أنحسسسم الدوري أو مانحسم صآقعينك يانصر ( الله لايعوق بشر ) ! - نادي الهلال السعودي - شبكة الزعيم

زعيم 2022 · #1 23/04/2011, 02:57 AM

الهلال vs النصر

!

الهلال والنصر او النصر والهلال حسبما يرى محبي الفريقين تعتبر مباراة من عالم أخر كيف لا والصحف والقنوات الرياضيه والجماهير في كل ارض وقهوه

يتحدثون عن المباراه قبل ان تبدأ بشهور ويستمر الحديث عن المباراه شهور أخرى وما يؤخر الهلال عن تتويجه ببطوله الدوري إلا الوقت فالمنطق يقول فريق مانهزم في 21 جوله بينهزم في كسرة المباريات الجايه

الكوره مجنونه ولا يمكن توقع أي شي عشان كذا نبي الـ 4 نقاط وأنتهينا - النصر دايم(ن) مايقمط أمام الهلال

هو فيه أحد مايقمط منه هههههههههه

مدوخينا بالعالميه وهي مانكبهم الا هي والمصيبه إنهم يستشهدون فيها في كل محفل والله يخلي الوليد بن بدر ولايهونون باقي الاعضاء اللي عطوهم بالترشيح

مبارتنا القادمه الهلال بحاجة إلى ( عدم إحترام الخصم

)
وأنا أضمن لكم مصخرته بفارق كبير وهذي المشكله .. صدقوني لو الهلال مايحترم النصر ويخش وحاط في راسه انه يصك النصر سبعه صفر والله ان يصكه ثمانيه وتسعين صفر لكن مشكلة الهلال يحترم النصرررر .. ليه ما ادري

النصر ماعاد مثل اول اعتزل ماجد وراح محيسن وفهد الهريفي وخالد الدحيدح اللي كان يسبب لنا رعب كهلاليين ومات النصر بعد وفاة الرمز الله يرحمه

يعني خلاص ماعاد فيه نصر ماعاد فيه الا ريان بلال حرامي السيارات بحي الدخل المحدود .. ليه الاحترااام ياهلال .. خش والعب كنك تلعب مع نادي الفتح .. وش الفتح ..؟ قسم بالله الفتح اقوى منهم وهذي الحقيقه وعلى النصر تقبلها بروح رياضيه

..!

لا والله زعيمنا بحاجة أن يكون كما هو ( بدون أي فلسفه )
والنصر إن أراد مجارتنا في اللعب فوجهة نظري أن يلعب بنفس تكتيكه أمام الأهلي أحياناً تجيني قناعه مخيسه إن الفريق اللي يهايط يأكلها

والديربيات مالها مقياس ومبارة النصر والهلال في السنوات الأخيره صارت كبيره في حضورها الجمهوري

( طبعاً جمهور الهلال بس ) !

وكبيره في مستواها ولا تتحمل أي نوع من التوقع الا ان النصر خاسر خاسر لكن كم مايندرى

وعلى طاري مالها مقياس الموسم اللي راح يوم انهزم النصر 2-1 بس ..! مع ان النصر كان في أدنى مستوياته والهلال في أحسن مستوياته

بغض النظر عن نقاط الحسم الرابح الاكبر في المباره النصراويه

لانهم اذا انهزموا ان شاءالله

فهي دائماً متعوده

واذا فازوا لاسمح الله فهم بيشغلون العالم كأنهم فايزين على تشلسسي

بالنسبه لعناصر الهلال

مافيه مقارنه بينهم وبين النصر

النصر ماعندهم الا سعد الحارثي ويطبلون له والذابح والذابح خلوه رامبو منطقة الثمانطعش

وهو مافي راسه كوره

لكن الهلال عناصره من حارس المرمى للهجوم كلهم مميزين ومبدعين وان شاء الله بيلعبون بنفس الروح والثقه اللي عودونا عليها هالموسم وينهزم النصر هزيمه على اثرها يتوقف نشاطه كنادي وينقلب نشاطه التجاري الى بيع كفرات وبطاريات هههههه

والمباراه باذن الله هلاليه

النصر يفقد عناصر مميزه وكنت اتمنى مايفقدهم ( فيغا - المطوع )
عشان مايكون للنصر حجه لإن مستوى النصر مستوى فاشل فيهم والا بدونهم .. وحرام انه يقارن بالهلال والاتحاد .. يعني فريق مثل النصر طالع كنه نادي غزه حق فلسطين

" انقسامات واحزاب وتصويت "
كيف تبيه يقدم مستويات حلوه .. بينما الهلال يعيش احلى فترات الموسم لإنه مقدم مستويات جيّده بل ممتازه ولنا في الصداؤه وكأس ولي العهد الدليل القاطع

والفريق الهلالي يعتبر النصر فريق مثله مثل اي فريق آخر من فرق متوسط الدوري السعودي الطائي ونجران والحزم

وهذا ليس سبب كافي لفوز الزعيم

فالزعيم سبق وأن خسر من نجران

لذلك نقول المباراه هلاليه ان شاء الله وان حدث شئ غير هذا فهو مفاجاءه كرويه

ياسر هالسنه ما سجل بالنصر على غرار عادته كل عام

بعد أهداف المفاتيح

وأهداف الكعب

ماهو طريقة هدف ياسر الجديد ( تهقون بالمؤخره

) ؟

تصدقون يدور في بالي - ماتفرق معي لو ننهزم بس ودي نفوز ونقهر غبيران فيصل بن تركي

يقولون جايه مغص ( أنا قايله خفف من العلوك اللي تأكلها هههه

) ولاسمع كلآمي - ابو الي مانفذ الا 20 بالميه

ويلي .. نبي مثل هالحركات

ويلهامس9ون · #2 23/04/2011, 03:58 AM

ههههههههههههههههههههههه
يالبى جمهوووووور الهلال واحد واحد

..

الله يسعدك على هالموووضووع

..

وش رايكم نخلي الملعب فل !!؟؟

مرعب الخصوووم20 · #3 23/04/2011, 04:12 AM

الله يعطيك الف عافية علي هال موضوع

ماقصرت يالغالي

baido · #4 23/04/2011, 04:19 AM

مهما كان اخوي لازم نحترم الخصم وفي عالم الكوره مافي مستحيل يمكن يفوز النصر علينا وبنتيجه كبيره بعد عشان كذا لاتستهين فيه

وان شاء الله يفوز الهلال بس عندي احساس ان بيصير شيء الله يستر