إقتباس الرسالة الأصلية كتبت بواسطة الزعيم سام6 آلف آلف مبروك نص النقل , والله يوفقك يالغالي يارب اعجبتني كثيرا وطرحآ مميزآآ عافاك ربي

الله يبارك فيك اخوي

الله يوفقك الجميع ..

وتسلم على مرورك المميز

إقتباس الرسالة الأصلية كتبت بواسطة Blue Sun الف مبروووووووووك النقل , وشئ احسن من لاشئ .. الناس تسعي وتدور القرب من أهلها .. وواحد من اخوياي كان طالب نقل بعيد عن اهله , وسعى فيه حتى حصله .. صراحة الناس اشكال وانواع .. الله يحقق امنية كل شخص فيكم , ويجمع شملكم قريب ,, يعافيك ربي ,,

الله يبارك فيك .. صدقت شيء افضل من لا شيء

والحمد لله ولو انها ماكانت رغبتي ..لكن الحمد لله على كل حال ..

صديقك متزوج ؟؟ اذا متزوج تصير وسبق سمعت قصه مشابهه اما اذا مو متزوج غريبه صراحه !!!

اللهم امين ولايحرمك اجر هالدعوه ..

نورت اخوي

إقتباس الرسالة الأصلية كتبت بواسطة بلو كادي افا ماعاش من يشتمك يافتاة بلادي~>تبي ترقع ابد والله مالقيت كلمه تناسب لهالشي وترددت في كتابتها بس قلت ابد القلوب الطيبه وآجد ~>آسفه عالرد الثاني اللي كان للتوضيح فقط لــك وعشرين طعش منها بعد

ابد ولا يهمك والقلوب الطيبه واجد

خوذي راحتك ياعسل وعارفه قصدك من اول بس لازم نسوي اكشن

نورتي عشر طعش مره

إقتباس الرسالة الأصلية كتبت بواسطة الى متى؟؟ عاد انتي سافرتي وضعتي ورجعتي للمدينه الغلط خخخ بس يله انتم السابقون ونحن اللاحقون هع هع لك خمس سنين رايحه جايه حفرتي الطريق ولو نقلتي لديرتك السنه الجايه بتحفرين طريقنا,, واسكتي لايسمعك العشق الممنوع هع هذي اكيد اهداء لي السنه الجايه تهو تهو مبـــ >> هذي نص مبرووك لك عشان النقل ومبروك كامله للشنطه الجديده لــكـ

بالله هذا رد


ايـــه ضعت بس لاتستهزئي بطريقتي الاستراتيجيه ..
تراك بتتخرجين وماتدرين الوزارة وين بترميك
عاد تخيلي تمشين على خطاي بمحافظه بعيده عن اهلك ومن المحافظه كل يومين تقطعين 50كلم
لقريه تابعه لها ثم تزحفين شوي وتداومين لقريه اقرب بـ20 كلم ثم تدخلين المحافظه
ثم تنقلين مرة ثانيه وتسرين من سكاكا الساعه 3 الفجر ..
تذكرين بالصيفيه لما مجتمعين وانا مشيت الساعه 3الفجر من عندكم ماحسيتي ان ودك تبكين وقتها ..
ولا بالشتاء لما تقومين الساعه 4 الفجر علشان تسافرين والناس نايمه بالدفا
احس لو تجربين اللي جربته بتقلبين همستري فجأه لاعاد تتمسخرين

تصدقين بشتاق لذاك الطريق احس حتى الحجارة بتفقدني ..
ولا تحويلات وزارة المواصلات بفقدها تصدقين من تعينت وانا اشوفهم يحفرون ومن تحويله لتحويله حتى عدد التحويلات حفظتهم ولا المسجد اللي نصلي به والله اني بفتقدهم الله لايعيد ايامهم
بعدين خمس سنين حفرت الطريق رايحه جايه لأمي مو لسواد عيونك
والمفروض تحزنين مومستانسه يعني اول كل اربعاء عندكم واطول فترة ماجيت سكاكا كانت شهر ..
والسنه والجايه ماراح احفر الطريق كل اربعاء .. يمكن اجلس ست شهور مااجي سكاكا
ولا حتى اشم ريحه هواها

هاه عسى بكيتي بس

بعدين النقل طلع العصر وانتي ماباركتي الا الساعه 1 الصباح
وفوق هذا مبـــ .. بس والشبهه العشق الممنوع وشنطه جديده <<< وش السالفه
<<<< لك وللي عندك

