فوضى الجنادريه !! - نادي الهلال السعودي - شبكة الزعيم

الخـالدي · #1 01/05/2011, 08:26 AM

الجنادريه وما ادراك ما الجنادريه<< بالله

شفت اشياء والله تحزن بالنفس من مغازلات وقله حيا صايره:cry
زود عن هذا , التنظيم الغبي جداااا

بكل اختصار

الوالده حطيناها بقسم النشاط النسائي مشينا انا وولد خالتي لقسم اليابان
انا عمري 16 وولد خالتي18

المهم طبعا تعرفون كيف طريقه طابورهم الملفلف الي يجيب الصداع

انتظرنا من قبل اذان المغرب الين مابعد الصلاه وحنا صافين طابور

اشوف ولد خالتي قداااااااام بالطابور سابقني(( مساقط

))

لقينا ناس يكرشونهم اذا جو يدخلون

., بحجه مامعهم اهل
انا انبلشت امي في قسم النشاط النسائي ولاقدر اخلي الطابور واروح اجيبها
ولد خالتي اشوفه قاعد يكلم بنات حوله
قاعد يقولهم دخلوني معكم
فوافقوا البنات

انا قلت فكره حلوه
رحت للبنت الي جمبي قلت يمديك تدخليني ! كرشتني على وجهي قالت لاذي امانه
اروح للبنت الي وراي يمديك تدخليني !!! قالت ماتسحي على وجهك ومن هالكلام
والله اني قمطت قلت خلني ساكت بدال مايفهمون السالفه غلط ويحسبوني اغازل

في الاخير ولد خالتي دخل بفزعه بنات مايعرفهم ولايعرفونه

وانا مالقيت بنت تعطيني وجه وتدخلني معها فما قدرت ادخل

بس الحمدالله جبت امي وصفينا طابور مره ثانيه وقعدنا نص ساعه الين دخلنا

صراحه نظام غبي لازم اهلك معك اذا تبي تدخل القسم الياباني
يعني مايبيلها جبلك بنت وقلها دخليني
عاد اذا انت مزيون بتوافق البنت

((والله اني مزيون بس مادري ليه البنات كرشوني)

)

والطامه الكبرى وشي!

بعض البنات الله يهديهم تلقاهم قاعدات برا وتعطيهم فلوس وهم عاد يدخلونك للجنادريه
واعرف كم واحد شافهم وسواها ,, يعني الى متى وحنا بهالتخلف

اعتذر على ترتيب الموضوع البايخ لانه كنت كاتبه سريع سريع
مع ان المهرجان انتهى بخيره وشره والموضوع متاخر بسب الضروف القاهره

والسلام خير ختام

the king yasser · #2 01/05/2011, 10:50 AM

تقولي مزيون اجل

يبوي الجنادريه ماصارت تراث زي اول

مسخره + مسخره والله

ازين شي فيها السامري

والله ياجاك تنكس

عقآرب · #3 01/05/2011, 11:05 AM

من جد صدقت كلها مغآزلات في مغازلات .. مسخره في مسخره
مايقهرني الا اللي مسوين حقين البنات ماخلو بنات خلق الله في حالهم ..
ياخي شيء يقهرر كل شوي هوشه طفشونااا قسم بالله

الله يهديهم شبابنا فاهمين الدموقراطيه غلط ههههههههههه

لا وتعال شف كل شوي حاله ولادهـ واجهاض , يعني كل هذا حب في التراث ولا ايش ؟

الزبده نحتاج تنظيم وشيء يفتح النفس وعقول فاهمه ولا مانبي جنادريه <~ قدح الولد

يسلمؤ على الموضوع حبيب قلبي

جوريـے الهلاليـﮧ · #4 01/05/2011, 11:12 AM

بنات وشباب هالـأيـآم حدث ولـآحرج

(إلآمن رحم ربـــي

)

والله وانا اختك مارحت لمهرجانهم بس سمعت انه حلو ... وزحمه

واهم شيء شفت القسسسسم الياباني

ي لبيييه

شكرآ لك

,’

عاشق المسجد · #5 01/05/2011, 11:13 AM

""يلومني فالهيئه""
ايه هذا الي ينتظره الاعلام
يبون انواع التخلف والله
الله يكنس كل اعلامي فكره خبيث

مواصل من يومين · #6 01/05/2011, 11:22 AM

آخر مره رحت فيها الجنادريه قبل 7 سنوات في رحله يوم كنت بثاني ثانوي

يازين ذيك الأيام بس

الخـالدي · #7 01/05/2011, 01:09 PM

استكمالا لموضوعي

هذا موضوع الاخ ابو عزام

(( مالذي يحدث في الجنادرية ....فيديو مخيف !! رحــماكـ يا رب ))

مالذي يحدث في الجنادرية ....فيديو مخيف !! رحــماكـ يا رب

لاتعليق صراحه

الله يرحمنا برحمته

الزعيم سام6 · #8 01/05/2011, 05:13 PM

إقتباس


	بعض البنات الله يهديهم تلقاهم قاعدات برا وتعطيهم فلوس وهم عاد يدخلونك للجنادريه واعرف كم واحد شافهم وسواها ,, يعني الى متى وحنا بهالتخلف

مهب بفلوس لا وربي ببلاش يدخلونك بعد ..!!

الحمدلله ع نعمة العقل بس ...!!

بدال مايكون فيه تراث حآطين رقص وجنون ونقص عقول ..!

الله يعين ويصبرنا ع السنوات القادمة ..!!

ღ دحوم الهلالي ღ · #9 02/05/2011, 01:40 AM

الله يهدي زكرت السعوديه

فاهمين الدعوه غلط مخربينها بكل شي

ولآهنت يٌ المزيوون

باسكن روبنز · #10 02/05/2011, 03:04 PM

يا شين الجنآدرية

من بعد روحتي الاولى والاخيرة بإذن الله

توبة أروح لها

فوضى وزحمة وتحرش ومغازل وهواش

وايليه · #11 02/05/2011, 05:42 PM

والله صايره بلااااااوي بالجنادرية ... و القناة السعودية مطلعتها احلى السنوات
اشوى انها انتهت على كذا ...

الخـالدي · #12 03/05/2011, 09:24 PM

مــشـــكورين عالمرور

دمتم>

alfayhaa Sport · #13 04/05/2011, 08:11 PM

احلى شى فى الجنادرية .. الملحق اليابانى ..
المفروض فى الجنادرية ..
وجود رجال الهيئة ..
دخول الملحق للشعب وليس فقط للعوائل .. نبغى دخول الجنادرية للشعب .. للعزاب وللمتزوج وللعوائل
لكن عقول المسؤوليين لدينا .. مغلقة
اتشرف انى اتواجد فى القسم اليابانى بس ..
من غير يابانى .. اصلا من زينها

ع ـبود الودعاني · #14 08/05/2011, 05:40 PM

والله زرتها والله فوضى في فوضى

الخـالدي · #15 18/05/2011, 09:43 PM

مشكورين عالمرور

......