" ولكـم بَآك ي َ النصر ياسر جَاك + جمهَور الهِلال الكَبير " - نادي الهلال السعودي - شبكة الزعيم

هلاليه كايدتهم · #1 23/04/2011, 03:43 PM

.
.
.
.
السـلام عليكم ورحمة الله وبركاته

أولاً ابارك لجميع الهلاليين ضمان التأهل للدور الثاني

وثانياً ابارك لجميع المدريدين بالكأس الغاليه وهاردلك لبرشلونه واهم شي السلام على
صاحب السمو خوان كارلوس

الحمدلله بأخر المباريات وضحت صورة وهيبة بطل غابت كثيير والأسباب تعددت وتوسعت
ياسر القحطاني بهدفين الجزيره وروحه العاليه رجع بعض مستواه ولو ان طريقة الاهداف
عاديه الا انها تحسب للنجم ياسر , انا مابي اكون من المطبلين مثل مايقولون لكن من باب
اعطاء كل مبدع هلالي حقه , روح الهلال عادت مرتين وهذا مطلب للحصول على الكأس الغاليه
كأس اسيا , بمباراة الاتِفاق قلبت النتيجه وبروح عاليه وبمباراة الجزيره قلبت النتيجه وبروح
عاليه , يوم الأحد يلتقي الهلال بغريمه التقليدي نادي النصر ضمن دوري زين للمحترفين والكل
يعرف ان المباراة هذي تتوج الهلال لان الفارق بين الثاني نادي الاتِحاد 9 نقاط ولو فاز الهلال
يمكن يتوسع الى 12 وحتى لو فاز الاتِحاد بيكون الفارق 9 نقاط ويتبقى 3 مباريات عاديه
ومجرد تحصيل حاصل وبكِذا يكون الهلال حسم الدوري قبل 3 جولات واخذ الكأس للمره الثانيه
على التوالي وال13 بتاريخه الكبير , بالتووفيق لهِلالنا يارب

جماهير الهِلال الوفيه والكبيره دائماً تدعم الهلال وبكل مكان يذهب الهلال اليه يجد جمهور كبير
ومحب وعاشق للهلال , واقولها وبكل فخر انها لحظه كبير ان ترى اصوات عاليه
وتشجيع مستمر بأرض الخصم وكلها هلاليييه !

الجماهير الهلاليه لاتحتاج الى دعوه لكن مادري ليه بالرياض يكون الحضور قليل ونتمنى
يكون الحضور أكبر وتشجيع افضل ومستمر

بعد ايقاف رادوي تفاعل الجمهور بتكرار أسم رادوي بالدقيقه 8 لرفع معنوياته بعد الايقاف
الي جاه من لجنتين والي اثر على رادوي نفسياً
جماهير الهلال تردد رادوي

وبمباراة الجزيره بالذهاب رددت الجماهير الهلاليه كلمه يحبها لي يونغ بس بصراحه
ماعرف شنو هي ومعناها

دورت لها مقطع مالقيته بس اتوقع الكل سمعه

وبعد عودة ياسر المبدئيه نتمنى من الجماهير الهلاليه رفع معنويات الكابتن ياسر القحطاني
بأهازيج , وتراني وانا افكر وافكر طلعت جمله حلوه لياسر

[ ولكم باك , يالنصر ياسر جاك

] لاتنسون قولوها بالدقيقه 20

طبعاً اللحن اخوي الصغير يلحنه بس اهم شي نرفع من معنوياته

ملاحظه : كنت بقول الاهزوجه واسجلها لكم بصوتي بس خفت ماحد يرددها الا حماده

بـالتوووفيق لهِلالنا يـارب

وان شاء الله يتوج الهلال يوم الأحد بالدوري

ملاحظه مهمه /
هذآ الموضوع لصآحبه ( مدريدي منذ مبطي )
ولعدم توفر يوزر خاص له في هذا المنتدى سمح لي بنقله

أتمنى ماتنسون ترددون العباره لياسر

ولكم باك ي النصر ياسر جاك
ولكم باك ي النصر ياسر جاك

1ابو ابراهيم · #2 23/04/2011, 07:44 PM

شكرا لك

بالتوفيق للزعيم و نجومه و اتمنى يركزون كثيرا

و كل مباراة هي نهائية

ђăMǿǿdў · #3 23/04/2011, 07:56 PM

شكرا لك على الاهزوجه وان شاء الله يرددها جمهورنا الغآلي ..
يعطيك العافيه

::

طمووحي · #4 23/04/2011, 08:01 PM

لــك الشـكر الجزييل

واتمنى ان ياسر يصكهم بهاتريك ويلي هدف وقاهرهم هدف اتوقع بينجلطوون لو تصيير

يااااارب وفق زعيييمنا و نكرر الخمسه ياااااااااااارب

ادوماتو · #5 23/04/2011, 08:06 PM

شكرا على الموضوع الرائع والافكار المميزة
يستاااهل ياسر التشجيع ليقدم اكثر واكثر

وان شاء الله الجمهور بيبقوا الفكررررررره ,,

ابو مـالــكـ الهلالي · #6 23/04/2011, 08:13 PM

ولكم باك ي النصر ياسر جاك ..

حلوووووووووووووه كثيررررررر

باسل القناص · #7 23/04/2011, 08:34 PM

شكرا لك على الاهزوجه وان شاء الله يرددها جمهورنا الغآلي ..
يعطيك العافيه

كرون فليكس · #8 23/04/2011, 09:05 PM

يعطيك العافيه تسلم يمينك .

تركي الهديب · #9 23/04/2011, 09:07 PM

الاهم:
احترام الفريق الجار رغم انه فنيا اقل من الهلال
لكن دائما قوتم وحماسهم فقط في هذه المباراة
لتسجيل انجازات ناريخية لهم

فائق احترامي

monster · #10 23/04/2011, 09:10 PM

الدعم والمؤازرة والتشجيع بعد توفيق الله تعالى
هي كل ما يتمناه ويحتاجة ياسر وكتيبته
فالله نسأل أن يوفق الهلال ويكتب له الفوز عالنصر
تحياتي واحتراماتي

كدبــووري · #11 23/04/2011, 09:59 PM

كثرت آلآهآزيــج ، والمهزوم وآحد < آلفقـر هع
يعطيك العافيه على النقل

اْلسلمي · #12 23/04/2011, 10:17 PM

بـ اذن آلله التتويج في أول نص سآعــه

تحيآتي لك ..!

واحد من جمهور الزعيم · #13 23/04/2011, 10:23 PM

على فكرة : ياسر سجل على النصر 11 هدف ( 8 مع الهلال و 3 مع القادسية )
و يتبقي له هدف واحد ويعادل رقم خالد قهوجي (12 هدف) و هدفين ليكون اكثر لاعب في التاريخ سجل في مرمى النصر

فهل تفعلها يا ياسر و تواصل تخصصك .؟