إقتباس الرسالة الأصلية كتبت بواسطة hilalemooot . هذا انتم يا حقين التعليم هذا كثر اجازاتكم ومهنا أكثر من شكاويكم <-- تراني امزح الحمدلله على كل حال وشي احسن من لاشي .. 500 كيلو بعيدة بصراحة مابي احطمك .. بس تهون دامها قربتك شوي .. مدري ليه احس انهم يقدرون يحطون كل شخص بالمكان اللي يبي .. بس نحب التعقيد للأسف . الله يحقق اماني الجميع .. وبالتوفيق

حياك الله يا ممثلنا

وعلى البركه المطر امس

تذكر دعوتك بردك علي لما استضافك المجلس العام اكيد كانت مو من قلبك ولا كان نقلت بجنب بيتنا
بالنسبه لحقين التعليم محد معطينا حقوقنا ولا كان شفتنا اكثر موظفين الدوله هدوءَ
يعني لادرجات مستحقه ولانقل منظم .. وحده تعينت بعدي وتخصصها متوفر والسنه هذه بدومه
وانا قبلها وتخصصي مطلوب ولا احلم حتى بالاضارع او ابو نانسي سكاكا اقل مدينه على مستوى المملكه تطلب احتياج واقل مدينه بالمملكه يتم النقل لها

هو يمكن مو اقرب بمعنى اقرب يمكن نفس المسافه او فرق بسيط بس اقدر استقر فيها اكثر من المدينه السابقه ولان فيها اقارب لنا ومحافظه يمكن العيش فيها .. المدينه السابقة غير قابل العيش فيها وغربه بمعنى غربه وانا ياوحده مااعرف اسكن لحالي بدون سند او محرم واجازات اخواني وانتداباتهم خلصت وتشحططوا معي هم والوالده .. لكن الان اقدر استقر لحالي او انا والوالده بدون مابهذل اخواني معي احس اني سببت لهم ازمات نفسيه
لايطلعون هناك ولا يعرفون احد طول الوقت جالسين بالشقه حسيت انهم بدوء يكرهوني
ومن قالوا لي قدمي على ذي الديرة قلت ابشروا رغم اني ضحيت بسنه التقديم
ومن هناك قلت اقدم نقل لسكاكا واترك الوزارة على راحتهم لو ماينقلوني الا بعد 10 سنين.. على الاقل مااعرضهم لمخاطر الطريق كل اسبوع ولا اشحططهم معي وهناك اكون شبه مستقرة لين الله يفرجها
واساسا دوري عن الجوف اكثر من 150 ووحده رقمها 7 جلست اكثر من ست سنين تنتظر يعني احباط بأحباط

لاعادي حطمني وانا اختك اصلا ماعاد يأثر فيني

نورت اخوي الله يسعدك

:

إقتباس الرسالة الأصلية كتبت بواسطة دبــل كيــك ألـف مـبـرووك نـص الـنـقـل .. وبـمـشـيـئة الـلـه يـكـتـمـل ما تـتـمـنـااه الـسـنـة الـقـاادمـة .. يـالـلـه .. حـبـه حـبـه .. حتـى تـوصـل عـنـد الـبـيـت تـقـبـل تـحـيـاااتـي

حياك

الله يبارك فيك

ويسمع منك بأّذن الله .. الوزارة لازم نمشي معها ومع قراراتها بخطط معينه شبيهه بخطط جريتس ضد النصر

تسلم اخوي الله يسعدك

إقتباس الرسالة الأصلية كتبت بواسطة algohmani سنة التقديم رائعة وصدقيني أنها فكرة جابت رأس الشيبان اللي تطق برأسه ونقل على مكان ثم اللي بعدها يروح مكان ثاني وأحنا مكانك سر .. مقتنع تماماً بأن النظام الجديد أكثر رقياً وجمالاً من سابقه حتى في مسألة التقييم للمعدل الذي ألغى تجبر المشرفين وقلل من أهميتهم .. انا حاليا رقمي على عفيف 18 وبإذن الله راح أوصل لعفيف إن كان فيه إلحاقية أو في نقل للعام القادم وبيني وبينك تحطمت بخصوص وصولي لمكة تخيلي رقمي 457 على الزيما تقريبا وكل اللي نقلو على الزيما تسعة معلمين من كل التخصصات والمراحل ههههههه بحاول بجدة أفضل على الأقل عشر سنوات وأوصل لكن ماراح أعدل قبل أضمن وصولي لعفيف ومن هنا ك راح أسوي تكتيك جديد وراح أستقر هناك

