السلام عليكم ورحمة الله وبركاته

والصلاة والسلام على سيدنا محمد الامين واله وصحبه اجمعين ومن تبعهم باحسان الى يوم الدين


رساله موجهه الى من يعرف نفسه .. الى كل من تكلم عن صليب رادوي

رادوي له الان بالسعوديه اكثر من 3 سنوات

ويلهالمسون تقريبا له نفس المده

لي يونق له سنتين تقريبا

هل تعتقد يامن تحدثت عن صليب رادوي انه من الممكن انهم فكروا بالاسلام وبعد اللي حصل من كلام عن صليب رادوي غيروا رأيهم ؟؟؟؟

لايمكن ان هالسنين اللي عاشوها بالسعوديه مااثرت فيهم ولو بشيء بسيط او على الاقل خلتهم يفكرون بالقراءه عن الاسلام والتفكير في الصلاه خصوصا اذا شافوا اللعيبه يصلون اكيد يفكرون ليه يسوون كذا وكيف يسوونه

لكن ياخساره بعد المعامله والاشاعات اللي يسمعون المسلمين يطلعونها عنهم اكيد راح يعتبرونه دين يحث على الكذب واختلاق الامور

ويكرهون الاسلام اكثر واكثر

لكن ماقول الا باذن اللي ماتنام عينه اذا كان واحد من هالثلاثه فكروا بالاسلام وتركوه وكرهوه بسبة اي انسان راح يكون ذنبه برقبته

حسبي الله ونعم الوكيل

نحن في زمن نتمنى اننا نشوف مسلمين جدد .. نتمنى اللي عندنا يروحون يوصفون الاسلام باحسن الاوصاف

لكن ياخساره يامن فاتك اجر اسلام اي مخالف لنا بسبب الكوره

حسبنا الله ونعم الوكيل ولا حول ولا قوة الا بالله

اللهم لاتؤاخذنا بما فعله السفهاء منا يارب العالمين


نقطة اخيره :

اللهم اني اشهد ان لا اله الا انت سبحانك اني كنت من الظالمين .. اللهم اني اسالك بكل اسم هو لك سميت به نفسك او انزلته في كتابك او علمته احدا من خلقك او استأثرت به في علم الغيب عندك .. ان تشرح صدر رادوي وويلهالمسون ولي يونق بيو للاسلام وكل اللاعبين الغير مسلمين في موطن الوحي انك ولي ذلك والقادر عليه

امين