلته(( حسيت ان تخصصي لغه عربية ض1

الله يسعد قليبك ياخالتي.

شكرررررررا