انا اتفق معك بانه بينظم النقل اكثر والمتقدمين على النقل بيكونون اكثر حرص ودقه بأختبار رغباتهم ..
لكن طريقة ووقت تطبيق النظام غلط .. يعني المفروض يبلغ القرار والسنه التي تليها يطبق ..
انا كنت مرتبه رغباتي بشكل عكسي الابعد ثم الاقرب
على اساس القرى البعيده مايكون كثير النقل لهم واذا صار اختيارهم بتكون الرغبه الاخيرة
بينما انا الرغبه الاولى على اساس اقرب شوي

لكن بسبب القرار الذي لم نبلغ به اضطررت اعادت ترتيبها وفقدت افضلية السنوات الماضيه لاني بعدلها الان فقط وبحتفظ برقم جديد
ايضا تفاجأت انه ماتطلع لنا الا مدن ومحافظات محدده بمسافه محدده من المدينه الاساسيه
واللي كنت مختارتهم بالسابق استقلوا بأدارات لوحدهم .. يعني كذا كذا بفقد سنه التقديم القديمه .
اتذكر من عدلت سنه التقديم وكل ماجاء وقت التقديم اشيل همه واعيش بقلق نفسي واذا نمت اتحلم به اخاف تتغير السنه احس انها كنز ثمين ثمين جدا والوكيله مربوشه شوي الله يهديها مااثق فيها تعبي لنا بدون ماتقول لنا

ايضا ضم ادارات تعليميه لبعضها وفصل ادارات تعليميه اخرى عن بعضها ..
تسبب بتغير ادارات التعليم والرغبات المدونه اسفلها
ايش ذنب معلمه مقدمه على مدينه تابعه لمنطقه معينه ثم قامت الوزارة بفصل هذه المدينه
وضمها لادارة تعليميه اخرى والخيارات المنسدله بتختلف بتفقد المعلمه سنه التقديم رغما عنها والعام الماضي حدث لاكثر من زميله لي خاصه المقدمات على الشرقيه .. والغريب ازدياد الرقم زميلتي كانت 16 واصبحت 60بعد اختلاف الادارات ؟؟؟
ووحده من زميلاتي <<< ياكثر مشاكلنا
لها 11 سنه مقدمه نقل والسنه هذه غيرت رغبتها لانها تزوجت وعدلت الرغبه لمدينه زوجها وهي لأكثر من 11 سنه تنتظر ومع سنه تقديم جديده بتنتظر كثرهم
مدري احس يحتاج دقه اكثر مو قرار يظلم اكثر مما يطبق العدل ..

الله يعينك ويكتب لك النقل.. بالعكس ليش تحطم ماشاءالله المهم انك تقرب لو بشكل بسيط ودائما المدن الكبرى والقرى القريبه لها النقل لها صعب .. 457 انا 154 وفقدت الامل لان وحده نفس تخصصي وطالبه نفس مدينتي رقمها 7 ولها ست سنين مانقلت
علشان كذا انا استسلمت
لكن يبقى انتم يالمعلمين بالنقل ماشاءالله افضل ولكم حركه اللحاقيه لكن المعلمات مثل السنه الماضيه مالنا حركه اللحاقيه ؟؟؟
اذا جده فيه امكانيه اكبر تنقل لها من مكه قدم عليها قريبه ماشاءالله ..
الله يوفقك اخوي وان شاءالله من عفيف على الزيما على الشرائع

إقتباس الرسالة الأصلية كتبت بواسطة آخر طموحآتي احباط نعنبو ابليسكم كل اللي ردوا كل واحدن محلوت بجهه واللي يقول مافيه أمل أقرب واللي يقول يبي لي 15 سنه .. شوفوا لكم حل ياقمااعه , أنا مدري ابارك لك والا أعزيك وآخذ ع يدك اللي قالكم تصيرون مدرسين منهو ، لو انا مكان اللي يقول يبي لي 10 سنوات و15 سنه وهو مستمر ع الغربه وومكن زوجته وعياله بعيدين عنه ، اول شي بقدم تفريغ اكمل دراسه ، او اذا ماحصل اسحب عى السلك التعليمي وشف لك شي تكد فيه ع عيالك وادرس ماستر ودكتواره ب 4 سنوات بعد شد حيلك طبعا وتصير بأقرب كليه < ياشين الحتسي اللي ماله سنع بس ,, الله يعينكم بس ويوفقنا واياكم ويحقق لكم أمنيااتكم

اخر طموحاتي اني انقل لسكاكا

اسمك يبعث على التفاؤل على الرغم من حمله التحطيم اللي بردك <<< امزح امزح

القدر والحظ والنصيب جابنا على هالوظيفه بالنسبه لأقتراحك يمكن اجدى من انتظار النقل

اللهم امين ووياك والله يسعدك ..

نورت اخوي