27/01/2003, 04:09 PM
|
 | ادارة الموقع الرسمي لنادي الهلال | | تاريخ التسجيل: 23/08/2000 المكان: الرياض
مشاركات: 3,225
| |
|
لقاء شبكة الزعيم مع الأمير عبدالله بن مساعد في حفل التكريم
[c]
تغطية : محمد أبولما - منادي :
تجهيز وتحميل الصور وملفات الصوت : الاعصار
تفريغ اللقاء : ابومنار
يسرنا أن نقدم لكم لقاء شبكة الزعيم مع
صاحب السمو الملكي الأمير عبدالله بن مساعد
رئيس مجلس إدارة نادي الهلال  اضغط هنا للاستماع الى التصريح نرحب بصاحب السمو الملكي الأمير عبدالله بن مساعد رئيس نادي الهلال في هذا اليوم التاريخي لنادي الهلال وفي يوم حفل تكريم الأمير هذلول بن عبدالعزيز وبعض الشخصيات الهلالية ونبدأ معه بكلمة ..
أهلاً وسهلاً بشبكة الزعيم في نادي الهلال .. إن شاء الله هذا الحفل الأول وفي كل شهر يكون فيه حفل مثله ومبسوط اننا نستضيف اليوم ابناء النادي سواءاً الأمير هذلول بن عبدالعزيز أو رؤوساء النادي السابقين أو بعض أعضاء مجلس الإدارة السابقين واللاعبين .. والهلال معروف انه من الأندية الوفية دائماً مع ابناءه والحمدلله احنا مبسوطين بهذا الحفل .  كم سيكون عدد المكرمين اليوم ؟ خمسة إن شاء الله ..
الأمير هذلول بن عبدالعزيز , د.ابراهيم البابطين , عبدالله بخيت رحمة الله , سلطان مناحي , جمعية الأيتام .  هل سيكون حفل التكريم القادم تكريم لإعلاميين أم هل سيقتصر على من خدم النادي ؟
لا الفكرة الموجودة يمكن نطورها بالمستقبل لكن الفكرة ان الخمسة رئيس سابق , جهة خيرية , إداري سابق , لاعب كرة سابق , لاعب العاب مختلفة سابق .
نعود بالحديث عن الفريق الموجود الآن بقطر , هناك بعض الجماهير تتساءل لماذا لم يرافق رئيس النادي الفريق ؟ أول شي الأخ نائب الرئيس موجود هناك ولازم يكون عند الجماهير الهلالية ثقة في اعضاء مجلس الإدارة ولا نستطيع نفسر كل شيء لأنه تعرف فيه بعض الأشياء - ليس كل ما يعلم يقال - سواءاً بالنسبة لهذه أو الأمور الثانية فمفروض ان تكون الثقة موجودة بمجلس الإدارة ويكون عند الجمهور صبر ويعرف ان بعض الأمور لا تستطيع الإدارة تشرح أسبابها . بالنسبة لإعتذار الكابتن الكبير يوسف الثنيان .. تساءلت بعض الجماهير عن سرعة قبول إعتذاره ؟ الثنيان قال انه بيروح يشوف والدته .. فما اعتقد ان فيه شي في هالدنيا يخلينا نتردد اننا نقبل رغبة يوسف يكون مع والدته اللي هي أهم بالنسبة له من الهلال والرياضة والكرة كلها . صرحت بعد مباراة القادسية بأن سامي الجابر عنده إصابة .. البعض فسرها أنها مجاملة من الرئيس لسامي الجابر ؟ أول شي إذا جاملت سامي فإنه يستحق المجاملة لأنه في رأيي أعظم لاعب في تاريخ الهلال - الشي الثاني انه فعلاً سامي كان عنده إصابة يعني لا يمكن اقول حاجة غير صحيحة يعني تاكد الحين وفي المستقبل لا يمكن اقول شي غير صحيح .. سامي قبل المباراة بعشر دقائق وهو يشارك أو مايشارك لأن عنده تمزق خفيف .. ما كان فيه أي مجاملة . بالنسبة للاعبين الأجانب هل سنجد في الهلال لاعب عالمي في المستقبل القريب ؟ طبعاً انت عارف اسعار اللاعبين العالميين كبيرة .. وبهذه المناسبة ودي اوضح موضوع باتستوتا انتم في الشبكة كان مكتوب اننا عرضنا 2.5 مليون دولار لأربعة شهور أو خمسة وهذا غير صحيح .. إحنا عرضنا عليه 2.5 مليون دولار لسنة ونصف - 18 شهر - وما قبل العرض هذا يعني كان بيكلفنا الموسم هذا 700.000 دولار على اساس ان يكون للهلال فرصة بعد نهاية الموسم يقرر إذا كان بيدفع 1.800.000 دولار الباقية ويستمر باتستوتا أو نكتفي بالـ 700.000 دولار ويترك ,,, لكن ما كان عنده رغبة بسبب ظروف المنطقة الحالية , وبيقعد اربع شهور في ظروف المنطقة يمكن يكون فيها حرب .
قريب إن شاء الله اللاعب الثاني والثالث يكونون على مستوى كويس . طبعاً اللعب التشيلي خلاص ؟؟!! انا باقولك شي .. الحين وفي المستقبل واحد يعرض عليّ عرض يقول اجيب لك لاعب جرّبه ولا تدفع ولا ريال ... واللاعب بيكون مؤشراته انه جيد اكون ما سويت شي في مصلحة الهلال إذا رفضت ! الحين وفي المستقبل عندنا استعداد نجرب لاعبين إذا كانت مؤشراتهم الأولية جيدة وما يكلفون الهلال شي . والتعامل مع مؤسسة الأقطاب هل سيتواصل ؟ إن شاء الله .... وبالمناسبة هذه اشكر مؤسسة الأقطاب اللي عملنا معها اكثر من موضوع في الأيام اللي راحت منها أنها بتبتعث خمسة لاعبين تحت 19 سنة في الدورة اللي في سويسرا ويعسكرون لمدة شهرين ويلعبون مع اندية قوية مثل ريال مدريد ومانشستر وفلامنغو وايضاً بيننا تعاون بخصوص دعايات الفنايل في كاس آسيا وهم احد الشركات اللي مفاوضينها تتصل وتجيب عروض للهلال وكذلك اللاعب سالازار اللي جابوه وتكلفوا عليه تكاليف كبيرة وإذا ما اخذناه بتكون كل الخسارة على الأقطاب !
انا اشكرهم وادعو ان تكون اكثر من شركة كالأقطاب لتخدم الرياضة السعودية . في الختام نشكر الأمير عبدالله بن مساعد ونتمنى له التوفيق في مسيرته القادمة . الله يوفقكم .
[/c]
|
..
الوضع العادي
