بسم الله الرحمن الرحيم

السلام عليكم ورحمه الله وبركاته ....

يقولون من قديم الوقت من سافر مصيره يعود !!!

وانا سافرت مع التعليم ولا ادري متى راجعه !!!

اليوم جتني رساله على جوالي مبروك تم نقلك .. مسحتها كسرعه البرق لان مثلها مثل بقيه الرسائل السخيفه اللي تروجع لبعض الخدمات ..

بعد مامسحتها وقفت شوي اسأل نفسي كأن السالفه بها كلمه نقل !! يعني وزارتنا طول عمري احبها بس هي طول عمرها ماحبتني رحت احوس بالمنتديات وعلى عيوني النوم ولا لقيت اي كلمه تدل على نقل هالسنه طلع .. وجلست ادعي على من ارسل هالرساله بأنواع الدعاوي لانه علقني بقشه .. مع ان الرساله من موقع وليس شخص ...

دخلت على الموقع وحصلت اني فعلا نقلت اكثر من خمس سنين اطمح اني انقل قريب لمدينتي وكل سنه تطلع بوجهي كلمه قبيحه ومن زود التعذيب يكتبونها بالاحمر ( لم يتم نقلك )ونصحوني اغير النقل علشان امكانيه يجي نقل لان ترتيبي بالنقل بأرقام فلكيه اكثر من 150 يعني اتقاعد او اموت .. وفعلا سجلت مدينه اخرى يمكن اقرب ولان فيها اقارب ونقلت لها وهي تبعد 500 كلم عن مدينتي مدري عاد عن شعوري الحوسه مدري افرح علشان طلعت لي كلمه ( مبروك تم نقلك ) او اتضايق علشان مانقلت لمدينتي

مبرووووك للمنقولين والمنقولات وهارد لك لغير المنقولين وغير المنقولات .. ونص مبروك لمن جاهم نقل لمدينه ليست اول اختيارهم

موقع الوزارة والتواصل الاكتروني .. استعلام النقل الخارجي

اضغط

وزارة التربية والتعليم

دخلوا السجل المدني وبيطلع الاسم بالقبول او الرفض .. لكن توقعوا وهيأوا انفسكم انه مارح يجي نقل علشان ماحد يتحطم ..
مثلي مثل ثاني سنه احسب بنقل او بيكون دوري بالطعش طلع فلكي وحطمني

بالتوفيق للمعلمين وللمعلمات لانهن اولى واحق واحوج


يا كثر شوقي وأنا عنك بعيد
في ديار ما بها ذوق بلاك
لو ذكرتك راحت أفكاري تعيد
تذكر أيامي وأوقاتي معاك
لو قست الأيام والحظ العنيد
ما نسيتك يا بعد هذا وذاك
كيف أنسى دام حبك بالوريد
وكل نبضة تنبض تقول" الله معاك

يابعد رأسي أنت وكل معلم قضى عمره بين تعاميم ومابين رد النقل هاته ,,,
ياأخي أنا ولله الحمد منذ ثماني سنوات
وأنا أجوب قارتنا السعودية ضربت في جدارها الجنوبي ( شرورة )
ومن ثم حدها الشمال شرقي ( حفر الباطن )
ثم رموني طريح الفراش مضرجًا بزحمة الرياض
إلى أن وقبل سنتين رأفوا بحالي وقربوني إلى المجمعة وأصبحت 150 عن الأهل
وأنا حاليًا أتردد من هناكـ وهذا العام لم يحصل لي نقل ,,
ولكن الحمد لله على كل حال , وألف مبروكـ لكـ ولجميع المنقولين ,
أسأل الله أن ييسر أمورهم ويسعدهم فيما آتاهم .

إقتباس يا كثر شوقي وأنا عنك بعيد في ديار ما بها ذوق بلاك لو ذكرتك راحت أفكاري تعيد تذكر أيامي وأوقاتي معاك لو قست الأيام والحظ العنيد ما نسيتك يا بعد هذا وذاك كيف أنسى دام حبك بالوريد وكل نبضة تنبض تقول" الله معاك

راقت لي الأبيات كثيرًا

إقتباس الرسالة الأصلية كتبت بواسطة هلالي من راسي لاقدام مبروك نص النقل على الاقل اللي موضف اهون من اللي 4 سنوات يتمنى التوظيف ولا فيه امل يتوظف هههههههههههههههه عموما الله يكتب اللي فيه الخير

حياك
الله يبارك فيك ويرزقك الوظيفه ان شاءالله
مافي شيء بالدنيا مافيه امل إلا النقل بالعكس ان شاءالله بتتوظف والخير جاي ان شاءالله
نورت اخوي

