سلام الله عليكم ورحمته وبركاته .

الاجواء في الرياض تعطي الواحد شعور انه في سنتياغو ماشاء الله مطر وغبار وغيوم وحر
المهم امس وقفت الموتر في موقف ما دايم اوقف فيه .. وجاني هندي دايم اشوفه اذا وقفت بذاك الموقف
وقالي غسل سيارة ؟ قلت له مافي مشكله غسل بس انا في ابغى غسيل كويس ميه ميه جوه بره انت شيل مفتاح ؟
قال لا انا في قبل انتا في غسيل 2 سيارة انا خلاص بعدين في شيل مفتاح انا معلوم انت تأخير كتير >> مراقبني الاخ

المهم ابو الشباب لا جاء اخذ مني المفتاح ولا حاجة لكني يوم طلعت لقيت مساحات السيارة مرفوعه
>> هذي علامة التغسيل عند ابو هنود
ولقيت السيارة مغبرة من ساسها الى راسها غبار بن لذينا !! والدينا مطر وغبار

عاد الحين مدري بكره اذا شفته وقال وين 10 ريال وش اقوله
والا وش رايكم اسحب على ذاك الموقف من ساسه >> اوم القعاطه

بعد هذي المقدمة العصماء والقضية البلهاء ودي اطرح قضية لها فتره وهي تشل تفكيري وتؤنب ضميري !
الا وهي ان حياتنا اصبحت بزنس أند بزنس صرنا لا نتكلم الا بالغة المال ولا نتفاهم الا بالنسب ولا نؤمن الا بالارقام !
ماعاد هنا لغة للحب ولا لغة للوفاء ولا لغة للصداقة !!
كل شيء صار بمقابل !! اعزمني اعزمك .. دق علي ادق عليك .. وصلني اوصلك .. سلفني اسلفك .. حبني احبك
يعني جلست افكر ادور شي بالدنيا اقدر اقول انه ماله مقابل مالقيت !!
صار الواحد قبل ما يطلب شي من احد لازم يفكر كم بيدفع له مقابل هالشيء !

قبل سنوات واحد من الاصدقاء كان عنده جوال ايام الجوال جوال وخربت سيارته فظطر يرجع مع واحد من خوياه
يقولي لو أرجع بالموزين اصرف !! قلت له ليش ؟
قال من يوم ما اركب مع خويي يقول عطني جوالك وخذ اتصالات لين يوصلني بيتنا >>>اوم التحليل
وقيمة مكالمته اكثر من قيمة الليموزين لو وصلني

الحين عندي سؤال للاعضاء والعضوات فقط >> ليه في غيرهم
ابي احد يدبر لي شي بالدنيا تقدر تاخده بدون مقابل ؟

حتى يطمئن قلبي .

شكرا لكم .

اتوقع زي ما قالت حروفف الغلآ

إقتباس النـــووووووووووووم

ي لبى يا شييخ احلى شي بالحياة ومن غير مقابل ومافيه احد يقدر يقولك سلفني نومك اسلفك نومي ض1 ض1

يععطيك العافية

ههههه من جد رحمتك مآ آمداك غاسل السيارة الى وجآء غبار


ويا عزيزي مو كل شيء ببفلوس والدليل :

ها قلب لك مجانا

إقتباس الرسالة الأصلية كتبت بواسطة حروف الغلا النـــووووووووووووم مدامك نايم محد بيطلبك فلوس لي عودة اذا تذكرت شي

صادزة موب يقول الشاعر ما فاز الا النوم

شكرا حروف الغلا ردك ومشاركتك .

إقتباس الرسالة الأصلية كتبت بواسطة **الـــــــــواوا** عاد سالفة المساحات حاجه ثانيه , ياهم نصابين نصب هالبنقاله بس الحق لله أحسهم الوحيدين اللي يعرفون كيف يطلعون القرش تحصله غسال بكرا يبيع دخان ,يبيع افلام للمراهقين +16 كل أبوو ششي مايجيبون الا المصايب هذووول ((الا وهي ان حياتنا اصبحت بزنس أند بزنس صرنا لا نتكلم الا بالغة المال ولا نتفاهم الا بالنسب ولا نؤمن الا بالارقام ! ماعاد هنا لغة للحب ولا لغة للوفاء ولا لغة للصداقة !!)) يا آخي أسمحلي سيماهم في وجيههم , من البدايه انا ليش أماشي شخص غير مخلص .... الحمد لله ربي رزقني بشخص أنا وياه سمن على عسل أكثر من 9 سنوات, جيبي هو جيبه وماتفرقنا دراهم .

ايه البنقله يدورن القرش باللي هي به ما عندهم مشكلة يسون اي شي
بس ترى بعض الاحيان تنصدم بالناس !

الله يخلي لك خويك ولا يحرمكم من بعض .
شكرا لك اخوي حرف الواو
تحاتي لك.

إقتباس الرسالة الأصلية كتبت بواسطة بطلة مساء الخير ,, عاش من شافك كوكو اما سالفة خويك خخخخخخخخخ ينرحم وانصحك تروح نفس الموقف بس متنكر ** ** ** نجي لـ الفلوس , ليه في اهم منها ؟ اما شي بدون مقابل لا مافي , حتى الشراب المقطوع ينفع تغسل فيه سيارتك ** ** ** الجد / موجود الصداقة والحب وكل شي كويس بس على خفيف شكر لك بطلة

منوره بطله واخبارك اشتقنا لمواضيعك الحلوه
وابشرك امس رحت نفس الموقف ولقيت الهندي والصدق احرجني ما جاب سالفة للموضوع
لذلك انا فاتحته وقلت له بعطيك العشرة بعدين >> بيخليه يغسل السيارة مره ثانيه

وان شاء الله يكون الحب فيه وانا غلطان وشكرا لك ردك ومشاركتك .