إقتباس الرسالة الأصلية كتبت بواسطة ســـــ SMN2002 ـليمان وعليكم السلام ورحمة الله وبركاتة اولا الف الف مبرررووووك نص النقل وان شاءالله السنة الجااااايه جنب بيتكم ووزارة التربية والتعليم كاااااا عاااادتهاااااااا العنوووااااان كبير ولكن المضمووون عكسه يقووولوون نقلنااااااا المعلمين وهم في الحقيقة نقلوا المعلم من مدينة الى مدينة اخرى في نفس منطقة الادارة والا النقل الحقيقي وهو بين ادارات التعليم تلقى العدد محدوود جدا والله السفر طااااااااااااااااااااااااااااااال ومع وزارتناااااا مااااافيه امل للعوودة السنة هذي الارقاااااام زادت عكست السنوووات اللي مضت كنااااا نسلي انفسناااااا كل مااااا قلت الارقااااااام بس هاااااالسنة تحطيييييييييييييييييييييم يعني على الاقل يبى لناااااااا كثر اللي مضى علشاااااان نعوووود اذا فعلا فيه عووودة الله يخليهاااااا لك ويحفظهاااااا وحنااااااا وش نبي من النقل غير قرب اغلى الحبااااايب واعز الناااااس والا الحمدلله كل امورنااااااا تماااااااام بس بعدناااااا عن الام هوو اللي ذبحناااااا تحيااااااتي

حياك اخوي
الله يبارك فيك ويرزقك النقل عاجلا بأذن الله ..
قرار سنه التقديم احس انه اكبر اجحاف بحق المعلمين والمعلمات ..
صديقتي مقدمه للجبيل ودورها قبل سنتين 16 والسنه الماضيه 60 ؟؟؟؟
الجبيل كانت ضمن ادارات الشرقيه ثم فصلوها وجعلوها ادارة لوحدها وعلى هالاساس بيتغير
ترتيب الرغبات الزامي وبتفقد المعلمه سنه التقديم رغما عنها لانها بتدخل رغبات جديده بما ان الادارات تختلف .. يعني خطأ من الوزارة والمعلمه تدفع الثمن ..
واضح انه قرار تعجيزي ولتصعيب النقل على المعلمين والمعلمات
اخوي لازم تعرف ليش الارقام زادت اتذكر لما كان منتدى الوزارة مفتوح كان فيه تظلم من المعلمين والمعلمات وكان فيه مسؤول يرد عليهم ..لكن وقتها مااقتنعت بأجاباته لازم تعرف ليش زادت لازم ..ارفع تظلم اخوي اذا من زمان مقدم على نفس المنطقه ولا تغير الرقم الا هالسنه مالم تفقد سنه التقديم لاتسكت ابد ..شف وين الخلل ..
طبيعي انك ماتنقل او يتأخر نقلك لكن الغير طبيعي ان الاقام تزيد ؟؟؟؟؟؟

الله يجزاك خير على الدعوة والله يخليلك الوالده ويقر عينها بنقلك بجنبها ..
خليها تسير عليكم هناك اسبوع اسبوعين دام اهلك معك .. امي احيانا تسافرمعي حتى بعز الشتاء
لاني مااقدر ابعد عنها .. لكنها تعبت شوي وايضا تعبت من السفريات وماصارت تروح معي وكرهت ذيك الديرة وتقول عنها سجن مو ديرة
ماالومها مدينه ستحيل العيش فيها اخرتها قالتلي افصلي تريحي وريحيني وريحي اخوانك
امي صبور وتتحمل بس طفح الكيل وهي ننتظر النقل وتشوف تعبي ولاتقدر تروح معي ولا اقدر اخليها

الله يسعدك اخوي ويفرح الوالده بنقلك عاجلا يارب

إقتباس الرسالة الأصلية كتبت بواسطة وايليه الف الف الف مبـــــروووووكـ .. نص النقل اريني باركتلك بالمنتدى ... لاني ما بركتلك ما تقبلنا من مباراة الهلال و الوحدة ايه ليه ما علمتيني معليك تبي تجيك الاخت اللي السنه هذي تخرج .... وبعدها حنا وخلاص كلنا نروح هناك يعني لازم تحرجيني <<< واثقه صح

الله يبارك فيك ومبروك فوز الريال
ليه احس انكم مستانسين اني ببعد عنكم يالخونه
بعدين ليش اعلم بشاره هي علشان ابشرك .. ماتشوفين اني متضايقه علشان النقل وانتم مستانسين وتباركون لي
امي تقول اضحكي ليش مكتمه والناس تبارك لك لاني هاوشت قوقو لما باركت لي كنت وقتها متضايقه مدري ليه يمكن كنت احلم انه لسكاكا
بعدين وش يضمن لي انكم صادقين وبتنقلون وراي !! يمكن بس علشان اطيع وانقل ثمن تهونون
شفتي نظام الكوبري اللي يسونه اللعيبه مع الانديه انا سويته مع الوزارة والحل الاخر على قوله صديقتي مافي حل إلا اننا نكرة الجوف واهل الجوف علشان مانحلم بالنقل لها

مو يقولون النار ماتحرك إلا رجل واطيها .. لذالك مافهم ان الابيات للوالده الا اخوي سليمان
مو الى متى؟؟ وايليه

نورتي يامدريديه والله من الفضاوة تابعن الريال والبرشا